Connect with us

نړۍ

بېلاروس یوه الوتکه د یوه خبریال د نیولو لپاره د بم پرپلمه له الوت راګرځولې

خپور شوی

 په

(Last Updated On: غبرګولى ۳, ۱۴۰۰)

د رویټرز د څرګندونو له مخې، د بېلاروس چارواکو پرون یکشنبه د غبرګولي ۲ یوه الوتکه د ناسمې خبردارۍ له کبله له الوت راګرځولې او پر حکومت نیوکه کوونکی خبریال یې، چې په دې الوتکه کې و؛ نیولی دی.

دغه الوتکه، چې له یونان څخه لیتوانیا ته روانه وه؛ د بېلاروس په پلازمېنه مینسک کې راکښته کېدو ته اړ شوې ده.

په دې الوتکه کې دولت ضد ژورنالیست رامان پراتاسوویچ و او د پولیسو لخوا ونیول شو.

رامان پراتاسوویچ ویلي: کله، چې د الوتکې د لارې له بدلیدو وروسته ویلي وه؛ شونې ده، چې زه هلته مړ شم.

دغه ژورنالیست له یوه پولنډي خبري آژانس لپاره کار کاوه او څو ځله یې د ټلیګرام له لارې د بېلاروس د حکومت پر ضد د ډله ییزو مظاهرو انځورونه خپاره کړي وه.

د بېلاروس دغې کړنې د اروپایي او امریکایي مشرانو سخت غبرګونونه راپارولي او دا پېښه یې غونی ځیږږږنکې یاده کړې ده.

اروپايي ټولنې خبرداری ورکړی، چې پر بېلاروس به بندیزونه ولګوي.

لیتوانیا هم پر اروپايي ټولنې او ناټو غږ کړی، چې پدې اړه ډاډمنې هڅې تر سره کړي.

اروپایي ټولنې د خبریال د سمدستي خوشې کیدو غوښتنه کړې او وایي، چې په بروکسل کې به د اروپايي ټولنې مشران د پېښې د څرنګوالي په اړه بحث او خبرې وکړي.

د ناټو عمومي منشي ینس سټولټنبرګ په یوه ټویټ کې ویلي، چې دا وېروونکې پېښه باید وڅېړل شي.

د ایرلینډ بهرنیو چارو وزیر ویلي؛ د پرېکړې په اړه غبرګون نه شودل او پرېکړه نکول به دا ټولنه بېلاروس ته ډېره ضعیف او کمزورې ښکاره کړي.

د لیتوانیا بهرنیو چارو وزیر ویلي، چې په دې اړه یې د امریکا د بهرنیو چارو وزارت له مرستیال سره  خبرې کړي او د غربي هېوادونو پاملرنه یې دغې پېښې ته رااړولې ده.

دا په داسې حال کې ده، چې امریکا، کاناډا، اروپایي اتحادیې او انګلستان د بېلاروس پر۹۰ چارواکو  بندیزونه لګولي دي.

نړۍ

یوه ډنمارکي غشي ویشتونکي په ناروې کې مرګ و ژوبله اړولې

خپور شوی

په

توسط

(Last Updated On: تله ۲۲, ۱۴۰۰)

د ناروې پولیسو په ډاګه کړې، چې په کونګسبر ښار کې د یوه ۳۷ کلن ډنمارکي غشي ویشتونکي په برید کې پېنځه کسان وژل شوي او دوه نور ټپیان دي.

پولیسو شکمن کس نیولی او ډرمان ښار ته یې لیږدول شوی دی.

رویټرز په ډاګه کړې؛ پېښه تېره شپه د ناروې پلازمېنې اوسلو لویدیځ لوري ته ۸۰ کیلومټره لرې په کونګسبر ښار کې رامنځته شوې ده.

پولیسو د پېښې د احتمالي انګیزې په اړه څه ندي ویلي.

رویټرز راپور ورکړی، چې څېړونکي پدې غور کوي، چې آیا دا بریدونه د ترهګرۍ عمل و که نه.

دغه راز څرګنده شوې، چې پولیسو له شکمن کس څخه پلټنې پیل کړې دي.

د پولیسو ادارې ویلي، چې په ټول هېواد کې افسرانو ته امر شوی، چې وسلې وګرزوي.

د ناروې پولیس په عادي حالت کې بې وسلې وي؛ خو د اړتیا پر مهال وسلو ته لاسرسی مومي.

ویل کیږي، چې  په دې ښار کې ۲۸۰۰۰ خلک اوسیږي.

Continue Reading

نړۍ

په امریکا کې د الوتکې راغورزېدو مرګ و ژوبله رامنځته کړې

خپور شوی

په

توسط

(Last Updated On: تله ۲۰, ۱۴۰۰)

امریکایي رسنیو راپور ورکړی، چې د کالیفورنیا په ایالت کې د یوې کوچنۍ الوتکې د غورزېدو له کبله دوه تنه وژل شوي او دوه نور ټپیان دي.

ویل کیږي په پیښه کې دوه کورونو اور اخیستی دی.

پېښه د کالیفورنیا د سان ډیاګو د استوګنې په اړوند سیمه کې رامنځته شوې، چې په کې یو شمېر کورونو ته مالي زیان هم اوښتی دی.

د متحده ایالاتو د اور وژنې څانګې ویلي، چې د مړیو شمېر ممکن له دوه څخه ډېر وي.

د پېښې په اړه نور جزئیات خپاره شوي ندي.

Continue Reading

نړۍ

عراقي ځواکونو د داعش د مشر البغدادي مرستیال نیولی

خپور شوی

په

توسط

(Last Updated On: تله ۱۹, ۱۴۰۰)

عراقي چارواکو ویلي، چې د داعش مالي مسوول او د دې ډلې د مشر ابوبکر البغدادي مرستیال یې نیولی دی.

د عراق لومړي وزیر مصطفی الکاظمي د دوشنبې پر ورځ څرګنده کړې، چې عراق د اسلامي دولت (داعش) لوړ پوړی غړی او د دې ډلې د مالي چارو مسوول او د وژل شوي مشر ابوبکر البغدادي مرستیال نیولی دی.

د عراق لومړي وزیر زیاته کړې؛ په داسې حال کې، چې اردو د هېواد پارلماني ټاکنې خوندي کولې؛ د هېواد استخباراتي ټولنې په بهر کې د پېچليو عملیاتو په لړ کې د داعش مالي مشر سامي جاسم ونیوه.

هغه په دې اړه نور څه ندي ویلي.

سامي جاسم په دې ډله کې حاجي حمید الجبوري نومول شوی او له کلونو راپدیخوا په سویل موصل کې د داعش والي و.

Continue Reading

Trending

آریانا نیوز: ټول حقونه خوندي دي