Connect with us

تازه خبرونه

بیات بنیاد په وردګ ولایت کې له سیلاب ځپلیو سره مرسته وکړه

Ariana News

خپور شوی

 په

(Last Updated On: September 23, 2020)

بیات بنیاد په میدان وردګ ولایت کې له سیلاب ځپلیو سره د وریجو، غوړيو، اوړو، مکروني او د اړوند نورو خوراکي توکو مرسته وکړه.

بیات بنیاد په هېواد کې د وروستیو سیلاب ځپلیو کورنیو سره د مرستو په لړ کې دا ځل په وردګ ولایت کې له ګڼو زیانمنو کورنیو سره مرسته وکړه.

د بیات بنیاد مسوولینو ویلي، چې په دې مرستو کې  وریجي، اوړه، غوړي او مکروني پر زیانمنو کورنیو ووېشل شول.

د بیات بنیاد مرستیال حاجې محمد اسمعیل ويلي، چې د دغه بنسټ مرستې هر وخت د هېوادوالو لپاره چمتو دي. مونږ نن د میدان وردګ ولایت سیلاب ځپلیو ته اوړه، غوړی او وریجې ووېشلې.

د بیات بنیاد فرهنګي سلاکار احسان الله آرینزي ویلي، چې څو ورځې مخکې مونږ د پروان ولایت له سیلاب ځپلیو سره مرسته وکړه او دادي نن په میدان ښار کې یو او هغو کورنیو ته، چې د بهسود، نرخ، چرخ او سید آباد ولسوالیو راغلي؛ د بیات بنیاد مرستې وېشل کیږي.

دوی زیاته کړې، چې په نورو ولایتونو کې به هم له اړو کورنیو سره  دغه ډول مرستې تر سره شي.

د میدان وردګ ولایت چارواکو او اړو کسانو د بیات بنیاد له مسوولینو مننه وکړه، چې له سیلاب ځپلیو کورنیو سره یې د پام وړ مرسته کړې ده.

 دا په داسې حال کې ده، چې په وردګ ولایت کې جګړو هم زور اخیستی او په دې وروستیو کې جګړه د دې ولایت د مرکز ميدانښار تر څنډو را رسیدلې او پر وروستیو سیلابونو سربېره جګړې هم سلګونه کورنۍ زیانمنې کړې دي.

د وردګ ولایت د مقام مالي رييس محمد یعقوب ولسمل د بیات بنیاد له مرستو د مننې ترڅنګ له نورو بنسټونو هم غوښتنه وکړه، چې له دغو زیانمنو کورنیو سره مرستې وکړي.

هغو کورنیو، چې د بیات بنیاد مرستې یې تر لاسه کړي؛ له بیات بنیاد څخه پر مننه سربېره یې پر نورو بنسټونو هم غږ وکړ، چې له اړو کورنیو سره ورته مرستې وکړي.

بیات بنیاد له شاوخوا پېنځلس کلونو راپدیخوا په هېواد کې پر اړمنو کورنیو خوراکي توکي وېشي او د ژوندانه د لومړنیو اړینو توکو مرستې ورسره کوي او په بېړنیو حالاتو کې تر نورو مرستندویه بنسټونو لومړی ګام اوچتوي.

 

تازه خبرونه

طالبان او القاعده نږدې اړیکې لري – امریکا

Ariana News

خپور شوی

په

توسط

(Last Updated On: January 26, 2021)

د امریکا خزانې وزارت په یوه نوي راپور کې څرګنده کړې، چې په افغانستان کې د طالبانو تر ملاتړ لاندې القاعده مخ پر ځواکمنېدو ده.

د یاد وزارت د څرګندونو له مخې؛  که څه هم طالبانو له امریکا سره په هوکړه کې ژمنه کړې، چې له  القاعدې سره اړیکې پرې کوي؛ خو دوی دواړه اوس هم نږدې اړیکې لري.

په دې راپور کې راغلي؛ القاعده په ۲۰۲۰ کال کې د طالبانو تر ملاتړ لاندې پیاوړې شوې ده. دوی د طالبانو تر څارنې لاندې سیمو کې خپلې هڅې روانې ساتلې دي.القاعده تر دې دمه د هغو ډلو او اشخاصو پر مرستو تکیه کړې، چې باور لري د دوی پیسې باید د بشري اهدافو لپاره وکارول شي.

راپور په ډاګه کړې، چې طالبان د خپلو سلاکارانو له لارې له القاعدې سره په اړیکه کې دي او ترې مشورې، لارښوونې او مالي ملاتړ تر لاسه کوي.

راپور زیاته کړې: د حقاني شبکې لوړپوړیو څېرو د القاعدې پر مالي ملاتړ او همکارۍ د یوې ګډې قطعې پر جوړولو بحث او خبرې کړې دي.

د امریکا خزانې وزارت په ډاګه کړې، چې د القاعدې افرادو او تحریک طالبان پاکستان غواړي، چې په سرحدي سیمو کې د خوندي پټنځایونو پر جوړولو لپاره کار کوي.

یاد وزارت ویلي؛ القاعده له خپل مشرتابه څخه د دوی د هندي برخې لپاره پیسې تر لاسi ه کوي. د ۲۰۲۰ کال په می میاشت کې طالبانو او القاعده پیاوړې اړیکې درلودې او تودې اړیکې او لیده کاته یې لرل.

د خزانې وزارت راپور دا هم ویلي، چې دا عش جنګیالي په افغانستان کې پر مالیې راټولولو، شوکو او نورو مالي سرچینو ډېره تکیه کوي.

د راپورونو له مخې؛  په ننګرهار کې پر ۲۰۱۹ کال طالبانو او افغان حکومت د داعش پر پټنځایونو بریدونه وکړل او څرګنده شوه، چې دغه ډله له طبیعي سرچینو مالي امکانات تر لاسه کوي.

طالبانو او افغان حکومت تر دې دمه پدې اړه څه ندي ویلي.

له دې مخکې د امریکا ملي امنیت شورا خپل افغان سیال حمدالله محب ته ویلي وه، چې امریکا له طالبانو سره پر لاسلیک شوې هوکړې له سره غور کوي.

Continue Reading

تازه خبرونه

د ۱۸ ډوله غوښې له تړون سره مخالفت مې د ګوښه کېدو لامل دی – ارغندیوال

Ariana News

خپور شوی

په

توسط

(Last Updated On: January 26, 2021)

د مالیې پخواني وزیر عبدالهادي ارغندیوال ويلي، چې د ارګ خانګړې کړۍ له هغې وروسته له دندې ګوښه کړ، چې د چارو ادارې د اتلس ډوله غوښې او په لوړه بیه د تېلو له تړنونو سره مې مخالفت څرګند کړ.

ولسمشر غني د شنبې پر ورځ د یوه حکم له مخې عبدالهادي ارغندیوال د مالیې وزارت له دندې ګوښه کړ. ولسمشرۍ ماڼۍ ویلي وه، چې ارغندیوال د عوایدو په راټولو کې بې پروايي کړې او د ولسمشر له سپارښتنو یې سرغړونه کړې ده.

عبدالهادي ارغندیوال د دوشنبې پر ورځ خبري رسنیو ته په ډاګه کړه، چې د ارګ ځانګړې کړۍ د مالیې وزارت په چارو کې لاسوهنه کوله او د همدې کړۍ لخوا له دندې ګوښه شوی دی.

د مالیې وزارت پخوانی وزیر عبدالهادي ارغندیوال وایي: له هغې وروسته له دندې ګوښه کړ شو، چې له ده څخه د تدارکاتو ملي کمیسیون د غړیتوب غوښتنه وشوه؛ خو ده ونه منله او د چارو ادراې لپاره د اتلس ډوله غوښې او په لوړه بیه د تېلو له تړنونو سره یې مخالفت وکړ.

ارغندیوال وايي، چې د مالیې په وزارت کې یې له فساد سره جدي مبارزه کړې او د ده د هڅو برکت و، چې د ژنیو په نړیواله غونډه کې نړیوالو له افغانستان سره د میلیارډونو ډالرو مرستې اعلان وکړ.

عبدالهادي ارغندیوال په تېرو ولسمشریزو ټاکنو کې د اشرف غني په مشرۍ د دولت جوړوونکې ټاکنیزې ډلې ملاتړی و او له همدې کبله مالیې وزارت ته وروپېژندل شو او له ولسي جرګې یې هم د باور رایه تر لاسه کړې وه.

Continue Reading

تازه خبرونه

امریکا به د سولې هوکړې له ارزونې وروسته له مونږ سره مشوره کوي

Ariana News

خپور شوی

په

توسط

(Last Updated On: January 25, 2021)

افغان ولسمشر اشرف غني د کابینې په غونډه کې ډاډ څرګند کړ؛ د امریکا او افغانستان د ملي امنیت شوراګانو د مشرانو وروستیو ټیلیفوني خبرو وښوده، چې امریکا افغان دولت او پوځ خپل شریک ګڼي.

نوموړي زیاته کړې، چې د طالبانو او امریکا د سولې هوکړه به د جوبایډن د ادارې لخوا و ارزول شي او د راتلونکیو ګامونو لپاره به له افغان دولت سره سلا مشوره وکړي.

 ولسمشر ويلي؛ امریکا او افغانستان کوښښ کوي، چې د اړیکو یوه ګډه نقشه رامنځته کړي.

په دوحه کې د خپلمنځي خبرو پر ټپه ولاړ حالت افغانان سولې ته ناهیلي کړي.

سیاسي شنونکی واحد فقیر یار ويلي، چې د طالبانو لخوا د تاوتریخوالي ډېروالی او د حکومت د پوځي چمتوالي خبرداریو د سولې پر بهیر ناوړه اغېزه کړې ده.

په دوحه کې د خپلمنځي خبرو دوه یم پړاو شل ورځې مخکې پیل شو؛ خو هیڅ ډول پرمختګ ندی شوی. د طالبانو لخوا د بریدونو ډيروالي او د حکومتي چارواکو د پوځي عملیاتو خبرداریو خلک اندېښمن کړي او وېره څرګندوي، چې دواړه خواوې سولې ته لیوالتیا نلري.

سیاسي شنونکي طارق فرهادي ویلي: د سولې لپاره پر ډېر زیار رامنځته شوې سیمه ییزه اجماع دوی له منځه وړي. زه فکر کوم، چې امریکا به حکومت او طالبانو ته ډېر ژر پرسوله د راڅرخېدلو نغوته وکړي.

طالبانو ته نږې سرچینې څرګندوي؛ څه، چې امریکا وغواړي هغه کیږي.  

پخواني طالب چارواکي سید اکبر آغا پدې اړه وايي:  که امریکایان په افغانستان کې جګړه وغواړي، جنګ به روان وي. تاسې ولیدل، چې حکومت بندیان نه خوشې کول؛ خو کله، چې ورته امریکایانو وویل خوشې یې کړل.  

ولسمشر محمد اشرف غني د مصالحې د عالي شورا له رييس عبدالله عبدالله سره هم پدې اړه لیدلي او په هېواد کې یې د تاوتریخوالي پر ډېروالي اندېښنه ښودلې.

غني او عبدالله ټینګار کړی، چې په افغانستان کې اوربند ته جدي اړتیا ده.

دا په داسې حال کې ده، چې د افغانستان د جمهوریت پلوي پلاوي غړیو ویلي؛ افغانان باید خپل مسایل په خپلو کې حل کړي او پر نورو پورې یې ونه‌تړي او د افغان وژنې د روانې لړۍ مسؤولیت د هغه چا پرغاړه دی، چې د مذاکراتو د ځنډولو او د ناروا جګړې د دوام لپاره پلمې لټوي.

Continue Reading

Trending

Copyright © 2021 Ariana News. All rights reserved!