Connect with us

نړۍ

امریکا دې د ایران د بندو ۱۰ میلیارډ ډالرو شتمنیو د آزادولو نیک نیت څرګند کړي

خپور شوی

 په

(Last Updated On: تله ۱۱, ۱۴۰۰)

رویټرز د ایران د بهرنیو چارو وزارت د څرګندونو له مخې په ډاګه کړې؛ که امریکا په خپله اراده کې رښتینی وي؛ نو باید لږ تر لږه د ایران د بندو ۱۰ میلیارډ ډالرو شتمنیو په اړه دې خپل نیک نیت څرګند کړي.

رویټرز د شنبې پر ورځ د تلې لسمه د ایران د بهرنیو چارو وزیر د څرګندونو له مخې په ډاګه کړې؛ امریکایي چارواکو تېره میاشت د اټومي خبرو د بیا پیل په اړه د بحث د پیلولو لپاره هڅه کړې؛ خو هغه ټینګار کړی، چې واشنګټن باید د ښه نیت د نښې په توګه لومړی د تهران د ۱۰ میلیارډ ډالرو کنګل شوې شتمني آزاده کړي.

ایران له امریکا سره د اتومي تړون په اړه مخامخ خبرې رد کړي، چې د ۲۰۱۵ زېږدیز کال په جون میاشت کې درول شوې دي.

د یاد راپور له مخې؛ امریکا تېره میاشت په ملګرو ملتونو کې د منځګړیو له لارې د اړیکو نیولو هڅه وکړه.

د بهرنیو چارو وزیر حسین امیرعبدالهیان په دې اړه دولتي ټلویزیون ته ویلي؛ ایران نشي کولی د خپلو شتمنیو په لسګونه میلیارډ ډالر، چې په بهرنیو بانکونو کې کنګل شوي ترلاسه کړي او امریکا هم په دې اړه له ایراني ګټو مخ اړولی دی.

نوموړي زیاته کړې: دوی نه غواړي د ایراني ملت اړوند لس میلیارډ ډالر آزاد او زمونږ ملي ګټو ته پام راواړوي.

امیرعبدالهیان ویلي، چې ایران به ژر په ویانا کې ځنډیدلي اټومي خبرو ته راستون شي؛ خو د نېټې په اړه یې څه ندي ویلي.

د رویټرز د څرګندونو له مخې؛ ایرانيو او لویدیځو چارواکو ویلي، چې د تړون له بیا پیلیدو مخکې به ډېرې مسلې حل شي.

نړۍ

په سومالیا کې د موټر بم په چاودنه کې اته کسان وژل شوي

خپور شوی

په

توسط

(Last Updated On: ليندۍ ۴, ۱۴۰۰)

رویټرز خبر ورکوي، چې په سومالیا کې موټربم  چاودنې اته کسان وژلي او ګڼ نور ټپیان دي.

د پولیسو د څرګندونو له مخې؛ بریدګر له غرمې وروسته په موګادیشو کې د ملګرو ملتونو د یوه کاروان مخې ته چاودنه وکړه.

راپورونه ښیي، چې په چاودنه کې ۸ کسان وژل شوي او ۲۳ نور ټپیان دي.

الشباب ډلې د پېښې پړه پر غاړه اخیستې ده.

تر دې دمه معلومه نده، چې د ملګروملتونو کارمندانو ته ځاني زیان اوښتي او کنه.

ملګرو ملتونو تر اوسه پدې اړه څه ندي ویلي.

د یادونې ده، چې الشباب اسلامپالي له کلونو راپدیخوا د سومالیا له مرکزي حکومت سره جګړه کوي، غواړي واک ترلاسه او د اسلامي شریعت پلي کولو ته زمینه برابره کړي.

Continue Reading

نړۍ

پاکستان ۱۸ میټریک ټنه نیول شوي نشه يي توکي وسوځول

خپور شوی

په

توسط

(Last Updated On: ليندۍ ۴, ۱۴۰۰)

د رویټرز د څرګندونو له مخې؛ د پاکستان د مخدره توکو ضد ځواک د چارشنبې پر ورځ (د نومبر ۲۴) د اسلام آباد په یوه څنډه کې  ۱۸ مټریک ټنه نشه یي توکي، چې ارزښت یې ۱.۳ میلیارډ امریکایي ډالره و؛ وسوځول.

د نشه يي توکو د سوځولو په دې مراسمو کې د پاکستان د ملي پوليسو عمومي مشر تورن جنرال غلام شبير ناريجو ويلي، چې سږ کال ١٨٤ مټريک ټنه نشه يي توکي کشف او نيول شوي دي.

نوموړي زیاته کړې؛ په نيول شويو نشه يي توکو کې چرس، ترياک، هيروئين، امفيټامين، ميټ امفيټامين، کيټامين، کوکاين، زاناکس، اکسټازي، الپرازولام، روشه او په ډېره کچه نور نشه يي او منع شوي کيمياوي توکي هم شامل دي.

د راپور له مخې، پاکستان ته د لویديځ ګاونډ افغانستان له لارې، چې په نړۍ کې د هيروئينو او چرسو ستر توليدوونکى هېواد دى؛ نشه یي توکي قاچاق کیږي.

نوموړي د ټولنې له ټولو برخو وغوښتل، چې د نشه يي توکو په وړاندې مبارزه کې ونډه واخلي.

د افغانستان اسلامي امارت تر دې دمه په دې اړه څه ندي ویلي.

Continue Reading

نړۍ

د آینشټاین د نسبیت تیورۍ خطي نسخه پر ۱۳ میلیون ډالرو وپلورل شوه

خپور شوی

په

توسط

(Last Updated On: ليندۍ ۳, ۱۴۰۰)

د البرټ آینشټاین او مایکل بیسو یوه ګډه خطي نسخه په پاریس کې لیلام او پر ۱۳ اعشاریه ۱۷میلیون ډالرو / ۹ اعشاریه ۸ میلیون پونډو وپلورل شوه.

دا  ۵۴ مخیزه څېړنه، چې د آینشټاین لاسليلک هم په کې شته؛ یوه له هغو دوه مشهورو نسخو ده، چې د نسبیت تیوري په ډاګه کوي.

آینشټاین دا څېړنه د مایکل بیسو په همکارۍ ترسره کړې ده. د کریسټيز لیلام د ۲ اعشاریه  ۳  او ۳ اعشاریه ۴ میلیون ډالرو ترمنځ اټکل اټکل کړی و. د دې څېړنې پاڼې له بیسو( سویسي فزیکپوه او د آینشټاین نږدې ملګري) سره وې. دوی دا څېړنه د ۱۹۱۳ او ۱۹۱۴ زېږدیز کلونو ترمنځ لیکلې ده.

په پاریس کې د خطي مسخو څانګوال او د لیلام د نندارې کوربه وینسنټ بلیو وایي: د دې نسخې اهمیت په دې کې نغښتی، چې له ۱۹۱۹ څخه مخکې د آینشټاین د څېړنې اسناد ډېر نادر دي.هغه به د خپلو تجربو په اړه دېر څه لیکل او دا حقیقت، چې یوه نسخه تر ننه پاتې شوې؛ بیسرې ده.

د دې څیړنې په پاڼو کې محاسبې پر ژیړ کاغذ پر تور رنګ لیکل شوي دي.

د آینشټاین نظریې د عصري کهکشانونو او ټکنالوژیو لکه جي پي اس نیویګیشن لپاره زمینه برابره کړې ده.

Continue Reading

Trending

آریانا نیوز: ټول حقونه خوندي دي