Connect with us

تازه خبرونه

امریکا په افغانستان کې ۱۰ پوځي اډې تړلي- راپور

Ariana News

خپور شوی

 په

(Last Updated On: November 28, 2020)

امریکايي رسنیو نن (شنبه د لیندۍ ۸) څرګنده کړې، چې امریکا په افغانستان کې خپلې ۱۰ پوځي اډې تړلې دي.

امریکا غواړي په افغانستان کې د خپلو عسکرو شمېر تر راتلونکې جنورۍ پورې ۲۵۰۰ ته راټیټ کړي.

د امریکا بهرنیو چارو وزیرمایک پامپیو پرون فاکس نیوز ته د امریکايي ځواکونو کمولو لپاره د دغه هېواد د ولسمشر دونالد ترمپ له پلان څخه دفاع وکړه.

افغان او امریکایي چارواکو واشنګتن  پوست ته د نوم د نه ښودلو په شرط تائید کړې، چې په افغانستان کې ۱۰ بهرني پوځې اډې تړل شوې دي.

د لومړنیو معلوماتو له مخې ، دا اډې د روزګان په ترینکوټ د هلمند په بست، د لغمان په ګنبيري او د پکتیا په لیتنن کې دي.

پر دې اډو سربېره  سږکال په کندوز، ننګرهار، بلخ ، کابل، فاریاب او زابل ولایتونو کې هم د متحده ایالاتو اډې تړل شوې دي.

د راپورونو له مخې؛ په دې اډو کې د نظامي تجهیزاتو په اړه تر دې دمه معلومات نشته، خو له دې مخکې امریکايي ځواکونو سلګونه هموی ټانکونه او اړوند تجهیزات افغان ځواکونو ته سپارلي دي.

له افغانستان څخه د امریکایي ځواکونه له وتلو سره ـ سره افغان او امریکایي چارواکو ویلي، چې په دې هېواد کې د بهرنیو ځواکونو د کمولو په اړه تراوسه کومه پرېکنده پرېکړه نده شوې.

یوه چارواکي واشنګتن پوست ته ویلي، چې افغان ځواکونو ته د نظامي تجهیزاتو د لیږدونې په اړه بحثونه روان دي او څرګنده نده، چې دا پرېکړه به څنګه کیږي.

دغه راز یو بل چارواکي ویلي، چې په افغانستان کې د امریکايي ځواکونو پر کمولو سربېره به دغه هېواد بیا هم د داعش پر وړاندې هوایي بریدونه ترسره کوي.

یوه بل امریکايي چارواکي ویلي، چې له ډېرو اډو څخه د وتلو او افغان ځواکونو ته یې د اړوند تجهیزاتو د سپارلو په اړه خبرې روانې دي.

دغه چارواکي زیاته کړې، چې په دې اړه درې لویې پرېیکړې به د ناتو او افغان حکومت سره په مشوره رامنځته کیږي.

تر دې دمه معلومه نده، چې دپه افغانستان کې د امریکا نورې څو اډې فعالې دي.

تازه خبرونه

له کورنیو تولیداتو څخه د ملاتړ هوکړه لیک لاسلیک شو

Ariana News

خپور شوی

په

توسط

(Last Updated On: January 23, 2021)

 د را تلونکې کال له پيله به ټولې دولتی ادارې په جبرې بڼه له کورنیو تولیداتو ګټه پورته کوي.

له همدې کبله د تدارکاتو ملي ادارې او د افغانستان د صنایعو او کانونو خونې تر منځ د کورنیو تولیداتو د پېرېدلو او په دولتی ادارو کې یې د کارونې هوکړه لیک لاسلیک شو.

د تدارکاتو مالې ادارې مشر څرګنده کړې؛ د راتلونکي ۱۴۰۰لمریز هجري کال له پيل سره سم به ټولې دولتی ادارې په جبرې توګه له کورنیو تولیداتو کاراخیستل پیلوي.

د تدرکاتو ملی ادارې زیاته کړې؛ له دې وروسته به صنعتکارانو او تولیدوونکیو ته په قرار دادونو کې د برخې اخستنې زمینه هم برابره شي.

دوی د هېواد له تولیدوونکیوغوښتي، چې باید خپل تولیدات معیاری کړي.

 د تدرکاتو ملي ادارې مسوولین وایي، د کورنیو تولیداتو د ملاتړ لپاره هغه پېنځه ویشت سلنه ارجعیت به هم پلی شي، چې د کورنیو توليداتو لپاره په نظر کې نیول شوی. 

د تدرکاتو ملي ادارې مشر عمر الهام هوتکي ویلي؛ مونږ غواړو، چې له تولو هغو لارو کار واخلو، چې د کورني تولید د قوت لا مل کیږي.  د  لمریز هجري۱۴۰۰ کال له پیله ټولې دولتي ادارې مکلفيت لري، چې له کورنیو تولیدا تو ګټه واخلي.

د أفغانستان د صنایعو او کانونو خونې مسوولین هم څرګندوي، چې هېواد یې په ۴۸ سکتورو نوکې د ځان بسیاینې ته رسید لی دی.

دوی ویلي؛ که حکومت له کورنیو تولیداتو ګټه واخلي، خصوصي سګتور به هم  پانګونه زیاته کړي او هم به د بیکارۍ کچه راټيټه شي.

د افغانستان د صنایعو او کانونو خونې مشر شېر باز کمین زاده وایي: که له کورنیو تولیداتو په دولتی قرار دادونو کې ګټه واخیستل شي؛ نو مونږ کولی شو د سوداګرۍ بلانس مساوی کړو. مونږ به پر تولید سربېره نوره پانګونه هم تر سره کړو؛ خو که حکومت خپل ملاتړ ډېرکړي.

د اقتصادی چارو کار پوهان هم  پدې  باور دي، چې حکومت په کورنیو قرار دادونو کې له کورنیو تولیداتو پېرودل وکړي او د هېواد مارکیټونو ته د راروانو قاچاقي توکو مخنیوی وشي؛ نو هېواد به له اقتصادي بحرانه چټک راووځي.

Continue Reading

تازه خبرونه

طالبانو درې نیم میلیون ماشومان له واکسینه بې برخې کړي – روغتیا وزارت

Ariana News

خپور شوی

په

توسط

(Last Updated On: January 23, 2021)

د عامې روغتیا وزارت څرګنده کړې، چې د ګوزڼ واکسین له پلي کولو سره د طالبانو د مخالفت له کبله په هېواد کې درې نیم میلیون ماشومان بې برخې شوي دي.

د عامې روغتیا وزارت د ګوزڼ څانګې معلومات ښيي ؛ د افغانستان په یو شمېر ولایتونو کې وسلوال طالبان کور پر کور د ګوزڼ واکسین له کمپاین سره مخالفت کوي، چې له کبله یې درې نیم میلیون ماشومان له واکسینه بې برخې پاتې شوي.

د ګوزڼ څانګې مسوولین وايي، چې طالبانو د همکارۍ ژمنې کړې؛ خو په عمل کې یې ورسره ورو ورو مخالفتونه ډېر شوي او د واکسین مخه یې نیولې ده.

د ګوزڼ څانګې د عامه پوهاوي مسوول میرجان راسخ ویلي؛ د پکتیا، میدان او وردګ ولایتونو ماشومان هم د طالبانو د مخالفت له کبله واسین شوي ندي.

تېره اوونۍ په ټول افغانستان کې د ګوزڼ واکسین پیل شو، چې ویل کیږي په وردګ، پکتیا، غزني، هلمند، کندهار، کندوز، تخار او پکتیکا ولایتونو کې یې طالبانو مخالفت کړی دی.

د پکتیا مدني فعال سید جمال آصف خېل ویلي؛ طالبانو په خپلو تر څارنې لاندې سیمو کې د دغه بهیر مخه نیولې ده. زمونږ غوښتنه داده، چې له واکسینه پاتې ماشومانو ته د واکسین کولو اجازه ورکړي.

د واکسین دا کمپاین، چې یوه اوونۍ دوام لري، په بامیان، غور او دایکنډي کې د سړې هوا او واورو له کبله پلي شوی ندی.

له دې مخکې د طالبانو د قطر دفتر ویاند په یوه ټویټ کې څرګنده کړې وه؛  دوی د واکسین له کار کوونکیو سره همکارۍ ته چمتو ديی. طالبان د واکسین له کار کوونکیو غواړي، چې د کورونو پر ځای په جوماتونو او نورو عامه ځایونو کې ماشومان واکسین کړي او د کور پر کور له کمپاین سره یې؛ ځکه مخالفت کړی، چې په ځينو مواردو کې له دې ډول کمپاینونو ناوړه ګټه بورته شوې ده.

Continue Reading

تازه خبرونه

طالبان د سولې په بهیر کې له وخت سره لوبې کوي

Ariana News

خپور شوی

په

توسط

(Last Updated On: January 23, 2021)

افغان حکومت د کورنیو چارو وزیر ویلي، چې طالبان له افغانستان څخه د امریکايي سرتېرو د وتلو شېبې شماري او فکر کوي، چې د جګړې له لارې به د سولې په خبرو کې ډېر امتیاز ترلاسه کړي.

کورنیو چارو وزیر مسعود اندرابي د سولې لپاره د طالبانو پر لیوالتیا او رښتینولۍ شک څرګندوي او له بې بي سره په خبرو کې یې ویلي، چې طالبان له افغانستان څخه د امریکايي سرتېرو وتلو ته په تمه دي او د سولې پر خبرو وخت ضایع کوي.

اندرابي وايي، چې طالبانو بریدونه او موخه ییزې وژنې؛ ځکه ډېرې کړي، چې د خپلو پاتې زندانیانو خوشې کولو ته لار اواره کړي او پر هېوادوالو د خپلې بڼې حکومتي مفکوره وتپي.

د ده په وینا، طالبان په افغانستان کې د تېرو شل کلونو لاسته راوړنو ته هم هیڅ ارزښت نه ورکوي.

کورنیو چارو وزیر سعود اندرابي وایي: طالبان د بهرنیو ځواکو نو وتلو ته پرتمه دي؛ دوی د مدنې مخکښانو او خبریالانو له تروره غواړي خپل ډېر بندیان راخوشې او د خپلې خوښې حکومتداري رامنځتده کړي.

طالبانو د افغانستان د کورنیو چارو وزیر د تازه څرګندونو په اړه کوم غبرګون ندی ښودلی؛ خو له دې مخکې یې ویلي، چې دوی غواړي د افغانستان جګړه د خبرو له لارې حل او اسلامي حکومت رامنځته کړي.

Continue Reading

Trending

آریانا نیوز. کلیه حقوق محفوظ است