Connect with us

تازه خبرونه

ترمپ د تنفسي ستونزو له کبله روغتون ته ولیږدول شو

Ariana News

خپور شوی

 په

(Last Updated On: October 3, 2020)

د امریکا ولسمشر دونالد ترمپ د جمعې پر ورځ ومنله، چې پر کرونا ویروس اخته او د تنفسي ستونزو له کبله په نظامي روغتون کې بستر شوی دی.

ترمپ د جمعې پر ماسپښین په داسې حال کې د سپینې ماڼۍ په شنه چمن کې د ولاړې مارین ون چورلکې پر لوري روان شو، چې ماسک او چپن یې پرغاړه ول؛ د واشنګتن شمالي لوري ته د پروت والتر رید ملي طبي مرکز پر لوري یې لنډ الوت تر سره کړ.

داکترانو ویلي، چې دونالد ترمپ ستړی؛ خو ښه روحیه لري.

تر دې دمه د ترمپ درملنه پر کوکتل او ریمدیسیویر انتي ویروس درملو روانه ده.

تجربو ښودلې چې ریمدیسیویر په اصل کې د ایبولا د درملنې لپاره رامنځته شوي درمل دي، چې کولی شي د نښو کچه راټیټه کړي.

د ولسمشر ترمب خانګړی داکتر شان کانالی ویلی؛ له دې ډېر خوښ او خوشحاله یم، چې د ولسمشر ترمپ روغتیایي حالت ښه دی.

د میرمن ترمپ میلانیا په ګډون هغو نورو، چې له ترمپ سره نږدې اړیکې درلودې؛ آزموینه یې مثبته ده.

په دوی کې هوپ هیکس هم شته، چې د ترمپ نږدې همکار دی او ویل کیږي نوموړی هغه کس دی، چې د کرونا نښې په کې لومړی په ډاګه شوي. دغه راز یې د کمپاین مشر بیل ستپین او د سپینې ماڼۍ پخوانی سلاکار کلیان کانوی هم شته.

ولسمشر ترمپ ویلي؛ زه فکر کوم، چې زه ښه یم؛ مونږ غواړو ډاډ ترلاسه کړو، چې هرڅه سم پرمخ ځي او لومړۍ میرمن هم  ښه ده. ډېره مننه.

ترمپ دمګړۍ ۷۴ کلن دی؛ خو ځان ښه احساسوي.

د سپینې ماڼۍ د اړیکو مشره آلیسا فرح ویلي، چې ولسمشر خپل مرستیال مایک پنس ته واک ن دی سپارلی  او اوس هم مسوول دی.

د امریکا د اساسي قانون له مخې؛ که د دونالد ترمپ وضعیت دومره خراب شي، چې هغه نشي دنده سمه تر سره کړي؛ نو د هغه واکونه به په لنډمهاله توګه د هغه مرستیال مایک پنس ته سپارل کیږي.

که داسې پېښه شي؛ نو مایک پینس، چې د کرونا آزموینه یې منفي ده؛ د ترمپ تر بېرته راستنیدو پورې به د لنډمهاله ولسمشر په دنده تر سره کوی.

تازه خبرونه

په هرات کې د طالبانو ۱۳۰کسیزه ډله د سولې له بهیر سره یو ځای شوه

Ariana News

خپور شوی

په

توسط

(Last Updated On: June 24, 2021)

د هرات سیمه ییزو چارواکو ویلي، چې د پنجشنبې پر ورځ د مولوي مردان پر مشرۍ د طالبانو یوه ۱۳۰ کسیزه ډله د ملي امنیت ریاست، ولایتي شورا او قومي مشرانو د هڅو پر بنسټ د حکومت د سولې له ملي پروګرام سره یوځای شول.

د هرات والي عبدالصبور قانع ویلي، دې ډلې د هرات د شینډنډ ولسوالۍ په اړوند سیمو کې پراخه هڅې لرلې او د سیمې ډېري کلي یې تر څارنې لاندې ول.

د هرات ځایی چارواکو دا هم په ډاګه کړې، چې دا ډله د ملي امنیت ریاست، ولایتي شورا او قومي مشرانو د هڅو له مخې د حکومت د سولې له ملي پروګرام سره یوځای شوې ده.

د هرات والي ټینګار کړی، چې دا خلک به د امنیت د ټینګښت او له وسلوالو مخالفانو سره د مقابلې لپاره له امنیتي ځواکونو سره یو ځای شي.

Continue Reading

تازه خبرونه

تهران او اسلام آباد دې د سولې له بهیره ملاتړ وکړي – روسیه

Ariana News

خپور شوی

په

توسط

(Last Updated On: June 23, 2021)

د روسیې دفاع وزیر سرګې شویګو د چارشنبې پر ورځ د چنګاښ ۲ ویلي، چې په افغانستان کې سوله او ثبات د ایران او پاکستان له ملاتړ پرته ناشوني دي.

د روسیې دفاع وزیر سرګې شویګو د نړیوال امنیت په اړه د مسکو نهم کنفرانس ته د وینا پر مهال څرګنده کړې، چې د افغانستان روان وضعیت د ګاونډ هېوادونو او نړیوالو سازمانونو ځانګړې پاملرنې ته اړتیا لري.

نوموړي زیاته کړې؛  په تېرو ۲۰ کلونو کې د امریکا او ناټو سرتېرو ونکړای شول، چې د دې هېواد په اړه رښتینې پایلې ترلاسه کړي.

هغه خبرداری ورکړ، چې د بهرنيو سرتېرو له وتلو وروسته به په افغانستان کې د کورنۍ جګړې د رامنځته کېدو شونتیا ډېره شي.

پخواني ولسمشر حامد کرزي هم د دې کنفرانس ګډونوالو ته په وینا کې له روسیې، چین، پاکستان او د سیمې له نورو هېوادونو وغوښتل، چې د افغانستان د سولې له بهیره خپل ملاتړ نور هم ډېر کړي.

هغه ویلي؛ د کابل د لویدیځ د سیدالشهدا د نجونو پرښوونځي وروستي بریدونه، چې په کې له ۸۰ ډېر زدکوونکي ووژل شول د افغانانو د درد او کړاو یوه روښانه بېلګه ده.

حامد کرزي زیاته کړې: دا د افغانستان د خلکو حق دی، چې باثباته راتلونکی جوړ کړي؛ خو دوی دا کار د روسیې په ګډون د نورو ځواکمنو هېوادونو له مرستې پرته نشي ترسره کولی.

دی زیاتوي؛ د افغانستان خلکو درې کاله مخکې د زړه له کومي د سولې له بهیره ملاتړ وکړ؛ خو نن حالات مخ پر خرابیدو دي. مونږ باور لرو، چې له پاکستان سره د روسیې او چین ګډون به د سولې لپاره د پام وړ وي.

هغه وایي: مونږ هیله من یو، چې ایران به هم له دې بهیر سره یوځای شي.

کرزي د وروستۍ ترویکا په ګډون د سولې له بهیره د ګوندونو د یوځای کولو په اړه د روسیې له همکاریو ملاتړ څرګند کړ او پدې اړه وایي؛ سوله او ثبات په افغانستان کې له یوې با ثباته او سوکالې سیمې سره تړلي دي.

د نوموړي د څرګندونو له مخې؛ افغانستان د دې سیمې په زړه کې دی … او د افغانستان خلک د سیمې په زړه کې دي.

حامد کرزی وایي؛ زه هیله من یم، چې تاسې به دې (سولې ) ته د رسیدو لپاره له مونږ سره ونډه او ګډون ولرئ. مونږ غواړو پخپلو پښو ودریږو او تکیه مو پر نور هېوادونو نه وي.

Continue Reading

تازه خبرونه

له ۵۰ سلنې ډېرو امریکایي سرتېرو افغانستان خوشې کړی

Ariana News

خپور شوی

په

توسط

(Last Updated On: June 23, 2021)

د امریکا مرکزي قومندانۍ (سینټکام) په ډاګه کړې، چې له افغانستان څخه د امریکايي ځواکونو د وتلو بهیر له ۵۰ سلنې ډېر بشپړ شوی دی.

سینټکام په ډاګه کړې؛ د جوبایډن له پرېکړې وروسته، چې له افغانستان څخه امریکایي سرتېري وباسي؛ دفاع وزارت لږ تر لږه د بویینګ سي – ۱۷ الوتکو ۷۶۳ پر تجهیزاتو بار الوتنې له افغانستان څخه تر سره کړي او۱۴۷۹۰ قطعې نور تجهیزات به د دې هېواد د لوژستیک دفاع ادارې ته وسپارل شي.

امریکا تر دې دمه د شپږ پوځي اډو مسوولیت افغان ځواکونو ته سپارلی دی.

په دې خبرپاڼه کې راغلي: مونږ په راتلونکي کې د نورو امنیتي اډو او تاسیساتو لیږد ته هم سترګې پر لار یو؛ ځکه دا به له افغان امنیتي او دفاعي ځواکونو سره مرسته وکړي، چې د خپلو خلکو د ثبات او دفاع لپاره هڅې کوي.

سینټکام اټکل کړی، چې مونږ د وتلو د پړاوونو له ۵۰ سلنې ډېر بشپړ کړي.

Continue Reading

Trending

آریانا نیوز: ټول حقونه خوندي دي