Connect with us

تازه خبرونه

امریکا د کابل سفارت دوحې ته لیږدولی – بلینکن

خپور شوی

 په

(Last Updated On: وږی ۲۳, ۱۴۰۰)

د امریکا د بهرنیو چارو وزیر انټوني بلینکن د دوشنبې پر شپه (د وږي ۲۲) ویلي، چې واشنګټن خپل ډیپلوماټیک کارونه له کابل څخه دوحې ته لېږدولي او په سیمه کې د ترهګرۍ پروړاندې مبارزه یې روانه ساتلې ده.

د ولسي جرګې د بهرنیو چارو کمېټې ته بلینکن په خپلې وینا کې څرګنده کړې: مونږ خپل ډیپلوماټیک کارونه له کابل څخه دوحې ته لېږدولي؛ ډېري متحدین مو همغږي شوي او د افغانستان پر چارو ګډ کار روان دی.

هغه دا هم ویلي، چې د افغانستان اسلامي امارت ژمن دی، چې د القاعده او داعش په ګډون د تروریستي ډلو مخه ونیسي او له خاورې یې نور ونه ګواښل شي.

نوموړي زیاته کړې: مونږ په دې اړه هغوی مسوول بولو. دا په دې معنا نده، چې مونږ پر دوی تکیه کوو. مونږ به د ګواښونو په څارنه کې خپل پام ساتو، مونږ به په سیمه کې د ترهګرۍ پر وړاندې خپلې وړتیاوې خوندي کړو او د اړتیا په صورت کې به اړوند ګواښونه له منځه یوسو او دا کار د نړۍ په هغو بېلابېلو برخو کې، چې پوځي ځواک نلرو  ترسره کولی شوو.

هغه دا هم ویلي، چې امریکا به له خپلو متحدینو او ملګرو سره خپله ژوره ډیپلوماسي روانه وساتي.

نوموړي زیاته کړې: مونږ د نړۍ له نیمایي ډېر – ۱۰۰ هېوادونه خپرې شوې اعلامیې او د ملګرو ملتونو د امنیت شورا پرېکړه لیک ته ژمن یوو، چې د اسلامي امارت حکومت د نړیوالې ټولنې هیلې څومره پوره کولی شي.

دغه راز هغه ویلي؛ مونږ تمه لرو، چې اسلامي امارت نه یوازې د تګ راتګ آزادي تضمین کړي، بلکې د ترهګرۍ پر وړاندې د مبارزې ژمنې پلې کړي، د ښځو، نجونو او اقلیتونو په ګډون د افغانانو د اساسي حقونو ساتنه وکړي او د خلکو استازی حکومت جوړ شي.

هغه وایي؛ د نړیوالې ټولنې لپاره د اسلامي امارت مشروعیت او ملاتړ د هغوی له عملي چال  چلند سره تړاو لري.

بلینکن څرګنده کړې، چې په افغانستان کې د کار کولو لپاره یې د ۲۲ هېوادونو، ناټو، اروپایي اتحادیې او ملګرو ملتونو د وزیرانو د غونډې مشري کړې او خپلې هڅې به روانې ساتي.

له دې څرګندون یوازې څو ساعته وروسته امریکا نږدې ۶۴ میلیون ډالر نوې بشري مرستې د افغانستان خلکو ته اعلان کړه، چې د روغتیا او خوارځواکۍ مخه پرې ونیول شي.

بلینکن له افغانستان څخه د امریکایي ځواکونو د وتلو او د وتلو د بهیر په اړه بشپړ راپور هم وړاندې کړ او د لوی درستیز جنرال مارک ملی د څرګندونو له مخې وایي، چې بېړنۍ وتنه په ۱۱ ورځو کې د افغان امنیتي ځواکونو او حکومت د سقوط له کبله وه، چې هیڅ فکر یې نشو کېدی.

تازه خبرونه

په قطر کې له چینایي چارواکو سره د اسلامي امارت د مشرانو لېدنې روانې دي

خپور شوی

په

توسط

(Last Updated On: لړم ۴, ۱۴۰۰)

نن د قطر په مرکز دوحه کې د افغانستان د بهرنیو چارو وزیر محترم مولوي امیر خان متقي په مشرۍ یوه پلاوي د چین ولسي جمهوریت د بهرنیو چارو وزیر وانګ پر مشرۍ له پلاوي سره خبرې وکړې.
دواړو لوریو پر ډیپلوماټیکو اړیکو، دوه اړخیزې سوداګرۍ، له افغانستان سره د چین بشري مرستې او افغان زد‌کوونکیو ته په چین کې د لوړو زد‌کړو د فرصتونو رامنځته کولو او په ټوله کې د دواړو هېوادونو په اړیکو کې پر فرصتونو او ننګونو هراړخیزې خبرې وشوې.

د افغانستان د بهرنیو چارو وزیر په ډاګه کړې، چې اسلامي امارت ډاډ ورکوي، چې د افغانستان خاوره به د چین په ګډون د کوم هېواد پرخلاف نه کارېږي.

نوموړي ډاډ څرګند کړی، چې افغانستان پر همکارۍ او همغږۍ ولاړ متوازن بهرنی سیاست لري. چین زموږ په بهرني سیاست کې مهم ځای لري او په سیمه کې مهم هېواد دی. د افغانستان ثبات د چین په ګډون ټولې سیمې ته ګټور دی.

افغان لوري چین سره د دیپلوماتیکو اړیکو د پراختیا تر څنګ د افغانستان د سوداګرۍ پر پراختیا هم ټینګار وکړ.
مولوي متقي له چینايي لوري وغوښتل، چې د افغان سوداګرو د ستونزو په اوارولو کې مرسته وکړي او له افغانستان څخه چین ته د ونیکس ماربل، قیمتي بوټو، کیشتې، بادام، وچو انځرو، پستو، اینجي او په ځانګړي توګه د جلغوزو د صادراتو په برخه کې لازمې آسانتیاوې برابرې کړي.

د چین د بهرنیو چارو وزیر په افغانستان کې له وروستي مثبت تحول هرکلی وکړ او په ډاګه یې کړه، چې افغانستان او چین تاریخي اړیکې لري او په راتلونکي کې به دواړه هېوادونه د ګډو ګټو پر بنسټ کار وکړي او هیڅکله به د افغانستان په کورنیو چارو کې لاسوهنه ونکړي.

وانګ يي زیاته کړې، چې هېواد یې د افغانستان امنیت، خپلواکۍ او ځمکني بشپړتیا ته درناوی لري.
چینايي لوري همداراز ټینګار له افغانستان څخه پر ملاتړ ټینګار کړی، چې د پراختیا لپاره خپله لار په خپله وټاکي.

دغه راز ویل کیږي، چې د چین د بهرنیو چارو وزیر وانګ يي تېره ورځ د قطر په پلازمېنه دوحه کې د اسلامي امارت د اقتصادي چارو له مرستیال ملا عبدالغني برادر پر مشرۍ له یوه پلاوي سره لیدلي دي.

د ذبیح الله مجاهد د څرګندونو له مخې، په دې کتنه کې پر اقتصادي او سیاسي وضعیت او د دواړو هېوادونو ترمنځ د سوداګریزو اړیکو پر پیاوړتیا تمرکز شوی دی.

د یادونې ده، چې په کابل کې د ایران سفیر آریانانیوز ته ویلي؛ د روانې اوونۍ د چارشنبې په ناسته کې به د ایران، پاکستان، ازبکستان، تاجکستان، ترکمنستان، روسیې او چین د بهرنیو چارو وزیرانو یوه ګډه ناسته د افغانستان د اقتصادي او امنیتي ستونزو او ټولمنلي حکومت په اړه جوړه شي.

Continue Reading

تازه خبرونه

ایران د اسلامي امارت له مشرانو پرته د افغانستان په اړه سیمه ییزه ناسته جوړوي

خپور شوی

په

توسط

(Last Updated On: لړم ۴, ۱۴۰۰)

ټاکل شوې، چې د روسیې په ګډون د افغانستان د ګاونډ هېوادونو د بهرنیو چارو وزیرانو ناسته سبا چارشنبه د لړم پر پېنځمه په تهران کې جوړه شي؛ خو دې ناستې ته اسلامي امارت بلل شوي ندي او  چارواکو  یې ویلي، چې په دې ناسته کې ګډون نکوي.

د ایران د بهرنیو چارو وزرات ویاند سعید خطیب‌زاده ویلي؛ د افغانستان په اړه د سیمه ییزو هېوادونو دغه ناسته به د ایراني ولسمشر ابراهیم رییسي پر وینا پرانیستل شي.

د ایران ایرنا خبري آژانس د ایران په پلازمېنه تهران کې د افغانستان د ګاونډ هېوادونو د بهرنیو چارو وزیرانو د ناستې په تړاو د نوموړي د څرګندونو له مخې په ډاګه کړې؛ د روسیې په ګډون د افغانستان ۶  ګاونډ هېوادونو د بهرنیو چارو وزیرانو ناسته به په حضوري بڼه جوړه شي.

هغه ویلي؛ په دې ناسته کې به د ازبکستان، تاجکستان، ترکمنستان او پاکستان د بهرنیو چارو وزیران په حضوري بڼه او د چین او روسیې د بهرنیو چارو وزیران به انلاین ونډه ولري.

د نوموړي د څرګندونو له مخې د یوشمېر هېوادونو سفیران به هم په دې ناسته کې ګډون ولري.

خطیب‌زاده زیاته کړې، چې د ملګرو ملتونو سرمنشي به هم سبا دغې ناستې ته خپل پیغام راولېږي.

نوموړي په ډاګه کړې: دا ناسته به سبا ته د افغانانو د ارمانونو پر پوره کولو او د دې هېواد پر راتلونکي راوڅرخي.

افغانان دمګړۍ د خپلو ارادو د پلي کولو لپاره له ګاونډ هېوادونو څخه د بشري مرستو هیله لري.

خطیب زاده وایي؛ اوسمهال مونږ د څلور میلیون افغانانو کوربانه یو. د افغانستان حکومت باید د افغانانو غوښتنو ته پام راواړوي د یوې مسوولې ادارې په توګه ورته خدمات وړاندې او د ټولو قومونو او مذهبونو په ګډون دې ټولمنلی او پایداره دولت جوړړولو ته چارې چارې ولټوي.

دا په داسې حال کې ده، چې په کابل کې د ایران سفیر بهادر امینیان  له آریانا نیوز سره په مرکه کې ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

Continue Reading

تازه خبرونه

امریکا له ا.ا.ا سره جګړه وبایلله؛ نو بیا یې خبرو ته مخه کړه ـ خلیلزاد

خپور شوی

په

توسط

(Last Updated On: لړم ۴, ۱۴۰۰)

د افغانستان د سولې لپاره د امریکا پخواني استازي زلمي خلیلزاد ويلي؛ امریکا د جګړې په ډګر کې د طالبانو پر وړاندې جګړه وبایلله؛ خو  د بدیل په توګه یې د سولې خبرې غوره کړې.

خلیلزاد وايي؛ امریکا غوښتل، چې د سولې د خبرو پایله بل ډول وي. نه هغه څه، چې د اګست پر ۱۵رامنځته شول.

خلیلزاد له سي بي اس سره په مرکه کې څرګنده کړې، چې که اشرف غني د ائتلافي حکومت د جوړولو لپاره سیاسي هوکړې ته غاړه ایښې وی؛ منځلاريو طالبانو (اسلامي امارت) به په حکومت کې مهم رول لوباوه.

 د خلیلزاد په وینا، امریکا په خپل ماموریت کې د القاعدې د ځپلو په برخه کې بریالۍ شوې، خو د ډیموکراسۍ او ډیموکراټیکو ارزښتونو په ټینګولو کې پاتې راغلې ده.

د زلمي خلیلزاد د څرګندونو له مخې؛ که یو ټولمنلی حکومت جوړ نشي او بشري حقونو ته درناوی نه وي، د افغانستان د بهرنیو اسعارو زیرمې به کنګل او اقتصاد به له سقوط سره مخ شي.

خلیلزاد زیاتوي؛ دا به د اقتصادي بحران لامل شي او په پای کې به په افغانستان کې نوې کورنۍ جګړه پیل شي.

دغه پخواني امریکايي ډیپلوماټ دا هم ويلي؛ پوښتنه دا ده، چې ( پخوانی) ولسمشر غني ولې وتښتېد؟! که غوښتل یې د سولې لپاره له واکه لرې شي؛ نو تصور وکړئ، چې که هغه دا کار یو کال یا شپږ میاشتې مخکې وړاندیز کړی وی؛ نو دواړو لوریو ته د منلو وړ کس به د حکومت په واک کې و، خو هغه داسې ونکړل.

د هغه په ​​وينا؛ د امريکا شل کلن حضور په افغانستان کې د ټولنيز بدلون لامل شو؛ د اوسني حکومت( د افغانستان اسلامي امارت) ساتل نه یوازې د سیمې او نړۍ پر ګټه دی، بلکې ملي یووالی هم پرې رامنځته کېدی شي.

Continue Reading

Trending

آریانا نیوز: ټول حقونه خوندي دي