Connect with us

تازه خبرونه

اوږدمهاله اوربند به د خپلمنځی خبرو د اجنډا په سر کې وی – عبدالله

Ariana News

خپور شوی

 په

(Last Updated On: September 4, 2020)

د ملي پخلاینې عالي شورا مشر ویلي؛ اوږد مهال اوربند به له طالبانو سره د خپلمنځي خبرو د اجنډا ارزښتمنه برخه وي.

د ملي پخلاینې عالي شورا مشر عبدالله عبدالله وایي: لومړنۍ موضوع، چې ټاکل شوې بحث پرې وشي؛ اوږد مهاله او باثبات اوربند، چې د دواړو لوریو تر منځ باور جوړولو او خبرو ته به ښه زمینه برابره کړي. د افغانستان خلک د باعزته سولې غوښتوونکي دي، چې باید ژر تر لاسه شي.

 نوموړي له العربیه تلویزیوني شبکې سره په مرکه کې دې پوښتنې ته، چې اساسي قانون د تعدیل وړ دی؟ وویل، چې خپله له مشروع لارو او غوره شویو تګلارو پر بنسټ د اساسي قانون تعدیل غواړي.

د ملي پخلاینې عالي شورا مشر وایي: اساسي قانون ته په پاملرنه د اړتیا په صورت کې د اساسي قانون د تعدیل لپاره لار او میکانیزم شتون لري. د لویې جرګې په پرېکړه لیک کې هم ترې یادونه شوې؛ که د اساسي قانون تعدیل ته اړتیا وه، مونږ باید تعریف شوي میکانیزم ته په پاملرنه ورته چمتو واوسو.

نوموړي زیاته کړې؛ د افغانستان د اسلامي جمهوریت مرکچي پلاوی به راتلوونکې اوونۍ له طالبانو سره خبرو ته کیني.

د حکومت د مرکچي پلاوي فوزیه کوفي، چې څه موده مخکې تر وسلوال برید لاندې راغلې وه هم له العربیه تلویزیوني شبکې سره په مرکه کې د ښځو پر  معنا لرونکي رول تینګار کړی دی.

میرمن کوفي وایي: ښځې د تېرو څلور لسیزو جګړو برخه نه وې؛ خو غواړي، چې د سولې برخه وي؛ ځکه مونږ باور لرو، چې له ښځو پرته تلپاتې سوله ناشونې ده. سوله عدالت سره تر لاسه کیږي؛ نو، ځکه ښځې د هېواد پېنځه پنځوس سلنه نفوس په توګه باید د خبرو اترو یوه برخه وي.

دغه راز په افغانستان کې د یوناما مشرې دیبرا لاینز د ملګرو ملتونو د امنیت شورا ناستې ته ویلي، چې د جګړې په ډګرونو کې د تاوتریخوالي کچه اوس هم ډېره لوړه ده.

میرمن ديبرا د جګړې له ښکېلو خواوو غوښتي، چې د تاوتريخوالي کچه راټيټه او د خبرو لپاره بشردوستانه اوربند وکړي.

هغې څرګنده کړې؛ له څلور لسیزو جګړو وروسته، د افغانستان خلک تر بل هر وخت سولې ته ډېر هیله من دي او غواړي دا ویجاړوونکې جګړه پای ته ورسیږي.

ویل کیږي، چې د افغانانو خپلمنځي خبرو د پرانیستې پر مهال به د ملي پخلاینې عالي شورا مشر عبدالله عبدالله، د پاکستان لومړی وزیر او د زیاترو هېوادونو او سازمانونو استازي به په دې ناسته کې ودیوي حضور ولري.

تازه خبرونه

د امریکا دوه پخوانیو دفاع وزیرانو جو بایډن ته د ځواکونو پر ساتلو ټینګار څرګند کړی

Ariana News

خپور شوی

په

توسط

(Last Updated On: March 2, 2021)

د امریک دوه پخوانیو دفاع وزیرانو ویلي، چې دوی به ولسمشر جو بایډن ته له افغانستان څخه د ټولو امریکایي ځواکونو د نه ایستلو پر سپارښتنه ټینګار وکړي.

د امریک پخواني دفاع وزیر مارک یسپر ویلي، چې د بروکینګز انسټیټیوټ له مایکل اوهانلون سره په یوه مرکه کې ویلي، چې له طالبانو سره د ځواکونو د ایستلو تړون تل له شرایطو تړاو لرلی.

یسپر ویلي: طالبانو پخپلې ژمنې پلې کړې ندي؛ تاوتریخوالی روان دی، له افغان سره د سیاسي هوکړې پایله ناڅرګنده ده او له القاعدې سره پوره اړیکې پرې شوې ندي.

نوموړي زیاته کړې؛ هغه په افغانستان کې د ټرمپ د ټاکنو پر مهال د ځواکونو شمېر ۲۵۰۰ ته له راټیټولو سره مخالفت کړی و، چې د ده د څرګندونو له مخې پر طالبانو یې د امریکا فشار بې اغېزې کړ.

نوموړي غوښتل، چې په افغانستان کې د ځواکونو شمېر باید د شرایطو تر ښه کېدو پورې ۴۵۰۰ وساتل شي.

یسپر زیاته کړې، چې ټرمپ جو بایډن له سخت وضعیت سره مخ کړی.

د نوموړي د څرګندوړنو له مخې؛ مونږ باید ډاډ ترلاسه کړو، چې افغانستان بیا د تروریزم لپاره خوندي ځای نشي.

دغه راز د پخواني ولسمشر بارک اوباما دفاع وزیر رابرټ گیټس له واشنګټن پوسټ سره په خبرو کې ویلي، چې امریکا باید په افغانستان کې د سولې تر راتلو پاتې.

نوموړي ویلي؛ زما نظر دا دی، چې د ولسمشر د څرګندونو له مخې کېدی شي مونږ د می پر لومړۍ نېټه خپل پاتې سرتېري ونه وباسو او له خپلو متحدینو سره د پاتې کېدو شونتیا په پام کې ونیسو.

ګیټس څرګنده کړې: مونږ اوس په افغانستان کې ۲۵۰۰ سرتېري لرو او دوی پاتې کیدو ته اړتیا لري او  لږ تر لږه تر هغه وخته پاتې شي، چې طالبان یې شتون ومني.

دغه راز په کابل کې د امریکا سفارت ویلي؛ د افغانستان د سولې لپاره د امریکا ځانګړی استازی زلمي خلیلزاد به دوحې او د سیمې نورو هېوادونو ته سفر وکړي، چې د افغان سولې په تړاو له افغان مشرانو، طالب استازیو او نورو هېوادونو سره خبرې اترې بیا پیل کړي.

دا په داسې حال کې ده، چې د امریکا د استازیو جرګې د بهرنیو چارو کمیټې مرستیال په ډاګه کړې؛ د افغانستان د سولې لپاره د امریکا ځانګړي استازي زلمي خلیلزاد د افغانستان په ګډون سیمې ته سفرونه پیل کړي، چې د امریکا او طالبانو ترمنځ د سولې راوستو په هوکړه لیک کې بدلون رامنځته کړي.

Continue Reading

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

Trending

آریانا نیوز: ټول حقونه خوندي دي