Connect with us

تازه خبرونه

امریکا ښایي له افغانستان څخه د وتلو پرېکړه بېرته واخلي ـ متقاعد امریکایی جنرال

خپور شوی

 په

(Last Updated On: غبرګولى ۳, ۱۴۰۰)

په افغانستان کې د امریکا د استخباراتو پخواني مشر او د امریکایي او ناټو ځواکونو عمومي قومندان جنرال ډیویډ پټریوس د شنبې پر ورځ د غبرګولي لومړۍ ویلي؛ هغه په دې اند دی، چې امریکا به له افغانستان څخه د وتلو له پرېکړې شاتګ غوره کړي.

نوموړي امریکا غږ ته په افغانستان کې د کورنۍ جګړې له رامنځته کېدو هم خبرداری ورکړی دی.

جنرال پټریوس زیاته کړې، چې که څه هم د ترهګرو د بیا راپورته کیدنې خطر کمولو لپاره احتیاطي تدابیر نیول شوي؛ خو وېره شته، چې مونږ د کورنۍ جګړې د مخنیوي لپاره پخپلې پرېکړې پښیمانه شو.

پخواني امریکایي چارواکي دا هم ویلي، چې طالبان د سولې هر اړخیز تړون ته چمتو ندي او نه غواړي، چې واک شریک، لاسته راوړنې خوندي او جنګ په سوله ییزه توګه حل کړي.

پټریوس زیاته وایي، چې طالبانو د دوحې تړون له مخې خپل بندیان خوشې کړي او اوس غواړي، چې امریکا افغانستان پریږدي. په دې معنی، چې د امریکا قرارداديان به هم د بهرنيانو له وتلو سره له افغانستان څخه ووځي.

جنرال ډیویډ پټریوس دغه راز د افغان ځواکونو له هڅو ستاینه کوي او وایي: دوی د خپل هیواد لپاره جګړه کوي، چې خورا ډېر بدلون یې موندلی او کولی شي له خپلې خاورې ساتنه وکړي.

د نوموړي په اند د امریکا اردو او استخبارات د ترهګرو ډلو لکه القاعده او داعش د بیا راپورته کیدو د مخنیوي لپاره هم کار کوي.

هغه ویلي دي چې امریکا به د افغانستان په ګاونډ هېوادونو کې اډې نه جوړوي؛ پاکستان او ازبکستان یې دا غوښتنه رد کړې ده.

پټریوس زیاته کړې، چې د خلیج هېوادونو هوایي پر ډګر د امریکایی الوتکو الوتنې ډیر وخت ته اړتیا لري.

دغه پخواني امریکايي چارواکي په ډاګه کړې، چې القاعده غوښتل په افغانستان کې خوندي اډې جوړې کړي؛ خو امریکا د دې کار مخه ونیوله.

هغه دا هم ویلي، چې طالبان، د حقاني شبکه او د ازبکستان اسلامي غورځنګ په افغانستان کې د ترهګرو ډلو د شتون لپاره کار کوي.

نوموړي دا ډاډ هم څرګند کړی؛ امریکا هغو افغانانو ته ویزې ورکوي، چې په افغانستان کې یې له امریکایي ځواکونو او ډیپلوماټانو سره کار کړی دی.

تازه خبرونه

د هند په کوربتوب د ترهګرۍ په اړه د شانګهای ټولنې غونډه جوړه شوه

خپور شوی

په

توسط

(Last Updated On: غویی ۲۶, ۱۴۰۱)

په هند کې د افغانستان په اړه د شانګهای همکارۍ ټولنې د غړیو هېوادونو سرمشریزه نه یوازې پر سیاسي، اقتصادي او بشري وضعیت را څرخي، بلکې پر ترهګرۍ او نورو سیمه ییزو مسلو هم بحث کوي.

په دې غونډه کې د لومړي ځل لپاره د پاکستان یوه درې کسیز پلاوي هم ګډون کړی؛ د روسیې، چین، ازبکستان، تاجکستان، قزاقستان، قرغزستان، ترکمنستان او ایران لوړ پوړي چارواکې یې نور ګډونوال دي.

د دې څلور ورځنۍ غونډې ګډونوال به د سیمه ییز جوړښت په چوکاټ کې د ترهګرۍ پر ضد اقداماتو او د افغانستان پر امنیتي وضعیت خبرې وکړي.

د پراخ او ټولګډونه حکومت جوړېدل او د ښځو د حقونو ترڅنګ د بشري ناورین او د افغانستان په ثبات، سوکالۍ، پرمختګ او امنیت کې د سیمې د هېوادونو ونډه نور هغه موضوعات دي، چې د دې غونډې غړي به پرې بحث او خبرې وکړي.

د اسلامي امارت ویاند بلال کریمي ويلي؛ له هرې هغې غونډې هرکلی کیږي، چې د افغانستان په ګټه وي.

د تېر کال په نومبر میاشت کې هم نوي ډیلي د افغانستان په اړه د سیمه ییز امنیت د خبرو اترو کوربه و، چې د ایران، قزاقستان، قرغزستان، روسیې، تاجکستان، ترکمنستان او ازبکستان د ملي امنیت سلاکاران یې ګډونوال ول.

Continue Reading

تازه خبرونه

د نجونو پاتې ښوونځي به ډېر ژر له نوي میکانیزم سره پرانیستل شي

خپور شوی

په

توسط

(Last Updated On: غویی ۲۶, ۱۴۰۱)

د اسلامي امارت ویاند ډاډ څرګند کړی، چې د نجونو پاتې ښوونځي به هم ډېر ژر له یوه نوي میکانیزم سره پیل شي.

د اسلامي امارت ویاند ذبیح الله مجاهد د نجونو د منځنیو ښوونځیو او عالي لیسو د درسونو د پیل زېری وړاندې کړ او ټینګار کوي، چې د نجونو ښوونځي به ډېر ژر د یوه نوي میکانیزم پر مرسته بېرته پرانیستل شي.

د پوهنې وزارت پخوانيو چارواکو ويلي، اسلامي امارت عملاً د ښوونځیو د تړلو پر وړاندې د خلکو زغم ویني او نړیواله ټولنه هم د نجونو د ښوونځیو پر بیا پرانستلو ټینګار کوي؛ ځکه، نو دا ستونزه باید ژر تر ژره حل شي.

د پوهنې وزارت پخواني مرستیال صدیق پتمن ویلي؛ طالبان( اسلامي امارت ) بریالی کیږي، چې په یوه ورځ کې ښځو ته د حجاب طرحه وړاندې کړي؛ خو په ۹ میاشتو کې نشي کولی د ښوونځیو د پرانستلو طرحه وړاندې کړي. خلک او نړیواله ټولنه دا موضوع هیرولی نشي.  

د کابل اوسیدونکی سراج الدین ویلي، چې اسلامي امارت د هغو میلیونونو نجونو د تمې شېبې اوږدې کړي، چې ښوونځیو ته له تګه بې برخې شوې دي.

کارپوهان پدې باور دي، چې د نجونو د ښوونځیو پرانیستل کولی شي له اسلامي امارت سره د نړۍ د تعامل لاره اواره کړي.

Continue Reading

تازه خبرونه

ازبکستان به د افغانستان په اړه د نړیوال کنفرانس کوربه وي

خپور شوی

په

توسط

(Last Updated On: غویی ۲۶, ۱۴۰۱)

د ازبکستان د بهرنیو چارو لنډمهالي وزیر ولادیمیر نوروف څرګنده کړې، چې تاشکند به د روان زېږدیز کال د جولای په پای کې د افغانستان په اړه د یوې لوړې کچې نړیوال کنفرانس کوربه وي.

ولادیمیر نوروف زیاته کړې، چې دا نړیوال کنفرانس به د سیمې د امنیت، سیاسي ثبات او ټولنیز-اقتصادي پرمختګ راوڅرخیږي.

نوموړي ویلي؛ له بده مرغه مونږ د دې هېواد( افغانستان) وضعیت ته د نړیوالې ټولنې د پام کمښت وینو؛ وضعیت ستونزمن دی، اقتصادي بحران او ستونزمن بشري وضعیت د سیمې امنیت او ثبات اوس هم ننګوي.

تاشکند ټایمز راپور ورکړی، چې نوروف احساس کړی، چې نړیواله ټولنه باید د افغانستان د اوسني او راتلونکي مسوولیت په غاړه واخلي او په دغه هېواد کې د ستونزو د حل لپاره مرستې روانې وساتي.

د دغه راز نړیوال کنفرانس په اړه تر دې دمه اسلامي امارت څه ندي ویلي؛ خو د اسلامي امارت ویاند ذبیح الله مجاهد تېره ورځ ټویت کړی، چې د افغانانو کورني مسایل پر افغانانو پورې اړه لري او که څوک د افغانستان له سیاسي جوړښت سره تړلیو مسایلو په اړه ملاحظه لري؛ باید له افغانستان سره ګډه همکاري او د سوداګریزو اړیکو د پراخولو لپاره هڅې وکړي.

Continue Reading

Trending

Copyright © 2022 Ariana News. All rights reserved!