Connect with us

تازه خبرونه

امریکا دې په افغانستان کې خپله تګلاره او ګټې ښکاره کړي- محب

Avatar

خپور شوی

 په

(Last Updated On: کب ۲۳, ۱۳۹۷)

د افغانستان د ملي امنیت شورا سلاکار په دوحه کې له طالب استازیو سره د امریکایانو خبرو ته په غبرګون کې ویلي؛ امریکا دې په افغانستان کې خپله تګلاره او ګټې ښکاره کړي.

 د امریکایانو او طالبانو تر منځ خبرې خپل کم ساري پړاو ته رسیدلي؛ په دوحه کې د خبرو اترو په پېنځم پړاو کې دواړو خواوو له افغانستان څخه د نړیوالو ځواکونو د وتلو پر مسودې او د القاعده په څېر له ترهګرو ډلو سره پر مبارزه هوکړه کړې ده.

د ملي امنیت شورا سلاکار د دوحې خبرو ته په غبرګون کې د امریکا او افغانستان د مشارکت په اړه پر ناڅاپي بدلون اندېښنه ښیي او له متحده ایالاتو کم سارې غوښتنه لري.

حمدالله محب وایي، کابل او واشنګتن په خپل مشارکت کې د ناڅاپي بدلون لپاره چمتو ندی او په قطر کې د تړلیو دروازو شاته د افغانستان له استازي پرته خبرو وېره او جدي اندېښنې را پارولي دي.

د ملي امنیت شورا سلاکار حمدالله محب وایي: اوس له متحده ایالاتو غواړو، چې زمونږ په هېواد کې خپله تګلاره او خپلې اوږدمهالې ګټې روښانه کړي، چې څه ډول دي؟ زه فکر کوم، چې نه مونږ او نه هم هغوی په هغه مشارکت کې د ناڅاپي بدلون غوښتوونکي دي، چې په تېرو دوه لسیزو کې پرې پانګونه شوې. افغانان د سولې بهیر په تړاو جدي اندېښنې او وېرې لري؛ ځکه تر اوسه په دې بهیر کې هیڅ افغان استازی نشته.

د ملي امنیت شورا د سلاکار په وینا، که له طالبانو سره د سولې هوکړه وشي؛ د ترهګرۍ نړیوال ګواښ به پای ونه مومي او افغانستان به په دې برخه کې د امریکا یو مهم متحد پاتې وي.

ښاغلی محب ټینګار کوي، چې کابل له واشنګتن سره په اړیکو کې بیا کتنې او احتمالي بدلون ته چمتووالی لري.

آیا کابل له واشنګتن سره په اړیکو کې احتمالي بدلون ته چمتووالی لري؟

د ملي امنیت شورا سلاکار حمدالله محب یې په اړه وایي: لکه، چې د ناتو سرمنشي ینس ستولتنبرګ د تېر کال په وروستیو کې وویل، د پرېښودو لګښت د حضور په پرتله ډېر زیات دی؛ خو دا همکاري ثابته نده. د بیا کتنې دروازه تحولاتو ته په پام پرانیستې ده. افغان دولت په مشارکت کې احتمالي بدلون ته چمتووالی لري.

په کابل کې د امریکا سفیر جان بس د ښاغلي محب د څرګندونو په غبرګون کې وایي، چې امریکایان او افغانان اوږه پر اوږه د تروریزم پر وړاندې او د افغانستان د غوره راتلونکې په اړه کار کوي.

ښاغلي بس په خپل تویت کې زیاته کړې؛ دواړه هېوادونه دنده لري، چې د خپلو سرتېرو او هېوادوالو د سرښندنو درناوی وکړي.

که څه هم امریکا په ځلونو له طالبانو سره مذاکره کړې؛ خو تر اوسه دې هېواد په دې خبرو کې کابل نه دی شریک کړی، له همدې کبله ده، چې کابل وایي، له تائید پرته به یې له طالبانو سره د سولې هیڅ هوکړه اجرایي نشي.

خبریال: باعث حیات

تازه خبرونه

افغانستان هغه ادعا رد کړه، چې هند له پاکستانیو طالبانو ملاتړ کوي

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د افغانستان د بهرنیو چارو وزارت د پاکستان دا ادعا ردوي، چې هند د افغانستان په خاوره کې له پاکستانیو طالبانو ملاتړ کوي.

د کابل – اسلام آباد او هند دیپلوماتیکې ناندرۍ د مخالفو وسلوالو ډلو د فعالیت پرڅرنګوالي له هغې وروسته بیا تازه شوې، چې هند په سیمه کې د ترهګرو د ځالو پر شتون ټینګار څرګند کړ او پاکستان ادعا وکړه، چې هند په افغانستان کې له پاکستانيو طالبانو ملاتړ کوي او له هغو څخه د پاکستان پر ضد کار اخلي.

د پاکستان په باور، هند په افغانستان کې د حالاتو په ګډوډولو کې پوره لاس لري؛ خو د افغانستان د بهرنیو چارو وزارت ډاډ ورکوي؛ هیچاته اجازه نه ورکوي، چې د افغانستان خاوره د ګاونډ هېوادونو پر ضد وکارول شي. له دې مخکې هم هند او پاکستان یو او بل په افغانستان کې پر بې ثباتي تورن کړي وه.

د پاکستان د بهرنیو چارو وزارت ویانده عایشه فاروقي څرګندوي، چې: هند د پاکستان له تورنولو سره غواړي د افغانستان په خاوره کې د پاکستانيو طالبانو له ملاتړه پام بلې خوا ته واړوي. په حقیقت کې هند غواړي، چې د افغانستان د سولې بهیر ګډوډ شي.

کابل د غو خبرو ته کلک غبرګون وښود او بهرنیو چارو وزارت په یوه اعلامیه کې د پاکستان دا ادعا رد کړه او ډاډ ورکوي، چې د افغانستان خاوره به د هیچا پر ضد ونه وکارول شي.

د افغانستان د بهرنیو چارو وزارت په اعلامیه کې راغلي: هیڅ ډلې ته اجازه نه ورکول کیږي، چې د افغانستان خاوره د بل هېواد پر ضد کار واخیستل شي. د سیمې له هېوادونو هم غواړو، چې د افغانستان د سولې په بهیر کې همکاري وکړي او رغنده رول ولوبوي. په  افغانستان کې دایمي سوله په دې معنا ده، چې ترهګرې ډلې ونه کړای شي سیمې ته ګواښ رامنځته کړي.

د افغانستان لپاره د روسیې ځانګړی استازی د افغانستان په تړاو د هند له سیاست ملاتړ کوي او وایي، نوي ډیلي د افغان حکومت او طالبانو تر منځ د سولې خبرو په هڅو کې ښه رول لوبولی دی.

د افغانستان لپاره د روسیې ځانګړي استازي ضمیر کابلوف ویلي: له طالبانو سره په تعامل کې د نوي ډیلي سیاست په ځانګړي توګه د افغانانو خپلمنځي خبرو لپاره په وروستیو هڅو کې او د طالبانو هڅوول فعالې، قانوني او سیاسي ډلې ته؛ ګټور و.

دا په داسې حال کې ده، چې له یوې خوا د افغانستان د سولې ځانګړی استازی خلیلزاد تېره ورځ د سیمې هېوادونو ته په سفر را وتلي او له بلې خوا د ځینو راپورونو له مخې د امریکا او طالبانو تر منځ د سولې له هوکړې وروسته د نورو جنګي ډلو نښې نښانې هم لیدل شوي او حکومت وایي، پاکستان یې مستقیم ملاتړ کوي؛ خو پاکستان ویلي، د افغانستان د سولې په هڅو کې یې کلیدي رول لوبولی دی.

Continue Reading

تازه خبرونه

په افغانستان کې د کرونا له ۵۸۲ نویو مثبتو پېښو سره، ټول شمېر ۱۹۵۵۱ ته رسیدلی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د عامې روغتیا وزارت ویلي، که د کرونا ویروس د مخنیوي لپاره د خلکو همکاري پیل نشي؛ پدې وبا به د اخته کسانو شمېر نور هم ډېر شي.

کرونا ویروس هره ورځ مخ پر ډېریدو او خوریدو دی او تازه په ټول افغانستان کې پدې ویروس پېنځه سوه دوه اتیا نور کسان اخته شوي؛ خو په هېواد کې له نویو ۵۸۲ مثبتو پېښو سره د دې ویروس ټول شمېر ۱۹۵۵۱ ته پورته شوی دی.

د عامې روغتیا وزارت مرستیال وحیدالله مجروح ویلي؛ له تېرو څلیریشت ګړیو ۱۸ ناروغان مړه شوي؛ خو ۶۸ نور ترې رغیدلي هم دي.

نوموړی له خلکو څخه روغتیایي سپارښتنو ته پاملرنه غوښتې او وایي، چې خپل ژوند، کورنۍ او ټولنه باید له مرګ سره مخ نکړو.

د عامې روغتیا وزارت دا ټینګار هم وړاندې کړی، چې له کرونا ویروس او وبا سره د مبارزې لپاره دمګړۍ پوره وړتیا نلري او پر شته امکاناتو د کرونا ناروغان تر روغتیایي څارنې لاندې دي.

دا په داسې حال کې ده، چې د کار او ټولنیزو چارو، کورنیو چارو، عامې روغتیا وزارتونو مسوولینو او  کابل والي په یوې ناسته کې پر ګرځېدو د درې میاشتني بندیز طرحه وړاندې کړې ده.

دوی وایي؛  د کرونا ویروس چټکې پراختیا ته په کتو خلک باید پوره همکاري وکړي، چې د هر ډول انساني ناورین مخه ونیول شي.

کابل والي ویلي، ښایي یوازې په کابل کې له یو میلیون ډېر کسان پر کرونا اخته وي.

د عامې روغتیا وزارت چارسمبالي جواد عثماني ویلي، په ورځ کې تر ۲۰۰۰ پورې د کرونا د کتلو وړتیا شته؛ خو په خبره یې د مراجعه کوونکیو شمېر لس برابره دی.

نوموړی ټینګار کوي، چې له دې وروسته د ماسک اچول الزامي دي او له سرغړونکیو سره به جدي چلند وشي.

د یادونې ده، چې د تازه پروګرام له مخې؛  افغان حکومت په الزامي ډول ماسک اچول، په غونډو او ټولېدنو ، له کورونو څخه د پاخه عمر لرونکیو پر نه وتو بندیز لګیدلی او په دولتي ادارو کې به هم روغتیایي سپارښتنې اجباري وي.

Continue Reading

تازه خبرونه

بهرنیو چارو وزارت په ایران کې د افغانانو پر موټر سوځیدنې له څېړنو خبر ورکړ

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

په ایران کې افغان سفیر ویلي؛ د ایران په یزد ښار کې د افغان پناه غوښتوونکیو پر موټر؛ ځکه اور لګیدلی، چې قاچاق وړونکیو ترافیکي مقرراتوته پاملرنه نده کړې.

د ایران په یزد ولایت کې د افغان پناه غوښتوونکیو د موټر له سوځېدو یوه ورځ وروسته په دې هېواد کې د افغانستان سفیر د پېښې څېړلو ته د یزد ولایت ته ولاړ او وایي، دا پېښه پر موټر د پولیسو د ډزو له کبله نه، بلکې ترافیکي قوانین مراعت شوي ندي.

په ایران کې د افغانستان سفیر غفورلیوال د دې پېښې له ټپیانو سره له لیدنې وروسته ویلي؛ لومړی ایراني پولیسو د موټر پرټایرونو ډزې کړي؛ خو قاچاق وړونکي د موټر له درولو ډډه کويي او د سړک د څنډې له خنډ سره له لګیدو وروسته اور اخلي.

د افغانستان بهرنیو چارو وزارت په ډاګه کړې، چې په دې پېښه کې درې افغان پناه غوښتوونکي وژل شوي، ۵ ټپیان دي او درې نور روغ رمټ پاتې دي.

دا پېښه د بشري حقونو او خلکو له بېلا بېلو غبرګون سره هم مخ شوې ده.

د بشر حقونو خپلواک کمیسیون مرستیال نعیم نظري څرګنده کړې، چې له پنا غوښتونکیو سره د ایران کړنه د بشري حقونو سره اړخ نه لګوي.

په ټولنیزو شبکو کې هم دا پېښه له غبرګونونو سره مخ شوې او د خواله رسنیو کاروونکیو د تپیانو خبرې  را اخیستي او پر ایراني مشرانو یې نیوکې کړي دي.

د بهرنیو چارو وزارت د ستراتیژيکو اړیکو د مرکز پخواني مشر فرامرز تمنا ویلي؛ د هېواد بهرنیو چارو وزارت هیڅکله هم د کډوالو ستونزو ته اوږدمهاله کتنه نده کړې.

 بهرنیو چارو وزارت ډاد ورکوي، چې دا پېښه به له ایراني چارواکو سره په همغږي کې وڅېړل شي.

دا په داسې حال کې ده، چې د ایراني پوله ساتو ځواکونو لخوا د افغان کډوالو د وژلو او سیند ته د وراچولو پېښه هم تر څېړنې لاندې پاتې ده؛ خو ایران دا ادعاوې رد کړې دي.

Continue Reading

Trending