Connect with us

تازه خبرونه

بې پامي به د کرونا ویروس د دېریدو سبب شي ـ روغتیا وزارت

Ariana News

خپور شوی

 په

(Last Updated On: چنګاښ ۲۸, ۱۳۹۹)

د عامې روغتیا وزارت مسوولینو ویلي، چې په افغانستان کې د کرونا ویروس بحران پای ته ندی رسیدلی او هر راز بې پامي به د دې ویروس د ډېریدو سبب شي.

په هغه شمېر کې د پام وړ کموالی راغلی، چې د عامې روغتیا وزارت یې پر کرونا د اخته کسانو په اړه خپروي؛ خو مسوولین خبرداری ورکوي، چې افغانستان د کرونا له بحران څه پوره ندی وتلی او د خلکو بې پروايي به پر دغه رنځ د اخته کیدو نوې څپه رامنځته کړي.

د دغه وزارت مسوولین وايي، چې د خلکو بې پروايي کولی شي یو ځل بیا د کرونا ویروس څپه ګړندۍ کړي.

د عامې روغتیا وزارت چارسمبالی جواد عثماني څرګندوي، چې په ښارونو کې د کرونا ویروس مثبتې پېښې کمې شوي؛  خو په لیرې پرتو سیمو کې اوس هم دغه پېښې خورا ډېرې دي.

د افغانستان د عامې روغتیا وزارت تازه له جرمني څخه د مصنوعی تنفس پېنځه سوه دستګاوې پېرلي؛ کابل ته رارسیدلي او ولایتونو ته یې د استولو چمتووالی نیول شوی دی.

د عامې روغتیا وزارت د مسوولینو په وینا؛ له دې مخکې په ټول افغانستان کې د مصنوعي تنفس درې سوه دستګاوې، وې؛ خو ویل کیږي، چې په زیاترو روغتونونو کې د دغو دستګاوو څخه د کار اخیستو پر طریقه داکتران نه پوهیږي، نو له همدې کبله له استفادي پرته په روغتونونو کې ساتل کیږي.

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

د افغانستان او آسترالیا د کرکت لوبډلو تست لوبه وځنډیدله

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان او آسترالیا د کرکت لوبډلو ترمنځ تست لوبه د کرونا ویروس د خپریدو له کبله ځنډیدل شوې ده.

د آسترالیا کرکت بورد (ای سي بي) د جمعې پر ورځ څرګنده کړې، چې د دې هېواد او نیوزیلیند ترمنځ د یو ورځنیو لوبو لړۍ تر ۲۰۲۱ پورې ځنډول شوې ده.

له مهالوېش سره سم ټاکل شوې وه، چې د افغانستان پروړاندې تست لوبه د نومبر په وروستیو کې په پرت لوبغالي کې ترسره شوې وای.

د آسترلیا کرکت د جمعې په ورځ ومنله، چې د کرونا ویروس د خوریدا په بهیر کې د نړیوالو سیالیو مهالوېش پېچلتیا لري، چې له کبله یې تر راتلونکي اوړي د سیالیو د ځنډولو پرېکړه شوې ده.

د آسترلیا کرکت اجرائیه مدیر نیک هاکلي ویلي؛ مونږ له خپلو ښو ملګرو د افغانستان او نیوزیلینډ کرکت  بورډونو سره لوبو ته لیواله یو. هیله من یو، چې له کرونا راپورته شوي محدودیتونه راکم شي.

هاکلي ویلي، مونږ ټولو د زړه له کومي هڅې وکړې، چې سیالۍ په سږني اوړي کې تر سره کړو؛ خو په نړیوالو سفرونو بندیزونو او د قرانطین محدودیتونو داسې ننګونې رامنخته کړې، چې ټول قانع او سیالۍ بله نېټه ترسره شي.

Continue Reading

تازه خبرونه

هند په سیمه کې له اسلام وېره هڅوي – عمران خان

Ariana News

خپور شوی

په

توسط

(Last Updated On: تله ۵, ۱۳۹۹)

د پاکستان لومړي وزیر عمران خان ټینګار کړی، چې په سویلي آسیا کې دوامداره سوله اړینه ده؛ خو هند له اسلام وېره او اسلام دښمني یا اسلاموفوبیا هڅوي.

عمران خان د جمعې پر ورځ د ملګرو ملتونو عمومي اسامبلې ته په له مخکې ثبت شوې وینا کې ویلي، چې له پاکستان څخه د افغان کډوالو راستنېدل باید د سیاسي حل یوه برخه وي.

خان زیاته کړه، چې اسلام دښمنۍ په هندوستان کې بې سارې وده کړې ده او د هند نږدې ۲۰۰ میلیون مسلمانان ګواښي.

هغه ټینګار کړی، چې شر جوړول او کرکه خپرول باید په نړۍ کې ناقانونه شي او له ملګرو ملتونو یې وغوښتل، چې د اسلام دښمنۍ پر ضد د مبارزې نړیواله ورځ دې ونومول شي.

عمران خان زیاته کړې، چې د هند حکومت جوماتونه ویجاړ کړي، مسلمانان یې وژلي او د هغوی پېژندنه د تبعیضي قوانینو له مخې په خطر کې ده.

عمران خان دا هم ویلي؛ په تېروتنه مسلمانان د کرونا د ویروس د خپریدو له کبله رټل شوي، سپک شوي او قرباني شوي دي. دوی له روغتیايي پاملرنې بې برخې دي او په ډېري مواردو کې د دوی پر دندو هم بندیزونه لګیدلي دي.

په خواشینۍ، چې هند په نړۍ کې یوازنی هېواد دی، چې اسلام دښمني هڅوي او ترې  ملاتړ کوي.

دغه راز عمران خان په پاکستان کې د کرونا ویروس مسله هم راپورته کړه او په دې اړه یې څرګنده کړې؛ هوښیار قرنطین مو له هېواد سره مرسته کړې، چې د دغې ناروغۍ د خپریدو په مخنیوي کې مرسته وکړي.

هغه دا هم په ډاګه کړې: مونږ نه یوازې دا، چې ویروس وڅاره، بلکې له اقتصادي ثباته هم برخمن یو. له ټولو مهمه دا، چې مونږ توانیدلي یو، چې د خپلې ټولنې بېوزله برخه د قرنطین له ناوړه پایلو څخه وژغورو.

Continue Reading
Advertisement

Trending