تازه خبرونه
ا.ا د افغانۍ د ثبات لپاره پر بهرنیو اسعارو راکړه ورکړه ودروله
د افغانیو په مقابل کې د ډالر د ارزښت له بې ساري لوړېدا وروسته اسلامي امارت په سوداګریزې راکړه ورکړه کې د بهرنیو اسعارو پر کارولو بندیز ولګاوه.
د اقتصادي وضعیت د مدیریت په برخه کې د لومړي وزیر مرستیال عبدالسلام حنفي وايي، اوسنی وضعیت به ډېر ژر بدل شي.
هغه وایي: مونږ به هيچا ته په افغانستان کې د خپلسرۍ اجازه ورنکړو. مونږ دیني عالمانو، سیمه ییزو چارواکو او امنیتي ځواکونو ته لارښوونه کړې، چې له افغانیو پرته د نورو هېوادونو بانکنوټونو ته اجازه ورنکړي.
حکومتي چارواکي خبرداری ورکوي، چې د ډالرو له قاچاق وړونکیو او زیرمه کوونکیو سره به قانوني چلن وشي.
که څه هم هېواد له سختو اقتصادي ستونزو سره مخ دی؛ خو حکومت وايي، د هېواد ملي عاید لوړ شوي او د سیاسي او اقتصادي وضعیت د ښه والي لپاره ډاډمنې هڅې روانې دي.
په هېواد کې د ډالرو د بیې د لوړېدو له کبله د اومو موادو بیه په بې ساري ډول لوړه شوې او ښاریانو د پېراو پلور وس له لاسه ورکړی دی.
د اسلامي امارت د لومړي وزیر لومړي مرستیال ملا عبدالغني برادر په کابل کې د کورنیو تولیداتو د نندارتون د لیدنې پرمهال خبرداری ورکړ، چې په افغانستان کې قحطي به د سیمې او نړۍ لپاره ننګونې رامنځته کړي.
ملا برادر پر نړیوالې ټولنې سختې نیوکې وکړې او وایي؛ د امریکا د هغې پرېکړې په وړاندې چوپه خوله پاتې دي، چې د افغانستان باک د زیرمې د کنګلولو پرېکړه یې کړې ده.
نوموړی وایي: امریکا، چې څه کړي؛ نړۍ یې ولې نشي لیدلی. دا د اشرف غني پیسې ندي دا د ملت پیسې دي. امریکا ولې د هېواد بانکي زیرمه کنګل کړې؟ نړۍ ولې ورته نه وايي، چې دا د ملت پیسې دي او باید بېرته ورکړ شي.
هغه زیاته کړې، نړۍ په دې برخه کې ځانګړې موخې څاري؛ خو اسلامي امارت د افغانستان ملي ګټو ته ژمن دی او ترې ساتنه کوي.
ملا برادر وایي: مونږ لهه نړیوالې ټولنې غواړو، چې د افغانستان اسلامي امارت پر رسمیت وپېژني او د شته ستونزو د حل لپاره د افغانستان کنګل شوې زیرمه خوشې کړي.
دا په داسې حال کې ده، چې سپینې ماڼۍ ویلي؛ د افغانستان د کنګل شویو پیسو آزادول تر دې دمه د واشنګټن په لومړیتوبونو کې تر کار لاندې ندي او په دې اړه اړوند غوښتنه رد شوې ده.
تازه خبرونه
نړیواله ټولنه دې د پاکستان د بې عدالتۍ او ظلم مخه ونیسي ـ د هوایي برید ټپیان
هر ټپي د برید دردوونکې کیسې لري او وايي پاکستانيو الوتکو هغه سیمې پر نښه کړې، چې کډوال په کې شپې سبا کوي.
په پکتیکا کې د پاکستان په هوايي بریدونو کې یو شمېر ټپیان له نړیوالې ټولنې غواړي، چې د پاکستان د "بې عدالتۍ" او ظلم مخه ونیسي.
د پکتيکا ولايت په برمل ولسوالۍ کې د پاکستان د هوايي بريدونو له کبله د ماشومانو، لويانو او میرمنو په ګډون يو شمېر ټپيان کابل ته لېږدول شوي دي.
هر ټپي د برید دردوونکې کیسې لري او وايي پاکستانيو الوتکو هغه سیمې پر نښه کړې، چې کډوال په کې شپې سبا کوي.
دوی وايي؛ د پاکستان پوځ له کډوالو سره غیر انساني چلند کوي؛ ماشومان او ښځې پر نښه کوي.
له آریانا نیوز سره داسې ټپیانو هم خبرې کړي، چې د پاکستان په هوايي بریدونو کې یې د خپلو کورنیو ډېر غړي له لاسه ورکړي دي.
په هغو ټپیانو کې، چې کابل ته راوړل شوي دي؛ داسې ټپیان هم په کې ديؤ چې د خپلې کورنۍ ټول غړي یې له لاسه ورکړي دي.
په پکتیکا کې د پاکستان د هوايي برید له کبله ټپي شوی یحیی نومی ماشوم د خپلې کورنۍ د ټولو غړیو د له لاسه ورکولو په غم کې ژاړي.
له دې بریدونو څخه ان دوه میاشتنی ماشوم هم ندی خلاص شوی، دغه ماشوم اوس د خپلې مور د ګرمې غېږې پر ځای د کابل په یوه روغتون کې بستر دی.
د هوایي برید ټپیان وايي، چې د پاکستاني پوځ د بريدونو له وېرې له وزيرستانه افغانستان ته را کډه شول؛ خو دلته پرې هم بريدونه کیږي.
په پکتیکا کې د پاکستان د هوايي برید یو بل ټپي سهیل نومي ویلي؛ له همدې کبله له نړیوالې ټولنې غواړي، چې د پاکستان د «بې عدالتۍ» او ظلم مخه ونیسي.
د کارپوهانو د څرګندونو له مخې؛ د پاکستان پوځ، چې د نړیوالو قوانینو خلاف په ګاونډ هېوادونو کې خپل وګړي پر نښه کوي؛ غواړي، چې کابل له اسلامآباد سره د کړکېچ نوي پړاو ته وردننه شي. هغه تاوتریخوالی، چې کیدی شي د سرحدي نښتو او د پاکستان پر خاوره د بریدونو د زیاتوالي لامل شي.
ویل کیږي، چې پاکستان پخپله غواړي د خپل پوځ او ټي ټي پي تر منځ جګړې ته زور ورکړي.
تازه خبرونه
پاکستان په افغانستان کې خپل هوايي بریدونه تائید کړل
د یاد حکومت د بهرنیو چارو وزارت ویاندې ویلي، چې پاکستان د خپلو خلکو لپاره یو موټی دی.
د پاکستان بهرنیو چارو وزارت د پنجشنبې پر ورځ ( د مرغومي شپږمه ) تائید کړه، چې د سېشنبې پر شپه یې هوایي ځواکونو په افغانستان کې بریدونه کړي دي.
د یاد حکومت د بهرنیو چارو وزارت ویاندې ویلي، چې پاکستان د خپلو خلکو لپاره یو موټی دی.
د پاکستان ډان نیوز ورځپاڼې د دغه هېواد د بهرنیو چارو وزارت د ویاندې ممتاز زهرا بلوچ له خولې ویلي، چې پاکستان د افغانستان په سرحدي سیمو کې عملیات کړي دي.
ممتاز بلوچ څرګنده کړې، چې دغه عملیات د پاکستان لخوا د افغانستان په سرحدي سیمو کې د استخباراتي معلوماتو پر بنسټ ترسره شوي.
هغې زیاته کړې: دا عملیات د پاکستان امنیت ته د ګواښونو پر بنسټ ترسره شوي دي.
دې چارواکې ټینګار کړی، چې پاکستان " تل له افغانستان سره د اړیکو په اړه خبرو اترو ته لومړیتوب ورکړی دی."
ممتاز بلوچ ویلي: مونږ د افغانستان بشپړتیا او حاکمیت ته درناوی لرو.
بلوچ یادونه کړې، چې د پاکستان امنیتي ځواکونه او د قانون پلي کوونکي ادارې په منظم ډول "په سرحدي سیمو کې د ترهګرو ډلو پر ضد" عملیات ترسره کوي.
هغې ټینګار کړی: د دغو عملیاتو پیل په ډېر دقت سره ترسره کیږي.
نوموړې ویلي، چې د خپلو اتباعو ساتنه د پاکستان لومړیتوب دی، " د ترهګرو لخوا پاکستان او خلکو ته ګواښونه موجود ول".
بلوچ ویلي: "پاکستان د خپلو خلکو امنیت ته ژمن دی."
د اسلامي امارت اړوند چارواکو له برید وروسته سخت غبرګون ښودلی دی:
د افغانستان اسلامي امارت بهرنیو چارو وزارت د دغو بریدونو په غبرګون کې د پاکستان شارژدافیر احضار کړ.
دغه وزارت د پکتيکا ولايت په برمل ولسوالۍ کې د پاکستانيو ځواکونو د وروستي هوايي بريد د غندلو تر څنګ پاکستاني ډيپلوماټ ته د " سخت اعتراضي يادښت" وړاندې کړ.
په دې لیک کې ټینګار شوی، چې د افغانستان د ځمکني بشپړتیا ساتنه د اسلامي امارت لپاره یوه « سره کرښه» ده او خبرداری ورکوي، چې دا ډول بې پروايي به بدې پایلې ولري.
د سېشنبې پر ورځ د پکتیکا ولایت د برمل ولسوالۍ په اړوند سیمو کې پاکستان هوایي بریدونه وکړل، چې له کبله یې ۴۶ کسان د ښځو او ماشومانو په ګډون ووژل شول او شپږ نور ټپیان دي.
تازه خبرونه
اسلامي امارت د جدي شپږمه د شوروي اتحاد یرغل وغانده
د ارګ په خبرپاڼه کې راغلي: « له نن څخه ۴۵ کاله وړاندې د ۱۳۵۸ کال د جدې پر شپږم تاریخ د پخواني شوروي اتحاد سرو لښکرو د خپلو لاسپوڅو پر ملتیا پر افغانستان تېری وکړ؛ خو د افغانستان مېړني ولسونه یې پر وړاندې ټینګ ودرېدل.»
د افغانستان اسلامي امارت پر افغانستان د شوروي اتحاد د یرغل د پیل د ۴۵ کلیزې په مناسبت په خبربانه کې د جدي شپږمه د شوروي اتحاد یرغل غاندلی او د افغانانو مباره یې ستایلې ده.
د ارګ په خبرپاڼه کې راغلي: « له نن څخه ۴۵ کاله وړاندې د ۱۳۵۸ کال د جدې پر شپږم تاریخ د پخواني شوروي اتحاد سرو لښکرو د خپلو لاسپوڅو پر ملتیا پر افغانستان تېری وکړ؛ خو د افغانستان مېړني ولسونه یې پر وړاندې ټینګ ودرېدل.»
د خبرپاڼې له مخې؛ افغانان له ۹ کاله مبارزې او جهاد وروسته داسې ورځ ولیده، چې سرو لښکرو په افغانستان کې ماتې وخوړه او له افغانستان څخه ووتل.
اسلامي امارت ویلي، چې راتلونکي نسلونه باید تل د دین، خپلواکۍ او وطن په دفاع کې د خپلو پخوانیو اسلافو پیروي وکړي او د هر ډول تېري او ظلم پر وړاندې ودریږي.
-
نړۍ4 days ago
په برازیل کې د یوې ترافیکي پېښې له کبله ۳۰ کسان مړه شول
-
ساینس او ټیکنالوژي3 days ago
ټیکټاک د یو څه وخت لپاره په امریکا کې د پاتې کېدو ارزښت لري – ډونالډ ټرمپ
-
تازه خبرونه2 days ago
اسلامي امارت به په پکتیکا کې د پاکستان وحشیانه بریدونه بې ځوابه پرې نهږدي
-
نړۍ1 day ago
د سوریې پخوانیو وسلوالو له دفاع وزارت سره د ادغام هوکړه وکړه
-
تازه خبرونه4 days ago
ټاکل شوې په افغانستان کې د ګوزڼ واکسین نوی کمپاین پیل شي
-
تازه خبرونه3 days ago
کمزوری ایران ښایي د اټومي وسلو پر پراختیا راوڅرخیږي – سپینه ماڼۍ
-
تازه خبرونه4 days ago
په پروان ولایت کې ۵ زره جریبه ځمکه دولتي تثبیت شوه
-
نړۍ1 day ago
د شتمنو هېوادونو د مرستو کمېدو له کبله په نړۍ کې د لوږې بحران پراخه شوی دی