Connect with us

تازه خبرونه

بشري هڅاندو ادارو له اړو افغانانو سره د مرستې ژمنه وکړه

خپور شوی

 په

(Last Updated On: غبرګولى ۴, ۱۴۰۰)

په افغانستان کې بشري هڅاند (ملګري ملتونه او ملي او نړیوالې نادولتي موسسې) ژمن دي، چې میلیونونه اړو  خلکو ته بې پرې او ناپېیلې مرستې رسول روان وساتي.

په افغانستان کې د بشري مرستو ترسره کوونکیو د دوشنبې پر ورځ څرګنده کړې، چې روان جنګونه، د خوړو نه خوندیتوب او د کرونا ناروغۍ ناوړو اغېزو د اړو خلکو په شمېر کې ډېروالی راوستی او په تېرو ۱۲ میاشتو کې څه نا څه دوه برابره شوي دي

په داسې حال کې، چې افغانان د سولې خپلمنځي خبرو اترو تلپاتې سولې ته هیله من کړی؛ بشري بشري هڅاندې ادارې په ټول هېواد کې د دوامداره تاوتریخوالي له کبله ژوره اندېښنه په ډاګه کړې، چې ورسره د ملکي ځاني زیانونو کچه ورسره لوړه شوې او نږدې ۱۰۰ زره خلک یوازې په روان کال کې له خپلو کورونو بې ځایه شوي دي.

د دوی د څرګندونو له مخې؛ په افغانستان کې له روانو ننګونو سره سره شاوخوا ۱۶۵ بشري سازمانونو په ټول هېواد کې کار کولو ته دوام ورکړی او په ۲۰۲۰ زېږدیز کال کې یې نږدې ۱۲ میلیون خلکو ته د ژوند ژغورنې مرستې ورسولې دي.

په افغانستان کې بشرې هڅاند له ښکېلو خواوو غواړي، چې:

– له نړیوال بشردوستانه قانون سره سم د ملکي وګړیو، مرستندویه کارمندانو او ملکي تاسیساتو لکه ښوونځيو او روغتونونو ساتنه وکړي.

– بې خنډه لاسرسی چمتو کړئ او ډاډ ترلاسه کړئ، چې مرستندویه کارمندان په پوره خپلواکۍ، بې پرې او له لاسوهنو خوندي خپل خدمات وړاندې کړي.

مرستندویانو او نړیوالې ټولنې ته:

د افغانستان د بشري مرستو د ترسره کولو لپاره د بیړنیو مرستو برابرول او ملاتړ رامنځته کړئ.

په ۲۰۲۱ زېږدیز کال کې ملګري ملتونه د افغانستان ۱۵ اعشاریه ۷ میلیون اړو افغانانو ته د مرستو رسولو لپاره  یو اعشاریه ۳ میلیون ډالرو ته اړتیا لري، چې تر دې دمه یوازې ۱۶۶ میلیونه ډالر یعنې ۱۳ سلنه مرسته تر لاسه شوې ده.

د بشري مرستو همغږی کوونکی ډاکټر رامیز الاکبروف ويلي، د کرونا ویروس کړکېچ لا دمخه د افغانانو ژوند او بشردوستانه عملیاتو اغېزمن کړي. اوس مونږ ته ډېره اړینه ده، چې په ګډه د افغانستان د ټولو خلکو د حقونو د ساتلو لپاره کار وکړو او د هغوی له ژوند ژغورنې ته یې هڅې روانې وساتو.

تازه خبرونه

د تښتیدلي ولسمشر اشرف غني له ۱۰۰ دېر دروغ وشمېرل شول

خپور شوی

په

توسط

(Last Updated On: تله ۲۵, ۱۴۰۰)

خلکو ویلي؛ له هېواده د جمهوریت تښتیدلي ولسمشر د خپلې واکمنۍ پر مهال له سل ډېر دروغ ویلي او له زر ډېرې داسې ژمنې یې افغان ملت ته وړاندې کړي، چې یوه یې هم پلې شوې نده.

افغانان وايي، چې اشرف غني د ولسواکۍ داسې یو ولسمشر و، چې له هېواده پر تېښتې سربېره یې ملت ته ګڼ دروغویلي او غولولی یې دی.

اشرف غني د کمال خان بند د پرانیستې په مراسمو کې ویلي وه، چې افغانستان به په پېنځه کلونو کې پاکستان او هند ته برښنا صادره کړي او په زغرده به  یې ویل، چې له هېواده نه تښتي؛ خو د خلکو د څرګندونو له مخې همدا یې ستر دروغ ول.

خلک وايي، چې اشرف غني له ملت سره سلګونه ژمنې وکړې، چې یوه یې هم عملي نکړه او ولسونه یې تېرېستي دي.

په دې رپوټ کې د اشرف غني د درغو ژمنې په لاندې ډول مستندې شوې دي:

– یو میلیون کاری فرصتونه رامنځته کول؛ خو پېنځه میلیون خلک بې کاره شول.

– د باغیس په سفر کې یې یو کال مخکې په ټولو ولسوالیو کې د یوـ یو مسلکي او تخنیکي ښوونځي جوړول.

– په شپږ میاشتو کې ټولو ښوونکیو ته د یوې نمرې ځمکې ورکول.

– په دوه کلونو کې د هېواد ټولو ولسوالیو ته د برښنا رسول.

– په پېنځه کلونو کې پاکستان او هند ته د برښنا صادرول.

– په هېواد کې د وینې تویېدنې مخه نیول.

– په دوه کلونو کې د  ۶۰۰۰ ښوونځيو جوړول.

– د ملت په دسترخوان کې د مثبت بدلون راوستل او …

د کابل اوسیدونکي محمد مسیح د نوموړي د دروغو په اړه ویلي؛ د اشرف غني ټولې خبرې دروغ وې. د افغانستان خلک یې وغولول. له ملت سره د ژمنو یوه یې هم پلې نکړه.

دغه راز د اشرف غني دې ورته لسګونه نورې له دروغو ډکې ژمنې، چې پلې شوې ندي.

ځينې افغانان وايي؛ اشرف غني د هېواد داسې یو کړتن ولسمشر و، چې له ښکرورو دروغو پرته یې بل څه خپل ولس او خلکو ته وړاندې نکړل. لکه:

که ایران ته یې په یوه ورځ کې د مرمرو قاچاق بند نه کړ، دی به د … زوی وي.

د ښوونکیو لپاره د ۱۵۰۰۰ بلاکونو جوړول.

بي بي ګل غلګنه نده.

د معافیت فرهنګ ختمول.

تر یوه کاله له خپله جیبه دولتي مامورینو ته معاش ورکول.

د کابل ښار یو بل اوسیدونکي روحید نومي ویلي: غني خلک وغولول او له سل دېر دروغ یې وویل او بریالۍ تېښته یې وکړه.

اشرف غني دا هم ویلي، چې په شپږ میاشتو کې به افغانستان پر دوه یمه ترکیه بدلوي او په کابل کې به مترو بس فعالوي.

دغه راز یې د کابل بانک د قضیې د حل کولو او د سلیقوي مقرریو د ختمولو ژمنې هم کړې وې، چې د واکمنۍ تر پایه یې عملي نکړې.

د سولې پر مهال ترې پلرني کور ته د تګ او علمي کار ژمنې هم ترې پاتې شوې.

ویل کیږي، چې نوموړي د دغو دروغو تر څنګ ډېرې نورې ژمنې هم د افغانستان خلکو ته وړاندې کړي، چې یوه یې هم د پلي کېدو له برکته برخمنه نشوه او په پای کې یې تېښته پر پاتې کېدو غوره وګنله.

Continue Reading

تازه خبرونه

آلمان له ترکیې سره د کاري اړیکو ساتلو ته ژمن دی

خپور شوی

په

توسط

(Last Updated On: تله ۲۵, ۱۴۰۰)

د آلمان لومړۍ وزیرې انګلا مرکل ترکیې ته د خپل سفر په بهیر کې د کډوالۍ او نورو مسلو په اړه د همکارۍ پر دوام ټینګار کړی دی.

میرکل ویلي؛ هېواد یې ژمن دی، چې له ترکیې سره کاري اړیکې خوندي کړي.

هغه وایي: د آلمان- ترکیې اړیکې به له ګټو او زیانونو سره سره دوام مومي. هرڅوک پوهیږي، چې زمونږ دواړو امنیت او خپلواکي سره تړلي دي.

هغې زیاته کړې: مونږ غواړو د انساني قاچاق مخه ونیسو. اروپايي ټولنه اړتیا لري، چې په دې برخه کې له ترکیې سره مرسته وکړي.

د جرمني لومړۍ وزیرې زیاته کړې، هېواد یې له ترکیې سره ګډې ګټې لري او راتلونکی حکومت به پدې اړه پرېکړه وکړي.

د ترکیې ولسمشر رجب طیب اردوغان ویلي، چې هېواد یې د مرکل د ښه نیت او له ترکیې سره د مثبتو اړیکو د ساتلو له هڅو درناوی کوي.

اردوغان زیاته کړې: مرکل په ډېرو مسلو کې له نوښت او مسوولیت څخه ډډه نده کړې.

د آلمان لومړۍ وزیره انګلا مرکل د روان کال تر پایه له دندې ګوښه کیږي؛ خو تر هغه وخته پورې به په واک کې پاتې وي، چې یو ائتلافي حکومت جوړ شوی نه وي.

Continue Reading

تازه خبرونه

افغان پلاوی د ازبکستان له سفره بریالی راستون شو

خپور شوی

په

توسط

(Last Updated On: تله ۲۵, ۱۴۰۰)

د افغانستان اسلامي امارت یو څو کسیز پلاوي د جمعې پر ورځ ازبکستان ته خپل یو ورځنی سفر د لومړي وزیر د دوه یم مرستیال مولوي عبدالسلام حنفي پر مشرۍ پای ته رسولی او د سوداګریزو اړیکو په ګډون یې د هغه هېواد له چارواکو سره پر یو شمېر مهمو مسایلو بحث او خبرې کړې دي.

د افغانستان د اسلامي امارت ویاند ذبیح الله مجاهد په خپل ټویټ کې په ډاګه کړې، چې د ازبکستان له چارواکو سره یې د سوداګرۍ د پراخولو، ټرانزیټي آسانتیاوو، روغتیایي او سرحدي همکاریو، د سرخان او پلخمري ترمنځ د ۵۰۰ کیلوواټه برښنا مزي او له مزار څخه کابل او بیا د پاکستان تر پېښوره د اوسپنیزې کرښې د غزولو په اړه هر اړخیزې خبرې کړي دي.

مجاهد زیاته کړې، چې د دواړو هېوادونو اړوند استازیو په راتلونکي ژمي کې افغانستان ته د اړتیا وړ لومړنیو سوند توکو د سوداګرۍ پر پراخولو هم بحث او خبرې کړې دي.

دغه راز د ازبکستان د بهرنیو چارو وزارت په ډاګه کړې، چې دواړه لوریو پر سرحدي امنیت، د سوداګریزو اړیکو پیاوړتیا، روغتیایي همکاریو، انرژۍ او ټرانزیټ بحث او خبرې کړې دي.

مجاهد څرګنده کړې؛ دغه راز ازبکستان او افغانستان ګډې کاري ډلې هم جوړې کړي، چې د اړوند پروژو په اړه د دوه اوونیو په اوږدو کې خپل عملي پلان هېوادنیو مشرانو ته وړاندې کړي، چې پروژې پیل او تر سره شي.

ازبکستان ته د اسلامي امارت د پلاوي له تګ مخکې د افغانستان د بهرنیو چارو وزارت د چارسمبالي امیرخان متقي په مشرۍ یو پلاوی ترکیې ته تللی و. په پام کې ده، چې درې ورځې وروسته د افغانستان اسلامي امارت یو پلاوی مسکو ته په درې اړخیزه غونډه کې د ګډون لپاره روسیې ته ولاړ شي.

Continue Reading

Trending

آریانا نیوز: ټول حقونه خوندي دي