Connect with us

تازه خبرونه

بیات بنیاد په خوست کې پر سلګونه اړمنو کورنیو خوراکي توکې ووېشل

خپور شوی

 په

(Last Updated On: غویی ۱۷, ۱۳۹۹)

په خوست کې بیات بنیاد پر سلګونه اړمنو کورنیو اوړه، غوړي او ورېجې ووېشلې.

په هېواد کې د کرونا ناروغۍ خوریدو او د خلکو بېوزلي هغه څه دي، چې خلک يې له اقتصادي ستونزو سره مخ کړي؛ خو په خوست ولایت کې د بیات بنیاد د مسوولینو لخوا پر سلګونه اړمنو کورنیو د خوراکي توکو مرستې ووېشل شوې.

د دې بنسټ ولایتي مسوول سلام شریفي ويلي: په خوست کې ډېرې بېوزله کورنۍ، چې د خوراکي توکو له کمښت سره مخ وې؛ بیات بنسټ يې لاسنیوی وکړ.

نوموړي زیاته کړې، د دغو بېوزله کورنیو چارسمبالي د کرونا ناروغۍ له خوریدو سره په کورونو کې قرنطین شوي او ماشومان یې د یوې ګولې ډوډۍ په ارمان دي.

اړمنې کورنۍ څرګندوي؛ د یوې ګولۍ ډوډۍ په ارمان دي او د کرونا ناروغۍ له خوریدو سره  ښار تړلی او هیڅ کار ورته نه پیداکېږي، چې کور ته پرې څه واخلي.

 دوی د بیات بنیاد له مسوولینو مننه کوي، چې په دې اړین وخت کې يې لاسنیوی وکړ.

په خوست ولایت کې اړمنې کورنۍ د مرستو په تر لاسه کولو خوښي ښیي او وايي، چې د کرونا ناروغۍ او کارونو د نشتون له کبله یې په کورنو کې د خوړلو هيڅ نشته.

دوی د بیات بنیاد خیریه بنسټ له مرستې د منني ترڅنګ غوښتنه کوي، چې نور خیریه بنسټونه دې هم دې ته ورته مرستې له بېوزلو سره وکړي.

بیات بنیاد له کلونو راپدیخوا د هېواد په کچه د بېوزلو لاسنیوی کوي او هر وخت يې د نورو ودانیزو، روغتیایي او ښوونیزو برخو ترڅنګ له غریبو کورنیو سره هم د خوراکي توکو مرستې کړي دي.

د یادونې ده، چې په هېواد کې د کرونا ناروغۍ له خوریدو سره يې په ډېرو ولایتونو کې د دې ناروغۍ د  مخنیوي لپاره روغتیايي مرستې هم کړې دي.

تازه خبرونه

د بهرنیو چارو وزارت د چارسمبالي پر مشرۍ یو پلاوی ناروې ته سفر کوي

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت څرګنده کړې؛ ټاکل شوې، چې د بهرنیو چارو د چارسمبالي وزیر مولوي امیرخان متقي پر مشرۍ یو پلاوی سبا (شنبه د سلواغې ۲) ناروې ته ولاړ شي.

د بهرنیو چارو وزارت ویاند عبدالقهار بلخي په خپل ټویټ کې دا سفر تائید کړی؛ خو نور جزئیات یې ندي ورکړي.

رویټرز د ناروې د بهرنیو چارو وزارت د څرګندونو له مخې ویلي، چې ټاکل شوې د ناروې پلازمېنه اوسلو د دوه ورځو په دننه کې د افغانستان په اړه د اسلامي امارت د استازیو په ګډون د یوې غونډې کوربتوب وکړي.

د ناروې حکومتي سرچینو ویلي، چې په دې غونډه کې به د اسلامي امارت پر پلاوي سربېره د افغانستان د مدني ټولنې په ګډون د بېلابېلو برخو استازي هم ګډون وکړي.

د ناروې د بهرنیو چارو وزارت لخوا په خپره شوې خبرپاڼه کې راغلي، چې د اسلامي امارت استازي به د ناروې له چارواکو او د نړیوالې ټولنې په ځانګړې توګه د دغه هېواد د متحدینو له استازیو سره هم وویني.

سرچینې زیاته کړې؛ د اسلامي امارت استازي به د ښځو د حقونو له فعالانو، خبریالانو او هغو اشخاصو سره هم وویني، چې په افغانستان کې د بشري حقونو د خوندیتوب لپاره بېلابېلې دندې ترسره کوي.

دغه راز ویل شوي، چې دا غونډې طالبانو ته د مشروعیت یا رسمیت پېژندنې معنا نلري، بلکې هېواد یې له اسلامي امارت سره د بشري حقونو د وضعیت او په ټولنه کې د ښځو د ونډې د ښه کولو او د افغانانو د ملاتړ لپاره د بشردوستانه هڅو د پیاوړتیا په لټه کې دی.

د ناروې د بهرنیو چارو وزیرې انیکین هویټفیلډ ویلي: مونږ اجازه نه ورکوو، چې سیاسي وضعیت د یو ستونزمن بشري ناورین لامل شي.

دا په داسې حال کې ده، چې د ناروې یوه پلاوي څه وخت مخکې کابل ته سفر کړی و او د اسلامي امارات له چارواکو سره یې د بشري حقونو د وضعیت او بشري ناورین په اړه خبرې کړې وې.

Continue Reading

تازه خبرونه

په کابل کې د اروپايي ټولنې استازولۍ رسماً کار پیل کړ – اسلامي امارت

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت ویاند عبدالقهار بلخي ویلي؛ اروپايي ټولنې د مرغومي پر دېرشمه په کابل کې رسماً  خپل سفارت د دایمي حضور په موخه پرانیست او خپلې هڅې یې پیل کړې.

د بهرنیو چارو وزارت ویاند عبدالقهار بلخي ټویټ کړی، چې له څو پرلپسې ناستو وروسته اروپايي ټولنې په کابل کې د دایمي حضور لپاره خپل سفارت پرانست او په رسمي ډول یې کار پیل کړ.

د عبدالقهار بلخي د څرګندونو له مخې؛ يادې ټولنې پر پخوانیو ٢٢٠ ميليون يورو سربېره د بشري مرستو  ٢٦٨ ميليون نورې هغه هم اعلان کړې.

عبدالقهار بلخي وايي، چې د دې ځانګړې مرستې یوه برخه د ښوونکیو معاشونه دي، چې د اسلامي امارت لخوا یې تود هرکلی وشو.

د اسلامي امارت د حکومت لومړي وزیر ملا محمد حسن اخوند د هېواد په اقتصادي غونډه کې پر اسلامي هېوادونو غږ کړی، چې د اسلامي امارت په رسمیت پېژندلو کې مخکښ شي.

ملا محمد حسن اخوند د چارشنبې پر ورځ (د مرغوي ۲۹) په کابل کې د افغانستان اقتصادي غونډه ته څرګنده کړې، چې د نوي حکومت د نه پېژندلو له کبله افغانستان له بېلابېلو اقتصادي ننګونو سره مخ شوی دی.

Continue Reading

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

Trending

Copyright © 2022 Ariana News. All rights reserved!