Connect with us

تازه خبرونه

بایډن په افغانستان کې د تروریزم ضد ځواکونو د ساتلو په لټه کې دی

خپور شوی

 په

(Last Updated On: وری ۵, ۱۴۰۰)

د امریکا په ولسي جرګه کې دپوځي کمېټې مشر د چارشنبې پر ورځ ویلي؛ د بایډن اداره په پام کې لري، چې د می له لومړۍ نېټې ورته هم په افغانستان کې سرتېري وساتي.

د سرچینې د څرګندونو له مخې؛ امریکا غواړي، چې طالبان قانع کړي، چې د داعش پروړاندې د امریکا تروریزم ضد ځواکونو ته په افغانستان کې اجازه ورکړي.

رویټرز په ډاګه کړې، چې په ولسي جرګه کې د پوځي کمېټې مشر آدم سمیټ د امریکا ولسمشر جو بایډن ته د احتمالي پرېکړې په اړه خپل اندونه وړاندې کړل.

بایډن تر دې دمه پدې اړه پرېکړه نده کړې، چې آیا د می تر لومړۍ نېټې به ټول سرتېري له افغانستان څخه وباسي.

د دوشنبې پر ورځ په بروکسل کې د امریکا بهرنیو چارو وزیر انټوني بلینکن دا خبره تائید کړه او ویې ویل، چې هغه د ناټو د بهرنیو چارو وزیرانو په ناسته کې (سې شنبه او چهارشنبه) په دې اړه د مشورو لپاره ګډون وکړ.

بایډن په داسې حال کې له ان بي سي نیوز سره په وروستۍ مرکه کې ویلي، چې د می لومړۍ نېټې ژمنې ته رسېدل به سخته وي.

د ځواکونو د ویستلو دغه وروستۍ نېټه بایډن له ټرمپ څخه بایډن ته پر میراث رسېدلې ده. ټرمپ له طالبانو سره د تېر کال په فبرورۍ کې تر می میاشتې د ټولو ځواکونو د ویستو هوکړه کړې ده .

په روانې اوونۍ کې د فارن پالیسۍ آنلاین مجلې په یوه ناسته کې سمیټ ویلي، چې هغه د ملي امنیت له سلاکار جیک سالیوان او دفاع وزیر لویډ آسټین سره د وتلو په اړه خبرې کړې دي.

هغه ویلي: زه فکر کوم، چې دا نېټه ډېره رانږدې شوې ؛  یوازې مونږ په افغانستان کې څه نا څّه  ۳۵۰۰ سرتېري لرو او متحدین مو شاوخوا ۷۰۰۰ هغه  لري. مونږ نشو کولی، چې په شپږ اوونیو کې لس زره  سرتېري وباسو.

هغه زیاته کړې، چې امریکا له طالبانو سره د امریکا تر مشرۍ لاندې د ځواکونو پر پاتې کېدو خبرې کیږي. که طالبان د ځواکونو پر وتلو ټینګار وکړي؛ فکر نکوم، چې له وتلو پرته بل غوراوی ولرو.

دا په داسې حال کې ده، چې طالبان په افغانستان کې له داعش سره جګړه کوي او د کارپوهانو د څرګندونو له مخې اسلامي دولت یا داعش اوس هم یو جدي ګواښ دی.

تازه خبرونه

افغانستان د درملو له کمښت سره مخ دی

خپور شوی

په

توسط

(Last Updated On: تله ۱, ۱۴۰۰)

رویټرز راپور ورکوي چې افغانستان او د هیواد د تګ راتګ د ګډوډۍ له امله د درملو له کمښت سره مخ دی.

د روغتیا نړیوال سازان ویلي، چې په افغانستان  کې روغتیایي سیستم دړې وړې کېدونکی دی او انساني ناورین به ښایي ژر را منځته شي.

دا ټولنه وایي، چې که په دې برخه کې پام ونشي؛ افغانستان به له انساني ناورین سره ژر مخ شی.

د روغتیا نړیوال سازمان مشر کابل ته په سفر کې څرګنده کړې، چې د ناپېیلتیا د اصولو او د ملګرو ملتونو خپلواکۍ ته په کتو به د میلیونونو افغانانو د ژغورنې لپاره خپلې هڅې روانې وساتي.

د روغتیا نړیوال سازمان وایي، چې د افغانستان روغتیایي سکتور پر بانکونو د بندیزونو د لګېدو له کبله د دړې وړې کېدو له ګواښ سره مخ دی او د یو انساني ناورین شونتیا یې را منځته کړې ده.

د روغتیا نړیوالې ټولنې مشر ټډروس آډهانوم ویلي: د مالي مرستندویانو د ملاتړ کمی په افغانستان کې د روغتیایي پروژو پر وړاندې لویه ستونزه ده. زرګونه روغتیایي مرکزونه بودجه نلري او دا مهال طبي تجهیزاتو ته اړتیا ده او کارکوونکیو ته یې معاش ندی ورکړ شوی، ځینې مرکزونه بند شوي او دا مهال اوولس سلنه روغتیایي مرکزونه فعاله دي.

د کابل بازارونو کې د درملو عمده پلورونکي وایي، چې د پولو تړل کېدو له کبله څلویښت سلنه درمل کم شوي او ناروغانو ته نه رسیږي.

درمل پلورونکی زاهد الله وایي، چې له یوې میاشتې را پدیخوا یې درمل ندي وارد کړي او لامل یې د پولو تړل کېدا ده.

درمل پلورونکی مسیح وایي: ځمکنۍ او هوایي پولې د درملو د واردولو لپاره تړل شوي دي؛ مونږ د درملو له کمښت سره مخ یوو؛ د زړه، فشار او سرطاني ناروغیو درمل نلرو او اوس نه راځي.

د روغتیایي نظام د پاشل کېدو خبرداری په داسې حال کې ورکول کیږي، چې د روغتیا نړیوال سازمان مشر د یوه پلاوي په مشرۍ کابل ته راغلی و.

Continue Reading

تازه خبرونه

پر افغانستان لګول شوي اقتصادي بندیزونه دې پای ته ورسیږي – چین

خپور شوی

په

توسط

(Last Updated On: تله ۱, ۱۴۰۰)

د چین دولتي سلاکار او د بهرنیو چارو وزیر وانګ یي څرګنده کړې، چې پر افغانستان لګول شوي یو اړخیز بندیزونه یا  بېلابېل محدودیتونه باید ژر تر ژره لرې شي.

د چین د بهرنیو چارو وزارت څرګنده کړې، چې وانګ د چارشنبې پر ورځ د افغانستان په اړه د جي ـ۲۰ هېوادونو د بهرنیو چارو وزیرانو په ویډیوي ناسته کې پر افغانستان د لګول شويو اقتصادي بندیزونو د لرې کولوغوښتنه کړې ده.

نوموړي ویلي: د افغانستان د اسعارو او پیسو زیرمه د دې هېواد ملي شتمنۍ ده، چې د همدغه خلک باید باید ورته لاسرسی ولري او باید پر افغانستان او افغانانو د سیاسي فشار د رامنځته کولو لپاره ونکارول شي.

دا په داسې حال کې ده، چې د افغانستان اسلامي امارت یوه ویاند ویلي؛ د چین، روسیې او پاکستان استازیو کابل ته په یوځایي سفر کې له چارواکو سره لیدلي؛ د حکومت پر رسمیت پېژندل او د افغانستان اقتصادي بحران مخنیوی یې د بحث او خبرو سرټکي وه.

Continue Reading

تازه خبرونه

“اسلامي امارت” دې ترهګرو ته د امن ځالو جوړولو اجازه نه ورکوي – بریټانیا

خپور شوی

په

توسط

(Last Updated On: تله ۱, ۱۴۰۰)

بریټانې د افغانستان له اسلامي امارت غوښتي، چې په افغانستان کې دې ترهګرو ته د امن ځالو جوړولو اجازه نه ورکوي.

د افغانستان پر روانو حالاتو د ملګرو ملتونو د غونډې په درشل کې د بریتانیا لومړي وزیر بوریس جانسن ویلي، چې له افغانستان سره د دې هېواد مرستې له دې سره تړلي، چې دا هېواد له ترهګرۍ سره څه ډول مبارزه کوي. 

نوموړي زیاته کړې: په کابل کې نویو چارواکو ته ووايئ، چې تاسې پيسې غواړئ او مونږ له تاسو سره همکاري کوو؛ خو، چې افغانستان بیا د ترهګرو د روزنې پر مرکز بدل نشي.

دغه راز د پاکستان لومړي وزیر عمران خان هم ویلي، چې د نړۍ له نورو هېوادونو سره یو ځای به د افغانستان د نوي حکومت د رسمیت پېژندلو په اړه پرېکړه وکړي.

نوموړي زیاته کړې: آیا طالبان به ټولګډونه حکومت جوړ کړي، بشري حقونه به رعایت کړي او یا دا، چې دا هېواد بیا د تروریزم پر مرکز بدل نشي. دا هغه څه دي، چې ټول ګاونډيان یې په اړه اندېښنه لري.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په دې اړه ويلي؛ دولت له نړیوالې ټولنې سره د اړیکو پراخولو ته لیواله دی او له نړۍ سره داسې اړیکې غواړي، چې د افغانستان ملي ګټې په خطر کې ونه لویږي.

د اسلامي امارت ویاند ذبیح الله مجاهد وایي: تر هغه ځایه، چې د اسلامي امارت سره تړاو لري؛ مونږ پرمختللې بهرنیو اړیکو ته ژمن یو، مونږ غواړو، چې ښې او مثبتې اړیکې ولرو. مونږ غواړو، چې ښې   ډیپلوماټیکې او بې پرې اقتصادي رامنځته کړو.

د یادونې ده، چې د خلکو او هېواد کمزوری اقتصاد، حکومتداري او له نړیوالو سره د اړیکو جوړول هغه ستونزې دي، چې اوس ور سره اسلامي امارت مخ دی او د حل لپاره یې هڅې کوي.

Continue Reading

Trending

آریانا نیوز: ټول حقونه خوندي دي