Connect with us

تازه خبرونه

امریکا، د نړیوالې محکمې د یو شمېر غړیو پر ورتګ بندیز ولګاوه

خپور شوی

 په

(Last Updated On: غبرګولى ۲۳, ۱۳۹۹)

امریکا د جرمونو د څېړنې نړیوالې محکمې پر یو شمېر هغو غړیو بندیزونه لګولي، چې په افغانستان کې د امریکایي ځواکونو د جنګي جرمونو په اړه یې پلټنې کړې دي.

د جرمونو نړیوالې محکمې یا د هاک نړیوالې محکمې په افغانستان کې د طالبانو، افغان ځواکونو او امریکایي ځواکونو د احتمالي جنګي  جرمونو په اړه څېړنې پیل کړې دي.

د هاک نړیوالې محکمې دا کار د امریکا د ولسمشر، د دفاع او بهرنیو چارو وزیرانو او یو شمېر نورو امریکایي ملکي او پوځي چارواکو له تند غبرګون سره مخ شوی دی.

 دوی وایي، دا محکمه د دې کار صلاحیت نلري.

د امریکا ولسمشر ډونالډ ټرمپ د نړیوالې محکمې د دغې کړنې په غبرګون کې پر اړوند کسانو بندیزونه لګولي او د دغې محکمې غړي او د دوی د کورنۍ غړي نشي کولی امریکا ته نور سفر وکړي.

د امریکا د بهرنیو چارو وزیر  مایک پمپیو ویلي:  مونږ دا څېړنې غندو؛ د جرمونو له نړیوالې محکمې سره خپله همکاري ځنډوو او هغو کسانو ته به د امریکا ویزې ورنکړ شي، چې زمونږ د سرتېرو د کړنو په اړه څېړنې کوي. مونږ یې زغملی نشو، چې ځواکونه مو د یوې محکمې لخوا وګواښل شي.

امریکایي چارواکو دغه راز د جرمونو د نړیوالې محکمې مسوولین په سیاسي طرفدارۍ او پراخ مالي فساد تورن کړي او وایي دا محکمه لازم صلاحیت او واک نلري.

د امریکا دفاع وزیر مارک ایسپر وایي: امریکا د روم د تړون له مخې، چې د جرمونو نړیواله محکمه جوړه شوې، غړیتوب نلري او هیڅکله به اجازه ورنکړي، چې دغه ناقانونه بنست د  امریکایي سرتېرو څېړنه وکړي.

دغه محکه د امریکایي چارواکو دا اقدام د محکمې په کارونو کې مداخله بولي او څرګندوي، چې دا هڅې د قانون په حاکمیت او قضایي چارو کې د نه مننې وړ مداخله ده.

 د سپینې ماڼۍ سلاکار او د امریکا د عدلیې وزیر هم د جرمونو د نړیوالې محکمې دا اقدام د امریکا پرضد د یو شمېر هېوادونو سیاسي دسیسه یاده کړې.

د امریکا د عدلیې وزیر په افغانستان کې د امریکایي ځواکونو په اړه څېړنه، چې د ده په وینا د ترهګرۍ پروړاندې جګړه کوي او د سولې د ټینګښت هڅه کوي؛ د اندېښنې وړ بولي.

د جرمونو نړیواله محکمه په ۲۰۰۲ کال کې جوړه شوه. دا لومړنۍ محکمه ده، چې په نړۍ کې جنګي جرمونه، د بشریت پروړاندې جنایتونه او نسل وژنې څېړي.

افغانستان په ۲۰۰۳ کال کې د دغې محکمې غړیتوب ترلاسه کړی دی.

تازه خبرونه

فرانسې له ۳۰۰ ډېر کسان له افغانستان څخه ووېستل

خپور شوی

په

توسط

Reuters
(Last Updated On: ليندۍ ۱۳, ۱۴۰۰)

د فرانسې د بهرنیو چارو وزارت پرون (جمعه د لیندۍ ۱۲) په ډاګه کړې، چې دې هېواد له ۳۰۰ ډېر افغانان، فرانسوي او هالنډي اتباع له افغانستان څخه ایستلي دي.

دغه وزارت زیاته کړې، چې ۲۵۸ افغانان، ۶۰ هالنډيان، ۱۱ فرانسويان او له دوی سره اړوند یو شمېر ناڅرګند کسان یې له افغانستان څخه ایستلي دي.

سرچینې زیاته کړې، چې قطري چارواکو د دوی په ایستلو کې مرسته کړې ده.

د فرانسې د بهرنیو چارو وزارت وايي، د سپټمبر له ۱۰ راپدیخوا یې له کابله شاوخوا ۴۰۰ افغانان او ۱۱۰ فرانسوي وګړي ایستلي دي.

دغه وزارت زیاته کړې، چې فرانسې او قطر د ډسمبر پر دوه یمه په افغانستان کې میشتو نړیوالو موسسو ته د طبي وسایلو، خوراکي توکو او ژمنیو توکو د لېږد په موخه یو بشري ماموریت هم ترسره کړی دی.

Continue Reading

تازه خبرونه

د کډوالو په چارو کې د ملګرو ملتونو عالي کمشنرۍ د نورو مرستو غوښتنه وکړه

خپور شوی

په

توسط

(Last Updated On: ليندۍ ۱۳, ۱۴۰۰)

د کډوالو په چارو کې د ملګرو ملتونو عالي کمېشنرۍ (یو ان اچ سي آر) په افغانستان کې د جګړې له بې ځایه شویو درې نیم میلیو کسانو سره د بشري مرستو د رسولو لپاره د نورو مرستو غوښتنه کړې ده.

دغه سازمان ویلي، چې بې ځایه شوي کسان سرپناه، ګرمو جامو، سونګ توکو، خواړو او طبي وسایلو ته اړتیا لري.

د سرچینې د څرګندونو له مخې؛ بشري کړکېچ مخ په پراخېدو دی؛ لوږه د اټکل وړ کچې ته رسیدلې ده. نږدې ۲۳ میلیون وګړي، چې د افغانستان د نفوس ۵۵ سلنه جوړوي، لوږې لاندې کړي او شاوخوا ۹ میلیون نور یې د لوږې له ګواښ سره مخ دي.

دې ټولنې په هېواد کې د زیان منونکیو خلکو لپاره د خوړو پر چمتو کولو ټینګار کړی او دا یې ورته خپل لومړیتوب ټاکلی دی .

د خبرپاڼې له مخې: سږ کال د کډوالو لپاره د ملګرو ملتونو عالي کمیشنرۍ د اګست له نیمايي راپدیخوا له څه باندې ۷۰۰ زره کورنیو بې ځایه شویو سره مرستې کړې او اوس مهال هم هره اوونۍ ۶ سوه زره خلکو ته پاملرنه کیږي.

Continue Reading

تازه خبرونه

ښځې ملکیت نه، بلکې آزاد او باعزته انسانان دي – اسلامي امارت

خپور شوی

په

توسط

(Last Updated On: ليندۍ ۱۳, ۱۴۰۰)

د افغانستان د اسلامي امارت امیر ملا هبة الله اخوندزاده د ښځو د حقونو په اړه په یوه نوي فرمان کې سپارښتنه کړې، چې ښځې ملکیت نه، بلکې آزاد او باعزته انسانان دي.

په فرمان کې ټینګار شوی؛ هیڅوک حق نلري، چې د سولې او یا د دښمنۍ د له منځه وړلو په بدل کې چا ته ښځه ورکړي.

په فرمان کې پر دې هم ټینګار شوی، چې د واده پر مهال د نجونو رضایت اړین دی او هيڅوک نشي کولی چې کونډې ښځې پېغلې نجونې پر زور واده کړي.

په دې حکم کې، چې د افغانستان اسلامي امارت د ویاند ذبیح الله مجاهد لخوا رسنیو ته رسیدلی راغلي، چې:

هیڅوک نشي کولی، چې ښځه په جبر نکاح کړي.

ښځه مال او ملکیت ندی، بلکې یو اصیل او آزاد انسان دی او هیڅوک یې په بدو کې نشي ورکولی .

کونډه د خپلې نکاح او برخلیک په اړه د پرېکړې واک لري.

له نوي خاونده د مهر اخیستل د کونډې حق دی.

او هغه کسان، چې څو ښځې لري؛ اړ دي، چې د شرعي احکامو له مخې د ټولو حقونه ورکړي او تر منځ یې عدالت خوندي او رامنځته کړي.

د ښځو د حقونو فعالانې د میرنو د حقونو په اړه له دې حکمه هرکلی کوی او د عملي کیدو غوښتنه یې کوي.

په دې فرمان کې د اسلامي امارت رهبر ملا هبة الله اخوند حج او اوقافو او اطلاعاتو او فرهنګ وزارتونو ، سترې محکمې او والیانو ته امر کړ چې پر ښځو د هر ډول ظلم مخه ونیسي.

په افغانستان کې د پخواني حکومت له پرځيدو وروسته یو شمېر میرمنې د خپلو حقونو په اړه اندېښنه ښيي او وايي، چې، زدکړو، کار او سیاست کې یې ونډه پیکه شوې ده.

د اسلامي امارت د مشر په دې فرمان کې د ښځو د کار او زدکړو په اړه څه ندي ویل شوي.

Continue Reading

Trending

آریانا نیوز: ټول حقونه خوندي دي