Connect with us

تازه خبرونه

بیات بنیاد د پکتیکا ولایت له سلګونه اړمنو کورنیو سره د خوراکي توکو مرسته وکړه

خپور شوی

 په

(Last Updated On: مرغومی ۲۳, ۱۴۰۰)

د پکتیکا ولایت بېوزله کورنۍ، چې له بد اقتصادي وضیعت سره مخ دي؛ د بیات بنیاد له ژمنیو مرستو برخمنې شوې.

د بیات بنیاد مسوولینو ويلي؛ د پکتیکا ولایت اړمنو کورنیو د اوړو، وریجو او غوړیو په ګډون د اړتیا وړ توکي تر لاسه کړل.

په سویل ختیځ زون کې د بیات بنیاد مسوول سلام شریفي څرګنده کړې؛ د بنياد بيات د ژمنيو مرستو په لړ کې مو دا ځل د پکتيکا ولايت بېوزلو کورنيو ته مرستې رواړې دي، چې سروې یې مخکې شوې وه. په دې مرستو کې ورېجې، اوړه او غوړي شامل دي، چې پر اړمنو خلکو وېشل کېږي.

د نوموړي د څرګندذونو له مخې؛ د مرستو موخه یې په هېواد کې د اړمنو کورنیو لاسنیوی دی، چې په یو شمېر نورو ولایتونو کې مو هم د غه لړۍ روانه ده.

هغو کسانو، چې د بیات بنیاد مرستې تر لاسه کړي؛ خوښ دي او وایي، چې په اوسنیو ستونزمنو شرایطو کې دغه بنسټ تل د بېوولو لاسنیوی کړی.

دوی له نورو مرستندویه بنسټونو هم غوښتي، چې ورته مرستې دې وسره وشي.

د پکتیکا اوسیدونکی حضرت محمد ویلي؛ له بيات بنياد ډېره مننه کوو، چې مونږ ته يې مرستې را کړې. دلته خلک ډېر غريبان دي او هيڅ وس نلري. دوی ته دې الله ج اجرونه ور کړي، چې خپلې مرستې یې تر موږ راورسولې.

د دې ولایت یو بل اوسیدونکي نور محمد نومي ویلي؛ له بیات بنياد بيات مننه کوو، چې مرستې يې راسره وکړې له نورو موسسو هم غواړو، چې دا ډول مرستې وکړي، چې د خلکو ستونزې پرې لږ څه حل شي.

سراج الدین نومي ویلي؛ ډېر خوشحاله يم، چې مرسته راسره شوې او مننه ترې کوو. مونږ په کور کې د خوراک څه نه لرل؛ الله پاک دې دوی خوشحاله لري.

په ورته وخت کې د پکتیکا ولایتي چارواکي بیا د بیات بنیاد لخوا له بېوزلو کورنیو سره له مرستې کولو مننه وکړه او وایي، چې خلک په ډېر بد وضیعت کې دي او نور خیریه بنسټونه دې هم له اړمنو خلکو سره ورته مرستې وکړي.

د پکتیکا مرستیال والي مولوي محب الله حماس وایي: له بنياد بيات ډېره مننه کوو، چې په اوسني وخت کې يې د پکتيکا ولايت اړمنو کورنيو ته مرستې را ورسولې؛ کور يې ودان. دوی له نورو خيريه موسسو هم غواړي، چې دې ولايت ته دې دا ډول مرستې راولېږدوي او پر اړمنو خلکو دې يې ووېشي.

د بیات بنیاد مسوولین وايي، چې پر پکتیکا سربېره یې په هرات، بلخ، ننګرهار، غزني، خوست، کندوز، کندهار او بامیانو ولایتونو کې هم پر اړمنو کورنیو مرستې وېشلي او دا لړۍ به پاتې ولایتونو ته هم ورسوي.

بیات بنیاد هر کال په ټول هېواد کې له اړمنو خلکو سره مرستې کوي، چې د مرستو دا لړۍ د هېواد ټولو ولایتونو ته رسېږي او د دې ترڅنګ په ولایتونو کې خلکو ته د څښاک د پاکو اوبو برابرولو، د جوماتونو، روغتیايي مراکزو او ښوونځیو جوړولو په برخه کې یی کار کړی دی.

تازه خبرونه

په هرات کې د غور تیوره ولسوالۍ پخوانی امنیه قومندان ووژل شو

خپور شوی

په

توسط

(Last Updated On: سلواغه ۵, ۱۴۰۰)

نن سهار د هرات ولایت په مرکز کې د غور ولایت د تیوره ولسوالۍ پخوانی امنیه قومندان حبیب الرحمن ملکزاده ووژل شو.

د حبیب الرحمن ملکزاده خپلوانو ويلي، چې نوموړی د هرات ښار په لومړۍ ناحیه کې د خپل کور په دروازه کې د ناڅرګندو وسلوالو پر ډزو وژل شوی دی.

د هرات امنیه قومندانۍ ویاند ثابت هروي د پېښې پخلی کړی او څرګندوي، چې بریدګر دوه تنه ول او پر ملکزاده له برید وروسته له سیمې تښتېدلي؛ خو په اړه یې د اسلامي امارت پلټنه روانه ده.  تر اوسه کوم کس یا ډلې د برید پړه پر غاړه نده اخیستې.

Continue Reading

تازه خبرونه

 د ا.ا پلاوي په اوسلو کې پر سیاسي او بشري حقونو خبرې وکړې

خپور شوی

په

توسط

(Last Updated On: سلواغه ۵, ۱۴۰۰)

بهرنیو چارو وزارت ویلي؛ د اسلامي امارت پلاوي د دې وزارت د چارسمبالي مولوي امیر خان متقي پر مشرۍ د اوسلو د دوه یمې ورځې په ناسته کې د امریکا، اروپايي ټولنې او یوشمېر نورو هېوادونو له استازیو سره ولیدل.

پر افغانستان له واکمن کېدو پېنځه میاشتې وروسته په یوه اروپايي پلازمېنه کې له لویدیځو چارواکو سره د اسلامي امارت د لومړنیو رسمي خبرو اترو د ستایلو ترڅنګ د بهرنیو چارو وزارت ویاند عبدالقهار بلخي څرګنده کړې؛ د افغانستان اسلامي امارت پلاوي نن په اوسلو کې د دې وزارت د چارسمبالي مولوي امیرخان متقي پر مشرۍ د اته هېوادونو( امریکا، بریټانیا، ناروې، آلمان، ایټالیا، قطر، فرانسه او اروپایي ټولنې ) له ځانګړیو استازیو سره ولیدل.

دواړه لوري هیله من دي، چې دا خبرې به یې موخې ته ورلنډ کړي؛ ځکه، چې د غربیانو موخه د ټولګډونه حکومت جوړول، د ښځو او نجونو بشري حقونو ته درناوی او د انساني ناورین مخنیوی دی؛ خو اسلامي امارت یې تر څنګ د نړیوال مشروعیت او د افغانستان د میلیارډونو ډالرو پانګې آزادېدل هم غواړي.

اسلامي امارت د ناروې له دې نوښته هرکلی کړی او ویلي یې دي، چې مذاکرات یې ګټور ول.

د بهرنیو چارو وزارت چارسمبالی امیر خان متقي وایي: دا ناسته له اهمیته برخمنه ده؛ په دې ناسته کې د سترو هېوادونو ځانګړیو استازیو ګډون کړی، زمونږ هم پیاوړی پلاوی و. هیله لرو، چې نړۍ ته ښه زیری وړاندې کړو او ټوله نړۍ مو له اصولو، پلان او وړاندیزه خبر شي.

د بهرنیو چارو ورازت چارسمبالي له لويدیځو ډيپلوماټانو سره له لیدنې وروسته ویلي، چې خبرې اترې یې ګټورې وې؛ خو داسې ښکاري، چې د ټولګډونه حکومت د پېژندنې پر سر د نظر اختلاف اوس هم پخپل ځای پاتې دی.

مولوي امیر خان متقي په دې اړه وایي: که د ټولګډونه حکومت معنا دا وي، چې ټول قومونه دې په کې وي؛ دا، خو شته. که د اشرف غني حکومت ټولګډونه و، له هغه حکومته مونږ څوک منفک کړي ندي. البته دا مونږ بشپړ نه بولو؛ هڅه کوو، چې حکومت نور هم ټولګډونه او پوره ښه شي.

له دې غونډې مخکې، یو شمېر سیاستوالو او د افغانستان د مدني ټولڼې استازیو نه یوازې له افغان پلاوي سره لیدلي، بلکې  د افغانستان په چارو کې د امریکا له ځانګړي استازي سره یې هم ناسته لرلې ده.

په کابل کې د معترضو ښځو استازیو هم د ښځو د حقونو د فعالانو د نیول شویو غړیو انځورونه له ځان سره ناروې ته وړي…خو اسلامي امارت وايي، دا ښځې د دوی په بند کې ندي.

د ښځو حقونه فعاله محبوبه سراج وایي: مونږ په تمه یوو، چې دوی څه کولی شي؛ ځکه دوی تر دې دمه کوم ځواب ندی راکړی، خو زمونږ خبرې یې اورېدلي او له مونږ هم خبر دي. هیله منه یم، چې همغږي ولرو؛ ځکه دا به د افغانستان او د ولس په ګټه وي.

پرون د ناروې د پلازمېنې اوسلو سوریا موریا نومی هوټل  د دې لیدنې کوربه و او ښځينه پلاوي د لومړي ځل لپاره د اسلامي امارت له چارواکو سره ولیدل او دا بې سارې لیدنه داډمنه هم نومول شوې ده.

Continue Reading

تازه خبرونه

د یوناما مشرۍ د کورنیو چارو له چارسمبالي څخه د ورکو شویو ښځو په اړه څېړنه غوښتې

خپور شوی

په

توسط

(Last Updated On: سلواغه ۵, ۱۴۰۰)

په افغانستان کې د ملګرو ملتونو مرستندویه پلاوي (یوناما) د اسلامي امارت له مشرتابه غوښتي، چې د ورکو شویو ښځینه هڅاندو موضوع وڅېړي او خلاصون یې ډاډمن کړي.

د افغانستان لپاره د ملګرو ملتونو د سرمنشي ځانګړې استازې ډیبرا لاینز په دې اړه د کورنیو چارو له چارسمبالي سراج الدین حقاني سره لیدلي دي.

یوناما ټویټ کړی، چې: هغې د طالبانو (اسلامي امارت) له مشرتابه د ورکو شویو ښځینه هڅاندو موضوع وڅېړي، چې د راپورونو له مخې تېره اوونۍ له خپلو کورونو څخه تښتول شوي؛ وڅېړي او خوندیتوب یې ډاډه کړي.

د راپورونو له مخې؛ تمنا زریاب پرواني او د هغې درې خویندې او پروانه ابراهیم خېل، چې د اسلامي امارت ضد مظاهرو کې یې برخه اخیستې وه، له خپلو کورونو نیول شوې دي.

د کورنیو چارو وزارت هم ټویټ کړی، چې د دې وزارت چارسمبالي د افغانستان لپاره د ملګرو ملتونو د سرمنشي له ځانګړي استازې سره کتلي دي.

د کورنیو چارو وزارت وايي؛ میرمن ډیبرا لاینز په افغانستان کې د اسلامي امارت د ځواکونو لخوا د ملګرو ملتونو د بنسټونو له امنیته ډاډ څرګند کړی دی.

هغې ویلي، نړیواله ټولنه قانع ده، چې مونږ باید له افغانانو سره د فقر په له منځه وړلو کې مرسته وکړو.

د یادونې، چې د اسلامي امارت د څرګندونو له مخې؛ دوشنبې پر ورځ د سلواغې پر څلورمه په مزارشریف ښار کې ۴۰ هېوادوال په داسې حال کې ونیول شول، چې په ناقانونه توګه یې غوښتل د هوا له لارې بهر ته ووځي.

Continue Reading

Trending

Copyright © 2022 Ariana News. All rights reserved!