Connect with us

تازه خبرونه

امریکا د افغان پوځ د اړتیاوو د پوره کولو لپاره کار کوي

Ariana News

خپور شوی

 په

(Last Updated On: چنګاښ ۷, ۱۳۹۴)

us

د امریکا د دفاع وزارت ویاند وایي چې د افغان پوځ سره د دوی مرستې دوامداره دي او تر هغو به دوام وکړي چې افغان پوځ په خپلو پښو د ودریږي.

د امریکا د دفاع وزارت یا پنتاګون په دې نظر دی چې په دې وروستیو کې په افغانستان کې د طالبانو لیکې کمزورې شوي دي.

افغان ځواکونه په داسې حال کې درندو وسلو او هوايي ځواک ته اړ پاتې دی چې نړیوال سرتیري یې اوس د جګړې ملګرتیا نه کوي.

د پنتاګون ویاند ستیف وارند وايي چې له افغان پوځ سره به تر هغو خپلو مرستو ته دوام ورکړي تر څو په خپلو پښو د ودریږي.

د ناټو غړو هیوادونو د افغانستان د ملي یوالي د حکومت له رامنځته کیدو سره خپل ملاتړ بیا تازه کړ. مونږ د افغان پوځ روزنې او سمبالولو ته دوام ورکوو. امریکايي سرتیري به مخامخ په جګړه کې ځان نه ښکیلوي.

د امریکا د دفاع وزارت په دې باور دی چې په دې وروستیو کې د وسلوالو طالبانو لیکې کمزوري شوي دي.

طالبان تر اوسه د کومي سیمې په نیولو نه دي بریالي شوي؛ دوی خپل بریدونو او موټر بم چاودونو ته زور وکړی. افغان ځواکونه پیاوړي دي. افغان پوځ ته د الوتکو د سپارلو او د هغوی د اړتیاوو د پوره کولو لپاره امریکا کار کوي.

دا په داسې حال کې ده چې په افغانستان کې جګړه ورځ تر بلي زور اخلي.

د نظر خاوندان په دې باور دي ، تر هغو چې د تروریزم اصلي مرکزونه ونه نړول شي، په افغانستان کې به جګړه دوام وکړي.

Continue Reading
Advertisement

تازه خبرونه

په هند کې د کرونا ویروس مثبتې پېښې له ۶ میلیون پورته شوې

Ariana News

خپور شوی

په

توسط

Reuters
(Last Updated On: تله ۷, ۱۳۹۹)

په هند کې له تېرو څلیریشت ګړیو راپدیخوا د کروانا ویروس ۸۲۱۷۰ مثبتې پېښې ثبت شوي، چې له دې سره یې ټول شمېر له ۶ میلیون ناروغانو واوښت.

د هند روغتیا وزارت په ډاګه کړې، چې په دې هېواد کې د دغه ویروس د مثبتو پېښو شمېر اوس ۶۰۷۴۷۰۳ ته رسیدلی دی.

دغه راز په تېرو څلیریشت ګړیو کې لږ تر لږه ۱۰۳۹ پر کرونا اخته ناروغان مړه شوي، چې ور سره په هند کې له دې ناروغۍ د مړو شویو ټول شمېر ۹۵۵۴۲ ته ورسیده.

د کرونا ناروغي په هند کې، چې د نړۍ دوه یم ډېر وګړي لرونکی هېواد دی؛ اوس د نړۍ له بل هر ځای څخه ترې د دې ویروس د ګړندۍ ودې راپورونه خپریږي.

ویل کیږي، چې پدې هېواد کې به په راتلونکیو څو اوونیو کې پر کرونا د اخته کسانو شمېر له امریکا، چې اوسمهال یې پر کرونا د اخته کسانو شمېر ۷.۱ رسیږي؛ هم ډېر شي.

د جان هاپکنز پوهنتون د څرګندونو له مخې؛ په نړۍ کې په هرو درې نویو پېښو کې او د مړینو په هرو پېنځه پېښو کې یو یې د هندوستان دی.

Continue Reading

تازه خبرونه

داکتر عبدالله پاکستان ته د اړیکو د نوي فصل د پرانستې په نیت سفر کړی

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله نن دوشنبه سهار وختي اسلام اباد ته د خپل درې ورځني سفر پر مهال ویلي، چې په دې سفر کې به د افغانستان او پاکستان لپاره یو نوی څپرکی پرانستل شي او له پاکستاني چارواکو سره به د افغانانو ترمنځ د خبرو اترو په اړه هم نظرونه تبادله کړي.

عبدالله عبدالله په یوه تویت کې څرګنده کړې: زه هیله من یم، چې دا لیدنه به په ټولو برخو کې د متقابلې همکارۍ نوی څپرکی پرانیزي او په ځانګړي توګه به په افغانستان کې تلپاتې او له درناوي ډکې سولې ته زمینه برابره کړي.

هغه دا هم منلې، چې د دوشنبې پر ورځ يې د یو لوړپوړي پلاوي په ملتیا اسلام آباد ته درې ورځنی سفر کړی دی.

عبدالله په ډاګه کړې، چې هغه به د پاکستان له لومړي وزیر عمران خان، ولسمشر عارف علوي ، د مشرانو جرګې مشر، د ملي شورا مشر، د بهرنیو چارو وزیر او نورو شخصیتونو سره وویني.

د پاکستان د بهرنیو چارو وزارت د یکشنبې پر ورځ څرګنده کړې وه، چې عبدالله به په اسلام آباد کې د ستراتیژیکو مطالعاتو انستیتوت ته یو هر اړخیزه یادونه هم وړاندې کړي.

دا له ۲۰۰۸ زېږدیز کال راپدیخوا پاکستان ته د عبدالله عبدالله لومړی سفر دی.

د پاکستان د بهرنیو چارو وزارت ویلي؛ دا لیدنه به نه یوازې د افغانستان د سولې بهیر او د پاکستان – افغانستان دوه اړخیزې اړیکې پیاوړې کړي، بلکې د خلکو تر منځ د اړیکو پیاوړتیا او لیدنو ته به هم زمینه برابره کړي.

پاکستان له افغانستان سره د ورورۍ اړیکو ته ډېر ارزښت ورکوي؛ ځکه، چې  ګډه تاریخ، عقیده، فرهنګ، ارزښتونه او دودونه لرو.

د دوی د څرګندونو له مخې؛ پاکستان د افغانانو د سولې، ثبات او هوساینې لپاره له هر راز هڅو بشپړ ملاتړ کوي. د داکتر عبدالله عبدالله لیدنه به د دواړو هېوادونو تر منځ اړیکې، ورورګلوي او نږدې همکاري نوره هم  پیاوړې او ورسره مرسته وکړي.

Continue Reading

تازه خبرونه

عبدالله عبدالله د سولې خبرو د پیاوړتیا لپاره پاکستان ته سفر کوي

Ariana News

خپور شوی

په

توسط

(Last Updated On: تله ۶, ۱۳۹۹)

ټاکل شوې، چې سبا د ملي پخلاینې عالي شورا د مشر عبدالله عبدالله په مشرۍ دوه پنځوس کسیز پلاوی د پاکستان پلازمېنې اسلام آباد ته سفر وکړي.

د ملي پخلاینې عالي شورا مشر د سپتمبر پر اته ویشتمه اسلام آباد ته ځي او ټاکل شوې، چې د خپلمنځي خبرو په اړه د پاکستان له لومړي وزیر عمران سره خبرې وکړي.

په پام کې ده، چې عبدالله عبدالله به د پاکستان له لوی درستیز سره د سولې خبرو پر پیاوړتیا هم وغږیږي.

ځينې د نظر خاوندانو ويلي، چې پاکستان کولی شي پر طالبان فشار راوړي او په خپلمنځی خبرو کې رامنځته شوې ستونزه حل کړي.

د ملي پخلاینې عالي شورا ویاند فریدون خوځون څرګنده کړې، چې له عبدالله عبدالله سره د هغه د دوه مرستیالانو په ګډون دوه پنځوس کسیز پلاوی هم ملتیا کوي.

د سولې په چارو کې د دولت وزیره فرخنده زهرا نادري، سید اسحاق ګیلاني، مصطفی مستور هم د دغه پلاوي غړي دي او محمد معصوم ستانکزی او محمد ناطقي به له قطر څخه په اسلام آباد کې له دغه پلاوي سره مل شي.

د نظر ځينې خاوندان په دې باور دي، چې که پاکستان پر طالبانو فشار راوړي؛ کیدای شي په خپلمنځي خبرو کې رامنځته شوې ستونزې حل شي.

دا په داسې حال کې ده، چې ولسمشر غني د شنبې پر ورځ له عمران سره په خبرو کې پر اوربند ټینګار کړی او هغه ته یې د کابل د سفر بلنه ورکړې او دا غوښتنه منل شوې ده.

Continue Reading
Advertisement

Trending