Connect with us

تازه خبرونه

امریکايي سرتېري له جګړې ستړي شوي

Ariana News

خپور شوی

 په

(Last Updated On: مرغومی ۱۵, ۱۳۹۷)

په روانه میاشت کې یوه تر سره شوې سروې ښيي، چې ډېري امریکايي پوځيان د افغانستان او عراق له اوږدې جګړې ستړي شوي دي. په داسې حال کې، چې یاد پوځیان اوس هم له ترهګرو سره مبارزه کوي.

سمیت سونیان نومې یوې ورځپاڼې د جورج مسن پوهنتون په همکارۍ یوه تازه سروې کړې، چې ډېري تقاعد شوي او برحاله امریکايي پوځيان په عراق او افغانستان کې د جګړې پر اوږدیدو باوري شوي دي.

ورځپاڼه څرګندوي، چې په دې جګړه کې له ځاني تلفاتو پرته نږدې ۵۴ زره امریکايي سرتېرو ته روحي او رواني زیان هم اوښتی دی.

سرچینې دا هم په ډاګه کړې، چې د افغانستان په جګړه کې کابو ۲۲۷۲ امریکايي سرتېري وژل شوي او څه باندې۲۰ زره نور ژوبل دي.

اجرائیه ریاست وايي، له ترهګرو سره مبارزه یوازې د افغانستان مسوولیت نه، بلکې د سیمې او نړۍ هېوادونه هم باید په دې مبارزه کې ونډه ولري.

د اجرائیه ریاست د ویاند مرستیال امید میثم وایي، چې په افغانستان کې له ترهګرو سره مبارزه یوازې د افغانستان دنده نده دلته د سیمې او نړۍ هېوادونه هم مسوولیت لري؛ ځکه دې هېواد د جګړې په لومړۍ کرښه کې له ټولو ډېره قرباني ورکړې ده.

کارپوهان په دې باور دي، چې امریکا په تېره څه باندې ۱۷ کلنه جګړه کې خپلو اهدافو ته ونه رسیده.

پخوانی پوځي چارواکی میرزا محمد یارمند څرګنده کړې، چې امریکا په افغانستان کې د ترهګرو ځالې په نښه نکړې؛ کله یې پر پاکستان فشار راوست او کله یې له دې هېواده ملاتړ وکړ، خو د ترهګرو اصلي ځالې ترې روغې پاتې شوې.

لدې مخکې له افغانستان څخه د نیمايي امریکايي سرتېرو د وتو اوازې خپرې شوې دي؛ خو د ولسي جرګې غړي که څه هم د امریکا ماموریت بریالی نه بولي؛ خو وايي، چې دا هېواد باید خپل سرتېري په تدریجي توګه وباسي.

د ولسي جرګې غړی سید علي اخلاقي وایي، د بهرنیو سرتېرو وتل یوه جدي موضوع ده. امنیتي مسوولین باید له امنیتي سرتېرو ملاتړ وکړي او امریکايي سرتېري باید تدریجي ووځي.

د ولسي جرګې یو بل غړي عبدالودود پیمان ویلي، چې امریکا افغانستان له ترهګرو سره د مبارزې په پلمه له ډېرو ستونزو سره مخ کړ؛ کله یې له طالبانو ملاتړ څرګند کړی او کله یې له دوی سره جګړه کړې ده.

دا په داسې حال کې ده، چې د دونلد ترمپ مرستیال مایک پنس هم تازه ویلي، چې ولسمشر ترمپ په افغانستان کې د امریکايي ځواکونو د حضور په اړه پرله پسې غور کوي.

خبریال: اکبر لودین

تازه خبرونه

له اوسنۍ تاریخي شېبې پرته به وضعیت نور هم بحراني شي – عبدالله عبدالله

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله پاکستان ته د خپل درې ورځني سفر پر مهال ویلي؛ که د سولې له روانې تاریخي شېبې ګټه پورته نشي؛ وضعیت به نور هم ورسره بحراني شي.

نوموړي په خپل دغه کاري سفر کې د پاکستان د بهرنیو چارو له وزیر سره خبرې کړي دي.

عبدالله عبدالله له پاکستانيو چارواکو مننه کړې، چې طالبان یې د سولې خبرو ته هڅولي دي.

هغه دا غوښتنه هم کړې، چې له خپلمنځي خبرو کلک ملاتړ وکړي.

هغه ویلي، چې د تاوتریخوالي زیاتوالی به د سولې پر روانو هڅو ناوړه اغېزه وکړي.

د پاکستان د بهرنیو چارو وزیر له عبدالله عبدالله سره په کتنه کې ویلي، چې هېواد یې د افغانستان په چارو کې لاسوهنه نکوي؛ خو د افغانستان د سولې له بهیره ملاتړ کوي.

ټاکل شوې، چې عبدالله عبدالله به په دې درې ورځني سفر کې د پاکستان له لومړي وزیر عمران خان او د پوځ له لوی درستیز سره هم وګوري.

په اسلام آباد کې د افغان پلاوي لپاره ځانګړي تدابیر نیول شوي دي.

د پخلاینې عالي شورا مسوولینو ويلي، چې دا سفر به د افغانستان او پاکستان په اړیکو کې نوی څپرکی پرانیزي.

په دغه سفر کې د پاکستان لپاره د ولسمشر ځانګړی استازی عمر داوودزی هم ملګری دی.

د نوموړي وینا؛ په کار ده، چې پاکستان خبرو ته د طالبانو هڅول روان وساتي.

د افغانستان په سوله او جګړه کې د پاکستان ونډه مهمه ګڼل کیږي.

اوس نظر دا دی، چې پاکستان د افغانستان لپاره په خپلو پالسیو کې یو څه بدلون راوستی او غواړي، چې د سولې له بهیر ملاتړ وکړي.

Continue Reading

تازه خبرونه

په امریکا کې تیک تاک لنډمهاله فعال پاتې کیږي

Ariana News

خپور شوی

په

توسط

(Last Updated On: تله ۷, ۱۳۹۹)

که څه هم د امریکا ولسمشر پر تیک تاک پروګرام بندیز لګولی و؛ خو سره له دې هم په دې هېواد کې د لاسرسي وړ دی.

که د سپینې ماڼۍ غوښتنه منل شوې وای؛ په امریکا کې به نویو کاروونکیو ته د دغه زړه راکښونکي پروګرام  دانلود بند شوی و.

تیک تاک د امریکا او چین تر منځ هغه وخت د لانجې یو بل ټکی شو، چې کیدی شي چین د امریکایي کاروونکيو معلومات وکاروي.

د امریکا حکومت د څو اوونیو لپاره د تیک تاک د امریکایي برخې د پلورلو هڅه وکړه او مایکروسافت هم چمتو شو، چې ویې پېري.

په هرحال داسې ښکاري، چې اوراکل او والمارت یې اوس د خپلولو لیواله شوی دی.

د یکشنبې پر ورځ، د امریکا قاضي د دې هېواد آنلاین پلورنځیو څخه د تیک تاک پروګرامونو په ترلاسه کولو کې د بندیز د لنډمهاله لرې کولو امر کړی.

نوموړي قاضي پرې پراخ بندیز ونه لګاوه؛ ځکه، چې هغه به د نومبر پر ۱۲ نېټه پلي شي او دا پروګرام په امریکا کې بې ګټې دی.

تیک تاک په ډاګه کړې: مونږ خوښ یو، چې محکمې زمونږ له قانوني دلیلونو سره هوکړه وکړه او امر یې وکړ، چې د تیک تاک پر پروګرام لګیدلی بندیز دې لرې شي.

دغه راز ویل شويو چې مونږ به د خپلې ټولنې او خپلو کارمندانو په ګټه د خپلو حقونو دفاع روانه ساتو.

Continue Reading

تازه خبرونه

افغانستان په نګورنو قره باغ کې جګړه د اندېښنې وړ بولي

Ariana News

خپور شوی

په

توسط

(Last Updated On: تله ۷, ۱۳۹۹)

د بهرنیو چارو وزارت د نګورنو قره باغ په لانجمنې سیمه کې د آرمنستان او آذربایجان ترمنځ پر روانو نښتو اندېښنه څرګنده کړې ده.

دې وزارت د دواړو لوریو تر منځ د شخړې له کبله رامنځته شوي ځاني او مالي زیانونه د اندېښنې وړ بولي او ټینګار کوي، چې د نګورنو قره باغ  اړوند سیمه په نړیواله کچه د آذربایجان د یوې برخې په توګه پېژندل شوې ده.

د افغانستان د بهرنیو چارو وزارت په اعلامیه کې راغلي: افغانستان د نګورنو قره باغ د نیواک پای ته رسول غواړي او پدې اړه د آذربایجان د خلکو، حکومت او نړیوالو له هڅو ملاتړ کوي.

دې وزارت په سیمه کې د بیا اوربند غوښتنه کړې او غواړي، چې د دغه اوږد مهاله بحران سوله ییز حل رامنځته شي.

د دوشنبې پر ورځ د آرمنیا او آذربایجان تر منځ په نښتو کې لږ تر لږه ۲۱ کسان وژل شوي. ویل کیږي، چې دواړو لوریو په شخړه کې هوایي ځواک، توغندی او توپخانې کارولې دي.

د دواړو هېوادونو ترمنځ شخړې د سویلي قفقاز په سیمه کې د بې ثباتۍ په اړه اندښنې راپورته کړي؛ ځکه، چې د نړۍ بازارونو ته د تېلو او ګازو د نللیکو دهلیزونه له ګواښ سره مخ کوي.

رویترز راپور ورکړ، چې د شخړې او جګړې له پراخیدو سره به سیمه ایزو ځواکونو لکه روسیې او ترکیې ته د لاسوهنو زمینه برابره شي.

مسکو له آرمنیا سره دفاعي تړون لري. پداسې حال کې، چې انقره په آذربایجان کې د خپلو ترکي توکميزو ډلو ملاتړ کوي.

په آرمنیا کې دېرکي عیسویان او په آذربایجان کې مسلمانان دي، چې د لسیزو راپدیخوا د نګورنو قرباغ پر خاوره، چې په آذربایجان کې ده دواړه لوري جنګ کوي.

نګورنو قره باغ  د آرمنیانو تر ادارې لاندې دی او په سیمه کې ځینې وختونه د آرمنیا او آذربایجان ترمنځ نښتې کیږي.

د ارمنستان پارلمان د ترکیې پر ملاتړ د آذربایجان بریدونه پر نګورنو قره باغ بشپړ پلان شوی برید نوموي، چې د انقرې لاسوهنه به سیمه نوره هم بې ثباته کړي.

د یادونې ده، چې آذربایجان په دې جګړه کې د خپل متحد ترکیې لاس لرل رد کړي دي.

Continue Reading
Advertisement

Trending