Connect with us

تازه خبرونه

امریکا دې په افغانستان کې د سولې لپاره هرغوراوی ومني- ولسي جرګه

Ariana News

خپور شوی

 په

(Last Updated On: December 8, 2018)

د ولسي جرګې غړي وایي، چې خلک د زلمي خلیلزاد د سولې له هڅو ملاتړ کوي او باید دا هڅې یوې پایلې ته ورسيږي.

له هغې وروسته، چې د افغانستان د سولې لپاره د امریکا هڅې پراخې شوې؛ دا هیلې هم ورسره را وټوکیدې، چې د سولې بهیر به یوې پایلې ته ورسیږي. د افغانستان د سولې لپاره د امریکا ځانګړي استازي زلمي خلیلزاد  سیمه ییز سفرونه ډېر کړل او دمګړۍ هم په سیمه کې دی.

د ولسي جرګې غړي د امریکا د سولې له هڅو هرکلی کوي؛ خو ټینګار کوي، چې د سولې بهیر باید یوې پایلې ته ورسیږي.

د ولسي جرګې غړی غلام فاروق مجروح وایي: نړیواله ټولنه په ځانګړي توګه امریکا باید هغه هېوادونه، چې د افغانستان په جګړه کې خپلې ګټې پالي؛ اړ کړي، چې له مداخلو لاس واخلي او خپلې ګټې د افغانستان په سوله کې ولټوي.          

په ولسي جرګه کې د کابل استازی ذکریا ذکریا وایي:  د سولې لپاره باید د ستراتیژۍ ژوروالي ته پاملرنه وشي؛ ځکه سوله بېلابېل اړخونه لري او د پاکستان تر اغېز لاندې داعش، القاعده او طالب سوله جوړولی نشي.  

د ولسي جرګې غړې آرین یون وایي:  ګوندونه غواړي، چې د سولې پروګرام ولري. دوی باید په یو غږ د سولې له بهیر ملاتړ وکړي؛ ځکه، چې بېلابېلې غوښتنې د سولې لپاره غوره پایله نلري.     

د ولسي جرګې دوه یم مرستیال ټینګار کوي، چې امریکا دې د سولې د خوندي کولو لپاره هر غوراوی وکاروي.

د ولسي جرګې دوه یم مرستیال امیر خان یار څرګنده کړې؛ سوله د ټولو غوښتنه ده او له هرې لارې، چې کیدی شي نړیواله ټولنه او امریکا دې ورته چټکې هڅې وکړي او د افغانستان سولې ته دې لومړیتوب ورپه برخه کړي؛ ځکه، چې خلک سولې ته ډېر اړ دي.           

د ولسي جرګې غړي ټینګار کوي، چې څو له څو لسیزو جګړو وروسته خلک نور تر پوزې رارسیدلي او که له  دې شېبې ګټه وانخیستل شي؛ په افغانستان کې به د امریکا ماموریت ناکام شي.

خبریال: رفیع صدیقي

تازه خبرونه

د ښځو پر وړاندې تاوتریخوالی ۱۱ سلنه لږ شوی – د بشري حقونو کمیسیون

Ariana News

خپور شوی

په

توسط

(Last Updated On: November 26, 2020)

د افغانستان بشري حقونو خپلواک کمیسیون د پنجشنبې پر ورځ( د لیندۍ ۶) په یوه تویت کې څرګنده کړې، چې د ښځو پروړاندې تاوتریخوالی د تېر کال په پرتله ۱۱ سلنه لږ شوی دی.

د دوی د څرګندونو له مخې، د ۲۰۲۰ کال په تېرو ۱۰ میاشتو کې د ښځو پروړاندې د تاو تریخوالي ۳۴۷۷ پېښې ثبت شوې دي.

دغه بنسټ زیاته کړې، چې په ۲۰۱۹ کال کې د ښځو پروړاندې د تاوتریخوالي ۳۹۱۰ پېښې ثبت شوې وې، چې د روان کال د شمېر په پرتله ۱۱ سلنه لږوالی ښیي.

د بشري حقونو کمیسیون څرګنده کړې، چې دغه لږوالی کېدی شي د بېلابېلو فاکتورونو؛ عدلي او قضایي بنسټونو ته د میرمنو د نه لاسرسي، په هېواد کې د ناامنیو خپریدل او پر تګ راتګ محدودیتونه له کبله وي.

دا په داسې حال کې ده، چې  د ښځو چارو وزارت چارواکو پرون ویلي وه، چې د ښځو پر وړاندې تاوتریخوالی په ټول هې واد کې ډېر شوی دی.

Continue Reading

تازه خبرونه

افغانستان د نړیوالې ترهګرۍ په نوملړ کې لومړی شو

Ariana News

خپور شوی

په

توسط

(Last Updated On: November 26, 2020)

افغانستان د ترهګرۍ د قرباني شویو هېوادونو په نړیوال نوملړ کې لومړی مقام خپل کړ.

په ۲۰۲۰ کال کې د ترهګرۍ د نړیوال شاخص له مخې؛ د ترهګریزو بریدونو د ټولو مرګونو ۴۱ سلنه یې په افغانستان کې رامنځته شوي، چې د نړیوال نوملړ له مخې یې لومړی مقام ګټلی دی.

راپور په ډاګه کړې، چې په ۲۰۱۹ کال کې د تېرو درې کلونو په څېر بیا هم افغانستان د ترهګرۍ لوی قرباني هېواد دی، چې له ټولو نورو هېوادونو دغلته ډېرې ترهګریزې پېښې رامنځته شوې دي.

پر ۲۰۱۹ کال له ترهګرۍ بریدونو ۱٣ زره ٨٢٦  کسان وژل شویو، چې ۵۷۲۵  یې افغانان دي.

د ترهګرۍ د نړیوال شاخص له مخې؛ په ۲۰۱۹ کال کې د نړۍ له شل خونړیو پېښو اووه یې په افغانستان کې رامنځته شوي، چې طالبانو تر سره کړي دي.

د ترهګرۍ په نړیوال شاخص کې راغلي؛ الشباب، طالبان، داعش او بوکو حرام په ترتیب سره څلور خونړۍ ډلې پېژندل شوي، چې طالبانو په کې دوه یم ځای لري.

د دغه نوملړ له مخې، له افغانستان وروسته په نیجریه کې ډېرۍ ترهګریزې پېښې رامنځته شوې دي.

د ترهګرۍ نړیوال شاخص، چې هر کال د نړۍ په ۱۶۳ هېوادونو کې د ترهګرۍ اغېزې څېړي؛ د اقتصاد او سولې نړیوالې موسسې لخوا  چمتو کیږي.

بشپړ راپور دلته   وګورئ.

Continue Reading

تازه خبرونه

په افغانستان کې د یو شمېر آسترالیایي سرتېرو قراردادونه فسخه شول

Ariana News

خپور شوی

په

توسط

(Last Updated On: November 26, 2020)

د آسترالیایي رسنیو د څرګندونو له مخې؛ د دې هېواد حکومت په افغانستان کې د ملکي وګړیو او بندیانو پر وژلو تورن لس سرتېري له دندې ګوښه کړي دي.

آسترالیايي رسنیو په ډاګه کړې؛ له باوري شواهدو له خپرېدو وروسته دې هېواد په افغانستان کې د لږ تر لږه لس ځانګړیو سرتېرو تړونونه د ملکي وګړیو د ناقانونه وژنې له کبله فسخه کړي دي.

تېره اوونۍ د آسترالیا حکومت یو لړ باوري شواهد وموندل، چې آسترالیایي ځواکونو په افغانستان کې ملکي وګړي او بندیان وژلي دي.

د ای بي سي سرچینې د څرګندونو له مخې؛ هغه ملکي افغانان، چې د کورنۍ غړي یې د آسترالیا ځانګړيو ځواکونو وژلي؛ اوس هم د عدالت، تاوان او غرامت غوښتنه کوي.

په دې راپور کې راغلي؛ د آسترالیا ۱۹ سرتېري د ملکي افغانانو د وژنې پر تور محاکمه کیږي، چې  تر دې دمه یې ۹ پېژندل شوي او قضایي بنسټونو ته سپارل شوي دي.

راپور دا هم په ډاګه کړې، چې له دغو تورنو سرتېرو څخه ۱۰ یې په رسمي بڼه له دندې ګوښه شوي دي.

په افغانستان کې د قربانیانو کورنیو ویلي، چې د ملکي وګړیو د وژنې عاملین دې د قانون منګولو ته وسپارل شي.

د روزګان ولایت د سرخوم کلي اوسیدونکی عبدالطیف، چې د استرالیايي ځواکونو د عملیاتو پرمهال یې خپل پلار له لاسه ورکړی؛ یادې رسنۍ ته ویلي: زه عدالت غواړم. همدارنګه هغه دردونه، چې دوی ماته رسولي؛ زه یې د جبران غوښتونکی یم.

عبدالطیف زیاته کړې: د اسلامي قانون له مخې دې عدالت رامنځته شي؛ ځکه، چې جرمونه په افغانستان کې شوي او دا سرتېري باید پر اسلامي قانون محاکمه شي. که دوی پر آسترالیایي قانون محاکمه کیږي؛ نو د ژوند تر پايه باید په بند کې وي. مونږ عدالت او تاوان دواړه غواړو.

په راپور کې دا هم راغلې؛ که داسې کره شواهد تر لاسه شي، چې آسترالیايي ځواکونو د افغانانو په وژلو کې ښکېل وي؛ بیا، نو د آسترلیا حکومت باید د قربانیانو کورنیو ته ژر تر ژره تاوان او غرامت هم ورکړي.

آسترلیایي کارپوهانو ويلي؛ دا به بېسارې وي، چې په بهر کې د آسترالیا اتباع محاکمه کړي.

دوی زیاته کړې: د آسترالیا لپاره یوازې یوه لار پاتې ده، چې له پخپل خوندیتوب سترګې پټې کړي؛ خو دا به د قانوني ستونزو لامل شي.

Continue Reading
Advertisement

Trending