Connect with us

نړۍ

اف بي آی پر روسیې د پلوسي د غلا شوي لپ ټاپ د پلورلو شونتیا په ډاګه کړې

Ariana News

خپور شوی

 په

(Last Updated On: January 20, 2021)

د امریکا د پولیسو فډرال ادارې (اف بي آی) د روان کال د جنورۍ پر ۶ پر کانګرس د ډونالډ ټرمپ د پلویانو د برید پرمهال د یوې ښځې لخوا د ولسي جرګې د مشرې نانسي پلوسې د لپ ټاپ د غلا او پر روسیې یې د پلورلو پر شونتیا څېړنې پیل کړې دي.

د رویټرز د دوشنبې د ورځې د څرګندونو له مخې؛ اف بي آی خبرورکړی، چې د امریکا د ولسمشر ډونالډ ټرمپ د پلویانو لخوا د کانګرس پر ودانۍ د برید پرمهال کېدی شي یوې ښځه د نانسي پلوسي لپ ټاپ د دې لپاره غلا کړي وي، چې پر مسکو یې وپلوري.

که څه هم داسې هیڅ شواهد نشته، چې لپ ټاپ دې د پلوسي له دفتره غلا شوی وي؛ خو اف بي آی ویلي، چې دا مسله اوس هم تر څېړنې لاندې ده.

اف بي آی یوه داسې وډیو تر لاسه کړې، چې ریلی ژوئن ویلیامز د نانسي پلوسي دفتر ته د یو کس د وردننه کېدو مشري کړې ده.

په یوه لیک کې راغلي، چې له دې ښځې سره اوس هک لپ ټاپ شته او یا کېدی شي له منځه یې وړی وي.

پر هغې د غلا تور ندی لګول شوی او یوازې د کانګرس ودانۍ ته د ورانکارۍ او ګډوډي د ترسره کولو تور پو رې شوی دی.

اف بي آی ویلي؛ داسې ښکاري، چې نوموړې  تښتیدلې او یې د خپلې ټولنیزې میډیا حسابونه له منځه وړي  دي.

د کانګرس پر ودانۍ د ډونالډ ټرمپ د پلویانو د برید پرمهال د کانګرس د غړیو ځینې لپ ټاپونه، چې کېدی شي حساس معلومات ولري؛ غلا شوي دي.

امنيتي ځواکونه د هغو خلکو د نيولو هڅې کوي، چې دغه لپ ټاپونه یې غلا کړي دي.

د چارشنبې پر ورځ (د مرغومي۱۷) د ټرمپ له وینا وروسته د هغه سلګونه پلویانو د کانګرس پر ودانۍ برید وکړ او د ټاکنو د پایلو د وروستيتوب منل یې ګډوډ او له ځنډ سره مخ کړل.

تازه خبرونه

جو بایډن د ګوانتانامو زندان پر تړلو غور کوي

Ariana News

خپور شوی

په

توسط

(Last Updated On: February 13, 2021)

رویټرز د سپینې ماڼۍ  د څرګندونو له مخې په ډاګه کړې، چې د امریکا د ولسمشر جو بایډن همکارانو په کیوبا کې د ګوانتانامو زندان پر تړلو غور پیل کړی.

رویټرز د دوه لوړپوړیو چارواکو د څرګندونو له مخې څرګنده کړې؛ د جوبایډن همکارانو د یاد زندان پر تړلو خبرې اترې کوي، چې ټاکل شوې په راتلونکیو اوونیو یا میاشتو کې د بایډن لخوا په دې اړه یو فرمان لاسلیک شي.

د سپینې ماڼۍ ویاندې جین ساکي خبریالانو ته ویلي: د دې زندان تړل د جو بایډن د حکومت موخه ده او مونږ یې د تړلو اراده لرو.

د ګوانتانامو زندان د ۲۰۰۱ کال د سپټمبر له یوولسمې وروسته، چې د بش پر مهال پر نیویارک او واشنګټن برید وشو؛ له بهرنیو شکمنو کسانو څخه د پوښتنو لپاره جوړ شو او د ترهګرۍ پر وړاندې د جګړې د ځورونو سمبول وګرزېده. ان اوباما د خپلو ټاکنیزو هڅو پر وخت ژمنه وکړه، چې دا زندان به وتړي؛ خو له بریا وروسته له خپلې ژمنې تېر شو.

د امریکا پخواني ولسمشر ډونلډ ټرمپ هم په سپینه ماڼۍ کې د خپلو څلور کلونو واکمنۍ په بهیر کې زندان پرانستی ساتلی و.

د یادونې ده، چې اوس ۴۰ بندیان په ګوانټانامو کې بې برخلیکه پاتې دي او نږدې دوه لسیزې کیږي، چې له تور او محکمې پرته ساتل کیږي.

Continue Reading

تازه خبرونه

د نړۍ اوږد مهاله جګړې مسوولانه پای ته رسوو – جو بایډن

Ariana News

خپور شوی

په

توسط

(Last Updated On: February 11, 2021)

د امریکا ولسمشر جو بایډن د چارشنبه پر ورځ  له پنټاګون څخه د لیدنې پر وخت ویلي؛ هغه به هیڅکله د امریکا د دفاع لپاره د ځواک له کارولو ډډه ونکړي، خو هغه ژمنه وکړه، چې د نړۍ له مشرانو سره به د روانې اوږدمهالې جګړې پر پای ته رسولو کار وګړي.

بایډن څرګنده کړې: ستاسو د اعلی سر قومندان په توګه به هیڅکله د امریکا، د امریکا د خلکو او په ټوله نړۍ کې زمونږ د متحدینو د حیاتي ګټو د ساتنې لپاره د ځواک کارول ونسپموي.

هغه زیاته کړې، باید ووایو، چې د دفاع وزارت مرکزي او اړین ماموریت دا دی، چې د دښمنانو د یرغل مخه ونیسي او که اړتیا وي جګړه او ګټل د امریکې خوندي وساتي.

هغه په ​​دې مراسمو کې د دفاع وزارت کارمندانو ته څرګنده کړه، چې د امریکا دفاع وزارت په ټوله نړۍ کې د بهرنیو چارو وزارت ډیپلوماتانو ته اړین دی.

جو بایډن ژمنه وکړه، چې د دفاع له وزیر لویډ آسټین او د نړۍ له مشرانو سره به کار وکړي، چې اوږدمهاله جګړې مسولانه پای ته ورسوي او دا ډاډ هم ترلاسه شي، چې ترهګریز ګواښونه د امریکا د خلکو امنیت له خطر سره مخ کولی نشي.

بایډن د می د لومړۍ نېټې د عسکرو ایستلو کومه نغوته نده کړې. په داسې حال کې، چې د امریکا او طالبانو تر منځ د ۲۰۲۰ زېږدیز کال د فبرورۍ پر ۲۹ د لاسلیک شوې هوکړې له مخې باید په افغانستان کې د ځواکونو شمېر صفر ته ورسوي.

تر دې دمه ، نښې نښانې داسې دي، چې نوې اداره به پر لاسلیک شوي ټړون بیاکتنه کوي او د ځواکونو وتل به د شرایطو پر بنسټ وي، نه د هوکړې له مخې.

Continue Reading

نړۍ

د میانمار په کودتا کې آنګ سان سوچي نیول شوې

Ariana News

خپور شوی

په

توسط

(Last Updated On: February 1, 2021)

د رویټرز د څرګندونو له مخې؛ د میانمار پوځي چارواکو د دغه هېواد د غوره شوې مشرې آنګ سان سوچي پر ضد کودتا کړې ده.

د راپورونو له مخې، سوچي او د میانمار څو لوړ پوړي چارواکي نیول شوي دي.

د دغه هېواد د پوځي چارواکو د یوې ټلویزیونې څرګندونې له مخې، دغه کودتا د ټاکنو د درغلیو په غبرګون کې رامنځته شوې ده.

د اعلامیې له مخې، واک پوځي مشر ته سپارل شوی او تر بل کاله په هېواد کې بېړنی حالت اعلان شوی دی.

د رویټرز د څرګندونو له مخې؛ په پلازمېنه کې عام بازارونه ، مخابراتي شبکې او انټرنیټي خدمات د لاسرسي وړ ندي.

امریکا د سوچي نیول غندلي او څرګندوي، چې امریکا د ټاکنو د پایلو بدلولو له هرې هڅې سره مخالفت کوي او خبرداری یې ورکړی، چې که دا هڅې جبران نشي؛ دا هېواد به په دې اړه اقدام وکړي.

Continue Reading

Trending

آریانا نیوز: ټول حقونه خوندي دي