Connect with us

تازه خبرونه

امریکا د سوریې پر هوایي ځواک ۵۹ کروز توغندي توغولي

Avatar

خپور شوی

 په

(Last Updated On: وری ۱۸, ۱۳۹۶)

vlcsnap-2017-04-07-19h14m33s114

د امریکا متحده ایالتونو د سوریي تر شپږ کلنې جګړې وروسته د لومړي ځل لپاره د  سوري حکومت د هوایي ځواک یوه اډه په نهه پنځوس کروز توغندیو وویشته او په دې توګه یې د لومړي ځل لپاره د روسیې دې متحد ته پوځي ګوزار ورکړ. دغه کروز توغندي د امریکا د ولسمشر دونالد ترمپ په امر د مدیترانې په سمندر کې له یوې پوځي بېړۍ وتوغول شول او د سوریې د لویدیځ پر الشعیرات اډې ولګېدل.

د مدیترانې له سمندر څخه په دوه پوځي بېړیو کې بار نهه پنځوس کروز توماهاک توغندي د سوریې پر لوري وتوغول شول.

vlcsnap-2017-04-07-19h13m51s180

 دا برید د ولسمشر دونالد ترمپ په امر تر سره شوی او وایي، چې د سوريې د کیمیاوي وسلو د برید په غچ کې دا ګام پورته شوی دی. په هغه برید کې، چې د سې شنبې په ورځ وشو؛ نږدې سل تنه ووژل شول، چې ډېر یې ماشومان ول.

د امریکا توغول شوي کروز د سوریې په لویدیځ کې د الشعیرات پر اډې لګیدلي دي.

امریکا په ډاګه کړې؛ پر خان شیخون سیمې، چې د کیمیاوي وسلو برید شوې و، الوتکې له همدې هوایي ډګره پورته شوې وې.

د امریکا ولسمشر دونالد ترمپ وایي؛ ما پر سوریې د هوایي برید فرمان ورکړ، چې د وروستۍ کیمیاوي حملې اصلي منشا وه. له کیمیاوي وسلو مخنیوی د امریکا د امنیت د تامین په لار کې کیږي.  د شک ځای نه دی سوریې نړیوال کنوانسیون او د  ملګرو ملتونو د امنیت شورا  اوامر یې نقض کړي  او ممنوعه کیمیاوي وسلې یې کارولي دي.

د امریکا د بهرنیو چارو وزیر رکس تتیلرسن وایي، روسیه پر ادلب د کیمیاوي وسلو په برید کې د سوریې ملګرې وه او یا یې د خپل متحد د مهارولو توان نه درلود.  د سوریې پر هوایي اډې د کروز توغول متناسب پوځي اقدام و او ویې ښوده؛ ولسمشر دونالد ترمپ د دې تیاری لري، چې بدو اقداماتو ته په غبرګون کې پرېکنده عمل وکړي.

 د نړۍ زیاتو هېوادونو د امریکا پر دې اقدام بېلابېل غبرګونونه ښودلي دي.

د آلمان لومړۍ وزیره انگیلا میرکل وایي، د سوریې  پر پوځي مرکز د امریکا برید زمونږ لپاره د درک وړ دی؛ ځکه، چې د سوریې رژیم د خپلو بې ګناه خلکو پر وړاندې جنګي جنایتونه روان ساتلي او د ملګرو ملتونو د امنیت شورا پرېکړه لیکونه هم له پامه غورزوي.

د چین د بهرنیو چارو وزارت ویانده هوا شونینگ  وایي، د چین جمهوریت په نړیوالو مناسباتو کې تل د پوځي ځواک له کارولو سره مخالفت کړی دی. په همدې خاطر له ښکېلو خواوو غواړم، چې د خبرو لار غوره کړي. مونږ  د هغه څه په اړه، چې په سوریه کې پېښیږي، اندیښنه لرو.

د اروپایي ټولنې د کمیسیون غړې مینا اندریوا وایي، پر ملکي خلکو د سوري رژیم له بې رحمانه برید وروسته، متحده ایالتونو د سوریې پر پوځي اډې برید وکړ. متحده ایالتونو خبر راکړ، چې دا بریدونه محدود او یوازې د دغه راز پېښو د مخنیوي لپاره تر سره شوي دي.

د ترکیې لومړی وزیر مولود چاوش اغلو وایي، مونږ د امریکا دا اقدام په موقع بولو او ملاتړ ترې کوو. زه له ټولو هغو کسانو، چې د سوریې له رژیم ملاتړ کوي؛ غواړم، چې د یوه شخص له ملاتړ لاس واخلي او د یوې سیاسي هوکړې لپاره یوځای شي.

ایتالیا، اسرائیل او څو نورو هېوادونو له دغه بریده ملاتړ وکړ؛ سعودي عربستان هم  له دغه بریده  کلک ملاتړ کړی او دا یې د ترمپ د زړورتیا نښه ګڼلې ده؛ خو ایران او روسیې بیا له دغه برید سره کلک مخالفت ښکاره کړی او دا یې له نړیوالو قوانینو ښکاره نقض بللی دی.

تهران وایی، دې برید د سوریې حالت نور هم خراب کړ او په وینا یې د ترهګرو له پیاوړتیا سره مرسته کوي.

روسیه وایي، امریکا په دې کار غواړي په عراق کې له وژنو څخه د نړیوالو پام بل لوري ته واړوي.

د روسیې د بهرنیو چارو وزیر سرگي لاوروف وایي، دا یو یرغلګر عمل دی، دا برید د غلطو اطلاعاتو پر بنسټ تر سره شوې او مونږ  ته په ۲۰۰۳ کال کې پر عراق د امریکا، بریتانیا او متحدینو یرغل را یادوي، چې د ناسمو اطلاعاتو له مخې یې پر یوه هېواد برید وکړ.

د سوریې ولسمشر بشار اسد وایي، په جګړه کې یې بریا یوازنۍ ټاکنه ده؛ پرته له دې به د ده په وینا، سوریه د نړۍ له مخه لیرې شي.

له دوه یمې نړیوالې جګړې را وروسته ستر جنایتونه په سوریه کې تر سرهشوي؛ شپږ کاله کیږي، چې دغلته جګړه روانه ده او په کې څلور سوه پنځوس زره کسان وژل شوي او څلور میلیون نور بې کوره دي. په دې موده کې ملګرو ملتونو او نورو ښکېلو خواوو بېلابېلې غونډې تر سره کړي،  چې جګړه غلې کړي؛ خو اوس هم نه دي توانیدلي، چې دغه موخه تر لاسه کړي.

خبریال: فواد ناصري

Continue Reading
Advertisement

تازه خبرونه

د کاپیسا ولایت د ترافیکو آمر ترور شو

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د کاپیسا ولایت امنیتي چارواکو ویلي، چې د دې ولایت د ترافیکو آمر د ناڅرګندو وسلوالو پر ډزو ووژل شو.

د کاپیسا پولیسو ویاند شایق شورش څرګنده کړې، چې د ترافیکو آمر سید منیر نن دوشنبه د غبرګولي ۱۲ د سهار پر اته بجو د دې ولایت د مرکز سید خان کلا  په اړوند سیمه کې د ناڅرګندو وسلوالو لخوا ووژل شو.

شورش دغه پېښه ترورستي ګڼلې او څرګندوي، چې په دې اړه پلټنې روانې دي.

تر دې دمه هیچا د پېښې پړه پر غاړه نده اخیستې.

Continue Reading

تازه خبرونه

د افغانستان بانک په نا خالصه ذخایرو کې لوړوالی رامنځته شوی

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د افغانستان بانک وایي، د هېواد په تاریخ کې د لومړي ځل لپاره توانیدلي، چې د بانک د ناخالصو ذخایرو کچه له نهه میلیارد ډالرو څخه لوړه کړي.

دافغانستان بانک مسوولین وایي، سره له دې چې له افغانستان سره د نړیوالو مرستې کمې شوي خو د افغانستان بانک بیا هم وتوانید چې د ناخالصو ذخایرو کچه له نهه میلیارد ډالرو لوړه کړي.

دوی وایي د هیواد په کچه د بانک په تاریخ کې په لومړي ځل توانیدلي چې د هیواد ناخالص مالي ذخایر له نهه میلیارد ډالرو لوړه کړي.

هغوی زیاتوي چې تیر کال هم  توانیدلي وو چې د افغانستان بانک د هغو مالي ذخایرو له لارې چې په بهرنیو مالي بنسټونو کې  یی پانګونه کړې؛ شاوخوا ۲۲ میلیارده افغانۍ عواید را ټول او د دولت خزانې ته یې ورکړي۔

د یاد بانک مسوولین وایی چې د افغانستان بانک د مالي قدرت د لوړولو لپاره به خپلې هڅې پراخې کړي.

د دوی په وینا، که څه هم په دیری هیوادونو کې د کرونا ویرس او نورو ستونزو له امله افغانیو د ډالرو پروړاندې خپل ارزښت له لاسه ورکړی؛ خو دافغانستان بانک وایی د افغانۍ ارزښت ساتلو لپاره یې ډېر کار کړی او زیاتوي چې، دافغانۍ د ثبات لپاره نوې برنامې تر لاس لاندې لري.

بل خوا، د اقتصادي چارو کارپوهان د افغانستان بانک د ناخالصو ذخایرو د لوړیدو هرکلی کوي او زیاتوي چې د افغانستان بانک ځوانه رهبرۍ توانیدلي چې د افغانستان بانک پيسو مدیریت په معیاري ډول برابر کړي.

 

Continue Reading

تازه خبرونه

افغانستان کې د کرونا رنځ چټکې خپریدا اندېښنې راپارولي

Avatar

خپور شوی

په

توسط

(Last Updated On: غبرګولى ۱۱, ۱۳۹۹)

د عامې روغتیا وزارت ویلي؛ د کرونا ویروس پراخې لمنې په افغانستان کې یو لوی ناورین رامنځته کړی او په اړه یې  روغتیایي هڅې هم بسنه نکوي.

د عامې روغتیا وزارت ويلي، چې د کرونا ویروس ۶۸۰ نوې مثبتې پېښې ثبت شوي، چې له دی سره په هېواد کې د دغه ویروس پر ناروغۍ د اخته کسانو شمېر ۱۵۲۰۵ ته ورسید.

د دغه وزارت د چارواکو د څرګندونو له مخې؛ د کرونا ویروس ټولو ناروغانو ته د لاسرسي لپاره پوره وسایل نشته او دې ته ورته هر ډول غفلت به ناوړې پایلې ولري.

د عامې روغتیا وزارت مرستیال وحیدالله مجروح وایي: تر دې دمه په تېرو څلیریشت ګړیو کې ۱۱۱۲ بېلګې کتل شوي، چې له هغې څخه شپږ سوه اتیا مثبتې ختلي او په همدې موده کې اته کسان مړه شوي هم دي.

هغه زیاته کړې: له بده مرغه، د کرونا لمن پراخه شوې او ناورین رامنځته شوی؛ زمونږ یوازنۍ هیله له خلکو همکاري ده او که دوی همکاري وکړي، مونږ وضعیت اداره کولی شو. یوازې د اکسیجن لګښت په یوه ورځ او شپه کې خورا لوړ تمامیږي. په داې حال کې، چې تولید یې لږ دی.

سره له دې هم روغتیا وزارت ټینګار کوي، چې روغتیایي کارکوونکي په هر حال کې د خلکو په چوپړ کې دي او د کرونا رنځ پروړاندې به د شته امکاناتو له مخې مبارزه روانه ساتو.

دا په داسې حال کې ده، چې د هرات د حج او اوقافو ریاست ویلي؛ د دې ولایت د جوماتونو ملاامامان دې د لمانځه د ادا کولو پر مهال خلکو ته اړینې روغتیایي سپارښتنې وکړي او که نه نو، دوی به له خپلو دندو ګوښه کړ شي.

Continue Reading

Trending