Connect with us

تازه خبرونه

امریکا د افغانستان په اړه له روسیې سره د همکاریو غوښتنه لري

Ariana News

خپور شوی

 په

(Last Updated On: وږی ۳۰, ۱۳۹۶)

د افغانستان لپاره د روسیې ځانګړي استازي له خپل امریکایي سیال سره له کتنې وروسته ویلي، واشنګتن له مسکو سره د افغانستان په اړه د همکاریو غوښتنه لري؛ خو د امریکا د بندیزونو لګولو سیاست د همکاریو زمینه کمه کړې ده.

په وروستیو کې د افغانستان لپاره د روسیې ځانګړي استازي ضمیر کابلوف د ملګرو ملتونو د سازمان د عمومي اسامبلې په څنډو کې له خپل امریکایي سیال سره له لیدنې وروسته روسي رسنیو ته ویلي؛ افغانستان یوه داسې سیمه ده، چې کیدای شي پرې له امریکا سره همکاري وکړو.

د افغانستان لپاره د روسیې ځانګړی استازی ضمیر کابلوف وایي، واشنګتن له مونږ سره د افغانستان په اړه کار کولو ته لیوالتیا لري؛ خو دا باید درک کړو، چې د همکاریو ساحه ډېره محدوده ده. ویلز پوهیږي، چې پر روسیې بندیزونه لګول شوي. هغوی ول، چې بندیزونه یې ولګول او باید هغه لرې کړي. که غواړي، چې له مونږ سره همکاري وکړي.

د اجرائیه ریاست مرستیال ویاند جاوید فیصل وایي، مسکو او واشنګتن تر اوسه په بېلابېلو برخو کې له افغانستان سره کار کړی او افغانستان دې دواړو هېوادونو ته ښه کوربه دی.

د نړیوالو اړیکو کارپوه برناصالحي وایي، امریکا د روسیې د همکاریو په جلبولو غواړي د ترهګرۍ خلاف په مبارزه کې اقدام وکړي او یو بل ته شین څراغ ښکاره کړي.

د نړیوالو اړیکو شنونکی مصطفی آریا په ډاګه کړې، چې که افغانستان د روس او امریکا د تاوتریخوالي ډګر شي؛ مونږ به د یو نوي اړو دوړ شاهدان  او د حالاتو د بحرانی کیدو شاهدان وو. هیله ده په دې اړه د افغانستان دیپلو ماسي ډېره وهڅیږي.

په همدې حال کې کابلوف وایي، امریکا پر روسیې بندیزونه لګولي او که له مسکو سره د همکاریو غوښتنه لري، باید دغه بندیزونه لیرې کړي.

خبریاله :الاهه عمرعمري

تازه خبرونه

فوزیه کوفي له یوه وسلوال بریده روغه وتلې

Ariana News

خپور شوی

په

توسط

(Last Updated On: زمری ۲۵, ۱۳۹۹)

له طالبانو سره د حکومت د مرکچي پلاوي غړې فوزیه کوفي تېره شپه په کابل کې له یوه وسلواله بریده روغه وتلې ده.

یوې سرچینې ویلي چې، میرمن کوفي تېره شپه د ناڅرګندو وسلوالو لخوا د کابل – پروان پر لویه لار تر وسلوال برید لاندې راغلې ده.

په دې پېښه کې میرمن کوفي لږ څه ټپي شوې؛ خو روغتیایي حالت یې د اندېښنې وړ ندی.

د ملي پخلاینې عالي شورا مشر عبدالله عبدالله پر فوزیه کوفي وسلوال برید غندلی او د دې د سمدستي پلټنې غوښتنه یې کړې ده.

عبدالله عبدالله ویلي: زه د فوزیه کوفي د وژنې هڅه په کلکه غندم او له حکومت غواړم، چې د پېښې عاملین معلوم او ونیسي.

 

Continue Reading

تازه خبرونه

په سمنګان کې د آلمان په همکارۍ د یوه سړک د بیارغونې پروژه بشپړه شوه

Ariana News

خپور شوی

په

توسط

(Last Updated On: زمری ۲۵, ۱۳۹۹)

د سمنګان او د افغان-آلمان د همکارۍ استازیو د جمعې پر ورځ د ۳.۸ کیلو میتره رغول شوي سړک پرانسته وکړه.

دغه نوی قیر شوی سړک نه یوازې ایبک ښار له ژوندون کلي سره، بلکې د مزارـ کابل له لویې لارې سره یې هم نښلوي.

د دغه سړک پر بیا رغونه ۹۴ میلیون افغانۍ لګښت راغلی، چې د افغانستان – آلمان د سیمه ییزې بېخبنا پرمختیايي بودیجې صندوق لخوا ورکړشوی او ۲۲۰۰۰ کسان ترې ګټه پورته کوي.

د سمنګان والي داود کلکان د جمعې پر ورځ ویلي وه: زه ویاړم، چې نن دغه مهم سړک پرانستل شو. مونږ د آلمان له روانو همکاریو ملاتړ کوو.

ښاغلي کلکان هیله من دی، چې د سمنګان نور اړوند سړکونه هم د دغه پروګرام تر، پوښښ لاندې راشي.

نوی قیر شوی سړک به د ایبک او خرم، سرباغ او دوآب ولسوالیو او همداشان مزار شریف، شمال ختیځ ولایتونو او کابل ته سفرآاسانه کړي.

خلکو ته به نه یوازې د اقتصادي ودې آسانتیاوې برابرې کړي، بلکې ښوونځیو، کرهنیزو بازارون، روغتیایی مرکزونو، ولسوالیو او شاوخوا سیمو ته هم د ښه تګه لاسرسی مومي.

د سمنګانو د سړک جوړونې مدیریت مشرذاکر الله نظري ویلي، چې: زه د دې پروژې د پلي کولو پرمهال د RIDF د انجنیرانو له تخنیکي ملاتړ او وړاندیزونو مننه کوم، چې زما د کارمندانو وړتیا یې لوړه کړې ده.

نوموړي زیاته کړې؛ مونږ غواړو ورته نورې پروژې هم د دوی په همکارۍ پلي کړو او په راتلونکي کې وکولی شو، چې دغه راز پروژې په خپلواکه توګه پلي کړو.

هغه زیاته کړې؛ مونږ دغه راز کارونو ته ژمن یو او د نوي جوړ شوي سړک ساتنه به هم کوو.

د ایبک او ژوندون درې تر منځ سړک اوس نه یوازې د مزار شریف – کابل له لویې لارې سره ونښلول شو، بلکې  لید نښې او ځانګړې ترافیکي لارښوونې هم لري.

دغه ښار پلې لارې هم لري، چې پلیو خلکو ته یې د پلي ګرځیدو آسانتیاوې برابرې کړې دي.

د فاضله اوبو سیستمونه ښه شوي، سړک د اوبو د ډېریدو او سیلابونو په مقابل کې محافظت شوی او د ۱۸میاشتو په بهیر کې یې د سیمې خلکو ته د ۳۰۰  بېلابېلو دندو کاري زمینې هم رامنځته کړې دي.

Continue Reading

تازه خبرونه

په افغانستان کې پر کرونا ویروس ۳۷۵۰۶ کسان اخته شوي

Ariana News

خپور شوی

په

توسط

(Last Updated On: زمری ۲۵, ۱۳۹۹)

د عامې روغتیا وزارت په تېرو څلیریشت ګړیو کې د ۴۰۸ شکمنو پېښو له لیدلو ۷۵ نوې مثبتې پېښې په ډاګه کړې دي.

د روغتیایي چارواکو د څرګندونو له مخې؛ له تېرې یوې شپې او ورځې راپدیخوا په کابل کې ۴، په هرات کې ۳۶، په بلخ کې ۳، په پکتیا کې ۱، په بامیان کې ۴، په ننګرهار کې ۲، په بادغیس کې ۵، په لوګر کې ۲، په غزنی کې ۱۲، په کونړ کې ه، په دایکندي کې ۵ کسان پر کرونا اخته شوي دي.

روغتیا وزارت ویلي، چې تر دې دمه د کووید -۱۹ په کتنځیو کې د  کرونا ویروس ۹۸۱۹۹ پېښې کتل شوي، چې ۳۷۵۰۶ مثبتې وې.

یاد وزارت ويلي، چې دا مهال په هېواد کې پر کرونا ویروس ۹۳۴۷ د مثبتو پېښو لرونکي ناروغان لرو.

له بلې خوا، په تېرو ۲۴ ګړیو کې له کرونا ویروسه شپږ کسان مړه شوي، چې پېنځه یې په هرات او یو بل په لوګر کې ثبت شوي دي. دغه راز ۴۵۲ کسان له درملنې وروسته ښه شوي دي.

په هېواد کې تر دې دمه له دې ویروسه ۱۳۶۹ کسان مړه شوي او ۲۷۱۶۶ نور رغیدلي دي.

دغه راز د عامې روغتیا وزارت دوه اوونۍ مخکې په ۳۴ ولایتونو کې د خپلې تر سره شوې سروې له مخې ویلي وه، چې د هېواد یو پر درېیمه برخه وګړي پر کرونا ویروس اخته شوي دي.

د روغتیا وزارت په وینا، د ټول نفوس ۳۱.۵ سلنه، چې لس د؛ ر دې ناروغۍ اخته شوي، چې اوس یې ډېررغیدلي دي.

د روغتیا وزارت چارسمبالی جواد عثماني ویلي: ۳۴ ولایتونه پر ۹ زونونو وېشل شوي؛ د کابل زون د ټولو وګړیو ۵۳ سلنه، ختیځ زون ۴۲.۹ سلنه، مرکزي ولایتونه ۳۶.۳ سلنه، په غربي ولایتونو کې ۳۴.۱ سلنه او ختیځ سهیل ولایتونه ۳۲.۴ سلنه پر کرونا ویروس اخته شوي دي.

 تېره میاشت سره صلیب خبرداری ورک، چې افغانستان له کووید – ۱۹ ناروغۍ څخه د رامنځته کیدونکي احتمالي روغتیایي ، ټولنیز او اقتصادي ناورین په څنډه کې دی؛ ځکه، چې دا د نړۍ د ۱۰ ترټولو زیان منونکي هېوادونو پر اوږه یو دروند بار پریباسي.

دې ادارې زیاته کړه، چې د ساري ناروغۍ اصلی شمېر د محدودو ازموینو او ضعیفو روغتیایي سیستمونو له کبله د افغانانو ترمنځ خورا ډېر دی.

په ټوله نړۍ کې، د کرونا ویروس د مثبتو پېښو شمېر ۲۰۹۶۰۴۲۴رسیدلی، چې لږ تر لږه ترې ۷۶۰۳۷۱ کسان ترې مړه شوي او ۱۳۰۲۸۸۲۹ یې بېرته رغیدلي دي.

Continue Reading

Trending