Connect with us

تازه خبرونه

امریکا د یمن حوثیان د ترهګرو په نوملړ کې راولي

Ariana News

خپور شوی

 په

(Last Updated On: January 11, 2021)

د متحده ایالاتو د بهرنیو چارو وزیر مایک پامپیو نن (دوشنبه د مرغومي ۲۲) ویلي، چې غواړي د حوثیانو ډله د ترهګرو په نوملړ کې ځای کړي.

د امریکا بهرنیو چارو وزارت په ډاګه کړې، چې دا دا کار به په یمن کې د بشري وضعیت په اړه اندېښنې  راپورته کړي؛ خو هېواد یې په یمن کې د بشري وضعیت د ښه کېدو په اړه پر مرستو غور کړی دی.

په دې څرګندونه کې د مایک پامپیو د څرګندونو له مخې په ډاګه شوې: زه هم غواړم د انصارالله درې مشران؛ عبدالمالک الحوثي، عبدالخالق بدرالدین الحوثي او عبدالله یحیی الحکیم د ځانګړيو نړیوالو ترهګرو په توګه وپېژنم.

دغه راز امریکا ویلي چې دا کار به د انصارالله په ګډون د ټولو ترهګرو پر هڅو اغېزه وکړي.

په یاده اعلامیه کې راغلي: دغه طرحه د انصارالله ډلې د ترهګریزو هڅو د مخنیوي لپاره په پام کې نیول شوې، چې ملکي وګړي، بېخبناوې او د سوداګریزو توکو لیږد یې له ګواښ سره مخ کړی دی.

د اعلامیې له مخې؛ د دې طرحو داده، چې د ایران له لاسوهنې پرته یو داسې متحد او خپلواکه یمن ولرو، چې له ګاونډ هېوادونو سره په سوله کې ژوند وکړي.

امریکا دا ټینګار هم وړاندې کړی؛ دوی به د ملګرو ملتونو، دولتي او نادولتي ټولنو سره د بندیزونو د پلي کولو په اړه بحث او خبرې وکړي.

د یادونې ده، چې امریکا په ۲۰۲۰ کال کې یمن ته د بشري مرستو ترټولو لوی تمویل کوونکی و.

تازه خبرونه

د فراه د ګمرک په اورلګېدنه کې د تېلو ۴ زیرمې وسوزېدې

Ariana News

خپور شوی

په

توسط

(Last Updated On: March 6, 2021)

د فراه ولایت د شیخ ابونصر فراهي د ګمرک د ګاز او تېلو په زیرمو کې له اور لګیدنې د سوداګرو د نفتي توکو  څلور زیرمې له منځه تللي دي.

 د افغانستان  د خصوصي سکتور د خونو فډراسیون ويلي، چې اور د ایران هېواد په مرسته وژل شوی دی.

د افغانستان د خصوصي سکتور د خونو فډراسیون مرستیال ویلي؛ د ابونصر فراهي  ګمرک د نفتي او ګازي توکو په یوه زیرمه کې اورلګیدنې د نفتي توکو څلور  زیرمې په بشپړ ډول سوځولي او مالي زیان يي هم تر اوسه ندی معلوم.

د  خصوصي سکتور غړي د افغانستان د ماليې وزارت  مامورینو د فساد او د ظرفیت نه شتون دټولو ستونزو اصلي لامل بولي.

د افغانستان د خصوصي سکتور د خونو فډراسیون مرستیال خانجان الکوزي وایي: مونږ د ستونزو ټول لامل ګمرکونه بولو؛ هلته هیڅ ظرفیت نشته د فراه نننۍ اورلګېدنه هم د ایران هېواد په مرسته مهار شوې ده او  کنه د مالي او زیاني زیان د پراختیا شونتیا ډېره وه.

د افغانستان د ماليي وزارت هم په ابونصر فراهي ګمرک کې د اورلګیدنې رامنځته  ته کیدل مني؛ خو زیاتوي، چې د دوي مامورین يي دعواملو د پیدا کولو په هڅه کې دي.

د ماليي وزارت ویاند رفیع تابع وایي: مونږ هم د نننۍ اورلګیدنې له پېښې خبر شوي یو او زمونږ همکارن په همدې موضوع بوخت دي، چې د شوی مالي زیان معلوم کړي.

د فراه والي تاج محمد جاهد ویلي؛ چې ګمرک د پراخې اړرلګېدنې لپاره پوره وسایل نلري.

نوموړي ویلي، ګې د ګمرک درې کارګر ورک دي.

د خصوصي سکتور غړي په ګمرکونو کې د ظرفیتونو د لوړولو پر ځاي د مامورینو پر بډو اخیستو نیوکې کوي.

د ابونصر فراهي  له ګمرک مخکې د اسلام کلا او له هغه وړاندې په سپین بولدک کې هم  ورته اور لګیدنې شوي، چې له سل میلیون ډېر مالي زیان خصوصي سکتور ته اوښتی دی.   

Continue Reading

تازه خبرونه

د اروپا پارلمان په افغانستان کې پر ډېرېدونکي تاوتریخوالي اندېښنه په ډاګه کړه

Ariana News

خپور شوی

په

توسط

(Last Updated On: March 6, 2021)

اروپایي ټولنې مشر په افغانستان کې پر ژورنالیستانو، بشري مخکښانو، مدني هڅاندو موخه ییز بریدونه او مخ پر ډېرېدونکی تاوتریخوالی غندلی او هغه یې په کلکه رد کړي دي.

د اروپا پارلمان په افغانستان کې د جګړې د درولو غوښتنه کړې او له ښکېلو غاړیو څخه یې وغوښتل، چې د دې هېواد د اساسي حقونو او راتلونکي خوندي کولو لپاره سوله وکړي.

درې ورځې مخکې په ننګرهار ولایت کې د یوه خصوصي تلویزیون درې کارمندانې کور ته پر لاره وژل شوې دي.

له افغانستان سره د اړیکو بورډ مشر پټراس آسټرویوسیوس ویلي؛ په دې وروستیو میاشتو کې مونږ د دښمنۍ زیاتوالی لیدلی دی. دا د اندېښنې وړ ده، چې دا تاوتریخوالي په موخه ییزه توګه هغه کسان پر نښه کوي، چې په یوه آزاده ټولنه کې کار کوي؛ د بیان او رسنیو د آزادي لپاره هڅې کوي. ښځې په ځانګړې توګه د دغو بریدونو موخه ګرزي.

د اروپا پارلمان له افغان حکومت غوښتي، چې د دې وژنو رڼه او هر اړخیزه څیړن دې وکړي او عاملین یې باید ونیول شي.

د اړیکو بورډ مشر پټراس آسټرویوسیوس زیاته کړې: د اروپا پارلمان پر ټولو خواوو غږ کړی، چې له تاوتریخوالي لاس واخلي او ژر تر ژره تلپاتې اوربند اعلان کړي.

هغه وایي، چې مونږ پر ټولو خواوو غږ کوو، چې د سولې خبرې روانې وساتي.

اروپایي پارلمان ټینګار کړی؛ د سولې پایله، چې هرڅه وي باید راتلونکی اساسي قانون، د افغانانو سیاسي حقوق، اقتصادي او ټولنیزې لاسته راوړنې باید خوندي او ډاډمنې کړي.

د دولت او طالبانو ترمنځ د سولې خبرو دوه یم پړاو د تېر کال د سپټمبر پر ۱۲ په دوحه کې هوکړې ته د رسیدو پر موخه پیل شوي.

اروپایي ټولنې ویلي، چې د خپلمنځي خبرو له پیل راپدیخوا په هېواد کې د مدني ټولنې وضعیت د لږ تر لږه ۱۴ خبریالانو او د بشري حقونو د ژغورونکیو موخه ییزو وژنو له پخوا ډېر خراب کړی دی.

Continue Reading

تازه خبرونه

په هرات کې د حبیب غوریاني او امنیتي ځواکونو له نښتو لسګونه کسان مالي او ځاني زیانمن شوي

Ariana News

خپور شوی

په

توسط

(Last Updated On: March 4, 2021)

د هرات پولیسو نن (پنجشنبه د کب ۱۴) په ډاګه کړې چې د امنیتی ځواکونو او د سیمه ییز زورواکي حبیب غوریانی د وسلوالو تر منځ په نښتو کې د ښځو او ماشومانو په ګډون لسګونه ملکي وګړي ټپیان ا مالي زیانمن شوي دي.

پولیسو حبیب غوریاني د پیسو اخیستو، د نشه يي توکو قاچاق، غصب او پر نورو جرمونو تورن کړی او هغه پرون یې د هغه د نیولو هڅه وکړه؛ خو نوموړی له پولیسو سره په نښته کې ښکېل شو.

د پولیسو په خبرپاڼه کې راغلي: د غوریاني وسلوالو پرون د ښار د ۱۲ ناحیې په اړوند سیمه کې د ځایي اوسیدونکي پلورنځي او کور ته ورننوتل؛ خپلسرې ډزې یې کړي، هغه یې  وهلی، مالي زیان یې وراړولی او د خلکو امنیت یې ګډوډ کړی دي. د دوی دغې کړنې د خلکو غصه راوپاروله او د دولسمې حوزې مخې ته یې د قانون پلي کیدو غوښتنه وکړه.

د پولیسو د څرګندونو له مخې؛ سیمې ته د پولیسو له رسېدو سره سم د غوریاني وسلوالو پر پولیسو ډزې وکړې او ۱۴ پولیس یې ټپیان کړل.

د پولیسو د څرګندونو له مخې؛ په دې نښتو کې د یوې ښځې او درې ماشومانو په ګډون ۳۲ ملکي وګړي ټپیان شوي دي.

پولیسو زیاته کړې؛ د غوریاني له وسلوالو څخه هم دوه کسان وژل شوي او اته نور له وسلو او مهماتو سره نیول شوي دي.

پولیس وايي، چې غوریاني له سیمې تښتیدلی؛ خو څارنه یې روانه ده.

دغه راز د هرات روغتیايي چارواکي ويلي، چې له دې نښتو څخه د ښځو او ماشومانو په ګډون ۳۶ ټپیان حوزوي روغتون ته رالېږدول شوي دي.

 په دې نښتو کې د اړوند سیمې خلکو ته ډېر مالی زیان هم اوښتی دی.

سرچینې زیاته کړې چې غوریانی له سیمې تښتیدلی، خو حبیب غوریاني په ترلاسه شوې ویډیو کې، چې پر پښه ټپي ښکاري او ورسره د حکومت دا کړنه سیاسي بولي.

ویل کیږي، چې اوسمهال امنیتي ځواکونه له سیمې وتلي دي.

د یادونې ده، چې د پولیسو او د حبیب غوریاني د وسلوالو تر منځ په نښته کې ولسي وګړيو ته مالي او ځاني زیانونه هم رسېدلي دي.

Continue Reading

Trending

آریانا نیوز: ټول حقونه خوندي دي