Connect with us

تازه خبرونه

امریکا د ګټلو جګړه نده کړې؛ خو طالبان مو له شتون ګټه پورته کوي – ټرمپ

Ariana News

خپور شوی

 په

(Last Updated On: غویی ۳۱, ۱۳۹۹)

ډونالډ ټرمپ د دوشنبې پر ورځ په ډاګه کړې، چې امریکا هیڅکله په افغانستان کې د جګړې ګټلو لپاره جګړه نده کړې.

هغه د وال سټریټ ژورنال سرلیکنې ته د می پر ۱۷ د یولړ پوښتنو، چې په کې د افغانستان په اړه د ټرمپ بېوسي راپورته شوې لکه د سولې هوکړه او د امریکایي ځواکونو په بیړه وتلو په غبرګون کې یو لړ ټویټونه کړي دي.

ټرمپ په یوه ټویټ کې ویلي: طالبان زمونږ د وتلو په اړه مختلط نظرونه لري. دوی زمونږ له پاتې کیدو ګټه تر لاسه کوي.

هغه زیاته کړې؛ په افغانستان کې پرته له لومړیو ورځو، مونږ هیڅکله د بریا لپاره رښتینې مبارزه نده کړې.

هغهدغه راز ټینګار کړی، چې مونږ د پولیسو د ځواک په توګه ډېر کار کړی، نه د یوه قوي او ځواکمنې اردو په توګه، چې اوس یو. نه ! زه بې مسوولیته کوم کار نه کوم.

ټرمپ له دې مخکې په افغانستان کې د امریکايي ځواکونو هڅې ستایلې وې. هغه د خپلواکۍ د ساتنې لپاره لیږل شوي سرتېري ستایلي او د تروریزم او د تمدن د دښمنانو په له مینځه وړلو کې یې اتلولي روانه ساتلې ده.

هغه لیکلي: په ۲۰۰۱ کې مو د القاعده د له منځه وړلو لپاره افغانستان ته سرتیري ولیږلي؛ بیا یې جګړه روانه وساتله، چې له طالبانو لیرې پرتې سیمې پاکې کړي.

په تېر یو کال کې مو ځواکونو نه یوازې طالبان د افغانانو تر منځ خبرو اترو ته هڅولي، بلکې هڅې مو له افغان ځواکونو څخه پر ملاتړ هم راڅرخیدلي دي.

د فبروري پر ۲۹ امریکا له طالبانو سره یو تړون لاسلیک کړ، چې د طالبانو پر وړاندې یې د امریکا بریدونه ودرول او د امریکایي ځواکونو پړاو په پړاو وتلو زمینه برابره شوه.

اوس، چې خپلمنخي خبرې ځنډیدلي؛ نو څرګنده نده، چې د دې ځواکونو د کموالی به کله تر سره کیږي.

ټرمپ په افغانستان کې تل د جګړې له لګښتونو ستړیا ښکاره کړې او څرګندوي، چې یوازې د یو څه وخت لپاره به د یو چا لاسنیوی کیږي.

تازه خبرونه

امنیتي ځواکونو په غزني کې د طالبانو برید پر شاتمبو وتمباوه

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

دفاع وزارت په غزني کې د یوولس وسلوالو طالبانو له مرګ و ژوبلې خبر ورکوي.

دغه وزرات په یوه خبرپاڼه کې ویلي، چې طالبانو تېره ورځ د مرکز غزني د شالیز او عاشقوال له اړوند سیمو څخه پر ملي امنیتي او دفاعي ځواکونو وسلوال بریدونه تر سره کړي وه.

دوی زیاته کړې، چې له ملي ، دفاعي او امنیتې ځواکونو سره په نښته کې ۸ وسلوال جنګیالي وژل شوي او ۳ نور ټپیان دي.

دفاع وزارت د ملي، امنیتي او دفاعي ځواکونو د ځاني زیان په اړه څه ندي ویلي او همدا رنګه طالبانو هم د اوښتي ځاني زیان په اړه تر دې دمه څه ندي ویلي.

دا په داسې حال کې ده، چې له امریکا سره د سولې هوکړې له مخې د ولایتونو او ښاري سیمو پر مرکزونو بریدونه بند شوي؛ خو وسلوالو جنګیالیو له تېرو څو ورځو راپدیخوا د یو شمېر ولایتونو او ولسوالیو پر مرکزي سیمو هم بریدونه پیل کړي دي.

د یادونې ده، چې دوه ورځې مخکې طالبانو د دهیک ولسوالۍ امنیه قومندان حبیب الله نومی د سړک غاړې پر ماین چاودنه وواژه او د کندهار ولایت د شاولیکوټ پر امنیه قومندانۍ یې موتر بم چاودنه تر سره کړه او ۱۸ کسانو ته یې مرګ و ژوبله واړوله.

Continue Reading

تازه خبرونه

نړیوال بانک له افغانستان سره د ۲۰۰ میلیون دالرو مرسته کوي

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

نړیوال بانک د خلکو د خونديتوب او په افغانستان کې د خصوصي سکتور د پیاوړي کولو په موخه، ۲۰۰ میلیون امريکايي دالره نوې مالي مرسته تصویب کړه.

د دغه بانک په اعلامیه کې راغلي، چې د نړیوال بانک مدیره پلاوي نن په افغانستان کې د کوويد-۱۹ وبا د اقتصادي او ټولنیزو اغېزو سره د مقابلې، زیانمنونکیو خلکو ته د آسانتیاوو برابرولو او له خصوصي تشبثاتو څخه د ملاتړ په موخه د ۲۰۰ میلیون امريکايي دالرو پر ارزښت د وړیا مالي مرستې یوه بسته تصویب کړه.

په اعلامیه کې راغلي؛ دغه وړیا مالي مرسته، چې ( په افغانستان کې د کوويد-۱۹ ناورين ته د ځواب وینې لپاره د پاليسيو د پراختيا پروګرام ) په چوکاټ کې لګول کیږي ۱۰۰ میلیون امريکايي دالر يې د نړیوالې پراختيا ادارې، چې تر ټولو بېوزله هېوادونو ته د نړیوال بانک د مالي مرستو برابروونکی اداره ده او ۱۰۰ میلیون نور يې د افغانستان د بیارغونې صندوق ته، چې مدیریت یې د ۳۴ هېوادونو او نړيوالو مرستندویو ټولنو په استازولۍ نړیوال بانک پر غاړه لري؛ لخوا ورکول کېږي.

د دې مالي بستې له برابرولو سره تمه دا ده، چې د افغانستان دولت د اقتصادي او ټولنیز وضعیت د ژر ښه کېدو په موخه یو شمېر اغېزمنې پاليسۍپلې کړي او څه بېخبناوو د پیاوړتیا لپاره لکه د برښنا انرژۍ د تامينولو، د څښاک اوبو ته لاسرسی او مخابراتي خدمتونو په برخه کې آسانتیاوې رامنځته کړي.

په افغانستان کې د نړیوال بانک ګروپ د دفتر مشر هینري کرالي، وايي: په داسې حال کې، چې د کوويد- ۱۹ویروس خپرېدل د اقتصادي ودې او د افغانستان د ملي عوايدو د کمېدو لامل شوی؛ دغه پروګرام افغانستان ته د دې وبا د ناوړه اغېزو د مدیریت لپاره مالي سرچينې برابروي. تمه کېږي، چې د دې پروګرام له پلي کېدو سره پر زیانمنونکیو کورنيو د دغه بحران منفي اغېزې له منځه لاړې شي او د چټکې اقتصادي ودې لپاره اساسي ګامونه اوچت شي. نړیوال بانک د تېر په څېر ژمن دی، چې په دې سختو شرایطو کې د افغان ولس ترڅنګ ودرېږي.

کوويډ-۱۹ ناورین پر ټولو سکتورونو لکه د روغتيا، اقتصادي او ټولنیزو سکتورو بشپړ منفي اغېز کړی دی، چې په پایله کې د اقتصادي ودې او د هېواد د ملي عوايدو د کمېدو لامل شوی دی. ټاکل شوې، چې د دې وړیا مالي مرستې له برابرولو سره، په قوانینو او مقرراتو کې د اړینو تعدیلاتو له لارې پورونو او مالي سرچينو ته د وړو او منځنيو خصوصي تشبثاتو لاسرسی زیات شي.همدارنګه په پام کې ده، چې د روغتيايي کارکوونکیو د خونديتوب په موخه او په ښوونځيو کې د جنسیت پر بنسټ د تاوتريخوالي په اړه د عامه پوهاوي د لوړولو لپاره مشخص پروګرامونه طرح او عملي شي. له بلې خوا د دې مالي مرستې له لارې به هڅه وشي، چې د ښوونځيو له خلاصېدو وروسته ټول زدکوونکي وهڅول شي، چې بېرته ښوونځيو ته ورشي.

Continue Reading

تازه خبرونه

عبدالله عبدالله د خپلو نوماندانو نوملړ ولسمشرۍ ته وسپاره

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په کابینه کې د داکتر عبدالله عبدالله د ونډې نوماند وزیرانو نوملړ ولسمشرۍ ماڼۍ ته رسیدلی دی او عبدالله ته نږدې سرچینې وايي، چې اوس هم د ملي پخلاینې عالي شورا له مشر سره د هغه ملګري د وروستي شوي نوملړ په اړه اختلاف لري.

د ملي پخلاینې عالي شورا د مشر عبدالله عبدالله د کابینې نوماند وزیران له دوه میاشتو خبرو او مشورو وروسته ځانګړي او ولسمشرۍ ماڼۍ ته یې نوملړ استول شوی دی.

مسعود اندرابي د کورنیو چارو، فضل احمدي معنوي د عدلیې، انوارالحق احدي د کرنې، نور رحمان اخلاقي د کډوالو چارو، محب الله صمیم د قومونو او قبایلو چارو وزارتونو لپاره نوماند شوي دي.

مصطفی مستور د سولې په برخه کې د دولت وزارت، معصومه خاوري د مخابراتو، نثار احمد غوریاني د سوداګرۍ، منصور سعادت نادري د اقتصاد، بشیر احمد ته ینج د کار او ټولنیزو چارو، کنشکا ترکستاني د لوړو زدکړو، عباس بصیر د ترانسپورت او نجیب آقا فهیم د شهیدانو او معلولینو په چارو کې د دولت وزارت لپاره نومول شوي دي.

داسې معلومات هم  تر لاسه شوي، چې د عبدالله عبدالله په مشرۍ د نوماند وزیرانو له نوملړ سره د هغه متحدین مخالف دي.

عبدالله ته نږدې سرچینو ويلي، چې ملي جنبش ګوند په کابینه کې د درې وزارتونو غوښتنه کوي. په داسې حال کې، چې په نوملړ کې دوه وزارتونه ونډه ورکړ شوې ده.

دغو سرچینو څرګنده کړې، چې ملي جنبش ګوند، بشیر احمد ته ینج د کرنې ، قدرت الله ذکي د ترانسپورت او کنشکا ترکستاني د کډوالو چارو وزارت لپاره وړاندیز کړي وه.

ځينې نورې سرچینې بیا وايي، چې د نوماند وزیرانو د نوملړ په اړه هیڅ اختلاف نشته.

د سیمه ییزو ارګانونو خپلواکې ادارې ویاند احمد شاه سقیم ویلي، چې ولسمشر محمد اشرف غني د یوولس ولایتونو لپاره والیان معرفي کړي دي.

ولسمشرۍ او سپیدار ماڼیو تر اوسه د دغه نوملړ په اړه څه ندي ويلي.

Continue Reading

Trending