Connect with us

تازه خبرونه

امریکا په افغانستان کې د موازي حکومت له جوړښت سره مخالفه ده

Ariana News

خپور شوی

 په

(Last Updated On: کب ۲۰, ۱۳۹۸)

د امریکا د بهرنیو چارو وزیر مایک پمپیو خبرداری ورکړی، چې په افغانستان کې د زور له لارې د هر ډول موازي حکومت له جوړښت سره مخالفت کوي.

په یوه ورځ د محمد اشرف غني او عبدالله عبدالله لخوا د لوړې مراسمو له ترسره کیدو وروسته د امریکا د بهرنیو چارو وزارت د یوې اعلاميې په خپرولو خبرداری ورکړی، چې په افغانستان کې د موازي حکومت له جوړښت سره مخالفت کوي.

د امریکا د بهرنیو چارو وزارت په اعلامیه کې راغلي؛ امريکا په افغانستان کې د يوه موازي حکومت د جوړيدو او د سياسي لانجو د اوارۍ لپاره د زور کارونې کلک مخالف دي. مونږ یو پراخ بنسټه حکومت او یو موټي هېواد او سولې ته لومړیتوب ورکوو. تر راتلونکیو دوه اوونیو به بحث او خبرې اترې روانې وي.

حقوقپوه عبدالسبحان مصباح څرګنده کړې، چې یو له قانونه سرغړونه ده او بل له ټول نظامه تېریدل او له ځانه یو څه جوړول. مونږ په خواشینۍ له دغه راز یو حالت سره مخ شوي یو.

دا په داسې حال کې ده، چې آریانا نیوز د داکتر عبدالله عبدالله د “ټولګډونه دولت” جوړونې طرحه تر لاسه کړې، چې ۷ مادې لري. د دغې طرحې له مخې؛ د دولت عالي شورا رهبري رامنځته شوې، چې د سولې او ټولګډونه دولت چارې به څاري. په طرحه کې راغلي، چې اجرايي لومړی وزیر به د حکومت شپېته په سلو کې برخه چارواکي، چې وزیران، مرستیالان، سفیران، والیان او انتصابي سناتوران دي؛ ټاکي. دغه راز په طرحه کې راغلي، چې ولسمشر به د درې ګونه قواوو په سر کې وي او د ملي امنیت شورا، امنیتي وزارتونو او ملي امنیت ریاست په ګډون به د څلوېښت په سلو کې حکومت لپاره چارواکي ټاکي.

دغه راز د افغان سولې لپاره د امریکا ځانګړی استازی زلمی خلیلزاد وايي، چې د محمد اشرف غني او عبدالله عبدالله ترمنځ د رامنځته شوې لانجې د حل لپاره یې هڅې روانې ساتلي دي.

له بلې خوا ملګرو ملتونو، کاناډا، پاکستان او ځينو نورو هېوادونو ولسمشر محمد اشرف غني ته د مبارکۍ پیغامونه استولي دي. د پاکستان لومړي وزیر پر مبارکۍ سربېره ویلي، چې له ولسمشر غني سره هر ډول همکاریو او کار کولو ته چمتو دی.

دا په داسې حال کې ده، چې د اشرف غني او عبدالله عبدالله تر منځ د جوړجاړي لپاره د امریکا څو ورځینۍ هڅې بې پایلې پاتې شوې او تېره ورځ داکتر عبدالله عبدالله هم ځان ولسمشر ونوماوه او نه یوازې لوړه یې ترسره کړه، بلکې د ټولګدونه حکومت د جوړولو هوډ یې هم په ډاګه کړ.

تازه خبرونه

افغان حکومت دې د خبریالانو له نیولو او ګواښلو ډډه وکړي- د بې پولې خبریالانو ټولنه

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د بې پولې خبریالانو ټولنې له افغان حکومته غوښتي، چې د خبریالانو له ګواښلو لاس واخلي او د رسنیو قانون ته درناوی وکړي.

د بې پولې خبریالانو ټولنې په خپل تازه راپور کې اندېښنه ښودلې، چې په زابل کې د بیان راديو خبریال محبوب الله حکیمي د ملي امنیت سرتېرو لخوا د چنګاښ پر یوولسمه له هغې وروسته ونیول شو، چې په فیسبوک کې یې ولسمشر ته د کافر خطاب کړی و.

په راپور کې دا هم راغلي: حکیمي له نیول کیدو مخکې په ویدیو کې سپیناوی ورکړی و، چې فیسبوک یې هک شوی؛ خو د ملي امنیت لخوا له نیول کیدو وروسته ترې اعتراف اخیستل شوی او پښیماني یې ښودلې ده.

د بې پولې خبریالانو ټولنه څرګندوي، چې دغه راز په خوست ولایت کې د ملي امنیت سرتېرو یو خبریال نیولی او هم حکومتي چارواکو د پژواک خبري آژانس مسوولین ځورولي دي.

 دغې ټولنې له ولسمشر او د هغه له لومړي مرستیال امرالله صالح څخه غوښتي، چې د رسنیو قانون ته درناوی وکړي.

 حکومت بیا وايي، چې د خبریالانو او رسنیو ملاتړ ته ژمن دی.

د آزادو رسنیو ملاتړ ادارې اجرائيه مشر مجیب خلوتګر په ډاګه کړې، چې حکومت د بیان پر آزادۍ فشار راوړی او معلوماتو ته د لاسرسي مخالفت کوي او یا یې مخنیوی کوي. حکومت هغه قانو ته، چې خپله یې لاسلیک کړی ژمن ندی او خبریالان ګواښي.

دغه راز د بې پولې خبریالانو ټولنه وايي، چې د زمري پر یوولسمه د ملي امنیت سرتېرو په خوست ولایت کې د سیمه ییزو خبریالانو هر یو فاروق منګل او د هغه د ورور سیف الله حیات کورونه پلټلي او له هغوی سره یې ناوړه چلند کړی او ملي امنیت ته یې وړي دي.

د خبریالانو د خوندیتوب کمیتې د عدالت غوښتنې مسوول صدیق الله توحیدي ویلي؛ د بې پولې داکترانو اعلامیې پر خبریالانو یو لړ تورونه او اړوند بنسټونو ته د هغو له راکاږلو پرده پړرته کړې ده او ښيي، چې حکومت د خبریالانو پر شکایتونو هم غور نکوي او د ځانګړیو غوښتنو تر اغېز لاندې اغلي دي.

خبریالان وايي، چې له یوې خوا یې ژوند خوندي ندی او له بلې خوا اطلاعاتو ته د لاسرسي په برخه کې له ګڼو ستونزو سره مخ دي.

د بې پولې خبریالانو د ټولنې په راپور کې دا هم راغلي، چې پژواک خبري آژانس پاکستان ته د  مصنوعي تنفس د دوه دېرش دستګاوو د قاچاق د راپور له خپرولو وروسته د حکومت له مستقیم او نامستقیم فشار سره مخ شوی دی.

Continue Reading

تازه خبرونه

روسیه له طالبانو او حقاني شبکې سره اړیکې پالي- مارک ایسپر

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د امریکا دفاع وزیر ویلي، چې روسیه له طالبانو او حقاني شبکې سره اړیکې پالي او له دغه حالته استفاده کوي.

طالبانو ته د امریکايي سرتېرو د وژلو پر سر د روسیې لخوا د ډالۍ ورکولو د راپورونو له خپریدو وروسته د امریکا کانګرس دفاع وزیر او لوی درستیز د سپیناوي لپاره ور وبلل.

مارک ایسپر زیاته کړې، چې تر اوسه یې داسې شواهد ندي ترلاسه کړي، چې وښيي روسیې طالبانو ته د امریکايي سرتېرو د وژلو لپاره ډالۍ ورکړي وي؛ خو د امریکا د پوځ لوی درستیز ویلي، که دا راپورونه تائيد شي روسیې ته به ځواب ورکړي.

د امریکا دفاع وزیر مارک ایسپرویلي؛ ما، چې کله لومړني راپورونه ترلاسه کړل، نو جنرال میلر او مک کینزي یې په اړه څيړنې وکې او ورته جوته شوه، چې دا راپورونه د اعتبار وړ ندي.

د امریکا د پوځ لوی درستیز مارک میلي بیا ویلي، چې روسیې له کلونو راپدیخوا له طالبانو او حقاني شبکې مالي او روزنیز ملاتړ کړی دی.

نوموړی وایي: که دا جوته شي، چې؛ روسیه په افغانستان کې له سخت دریځو سره مرسته کوي، نو تاسې پوهیږئ، چې زه یو قهرجن پوځي یم، د بل هر پوځي په څېر. که د روسیې او بل هر دولت لخوا د امریکايي سرتېرو د وژلو حکم شوی وي؛ نو دا به ډېره ستره لوبه وي.

یو شمېر امریکايي پوځیان، چې په افغانستان کې یې دندې تر سره کړي وايي؛ روسیه له طالبانو سره ژورې اړیکې لري.

په افغانستان کې د ناتو د پرېکنده ملاتړ پخوانی قومندان جان نیکلسون وایي: دا یوه دوه اړخیزه معامله ده؛ روسیې وړاندیز کړی او طالبانو منلی دی. دا کار په مستقیم او غیر مستقیم ډول په افغانستان کې د سولې له روحیې سره په تکر کې دی.

روسیې او طالبانو دواړو دغه راپورونه رد کړي او روسیې د امریکا استخبارات تورن کړي، چې له افغانستان څخه د نشه يي توکو په قاچاق کې ښکېل شوي دي.

دا په داسې حال کې ده، چې افغان حکومت د امریکا او طالبانو د سولې هوکړې د بشپړې پلې کولو په برخه کې له نړیوالو څخه د همکارۍ غوښتنه کړې ده.

Continue Reading

تازه خبرونه

افغانستان د کرونا ۳۴۱۹۴ پېښې او ۹۷۱ مړي لري

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

عامې روغتیا وزارت ویلي، چې په افغانستان کې پر کرونا ویروس د اخته کسانو شمېر ۳۴۱۹۴ رسیدلی او له همې ناروغئ ۹۷۱ ناروغان مړه شوي دي.

د دغه وزا رت د څرګندونو له مخې؛ په تېرو څلیریشت ګړیو کې د دې ویرړس ۲۸۶ مثبتې پېښې ثبت شوي، چې۸۳ يې د کابل، ۸۱ د هرات، ۹ د بلخ،  ۳ د ننګرهار، ۳۰ د بامیان، ۵ د تخا، ۳ د بغلان، ۳۰ د بادغیس، ۲ د لوګر، ۵ د کندوز، ۲ د پروان، ۱۶ د دایکندي، ۳ د میدان وردګ،  ۱ د لغمان، ۲ د پنجشېر او ۱۳ د غور ولایتونو دي.

دغه راز په تېرو ۲۴ ګړیو کې پر کرونا اخته ۱۲ ناروغان مړه شوي، چې ۱۰ په کابل او یو، یو په میدان وردګ او تخار ولایتونو کې دي.

یاد وزارت دا هم ویلي، چې په تېره یوه شپه او ورځ کې له کرونا ۴۱ کسان رغیدلي او له روغتونونو څخه کورونو ته رخصت شوی او په ټول هېواد کې ۲۰۸۸۲ زوغ شوي دي.

، چې د نړیوال بانک مدیره پلاوي نن په افغانستان کې د کوويد-۱۹ وبا د اقتصادي او ټولنیزو اغېزو سره د مقابلې، زیانمنونکیو خلکو ته د آسانتیاوو برابرولو او له خصوصي تشبثاتو څخه د ملاتړ په موخه د ۲۰۰ میلیون امريکايي دالرو پر ارزښت د وړیا مالي مرستې یوه بسته تصویب کړه.

په اعلامیه کې راغلي؛ دغه وړیا مالي مرسته، چې ( په افغانستان کې د کوويد-۱۹ ناورين ته د ځواب وینې لپاره د پاليسيو د پراختيا پروګرام ) په چوکاټ کې لګول کیږي ۱۰۰ میلیون امريکايي دالر يې د نړیوالې پراختيا ادارې، چې تر ټولو بېوزله هېوادونو ته د نړیوال بانک د مالي مرستو برابروونکی اداره ده او ۱۰۰ میلیون نور يې د افغانستان د بیارغونې صندوق ته، چې مدیریت یې د ۳۴ هېوادونو او نړيوالو مرستندویو ټولنو په استازولۍ نړیوال بانک پر غاړه لري؛ لخوا ورکول کېږي.

Continue Reading

Trending