Connect with us

تازه خبرونه

امریکا له وتلو وروسته هم د مرستو پر دوام ټینګار څرګند کړ

Ariana News

خپور شوی

 په

(Last Updated On: May 28, 2021)

د سپینې ماڼۍ د ملي امنیت سلاکار ویلي، چې امریکا به له افغانستان څخه د ځواکونو له ویستو ورسته هم د افغان دولت او خلکو تر څنګ ودریږي.

سپیني ماڼي په یوه اعلامیه کې ویلی؛ د امریکا ملي امنتیت سلاکارانو د افغان ځواکونو له وتو وروسته له افغان ځواکونو سره د همکاری په اړه خبري کړي دی.

د سپیڼي ماڼی سلاکارانو  ټینګار کړی، چې امریکا به د خپلو سرتېرو له وتو ورسته هم د افغانستان ترڅنګ ولاړه وی .

جک سولیوان د افغانستان د ملي امنیت شورا له سلاکار حمدالله محب سره په خبرو کې د دوه اړخیزو همکاریو پر پیاوړتیا او مشورو وړاندې کولو ټینګار څرګند کړی دی.

دغه راز په یو سمینار کې د امریکا پر شل کلن حضور د امریکا لوړ پوړي افسر مټیوهو ویلي، چی د افغانستان په جګړه کې یې هم ونډه اخیستي ويلي، چې امریکا به هیڅکله هم افغانستان ته د ملت جوړوني او جکړې د ختمیدو لپاره نه وه راغلې.

هغه وایي: مونږ لیدل، چې څه دول په یوه دورغجنه جکړه کې ښکیل یو؛ له طالبانو څخه قدرت جوړیده او د کابل حکومت هم فاسد کیده، نو ما هم پرېکړه وکړه، چې استعفا وکړم.

د امریکا د استخباراتي سازمان پخوانی سلاکار فلیپ جرالدي ویلي، القاعده د تېرو شل کلونو په تناسب ډېره پیاوړې شوې او نورې لسګونه ترهګرۍ ډلې د افغانستان امنیت ته جدي ګواښ دي.

نومو ړي ویلي؛ کله، چې د ناسمو معالوماتو پر بنسټ افغانستان ته د ننه شو وروسته نوری تېروتنې هم وشوې.

یو شمېر کارپوهان هم پدي باور دي، چي په افغانستان کې د تاوتریخوالي یوازنی لامل د بهرنیو سرتېرو شتون دی او دا هېواد هیڅکله هم له افغانستان څخه د وتلو نیت نلري.

ټولنپوه عسکر موسوي وايي: خپل ښکاره حضور به پای ته ورسوي؛ خو نیابتي او استخباراتي شتون به یې روان وي.

د پوهنتون استاد نقیب الله ذکي ویلي، چې د زرګونه وژنو په بدل کې له یو لړ لاسته راوړنو برخمن شوي یو.                

د پوهنتون استاد حفیظ الله نقي وایي،  د ټولو ننګونو علت امریکا ده.

دا په داسی حال کې ده، چې یو شمېر بهرني سرتېری له افغانستان وتلي؛ خو ور سره همهاله جګړي هم پراخې شوي دي.

تازه خبرونه

طالبان پر خلکو د خپلې مفکورې او حکومت تپلو هڅې کوي – عبدالله عبدالله

Ariana News

خپور شوی

په

توسط

(Last Updated On: July 25, 2021)

د ملي پخلاینې عالي شورا مشر ویلي، چې طالبان نشي کولی خپله مفکوره پر ټولو خلکو ومني او خپل حکومت پرې وتپي.

په ډېرو ولایتونو کې د دولتي ځواکونو او طالبانو تر منځ جګړه روانه ده؛ خو د ملي پخلاینې عالي شورا مشر وایي: طالبان فکر کوي، چې د جګړې په ډګر کې برلاسي دي؛ خو پر وینا یې دا ډله نشي کولی خپله مفکوره د افغانستان پر ټولو خلکو ومني.

 له الجزیرې سره خبرو کې نوموړي ټینګار کړی کومې سیمې، چې د طالبانو په اداره کې دي، په کې خلک له خپلو حقونو او آزادیو بې برخې دي او طالبان هڅه کوي، چې د جګړې له لارې خپله مفکوره پر خلکو وتپي.

 دعبدالله عبدالله د څرګندونو له مخې، که څه هم د تاوتریخوالي کچه لوړه ده او په خبرو کې پرمختګ ندی شوی؛ خو خبرې به ونه دریږي.

عبدالله وایي: طالبان نشي کولی د ټول افغانستان نفوس طالبان کړي. د افغانستان طالباني کېدل د منلو ندي. هوکې! البته هغوی اوس فکر کوي، چې د جګړې په ډګر کې برلاسي دي؛ خو کله، چې د ژوند نورو برخو کې واقعیتونه ګورو، تاسې نشئ کولی خپله واحده مفکوره  له پوځي لارې پر نورو تحمیل کړئ.

 عبدالله عبدالله یو ځل بیا ټینګار کړی، چې له افغانستان څخه د نړیوالو ځواکونو له وتو سره اوس پر یوه سیاسي جورجاړي د لاسرسي لپاره فرصت برابر شوی او دواړه لوري باید له دې فرصته ګټه واخلي.

نوموړي زیاته کړې: په هغو ساحو کې، چې له طالبانو سره یې اداره ده؛ له بده مرغه خلک له خپلو آزادیو او حقونو، چې باید خوند ترې واخلي، برخمن ندي او هغه لاسته راوړنې، چې مونږ درلودې بېرته شاته تللي او دا همدا راز یو حقیقت دی.

د ملي پخلاینې عالي شورا مشر ویلي، چې په افغانستان کې روانو شرایطو ته په پام له خبرو پرته بل غوراوی نشته.

هغه دا ټینګار هم وړاندې کړ؛ مونږ فکر کوو، چې سوله ییزه هوکړه د جګړې د دوام پر ځای یوه ښه ټاکنه ده او مونږ خپلې دا هڅې روانې ساتو. دغه راز د تاوتریخوالي کچه ډېره لوړه ده او جګړه سخته روانه ده که څه هم خبرو اترو کې د پام وړ پرمختګ نشته، باید ونه وایو، چې دا خبرې دې ودریږي.

د شنبې پر ورځ د ملي امنیت شورا سلاکار حمدالله محب ویلي وه، چې طالبانو د جګړې له لارې هیڅ امنیتي پوسته نده نېولې، بلکې تبلیغات او سیاسي معاملې سبب شوې، چې امنیتي پوستې له لاسه ووځي.

Continue Reading

تازه خبرونه

پر کابل ښار د لوی اختر پر لومړۍ ورځ د توغندیو پلانوونکی ونیول شو

Ariana News

خپور شوی

په

توسط

(Last Updated On: July 25, 2021)

کورنیو چارو وزارت ويلي، چې د یکشنبې پر ورځ ځانګړیو پولیسو د لوی اختر پر لومړۍ ورځ د توغندیزو بریدونو پلانوونکی نیولی دی.

د سرچینې د څرګندونو له مخې؛ دغه شکمن کسان د کابل ښارد پېنځمې امنیتې حوزې په اړوند سیمه کې نیول شوي، چې د پغمان په ګډون یې په یو شمېر ترهګریزو بریدونو کې لاس درلود.

کورنیو چارو وزارت ویاند میرویس ستانکزي ویلي؛ د دې توغندیز برید پر پلان جوړوونکي سربېره درې نور کسان هم نیول شوي دي.

له نیول شویو کسانو څخه دوه ګرځند او ځینې اسناد هم ترلاسه شوي دي.

د سې شنبې پر ورځ د لوی اختر د لمانځه پر مهال په کابل ښار کې ولسمشرۍ ماڼۍ ته نږدې درې توغندي ولګېدل.

میرویس ستانکزي زیاته کړې، چې دا توغندي د کارته سه له اړوند سیمې توغول شوي وه.

د یادونې ده، چې دغه راکټونه د لوی اختر پر لومړۍ ورځ سهار شاوخوا اته بجې په داسې حال کې ارګ ته نږدې ولګېدل، چې ولسمشر اشرف غني او یوشمېر لوړ پوړيو چارواکو د یوه سرتېري پر امامت لمونځ ادا کاوه.

Continue Reading

تازه خبرونه

افغان ځواکونه باید د طالبانو د پرمختګونو مخه ونیسي – امریکا

Ariana News

خپور شوی

په

توسط

(Last Updated On: July 25, 2021)

د امریکا دفاع وزیر لویډ آسټین د شنبې پر ورځ د زمري ۲ ویلي، چې د افغان امنیتي ځواکونو لومړیتوب له طالبانو څخه د سټراټیژیکو سیمو بېرته نیول، ساتل او د هغو د پرمختګونو مخنیوی دی.

رویټرز راپور ورکړی؛ امنیتي ځواکونه نیت لري، چې د کابل او نورو ښارونو په ګډون بندرونه او بېخبناوې خوندي او وساتي.

آسټین الاسکا ته د سفر پر مهال خبریالانو ته ویلي: دوی هڅه کوي، چې له وګړیو څخه ډکو سیمو په شاوخوا کې خپل ځواکونه راټول او پیاوړي کړي.

نوموړي زیاته کړې، چې د امریکایې ځواکونه له افغانستان څخه د اګست پر ۳۱ وځي.

نوموړي وایي؛ په دې اړه، چې هغوی به د طالبانو مخه ونیسي یا نه، زما په اند لومړی کار باید دا ډاډ ترلاسه کړي، چې دوی د طالبنو د پرمختګونو مخه ونیسي او بریدونه یې ودروي.

آسټین زیاته کړې، چې هغه باوري دی، چې افغانان د پرمختګ وړتیا او ظرفیت لري؛ خو ولیدل شي، چې څه پېښیږي.

د دغه راپور له مخې؛ طالبان هڅه کوي، چې پراخې سیمې ونیسي او دمګړۍ د ښارونو په څنډو کې له امنیتي ځواکونو سره ښکېل دي.  

له دې مخکې رویټرز څرګنده کړې وه، چې طالبانو له نیمایي ډېرې سیمې تر خپلې ولکې لاندې راوستي او دې کار د ښاري خلکو اندېښنې راپارولي دي.

امریکا منلې، چې له افغان ځواکونو څخه د ملاتړ لپاره هوایي بریدونه کوي او په هلمند او کندهار کې یې هوایي بریدونه هم تر سره کړي دي.

تېره جمعه جوبایډن په افغانستان کې له جګړو او تاوتریخوالي څخه د بېځایه شویو او هغو افغانانو لپاره، چې د ویزې غوښتونکي دي؛ د بېړنیو اړتیاوو د پوره کولو لپاره له بېړني فنډ څخه ۱۰۰ میلیون ډالر چمتو کړل

رویټرز زیاته کړې؛ د امریکا ولسمشر جوبایډن ژمنه کړې، چې د افغان ځواکونو تمویل روان وساتي او د سولې هڅې به هم روانې وي.

Continue Reading

Trending

آریانا نیوز: ټول حقونه خوندي دي