Connect with us

تازه خبرونه

تاجکستان افغانستان ته د برښنا صادرول بیا پیل کړل

Ariana News

خپور شوی

 په

(Last Updated On: September 7, 2020)

تاجکستان له هغې وروسته، چې په نورک ډنډ کې د اوبو کچه ډا‍دمنه شوه؛ افغانستان ته یې د برښنا صادرول بیا پیل کړل.

د تاجک ملي برښنا شرکت ویاند نوذیر یودګوري آسیا پلس ته څرګنده کړې، چې برښنا لیږد له سره پیل شوې او افغانستان له د ورځې ۱.۳ میلیون کیلو واته د تاجکستان له برښنا ترلاسه کوي.

هغه زیاته کړې: که زمینه برابره شي، نو مونږ به افغانستان ته لا ډېر برښنا صادره کړو.

تاجکستان په جولای میاشت کې د اوبو د کمیدو له کبله افغانستان ته د برښنا صادرات وځنډول.

د تاجکستان حکومت د جولای پر ۲۸ په ډاګه کړې وه، چې په نورک بند کې د اوبو د کچې راټیټیدل د برښنا بندیدل رامنځته کړل.

د آسیا پلس څرګنده کړې، چې د روان کال په لومړیو شپږ میاشتو کې تاجکستان افغانستان ته ۵۴۶.۶ میلیون کیلو واته برښنا ورکړې ده.

دا په داسې حال کې ده، چې د افغانستان برښنا شرکت ویلي؛ ۳۰۰ میګا واته برښنا له اوبو، تودوخې او لمریزې سرچینې ترلاسه کیږي او ۱۰۰۰ میګا واته نوره برښنا له ازبکستان، تاجکستان، ترکمنستان او ایران څخه وارديږي.

تازه خبرونه

د کابل په لویدیځ کې د ځانمرګي برید د وژل شویو کسانو شمېر ۲۴ ته لوړ شو

Ariana News

خپور شوی

په

توسط

Reuters
(Last Updated On: October 25, 2020)

د دشت برچي د پلخشک د “کوثر دانش” ښوونځي د کوڅې په ځانمرګي برید کې د وژل شویو کسانو شمېر ۲۴ کسانو ته لوړ شوی او شاوخوا ۶۰ نور ټپیان دي.

د پېښې شاهدانو ویلي، چې ځانمرګي برید کوونکي خپلو چاودیدونکيو توکو ته د اړوند ښوونځي د زدکوونکیو په منځ کې چاودنه ورکړې او ډېري قربانیان زدکونکي دي.

دا چاودنه په یوه داسې کوڅه کې رامنځته شوې، چې په کې درې د روزنې مرکزونه دي؛ خو فربانیان ټول د کوثر دانش ښوونځي کانکور آزموینې ته د چمتووالي د ټولګي زدکوونکي دي.

اکرم عزیزي د غزني د مالستان اوسیدونکی او له دوه میاشتو راپدیخوا د دې ښوونځي زدکوونکی دی؛ دده استوګنځي ته مخامخ ځانمرګي برید کوونکی چاودنه کړې. هغه په دې پېه کې خپل ټولګیوال له لاسه ورکړی او ټوله شپه یې د خپل ملګري پر قبر سبا کړې ده.

نوموړي ویلي؛ په خواشینۍ، چې یو ټولګیوال روح الله نومي مې په دې پېښه کې خپل خوږ ژوند له لاسه ورکړی او ټوله شپه مې ور سره پر قبر تېره کړه.

داعش په یوه اعلامیه کې د پېښې مسوولیت منلی دی.

دغې ډلې دوه کاله مخکې هم پر یو روزنیز مرکز برید ترسره کړی و. هغه مهال یو ځانمرگي برید کوونکي خپل چاودیدونکي توکي په یوه ټولګي کې وچاودول، چې لږ تر لږه ۴۸ کسان یې ووژل او نږدې ۱۰۰ نور یې ټپیان کړل.

Continue Reading

تازه خبرونه

په غزني کې د القاعده یو مهم قومندان ووژل شو

Ariana News

خپور شوی

په

توسط

(Last Updated On: October 25, 2020)

د ملي امنیت ځانګړیو ځواکونو په غزني ولایت کې د القاعده یو مهم قومندان وژلی دی.

د ملي امنیت عمومي ریاست څرګنده کړې، چې د دې ریاست د ځانګړیو ځواکونو د عملیاتو په پایله کې د القاعده شبکې د هندي برخې مهم قومندان ابو محسن المصري ووژل شو.

المصري ، د القاعدې مهم قومندان د امریکا د فدرالي څېرنو ادارې تر څار لاندې نوملکړ کې راغلی و.

هغه په امریکا کې د امریکایی اتباعو پر وژلو او د بهرنیو تروریستي سازمانونو لپاره د آسانتیاوو په برابرولو محکوم شوی و.

د ملي امنیت پخوانی مشر رحمت الله نبیل ویلي، چې المصري او د القاعدې یو شمېر غړي د تېرو څو اوونیو په اوږدو کې په منظم ډول شاوال وادیو او غزني ته تګ راتګ کړی دی.

دغه راز د کورنیو چارو سرپرست وزیر مسعود اندرابي ویلي، چې په افغانستان کې د ملي امنیت ریاست لخوا د القاعدې د کليدي غړي وژل کېدل له ترهګرو ډلو سره د طالبانو د نږدې اړیکو او د افغان حکومت او خلکو پروړاندې د دوی د ګډو تروریستي فعالیتونو ښکارندویي کوي.

د نوموړي د څرګندونو له مخې، دا اړیکې اوس هم په خپل حال پاتې دي او طالبان پدې اړه بېلابېلو اړخونو ته دروغ وايي.

Continue Reading

تازه خبرونه

خلیلزاد په افغانستان کې د وروستیو جګړو د تلفاتو پر پټولو نیوکه کړې

Ariana News

خپور شوی

په

توسط

(Last Updated On: October 25, 2020)

د افغانستان د سولې لپاره د امریکا ځانګړي استازي زلمي خلیلزاد د تاوتریخوالي پرکمولو، اوربند  او په هېواد کې یوې سیاسي هوکړې پر رسیدو ټینګار کړی دی.  

په تخار کې د افغان ځواکونو پر هوايي برید د ماشومانو د وژنې او ټپي کیدو څرګندونې د ولسمشر د لومړي مرستیال امرالله صالح لخوا رد شوي؛ خو د افغان سولې لپاره د امریکا ځانګړي استازي زلمي خلیلزاد د افغانستان د بشري حقونو د راپور له مخې په ډاګه کړې، چې په دغو بریدونو کې دولس ماشومان وژل شوي دي.

د نوموړي د څرګندونو له مخې؛ امریکا په استثنايي توګه غواړي پر دواړو خواوو فشار راوړي، چې تاوتریخوالی کم کړي، اوربند او راتلونکې سیاسي هوکړې ته زمینه برابره کړي. دا مهمه ده، چې افغان رسنۍ او مدني ټولنه خپلو چارو ته پریښودل شي، چې پېښې مستندې کړي. تراژیدي یوازې په تخار پورې محدوده نده، بلکې د طالبانو په بمونو او بریدونو کې هم ولسي وګړي وژل کیږي.

خلیلزاد په خپل تویت کې لیکلي، چې د طالبانو په بریدونو، ماینونو او چاودنو کې هم ولسي وګړي وژل کیږي.

خلیلزاد زیاته کړې؛ اوس د تاوتریخوالي د کمولو وخت دی، چې اوربند او سیاسي هوکړې ته لار اواره کړي.

نوموړي ویلي، چې په وروستیو تاوتریخوالي کې د مرګ و ژوبلې راپورونو ته په کتو امریکا پر طالبانو او افغان حکومت فشار راوړي، چې تاوتریخوالی کم کړي.

د کورنیو چارو وزارت ويلي؛ طالبانو په یوه میاشت کې دیارلس سوه بریدونه کړي، چې په کې ۶۰۰ ولسي وګړي وژل شوي دي.

طالبانو ويلي، چې دوی د افغان ځواکونو بریدونو ته یوازې ځواب ویلی دی. دا په داسې حال کې ده، چې دواړه خواوې خپل تلفات پټ ساتي.

د بښنې نړیوال سازمان د سویلي آسیا څېړونکی زمان سلطاني ویلي: د ځاني زیانونو لږ ښودل او په اړه یې راپور نه ورکول؛ مونږ ته د منلو ندي.

دا په داسې حال کې ده، چې د افغانستان په اته ویشت ولایتونو کې جګړه روانه ده او په قطر کې د سولې مذاکرات هم له کوم مهم پرمختګ پرته روان ساتل شوي دي.

Continue Reading
Advertisement

Trending