Connect with us

تازه خبرونه

اوربند ته د طالبانو د نه حاضریدو له کبله مې د سولې خبرې لغو کړي- ترمپ

Ariana News

خپور شوی

 په

(Last Updated On: وږی ۳۰, ۱۳۹۸)

د امریکا ولسمشر دونالد ترمپ څرګنده کړې؛ کله، چې طالبانو اوربند ونه مانه، ما له دې ډلې سره د سولې خبرې لغو کړې او ومې ویل، چې مونږ ولې نور زیاروګالو.

دونالد ترمپ د امریکایانو او طالبانو د لس میاشتو ۹ پړاوه خبرې ودرولې او د افغانستان د سولې بهیر یې لغو کړ.

نوموړي تېره ورځ په واشنګتن کې د اسرالیا له لومړي وزیر سره په لیدنه کې په ډاګه کړه، چې د مذاکراتو د فسخه کیدو دلیل دا دی، چې طالبان اوربند ته حاضر نشول.

دونالد ترمپ د طالبانو په اړه خپلې خبرې بیا زمزمه کړي او وایي، که امریکا وغواړي د افغانستان په جګړه کې بریالیتوب تر لاسه کړي، لس میلیون وګړي به ووژل شي.

هغه ویلي؛ طالبانو تېروتنه وکړه، خو په خبره یې امریکا به له افغانستان څخه په تدریجي ډول خپل ځواکونه وباسي.

هغه وایي: مونږ د یوې لیدنې د تر سره کولو په اړه فکر کاوه؛ دا مې خوښ نه شو، چې هغوی ونه کړای شو اوربند وکړي. زه د دې پلوي نه وم؛ ومې ویل، چې که هغوی اوربند نشي کولی، مونږ ولې ځان په زحمت کړو. هغوي فکر وکړ، چې دا به د ځواک یو ټکی وي.

طالبان غواړي له امریکا سره یې خبرې له سره پیل شي. که څه  هم دې ورځو کې د دونالد ترمپ خبرې د افغانستان پر سوله متمرکزې دي؛ خو تر اوسه یې له طالبانو سره د سولې خبرو د پیل لپاره هیڅ شین څراغ ندی ښکاره کړی او دا یې نه دي ویلي، چې سولې ته لاسرسی به پر سیاسي هوکړې رامنځته شي.

د ښاغلي ترمپ د څرګندونو له مخې؛ طالبان وایي، چې مونږ له دې سړي سره یوه تېروتنه کړې. هغوی تېروتنه کړې. ما په بشپړ ډول اراده درلوده، چې له هغوی سره ووینم او زه له هر چا سره وینم. زه فکر کوم لیدنې کتنې ښې دي. فکر کوم لیدنې کتنې ښې دي. داسې نده، چې رد یې کړو، زه په رښتیا سره باور لرم، چې لیدنې کتنې ښې دي.

امریکا غواړي، چې له افغانستان څخه خپل ځواکونه وباسي. لکه، چې دونالد ترمپ وایي، له افغانستان څخه به ځواکونه په تدریج سره کم کړي.

په کابل کې تمې دا دي، چې که څه هم د امریکا او طالبانو خبرې له ماتې سره مخ شوې؛ خو دا ځل به د افغانانو تر منځ خبرې وشي او طالبان به یوې هوکړې ته د لاسرسي په خاطر چمتو کړي.

د اجرائیه رییس د ویاند مرستیال امید میثم  وایي؛ هڅه کوو، چې د سولې بهیر وڅارل شي او هیله ده، چې مونږ د افغانانو د خپلمني خبرو لیدونکي اوسو.

د جمعې پر ورځ زلمي خلیلزاد د امریکا په کانګریس کې د تړلو دروازو شاته له طالبانو سره د مذاکراتو پرجرئیاتو معلومات ورکړل. وروسته د امریکا د بهرنیو چارو وزارت مرستیاله الیس ویلز د کانګریس یوې علني ناستې ته ورغله. که څه هم د مذاکراتو د جزئیاتو په اړه یې څه ونه ویل؛ خو ویې ویل، چې طالبانو له خپلو تېرو تېروتنو درس اخیستی دی.

تازه خبرونه

افغانستان او ترکمنستان د اقتصادي همکاریو تړونونه لاسلیک کړل

Ariana News

خپور شوی

په

توسط

(Last Updated On: تله ۹, ۱۳۹۹)

افغانستان او ترکمنستان د چارشنبې پر ورځ ( د تلې ۹) په کابل کې د برښنا او نوري فایبر په اړه د تفاهم درې هوکړه لیکونه او د اقتصادي همکاریو یو تړون لاسلیک کړ.

د دغو هوکړه لیکونو د لاسلیک په مراسمو کې د افغانستان ولسمشر اشرف غني له بیات ګروپ او د ترکمنستان له چالک شرکت څخه هېواد ته د  ۵۰۰ میګاوات برښنا لیږد او نوري فایبر نښلولو تړونونو لاسلیک مننه کړې ده.

احسان الله بیات او د چالک شرکت مشر حکمت سیزار؛ د افغان ولسمشر اشرف غني، د ترکمنستان د بهرنیو چارو وزیر رشید میردوف، د ترکمنستان سفیر اویزوف خواجه سفرګیدویچ، د کانونو او پترولیم وزارت چارسمبالي محمد هارون چخانسوري په حضور کې د ۵۰۰ میګاوات برښنا او نوري فایبر نښلولو تړونونه لاسلیک کړل.

د ولسمشرۍ د څرګندونو له مخې؛ د دغه هوکړه لیک د لاسلیک په مراسمو کې ولسمشر غني ویلي: نن مونږ خپل  پخوانی ښه تاریخ ژوندی کوو او د وروستیو کلونو بد تاریخ جبرانوو.

هغه زیاته کړې؛ د بیات ګروپ او چالک خصوصي شرکت له حضور څخه مننه او دا د دې څرګندوی دي، چې د افغانستان او نړیوالو خصوصي شرکتونو یو بل ته لاس ورکړی او ۵۰۰ میګاواته برښنا تامینوي. ترکمنستان نه یوازې افغانستان، بلکې خپلو ټولو ګاونډ هېوادونو ته ښه ګاونډ دی او مونږ بېرته خپلو لرغونو رېښو ته ورګرځو.

تاپ پروژه ( د ترکمنستان څخه افغانستان او پاکستان ته د برښنا لیږد) یوه له مهمو پروژو څخه ده، چې د دې پروژې د لومړي پړاو د جوړیدو تړون دوه اوونۍ وړاندې د افغانستان برښنا شرکت له چالک شرکت سره لاسلیک کړی دی.

د ترکمنستان د بهرنیو چارو وزیر د افغانستان او ترکمنستان دوه اړخیزو همکاریو ته په انغوته او شاره کې ویلي، هېواد یې غواړي، چې د دې لویو پروژو له تطبیق سره د انرژۍ د تامین ترڅنګ د دواړو هېوادونو ولسونو ته یې ګټه ورسېږي او زموږ اقتصادي همکارۍ به د ټولو لپاره موثرې وي.

هغه زیاته کړه چې په دې برخه کې د همکارۍ لپاره زیات فرصتونه شته او ددې اوږدمهالې پروژې ګټې ټولو ته رسیږي.

په پام کې ده چې د دې پروژې د لومړي پړاو په بشپړیدو سره په لومړي قدم کې ۳۰۰ میګاواټه برښنا د هرات او فراه ولایتونو اوسیدونکو ته ووېشل شي.

د افغانستان برښنا شرکت او چالک شرکت ترمنځ د شوې هوکړي پر بنسټ به د دې پروژې لومړی پړاو د یو کال په لړ کې بشپړ شي.

د یادونې وړ ده چې افغانستان به د دې پروژې له ترانزیټي لارې څخه د کال ۵۰ میلیون دالر د ترانزیت حق ترلاسه کړي.

Continue Reading

تازه خبرونه

په افغانستان کې سوله د پاکستان په ګټه ده – عارف علوي

Ariana News

خپور شوی

په

توسط

(Last Updated On: تله ۹, ۱۳۹۹)

د ملي پخلاینې عالي شورا مشر داکتر عبدالله عبدالله نن (چهارشنبه د تلې ۹) د پاکستان له ولسمشر عارف علوي سره په دوحه کې د روانو خپلمنځي خبرو اترو په اړه ولیدل.

د پاکستان ولسمشر عارف علوي په دې لیدنه کې ویلي؛ د پاکستان حکومت او مشرتابه په افغانستان کې د سولې له هڅو بشپړ ملاتړ کوي. مونږ په افغانستان کې جګړې پای او له سولې او ثبات ته ملاتړ کوو.

هغه ویلي: پاکستان د افغانستان په جګړه کې ځپل کیږي؛ خو له سولې ګټه پورته کوي.

ښاغلي علوي زیاته کړې، چې پاکستان غواړي له افغانستان سره د ښوونې او روزنې، لوړو زدکړو، معلوماتي تکنالوژۍ او عامې روغتیا په برخو کې همکاري زیاته کړي.

دغه راز هغه د دواړو لوریو تر منځ د سوداګرۍ پر پراختیا ټینګار کړی او وایي، چې د سولې له راتګ سره مونږ غواړو سویلي آسیا له مرکزي آسیا سره ونشلوو.

هغه دا هم ویلي، چې د سولې راتګ به د درنو مهاجرو ستنېدو ته هم زمینه برابره کړي.

د ملي پخلاینې عالی شورا مشر عبدالله ویلي؛ په دې پړاو کې د سولې لاسته راوړنه د افغانستان د خلکو او حکومت یو له لومړیتوبونو څخه ده او د دې بهیر په بریا کې د پاکستان او نورو هیوادونو همکاریو اړتیا ده.

عبدالله عبدالله زیاته کړې؛ افغانستان له خپلو ټولو ګاونډ هېوادونو په ځانګړي توګه له پاکستان سره ښې اړیکې غواړي او په افغانستان کې سوله او ثبات به د دواړو هېوادونو او سیمې تر منځ د همکارۍ، سوداګریزې ودې او پرمختګ لپاره لار اواره کړي.

عبدالله  دغه راز ټینګار کړی، چې مونږ له ستونزو څخه لرې او د جګړې پای ته رسولو لپاره یو استثنایي او رښتینی فرصت لرو او هیله لرو، چې دا ځل به له کورني، سیمه ییز او نړیوال ملاتړ سره د تلپاتې سولې او ثبات لرونکي شو.

Continue Reading

تازه خبرونه

فرانسې په نګورنو قره باغ کې د ترکیې پر لاسوهنه نیوکه کړې

Ariana News

خپور شوی

په

توسط

(Last Updated On: تله ۹, ۱۳۹۹)

فرانسې د آرمنستان او آذربایجان په شخړه کې له آذربایجان څخه د ترکیې پر ملاتړ کلکه نیوکه کړې او هغه یې جنګ غوښتنه ګنلې ده.

د آذربایجان او آرمنیا تر منځ د یکشنبې پر ورځ په نګورنو قره باغ سیمه کې نښتو زور واخیست، چې په کې د دواړو خواو کې سلګونه کسان وژل شوي او ژوبل دي.

د دواړو هېوادونو نښتو د سویلي قفقاز د بې ثباتۍ په اړه اندېښنې راپورته کړي، چې له دې لارې د تېلو پایپ لاینونه د نړۍ بازار ته تېریږي او دا وېره یې رامنځته کړې، چې سیمه ییز قدرتونه لکه روسیه او ترکیه به په کې راښکېل شي.

په ناتو کې د ترکیې ځینو متحدینو د انقرې له دریځه ملاتړ کړی، چې د آذربایجان په خاوره نګورنو قره باغ کې ارمني لږکي واکمني چلوي.

د ترکيې د بهرنيو چارو وزير مولود چاووش اوغلو د چارشنبې پر ورځ ویلي، چې ترکیه هر هغه څه ته، چې اړتیا وي؛ کوي.

اوغلو زیاته کړې، چې له آرمنستان سره د فرانسې پيوستون د آذربایجان جمهوریت له نیولو ښکاره ملاتړ دی.

لتویا ته د سفر پر مهال د فرانسې ولسمشر امانویل ماکرون ویلي، چې په نګورنو قره باغ کې د شخړې په اړه د ترکیې څرګندونې خطرناکې او جنګ غوښتنه ده، چې مونږ ته د منلو وړ ندي.

Continue Reading
Advertisement

Trending