Connect with us

تازه خبرونه

امریکایي ځواکونو په افغانستان کې شل کلنه جګړه پای ته ورسوله او ووتل

خپور شوی

 په

(Last Updated On: وږی ۹, ۱۴۰۰)

د رویټرز د څرګندونو له مخې؛ امریکا د دوشنبې پر ورځ په بېلابېلو الوتنو کې له سرخوګيو سره سره، چې د وتلو د بهیر پر مهال یې داعشي ځانمرګي بریدګر ۱۳ سرتېري ووژل او په زرګونه افغانان او په سلګونه امریکایان یې د تېښتې په تمه پریښول؛ له افغانستان څخه شاتګ وکړ او د ځواکونو وتل یې بشپړ کړل.

رویټرز د پنټاګون د خبرپاڼې له مخې په ډاګه کړې؛  په تېرو نږدې ۲۰ کلونو کې القاعده د ۲۰۰۱ زېږدیز کال د سپټمبر پر۱۱ له لومړي برید وروسته ؛ امریکا په جګړه کې ښکېل کړه. په داسې حال کې، چې یو امریکایي سرتېری هم په افغانستان کې نه و.

د امریکا د سمندري ځواک قومندان جنرال فرانک مککنزي د پنټاګون خبري ناستې ته له اوږدمهاله جګړې څخه د دې هېواد د وتلو په اړه ویلي، چې له دې وتلو سره د ډېرو زړه مات شوی؛ خو مونږ هرڅوک له هغه ځایه نشو ایستلی، چې مونږ ترې وتل غواړو.

نوموړي زیاته کړې؛ په کابل کې د امریکا چارسمبالی راس ویلسون هم د هوايي ډګر له قومندان سره د افغانستان پر وخت ۱۱:۵۹ له افغانستان څخه وروستۍ الوتنه وکړه او ووتل.

د اګست له ۱۴ راپدیخوا له ۱۲۲۰۰۰ ډېر وګړي له کابل څخه وایستل شول.

مککنزي ویلي: خو زه فکر کوم که مونږ لس ورځې نور هم پاتې وای؛ ټول کسان مو ایستلی نشول.

د رویټرز د راپور له مخې؛ د امریکایي سرتېرو د وتلو پر شپه له ۷۰  ډېرې الوتکې، لسګونه زغروال وسایط او هوایي څارګرې له منځه یوړل شوې. دغه راز امریکایي ځواکونو د وتلو په درشل کې د داعش توغندیز برید خنثی او له منځه یووړ.

دغه وتل د ولسمشر جو بایډن له ټاکل شوې نېټې د سې شنبې له ورځې یوازې یوه دقیقه مخکې پای ته ورسیدل.

جو بایډن د امریکایي سرتېرو له وتلو ستاینه وکړه او هغه یې د دې هېواد په تاریخ کې ترټولو لوی هوایي لیږد نومولی دی او وایي، چې په افغانستان کې مو ۲۰ کلن حضور پای ته رسېدلی دی.

د رویټرز د څرګندونو له مخې؛ د ۲۰۰۱ زېږدیز کال د سپټمبر له  ۱۱ راپدیخوا د وروستیو ۱۳ امریکایي سرتېرو په ګډون په جګړه کې نږدې ۲۵۰۰ امریکایان وژل شوي شوي دي.

مککنزي ویلي، چې طالبانو د امریکایي ځواکونو د خوندي وتلو پر مهال د هوایي ډګر په ساتنه کې مرسته کړې ده.

 رویټرز زیاته کړې، چې هغه یوې بې سارې همغږۍ ته په نغوته کې ویلي؛ طالبانو غوښتل امریکا له افغانستان څخه وباسي او امریکا غواړي، چې ووځي.

مککنزي دا خبرداری هم ورکړی، چې طالبان به د داعش د خراسان ډلې سره په جګړه کې ستونزې ولري. هغه د امریکا له وتلو وروسته له طالبانو سره د راتلونکي همکارۍ په اړه اټکل کول رد کړ. په داسې حال کې، چې بایډن د داعش وروستیو بریدونو ته په نغوته کې د دې ډلې له څارلو ډاډ ورکړی دی.

مککنزي ویلي: طالبانو د داعش ډېر خلک له زندانونو وویستل او اوس به دوی وکولی شي هغه څه یې، چې کرلي، وریبي.

د امریکایي ځواکونو او امریکایانو وتلو د داعش او القاعده سره د مبارزې یو بل پړاو پرانست او دغه ډلې به تر فشار لاندې ونیسي.

د تېرې اوونۍ له ځانمرګي برید وروسته امریکایي ځواکونو د جمعې او یکشنبې په ورځو کې د څاګرو الوتکو پر مټ د داعش د خراسان ډلې پر مرکزونو برید وکړ.

د امریکایي پوځ د مرکزي قومندانۍ مشر جنرال فرانک مککنزي تائید کړې، چې وروستي امریکایي پوځیان د اګست د دېرشمې په وروستیو شېبو کې له افغانستان ووتل او له دې سره د امریکا په مشرۍ شل کلن پوځي ماموریت پای ته ورسېد.

د افغانستان په شل کلنه جګړه کې نږدې دوه نیم زره امریکایي پوځيان او ملکي مامورین وژل شوي او شاوخوا شل زره نور یې ټپیان دي.

د امریکا له وتلو څو شېبې وروسته د افغانستان په پلازمېنه کابل کې د خوښۍ هوایي ډزو  آسمان رڼا کړ. طالب ویاند ذبیح الله مجاهد په خپل ټویټ کې څرګنده کړه؛ وروستي پوځیان د شپې پر دولس بجو او یوه دقیقه له افغانستان څخه ووتل او په دې توګه افغانستان په بشپړه توګه آزاد او خپلواک شو.

د یادونې ده، چې د ۲۰۰۱ زېږدیز کال د فبرورۍ پر اوومه د شپې په ورته وخت کې د امریکا په مشرۍ ټلوالې په افغانستان کې د طالبانو او القاعدې پر ضد په کابل، کندهار او جلال اباد کې د طالبانو پر سنګرونو بریدونه کړي وه او د طالبانو مخالفې شمال ټلوالې، چې د نړیوالې پوځي ټلوالې لخوا یې ملاتړ کېده، د افغانستان پر پلازمېنه کابل ځانونه واکمن کړل.

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

تازه خبرونه

رسنۍ دې د بې بنسټه خبرونو او افواهاتو له خپرولو ډډه وکړي – استخبارات

خپور شوی

په

توسط

(Last Updated On: مرغومی ۳۰, ۱۴۰۰)

د افغانستان اسلامي امارت د استخباراتو عمومي ریاست له رسنیو وغوښتل، چې د بې بنسټه خبرونو او افواهاتو له خپرولو دې ډډه وکړي.

دغه رياست ويلي، چې يو شمېر څېرې د بهرني تابعيت د ترلاسه کولو لپاره ملي او اسلامي ارزښتونو ته سپکاوى کوي.

د یاد ریاست په خبرپاڼه کې راغلي: یو شمېر کړۍ غواړي د غربي تابعیت د ترلاسه کولو لپاره اسلامي او ( ملي) ارزښتونو ته سپکاوی وکړي؛ پر امنیتي ځواکونو بې بنسټه تورونو لګولو غواړي، د ځان لپاره کیس جوړ او بهر ته ولاړ شي.

دغه راز څرګندوي: له بده مرغه، چې یو شمېر رسنیو هم د داسې اشخاصو پر پلوۍ او ملاتړ غږ پورته  کړی دی.

د استخباراتو ریاست دا هم په ډاګه کړې، چې  وروسته له دې مقدساتو او ارزښتونو ته سپکاوى د خلکو لپاره د زغم وړ ندى.

ویل کیږي، چې پر کابل د اسلامي امارت له بیا واکمنېدو وروسته ځینې رسنۍ انتقادي هڅې کوي او غواړي، چې اطلاعاتو ته د لاسرسي په اړه د یو لړ اندېښو او شکونو د له منځه وړلو لپاره باید د رسنیو قانون تر غورلاندې ونیول شي.   

Continue Reading

تازه خبرونه

پاکستان د افغانستان په سوله او ثبات کې اړینې هڅې کړي – عارف علوي

خپور شوی

په

توسط

(Last Updated On: مرغومی ۳۰, ۱۴۰۰)

د پاکستان ولسمشر عارف علوي ویلي؛ پاکستان په افغانستان کې د سولې او ثبات په برخه کې اړینې هڅې ترسره کړي او اسلام آباد ډاډ شوی، چې کابل یوازی ندی.

عارف علوي له رسنیو سره په مرکه کې ویلي، چې د اقتصادي همکاریو ټولنې یا اکو د وروستۍ سرمشریزې غړیو ته یې ویلي، چې پاکستان افغانستان له انزوا ژغورلی دی.

هغه دا هم ویلي، چې د پاکستان په پلازمېنه اسلام آباد کې د ډسمبر د میاشتې د اسلامي هېوادونو همکارۍ ټولنې د بهرنیو چارو وزیرانو په ځانګړې غونډه کې پاکستان د جنګ ځپلي افغانستان  رښتینی انځور وړاندې کړ.

هغه دا هم څرګنده کړې، چې نړۍ د لومړي وزیر عمران خان نوښتونه پر رسمیت پېژندلي دي.

Continue Reading

Trending

Copyright © 2022 Ariana News. All rights reserved!