Connect with us

تازه خبرونه

افغانستان او امریکا دواړه له نشه یي توکو سره په مبارزه کې ناکام دي- سیګار

Ariana News

خپور شوی

 په

(Last Updated On: June 21, 2018)

د افغانستان د بیا رغونې د څار امریکايي ادارې یا سیګار افغانستان او امریکا دواړه له نشه یي توکو سره په مبارزه کې ناکام ګنلي دي.

امریکا په افغانستان د پوځي یرغل پر مهال له ترهګرۍ سره پر مبارزې سربېره له نشه يي توکو سره مبارزه هم د خپلو شعارونو مهمه برخه بلله؛ نو، ځکه یې له  دغو توکو سره په مبارزه کې اته میلیارد دالر لګولي دي.

د افغانستان د بیا رغونې د څار امریکايي اداره بیا وايي، چې کابل او واشنګتن دواړه  د نشه يي توکو د کښت او تولید په مخنیوي کې ناکام شوي دي.

 د دغې ادارې رييس جان ساپکو زیاته کړې، چې په افغانستان کې د تېرو کلونو په پرتله د نشه يي توکو تولید او کښت اووه اتیا په سلو کې ډېر شوی دی.

دا په داسې حال کې ده، چې په افغانستان کې له نشه يي توکو سره د مبارزې په برخه کې اته میلیارد دالره لګول شوي دي.

ښاغلي جان سپکو په ډاګه کړې، چې په افغانستان کې تریاک تر هغې کچې ډېر شوی، چې مونږ یې پر خلاف مبارزه پیل کړه. د هیروینو صادرات ډېر شوي، چې ډېره ګټه یې وسلوال طالبان او نورې سخت دریځې ډلې تر لاسه کوي؛ نو زه ویلای شم، چې مونږ په دې برخه کې مات شوي یو.

جان سپکو دغه راز ویلي، چې د کابل په ترخېلو کې د برښنا د تولید پر یوه پروژه درې سوه پېنځه دېرش میلیون دالر لګول شوي. په داسې حال کې، چې اوس دغه پروژه ناکامه او له کاره لویدلې ده.

د نوموړي په وینا؛ زمونږ یوه لویه ستونزه دا هم ده: تر اوسه هیچا افغانانو ته نه دي ویلي، چې مونږ په افغانستان کې کوم کارونه کړي دي. دغه حالت زمونږ لپاره د اندېښنې وړ دی.

د افغانستان د نشه يي توکو ستونزې په واشنګتن کې هم یو لړ جنجالونه را پورته کړي دي. ځينې امریکايي قانون جوړوونکي، چې په افغانستان کې د دغه هېواد له پوځي حضور سره مخالف دي؛ د نشه يي توکو زیاتیدل هم د یوه دلیل په توګه یادوي او له دغه هېواده د خپلو سرتېرو د ویستلو غوښتنه کوي.

د امریکا د مشرانو جرګې د پوځي کمیتې غړې جکي سپرر وایي: هیڅ هم په ښه توګه نه دي تر سره شوي. زما په فکر اوس باید زمونږ حضور را کم او له افغان دولت سره زمونږ ملاتړ هم محدود شي او هلته د بیا رغونې هڅې باید په ټپه و درول شي.

د افغانستان د شفافیت بنسټ څېړونکی ناصر تیموري وایي؛ د پیسو هغه ارقام ، چې دوی ښیي سم نه دي، ځکه ډېره برخه یې د دوی قراردادیانو او څنګوالو بېرته وړې ده.   

له نشه يي توکو او جرمونو سره د ملګرو ملتونو د  مبارزې ادارې په راپور کې راغلي، چې تېر کال په افغانستان کې نهه زره ټنه تریاک او نشه يي توکي تولید شوي، چې د تېرو کلونو په پرتله اووه اتیا په سلو کې ډېروالی ښيي.

دغه راز د نشه يي توکو د کرکیلې د مخنیوي لپاره بدیل کښت یعني زعفرانو او سویابینو هم چندان وده نده کړې.

له نشه يي توکو سره د مبارزې وزارت مسوولین په دې اړه له خبرو کولو ډډه کوي

له افغانستان سره د نړیوالې ټولنې میلیونونه دالره په تېرو کلونو کې ضایع شوي او د ځینو کسانو جیبونو ته لویدلي دي. جان سپکو هم ويلي، چې په ځينو برخو کې بې دریغه مرستو په خپله فساد او د پيسو حیف او میل ته لاره پرانیستې ده.

خبریال: شاهپور فرهمند

تازه خبرونه

طالبانو د افغانستان څلور نورې ولسوالۍ هم ونیولې

Ariana News

خپور شوی

په

توسط

(Last Updated On: June 13, 2021)

د کندوز، فراه، غور او زابل ولایتي شوری ګانو غړیو ویلي، چې له تېرو څلیریشت ګړیو راپدیخوا علي آباد، ساغر، ارغنداب او لاش او جوین ولسوالۍ طالبانو نیولي دي.

ویل کیږي، چې د هېواد په شل ولسوالیو کې د جګړو راپورونه ورکړي؛ په پکتیا کې دوه څلوېښت پاڅونوال طالبانو ته تسلیم شوي او په ننګرهار کې پر یوه کور د هوان ګولې لګیدلې او شپږ کسانو ته یې مرګ و ژوبله اړولې ده.

د طالبانو لخوا د ولسوالیو د لاندې کولو د بریدونو پر دوام د یکشنبې پر ورځ د زابل ارغنداب ولسوالي طالبانو نیولې ده.

حکومت وايي، چې له دې ولسوالي په تکتکي توګه وتلي دي.

د زابل ولایتي شوری مشر عطا جان حق بیان ویلي: مقر ولسوالي ټوله طالبانو نیولې؛ دوی د ملي اردو کنډک ته ولېږدول شول او ملي اردو هم تکتیکي شاتګ وکړ او له ولسوالۍ ووتل.

په غور او فراه کې خپلواکې سرچینې وايي، چې طالبانو د ساغر ولسوالۍ نیولي او د فراه په پشت رود کې جګړه روانه ده؛ خو حکومتي سرچینې په دې اړه څه نه وايي.

د اتل قول اردو مسوولین وايي، چې له خلکو سره له سلا مشورو وروسته یې پرېکړه کړې، چې ځينې ولسوالۍ نورو سیمو ته ولیږدوي.

د پوځ مسوولین نه مني، چې ګواکي دا ولسوالۍ طالبانو په جګړه کې نیولې دي.

د کندوز د ولایتي شوری غړي وايي، چې طالبانو د یکشنبې پر سهار د علي آباد ولسوالي او څو پوستې نیولې؛ خو حکومتي چارواکي دا خبر نه تائیدوي.

د ختیځ او سویل ختیځه ولایتونو په نهه ولسوالیو کې هم د سختو نښتو راپورونه تر لاسه شوي؛ د پکتیا مرکز ګردیز ته نږدې دوه څلوېښت پاڅوانوال طالبانو ته تسلیم شوي او په ننګرهار کې پر یوه کور د هاوان ګولي لګیدلې، چې پېځه کسانو ته یې مرګ و ژوبله اړولې ده. د بلخ په شولګره کې هم نښتې شوي دي.

د ملي دفاع وزارت وايي، چې په تېرو څلیریشت ګړیو کې یې یو سل و یو اتیا وسلوال طالبان وژلي دي. ولسمشرۍ ماڼۍ وايي، چې د طالبانو د ځپلو لپاره د افغان ځواکونو وړتیاوې پیاوړې شوې؛ خو پر وینا یې طالبانو پر ملکي سیمو بریدونه پیل کړي دي.

Continue Reading

تازه خبرونه

پر هزاره ګانو روان بریدونه دې نسل وژنه وپېژندل شي – خلیلي

Ariana News

خپور شوی

په

توسط

(Last Updated On: June 13, 2021)

د حزب وحدت اسلامي مشر محمد کریم خلیلي ویلي، چې حکومت او نړیواله ټولنه دې د کابل په لویدیځ کې د وروستیو بریدونو په تړاو بې تفاوته نه پاتې کېږي او د نسل وژنې په توګه دې باید رسماً وپېژندل شي.

د کابل په لویدیځ کې بمي چاودنو د حزب وحدت اسلامي رهبر او د ولسمشرۍ ماڼۍ پخوانی مرستیال محمد کریم خلیلي وایي، چې د سولې دښمنانو نه یوازې د سولې لړۍ سبوتاژ کړې، بلکې په هېواد کې يې د قومونو ترمنځ د اختلاف رامنځته کولو په موخه د یوه قوم پر وړاندې بریدونه پيل کړي دي.

کریم خلیلي یوې خبري غونډې ته که څه هم د کومې ډلې نوم نه اخلي؛ ځو د کابل په لویدیځ کې پر هزاره ګانو روان بریدونه نسل وژنه نوموي او ټینګار کوي، چې که دا ډول پېښې ونه درول شي؛ هزاره وګړي به د ځان د دفاع لپاره راپورته شي.

محمد کریم خلیلي زیاته کړې، چې که څه هم په دې وروستیو کې ګڼ شمېر افغانان او سرتېري د جګړو پرمهال وژل کېږي؛ خو په ځانګړې توګه د هزاره وګړیو وژنه په سیستماتیک ډول روانه ده.

کریم خلیلي د یکشنبې پر ورځ یوې خبري غونډې ته وویل، چې حکومت او نړیواله ټولنه دې د کابل په لویدیځ کې وروستي بریدونه د نسل وژنې په توګه رسماً وپېژني او پدې اړه دې بې تفاوته نه پاتې کېږي.

همدارنګه هغه د هېواد اوسنی وضعیت حساس بولي او وایي چې هزاره وګړي نه غواړي په دا ډول شرایطو کې داسې اقدام وکړي چې د حکومت په زیان تمام شي.

محمد کریم خلیلي د خپلو خبرو په یوه برخه کې د سولې پر روان بهیر هم نیوکه وکړه او زیاته يې کړه، چې که په دې بهیر کې ټولو قومونو ته ونډه ورنکړ شي؛ د حکومت او طالبانو ترمنځ سیاسي هوکړه ناشونې ده.

Continue Reading

تازه خبرونه

په چین کې د ګازنلیکې له چاودنې ۱۲ کسان وژل شوي

Ariana News

خپور شوی

په

توسط

(Last Updated On: June 13, 2021)

د مرکزي چین د استوګنې په اړوند سیمه کې د ګازنلیکې له چاودنې لږ تر لږه ۱۲کسان وژل شوي دي.

چینايي رسنیو څرګنده کړې، چې چاودنه نن سهار د هوبي ولایت په شیان ښار کې رامنځته شوې، چې لږ تر لږه ۱۳۸ نور یې ټپیان کړي دي.

د راپورونو له مخې؛ د چاودنې له کبله د یوه پلورنځي ودانۍ راپرېوتې او د ۳۷ ټپیانو روغتیایي حالت یې د اندېښنې وړ دی.

د شیان سیمه ییز روغتون له ښاریانو څخه ټپیانو ته د وینې ورکولو غوښتنه کړې ده.

Continue Reading

Trending

آریانا نیوز: ټول حقونه خوندي دي