Connect with us

تازه خبرونه

انتونی: امریکا د تل لپاره د افغانستان د امنیت ضمانت نه شي کولی

Ariana News

خپور شوی

 په

(Last Updated On: چنګاښ ۸, ۱۳۹۴)

vlcsnap-2015-06-29-18h05m39s254

د امریکا د بهرنیو چارو وزارت مرستیال وايي چې هیواد یې نه شي کولي تر ابده د افغانستان د امنیت ضمانت وکړي.

د هغه په وینا د واشنګټن په همکارۍ په افغانستان کې د سیالو ډلو تر منځ کورنۍ جګړه پای ته ورسیده او په سوله ایزه توګه واک و لیږدیده.

د هغه په وینا امریکا له افغانستان سره خپلو مرستو او همکاریو ته دوام ورکوي، خو امریکا د تل لپاره د افغانستان د امنیت ضمانت نه شي کولی.

د امریکا د بهرنیو چارو وزارت مرستیال انتونی بلینکنویلي چې افغانان باید د خپل هیواد رهبري او د امنیت د ټینګښت چارې په خپل لاس کې واخلي:

زمونږ په نظر منطق دا دی چې مونږ نه شو کولی او نه باید د تل لپاره د افغانستان د امنیت ضامن پاتې شو. افغانان باید زمونږ د ملاتړ په خوا کې د خپل هیواد د امنیت د ټينګښت لپاره خپلې وړتیاوې په کار واچوي.

دغه امریکايي چارواکی وايي چې د امریکا له مداخلې پرته په افغانستان کې په سوله ایزه توګه د قدرت دلیږد او اوسني حکومت رامنځته کیدل ممکن نه وو.

د قدرت د لیږد او اوسني حکومت په هکله مو لکه څنګه چې وویل، دا کار زمونږ په نه شتون کې امکان نه درلود. دا زمونږ د بهرنیو چارو د وزیر د هڅو پایله وه او دا د امریکا د رهبرۍ ستر مثال دی. مونږ د رقیبو سیاسي جریانونو سره کار وکړ تر څو د کورنۍ جګړې څخه په شا شي او په خپل تاریخ کې د لومړي ځل لپاره د سوله ایز قدرت لیږد تجربه کړي.

ښاغلی بلینکن وايي چې د امریکا ولسمشر په ډاګه کړې چې د وران کال پایه به په افغانستان کې لس امریکايي سرتیري پاتې شي او له هغه وروسته به دا شمیر یوازې په کابل کې د سفارت د ساتونکو تر بریده را کم شي.

Continue Reading
Advertisement

تازه خبرونه

له اوسنۍ تاریخي شېبې پرته به وضعیت نور هم بحراني شي – عبدالله عبدالله

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله پاکستان ته د خپل درې ورځني سفر پر مهال ویلي؛ که د سولې له روانې تاریخي شېبې ګټه پورته نشي؛ وضعیت به نور هم ورسره بحراني شي.

نوموړي په خپل دغه کاري سفر کې د پاکستان د بهرنیو چارو له وزیر سره خبرې کړي دي.

عبدالله عبدالله له پاکستانيو چارواکو مننه کړې، چې طالبان یې د سولې خبرو ته هڅولي دي.

هغه دا غوښتنه هم کړې، چې له خپلمنځي خبرو کلک ملاتړ وکړي.

هغه ویلي، چې د تاوتریخوالي زیاتوالی به د سولې پر روانو هڅو ناوړه اغېزه وکړي.

د پاکستان د بهرنیو چارو وزیر له عبدالله عبدالله سره په کتنه کې ویلي، چې هېواد یې د افغانستان په چارو کې لاسوهنه نکوي؛ خو د افغانستان د سولې له بهیره ملاتړ کوي.

ټاکل شوې، چې عبدالله عبدالله به په دې درې ورځني سفر کې د پاکستان له لومړي وزیر عمران خان او د پوځ له لوی درستیز سره هم وګوري.

په اسلام آباد کې د افغان پلاوي لپاره ځانګړي تدابیر نیول شوي دي.

د پخلاینې عالي شورا مسوولینو ويلي، چې دا سفر به د افغانستان او پاکستان په اړیکو کې نوی څپرکی پرانیزي.

په دغه سفر کې د پاکستان لپاره د ولسمشر ځانګړی استازی عمر داوودزی هم ملګری دی.

د نوموړي وینا؛ په کار ده، چې پاکستان خبرو ته د طالبانو هڅول روان وساتي.

د افغانستان په سوله او جګړه کې د پاکستان ونډه مهمه ګڼل کیږي.

اوس نظر دا دی، چې پاکستان د افغانستان لپاره په خپلو پالسیو کې یو څه بدلون راوستی او غواړي، چې د سولې له بهیر ملاتړ وکړي.

Continue Reading

تازه خبرونه

په امریکا کې تیک تاک لنډمهاله فعال پاتې کیږي

Ariana News

خپور شوی

په

توسط

(Last Updated On: تله ۷, ۱۳۹۹)

که څه هم د امریکا ولسمشر پر تیک تاک پروګرام بندیز لګولی و؛ خو سره له دې هم په دې هېواد کې د لاسرسي وړ دی.

که د سپینې ماڼۍ غوښتنه منل شوې وای؛ په امریکا کې به نویو کاروونکیو ته د دغه زړه راکښونکي پروګرام  دانلود بند شوی و.

تیک تاک د امریکا او چین تر منځ هغه وخت د لانجې یو بل ټکی شو، چې کیدی شي چین د امریکایي کاروونکيو معلومات وکاروي.

د امریکا حکومت د څو اوونیو لپاره د تیک تاک د امریکایي برخې د پلورلو هڅه وکړه او مایکروسافت هم چمتو شو، چې ویې پېري.

په هرحال داسې ښکاري، چې اوراکل او والمارت یې اوس د خپلولو لیواله شوی دی.

د یکشنبې پر ورځ، د امریکا قاضي د دې هېواد آنلاین پلورنځیو څخه د تیک تاک پروګرامونو په ترلاسه کولو کې د بندیز د لنډمهاله لرې کولو امر کړی.

نوموړي قاضي پرې پراخ بندیز ونه لګاوه؛ ځکه، چې هغه به د نومبر پر ۱۲ نېټه پلي شي او دا پروګرام په امریکا کې بې ګټې دی.

تیک تاک په ډاګه کړې: مونږ خوښ یو، چې محکمې زمونږ له قانوني دلیلونو سره هوکړه وکړه او امر یې وکړ، چې د تیک تاک پر پروګرام لګیدلی بندیز دې لرې شي.

دغه راز ویل شويو چې مونږ به د خپلې ټولنې او خپلو کارمندانو په ګټه د خپلو حقونو دفاع روانه ساتو.

Continue Reading

تازه خبرونه

افغانستان په نګورنو قره باغ کې جګړه د اندېښنې وړ بولي

Ariana News

خپور شوی

په

توسط

(Last Updated On: تله ۷, ۱۳۹۹)

د بهرنیو چارو وزارت د نګورنو قره باغ په لانجمنې سیمه کې د آرمنستان او آذربایجان ترمنځ پر روانو نښتو اندېښنه څرګنده کړې ده.

دې وزارت د دواړو لوریو تر منځ د شخړې له کبله رامنځته شوي ځاني او مالي زیانونه د اندېښنې وړ بولي او ټینګار کوي، چې د نګورنو قره باغ  اړوند سیمه په نړیواله کچه د آذربایجان د یوې برخې په توګه پېژندل شوې ده.

د افغانستان د بهرنیو چارو وزارت په اعلامیه کې راغلي: افغانستان د نګورنو قره باغ د نیواک پای ته رسول غواړي او پدې اړه د آذربایجان د خلکو، حکومت او نړیوالو له هڅو ملاتړ کوي.

دې وزارت په سیمه کې د بیا اوربند غوښتنه کړې او غواړي، چې د دغه اوږد مهاله بحران سوله ییز حل رامنځته شي.

د دوشنبې پر ورځ د آرمنیا او آذربایجان تر منځ په نښتو کې لږ تر لږه ۲۱ کسان وژل شوي. ویل کیږي، چې دواړو لوریو په شخړه کې هوایي ځواک، توغندی او توپخانې کارولې دي.

د دواړو هېوادونو ترمنځ شخړې د سویلي قفقاز په سیمه کې د بې ثباتۍ په اړه اندښنې راپورته کړي؛ ځکه، چې د نړۍ بازارونو ته د تېلو او ګازو د نللیکو دهلیزونه له ګواښ سره مخ کوي.

رویترز راپور ورکړ، چې د شخړې او جګړې له پراخیدو سره به سیمه ایزو ځواکونو لکه روسیې او ترکیې ته د لاسوهنو زمینه برابره شي.

مسکو له آرمنیا سره دفاعي تړون لري. پداسې حال کې، چې انقره په آذربایجان کې د خپلو ترکي توکميزو ډلو ملاتړ کوي.

په آرمنیا کې دېرکي عیسویان او په آذربایجان کې مسلمانان دي، چې د لسیزو راپدیخوا د نګورنو قرباغ پر خاوره، چې په آذربایجان کې ده دواړه لوري جنګ کوي.

نګورنو قره باغ  د آرمنیانو تر ادارې لاندې دی او په سیمه کې ځینې وختونه د آرمنیا او آذربایجان ترمنځ نښتې کیږي.

د ارمنستان پارلمان د ترکیې پر ملاتړ د آذربایجان بریدونه پر نګورنو قره باغ بشپړ پلان شوی برید نوموي، چې د انقرې لاسوهنه به سیمه نوره هم بې ثباته کړي.

د یادونې ده، چې آذربایجان په دې جګړه کې د خپل متحد ترکیې لاس لرل رد کړي دي.

Continue Reading
Advertisement

Trending