Connect with us

تازه خبرونه

بیات بنیاد په مزار شرزیف ښار کې اړمنو کورنیو ته خوراکي توکي ووېشل

خپور شوی

د

(Last Updated On: )

بیات بنیاد د خپلو ژمنیو مرستو په لړ کې دا ځل د بلخ ولایت لسګونه اړمنو کورنیو ته خپلې مرستې ورسولې.

بیات خیریه بنسټ د خپلو ژمنیو بشري مرستو په لړ کې دا ځل د بلخ ولایت د اړمنو کورنیو د لاسنیوي لپاره د دې ولایت په مزار شریف ښار کې پر لسګونه بېوزله کورنیو خپلې مرستې وویشلې.

په دغو مرستو کې اوړه، وریجې او غوړي شته، چې د اړمنو کسانو له پېژندلو وروسته پر دوی وېشل شوې دي.

د ژمي له رارسېدو سره د بیات بنیاد خیریه بنسټ له اړمنو کورنیو څخه د ملاتړ په موخه د هېواد په بېلابېلو ولایتونو کې د خپلو مرستو د وېشلو لړي پیل کړې ده.

د بیات بنیاد مرستیال حاجي محمد اسماعیل د دغو مرستو په اړه وايي: مونږ بریالي شوړي وو، چې په کابل او یو شمېر نورو ولایتونو کې د بیات بنیاد مرستې وېشو او له نېکه مرغه نن دا مرذستې د بلخ ولایت مرکز مزارشریف ښار ته ورسېدې او پر اړمنو کسانو یې، چې د سروې له مخې مستحقې پېژندل شوې وې؛ اړوند خوراکي توکي ووېشل.

محمد اسماعیل دغه راز ډاډ څرګند کړې: زمونږ مرستې به په مرکز او ولایتونو کې ټول ژمی روانې وي.

یو شمېر هغو اړمنو کورنیو، چې د بشري مرستې دغه بستې یې ترلاسه کړې دي؛ د خوشحالیو د ښودلو تر څنګ له نورو خیریه بنسټونو هم غواړي، چې د بېوزلو لاسنیوی وکړي.

یو له مرسته اخیستونکیو بهرالدین نومي ويلي: مونږ په کور کې د خوړلو لپاره څه نه درلودل؛ اوړه مو نه درلودل او دا مرسته د بیات بنیاد لخوا مونږ ته راکړای شوه او مونږ ډېر خوشحاله یوو.

یوې مرستې ترلاسه کوونکې راضیې ویلي؛ له بیات بنیاد څخه مننه، چې مونږ ته یې خواړه چمتو کړل.

د بیات بنیاد خیریه بنسټ د هېواد یو له هغو خیریه بنسټونو دی، چې تل یې د بشري مرستو د وېش ترڅنګ، د هېواد په بېلابېلو سیمو کې د عمراني پلانونو په پلي کېدو کې یې هم ونډه اخیستې او د ژمي له رارسېدو سره د بیات بنیاد خیریه بنسټ له اړمنو کورنیو څخه د ملاتړ لپاره د هېواد په بېلابېلو ولایتونو کې د خپلو مرستو د وېشلو لړي پیل کړې ده.

تازه خبرونه

ګاونډ هېوادونه باید د افغان کډوالو جبري ایستل ودروي – اسلامي امارت

ګنډاپور د فډرالي حکومت دا پرېکړه د بېرته ستنولو پالیسي لپاره “غیر انساني او ظالمانه” یاده کړه.

Published

on

(Last Updated On: )

د کډوالو ستونزو ته د لاسرسي عالي کمیسیون ناسته د رییس‌الوزراء د اداري مرستیال عبدالسلام حنفي پر مشرۍ ترسره شوه.

په دې ناسته کې د کډوالو د ستونزو د حل لپاره د دې کمیسیون د لاسته راوړنو او راتلونکو ګامونو د بیاکتنې پرمهال په هېواد کې د راستنېدونکو سوداګرو لپاره د پانګونې اسانتیاوو پر برابرولو ټینګار وشو. له ګاونډ هېوادونو وغوښتل شول، چې د افغان کډوالو د جبري ایستلو مخه ونیسي او د راستنیدو لپاره یې یو ګډ میکانیزم جوړ کړي.

له نړیوالو ټولنو هم غوښتل شوي، چې د کډوالو د حقونو ساتنې ته ځانګړې پاملرنه وکړي.

د دې ناستې په پای کې اسلامي امارت ډاډ ورکړ، چې د کډوالو د ستونزو د حل لپاره به خپلې هڅې جاري ساتي.

دغه راز د خیبر پښتونخوا ایالت اعلی وزیر علي امین ګنډاپور د یکشنبې پر ورځ ویلي؛ د افغان کډوالو په اړه د اسلام‌آباد پالیسي ستونزمنه ده او پدې ډول سیاست په تېرو وختونو کې له بشري حقونو سرغړونه شوې ده.

د خیبر پښتونخوا ایالت اعلی وزیر علي امین ګنډاپور د یکشنبې پر ورځ ویلي، چې د هغه حکومت به پرېکړه وکړي، چې آیا د مارچ له یودېرشمې وروسته به په دې ولایت کې د میشتو افغانانو د ایستلو لپاره د اسلام آباد لارښوونې ومني او که نه.

فډرالي حکومت له افغان وګړو څخه غوښتي، چې د مارچ تر پایه پورې په خپله خوښه له پاکستان څخه ووځي، چې له دې نېټې وروسته به دوی له پاکستان څخه وشړل شي.

ګنډاپور د فډرالي حکومت دا پرېکړه د بېرته ستنولو پالیسي لپاره “غیر انساني او ظالمانه” یاده کړه.

هغه ويلي: “زه د فډرالي حکومت د پالیسۍ له مخې د افغانانو د بېرته ستنېدو پلوي نه‌یم.”

د ډان نیوز د راپور له مخې، ګنداپور ویلي، چې هغه به د خیبر پښتونخوا د اجرائیوي رییس په توګه د مارچ تر یودېرشمې پورې پرېکړه وکړي، چې آیا افغانان باید جبري وایستل شي یا نه.

هغه زیاته کړې: “زه به پرېکړه وکړم، چې څه زما لپاره مناسب دي؛ د خیبر پښتونخوا د کلتور او دودونو سره سم دي.”

هغه وایي؛ دا “تېروتنه او غیر انساني” دي، چې افغانان پر زور بېرته خپل هېواد ته پرته له کوم ترتیب واستول شي.

په داسې وخت کې د افغانانو جبري بېرته ستنول، چې په خپل هېواد کې یې هیڅ اسانتیا نلرله “له اساسي بشري حقونو سرغړونه” وه.

د ډان نیوز د راپور له مخې: ګنداپور ویلي، چې فډرالي حکومت ورسره پدې مسله اړیکه نده نیولې او کله، چې هغه له افغانستان سره د خبرو اترو وړاندیز وکړ؛ نو پرې نیوکه شوې وه.

په دې وروستیو کې ګنداپور ویلي، چې دولت او مسوول بنسټونه په خیبر پښتونخوا کې د شخړې د زیاتېدو مسوول دي.

Continue Reading

تازه خبرونه

اسلامي امارت له هیچا سره د هیچا پر وړاندې جګړه نه‌غواړي- امیرخان متقي

امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.

Published

on

(Last Updated On: )

د بهرنیو چارو وزارت چارسمبالی(سرپرست) امیر خان متقي ويلي، چې اسلامي امارت متوازن سیاست خپل کړی او د یو هېواد د راضي کولو لپاره د بل هېواد پر وړاندې جګړه نه‌کوي.

امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.

هغه وایي: “مونږ يو متوازن سياست لرو.” متوازن سیاست پدې معنا دی، چې مونږ د یو هېواد د خوشحاله کولو لپاره د بل هېواد سره جګړه نه‌ کوو. مونږ د یو هېواد د خوښۍ لپاره د بل هېواد مخالفت نه‌کوو. “مونږ له هرچا سره عادي اړیکې غواړو.”

امیر خان متقي په عمان کې له میشتو سوداګرو او افغانانو سره د خبرو پر مهال ټینګار کړی، چې اسلامي امارت به په داسې ډول امنیت تامین کړي، چې د بهرنیو استخباراتي سازمانونو ته د مداخلې زمینه برابره نشي.

متقي د نظام دننه د اختلافاتو شتون هم ردوي او په دې اړه خبرې مبالغه ګڼي.

نوموړي ویلي: “د شخړو، ګډوډۍ او ناامنۍ شتون رښتیا ندی. که هر څومره تبلیغات وي؛ په عمل کې تاسې ګورئ، چې په کابل، کندهار، مزار، جلال‌آباد او هرات کې هیڅ پېښه نه‌کیږي.”

د اسلامي امارت د ډيپلوماټيکو خدماتو مشر دا هم ويلي، چې عمان ته یې په خپل سفر کې هڅه وکړه، چې د کابل او مسقط ترمنځ د سوداګرۍ او د سوداګريزو اړيکو د پراختيا لپاره لار اواره کړي.

هغه همدارنګه ټینګار کړی؛ د اسلامي امارت له بیا واک ته رسیدو وروسته د نشه‌يي توکو د روږدي کیدو پر وړاندې جدي مبارزه شوې او دوی توانیدلي، چې د ۴۰۰ زره روږدو کسانو درملنه وکړي او ورته کاري زمینې برابرې کړي.

Continue Reading

تازه خبرونه

په امریکا کې سختو توپانونو مرګ او ژوبله رامنځته کړه

د ای‌بي‌سي نیوز د راپور له مخې؛ دغو توپانونو او بوړبړکیو د امریکا په میزوري، آرکانزاس، ټکزاس، اوکلوهوما، کانزاس او میسیسیپي ایالتونو کې ۲۹ کسان ټپیان کړي دي او پراخ مالي زیانونه یې هم رامنځته کړې دي.

Published

on

(Last Updated On: )

امریکایي رسنیو راپور ورکړی، چې د لومړنیو څرګندونو له مخې د دې هېواد په لویدیځو او سویلي سیمو کې سختو توپانونو ۳۳ کسان مړه کړي او ۲۹ نور ټپیان دي.

د ای‌بي‌سي نیوز د راپور له مخې؛ دغو توپانونو او بوړبړکیو د امریکا په میزوري، آرکانزاس، ټکزاس، اوکلوهوما، کانزاس او میسیسیپي ایالتونو کې ۲۹ کسان ټپیان کړي دي او پراخ مالي زیانونه یې هم رامنځته کړې دي.

په راپور کې زیاته شوې، چې تر دې دمه له ۱۲۷ ډېرې توپاني څپې او بوړبړکۍ راغلي، چې سرعت یې په ساعت کې له ۱۳۰ کیلومټرو ډېر ښودل شوی دی.

په راپور کې راغلي؛ توپانونو ۵۰۰ ودانۍ نړولي، د برښنا سیسټم یې خراب کړی او ځنګلي اورونه یې رامنځته کړي دي.

ویل کیږي، چې توپان اوس هم چټک روان دی او میلیونه خلک یې له مالي او ځاني زیانونو سره مخ دي.

Continue Reading
Advertisement

Trending

Copyright © 2024 Ariana News. All rights reserved!