Connect with us

تازه خبرونه

افغانستان به په سیمه کې د جنګ او سیاست ګټونکی وي – ولسمشر غني

Ariana News

خپور شوی

 په

(Last Updated On: February 26, 2018)

د مارشال محمد قسیم فهیم له پوځي پوهنتون څخه د۵۰۰ افسرانو د فراغت په مراسمو کې ولسمشر اشرف غني وویل، چې افغانستان به جګړه او سیاست دواړه ګټي او د هېواد د ښمنان به هیڅکله هم خپلو موخو ته ونه رسیږي.

ولسمشر غني زیاته کړې، چې افغان ځواکونه د جګړې په ډګر کې په پوره مېړانه جنګیږي؛ نو، ځکه بریا د افغانانو په برخه ده.

ښاغلی اشرف غني د پوځ د اعلی سر قومندان او ولسمشر په توګه ټينګار کوي، چې د هېواد امنیتي بنسټونه له سیاست لیرې دي او هیچا ته به اجازه ورنکړ شي، چې امنیتي ارګانونه په نامشروع بڼه وکاروي.

ولسمشر غني زیاته کړې، چې ډېر ژر به په ولایتونو کې داسې ګامونه اوچت کړو، چې حالات کابو او د حکومتي پلانونو عملي کولو ته زمینه برابره شي.

نوموړی وایي؛ له اووه میلیون ډېر دالر، چې په تاپي پروژه کې به ولګول شي د کوم هېواد مرسته نه ده، بلکې د افغانستان خپلې پیسې دي او ټول ۳۴ ولایتونه به د سترو چارو شاهدان وي.

د ملي دفاع وزیر طارق شاه بهرامي هم وايي، چې پوځ بشپړ خپلواک دی او له هیڅ سیاسي بهیر سره تړاو نلري.

نوموړی زیاتوي؛ مونږ ستونزمنې شېبې تېروو، خو د افغانستان تاریخ به د امنیتي ځواکونو په ځانګړي توګه د پوځ په اړه قضاوت وکړي. له ملي پوځ او ځواکونو غواړم، چې د ترهګرو په وړاندې د مبارزې هڅې نورې هم پراخه کړي.

مسوولین وايي، چې په لومړیو کې انګیرنې داسې وې، چې ښايي افغان ځواکونه په یوازې سر له سخت دریځو سره د جګړې توان ونه لري؛ خو دغو ځواکونو وکولی شول، چې له خاورې دفاع وکړي او ولایتونه د وسلوالو مخالفینو له دوامدارې برلاسۍ وژغوري.

خبریال: رفیع صدیقي

تازه خبرونه

راشد خان غواړي افغانستان د نړۍ له غوره لوبډلو سره ولویږي

Ariana News

خپور شوی

په

توسط

(Last Updated On: October 21, 2020)

د کرکت ملي لوبډلې ستوري راشد خان له اړوند بنستونو غوښتي، چې ده ته دې د افغانستان د لوبو د ښوالي لپاره د نړۍ له غوره لوبډلو سره د لوبو فرصتونه ورکړي.

نوموړي په یوه مرکه کې ویلي؛ د لوبغاړي په توګه د ودې کولو لپاره باید تاسې له غوره لوبډلو پر وړاندې ولوبیږئ.

هغه ویلي: کله، چې زه په ۱۷ کلنۍ کې آی پی ایل ته راغلم؛  ما لوبغاړي، د هغوی روزنه او ځان جوړونه ولیده زه پوه شوم، چې د ښه کیدو او وړتیاوو لپاره باید څومره کار وشي.

راشد خان زیاته کړې؛ مونږ له تېرو پېنځه کلونو راپدیخوا په دوه نړیوال جامونو کې دوه ځله له آسترالیا، انګلند او نیوزیلنډ سره لوبه کړې. زه هیله من یم، چې مونږ د دوی پر وړاندې ولوبیږو او پاتې لوبغاړي هم د پرمختګ ورته فرصت خپل کړي.

راشد خان دا هم ویلي، چې د کرکت لوړې درجې ته د افغانستان له رسیدو حیران شوم؛ خو ډېر ویاړ هم پرې کوي.

د کرکت د ډګر دغه ستوري په ډاګه کړې؛ کله، چې ما څو کاله مخکې نور لوبغاړي ولیدل، ما حتی فکر نه کاوه، چې یوه ورځ به زه د نورو لپاره یوه بېلګه شم.

د نړیوال کرکت بورد له بشپړ غړیتوب وروسته افغانستان د ویست اندیز، آیرلند او بنګله دیش پر وړاندې یوازې څلور تیست لوبې ترسره کړي.

آسترالیا، انګلند، سویلي افریقا او نیوزیلند په کرکت تیست کورنۍ کې څلور غوره لوبډلې دي، چې تر دې دمه یې له افغانستان سره سیالۍ ته ښه راغلاست ندی ویلی.

Continue Reading

تازه خبرونه

حکمتیار په پاکستان کې د سولې بهیر په اړه له قریشي سره خبرې وکړې

Ariana News

خپور شوی

په

توسط

(Last Updated On: October 20, 2020)

د پاکستان د بهرنیو چارو وزیر شاه محمود قریشي د حزب اسلامي له مشر ګلبدین حکمتیار سره په کتنه د افغانستان د سولې په بهیر کې د خرابوونکیو له شتون خبرداری ورکړی دی.

د حزب اسلامي رهبر حکمتیار پرون پاکستان ته درې ورځنی سفر کړی، چې موخه یې له پاکستانيو حکومتي چارواکو سره د افغان سولې پر بهیر بحث او خبرې دي.

د حزب اسلامي له مشر سره په دې کتنه کې د پاکستان د بهرنیو چارو وزیر شاه محمود قریشي د افغانستان د سولې له بهیره خپل ملاتړ یو ځل بیا په ډاګه کړ او وایي، چې په افغانستان کې د جګړې لپاره هیڅ نظامي حل نشته.

د پاکستان د بهرنیو چارو وزارت ویاند زاهد حفیظ ویلي: د بهرنیو چارو وزیر قریشي لد حزب له رهبر  ګلبدین حکمتیار سره د دوه اړخیزو اړیکو په اړه خبرې وکړې. پاکستان تل د افغانستان د سولې له بهیره ملاتړ کړی. مونږ اوس هم په دوحه کې د افغانانو تر منځ خبرو اترو ته هیله من یو.

دغه راز د حزب اسلامي رهبر ويلي؛ اسلام آباد په افغانستان کې د جګړې دوام ته هیله من ندی او چمتو دی، چې د افغانستان د سولې په بهیر کې مثبت رول ولوبوي.

په داسې حال کې، چې د دوحې د سولې خبرو له ناڅرګند برخلیک سره مخ دی او د افغانستان په ځینو برخو کې تاوتریخوالی روان دی؛ نو تمې دا دي، چې اسلام آباد به د دې وضعیت د پای ته رسولو لپاره خپلې هڅې ونسپموي.

پاکستان د افغانستان د سولې په بهیر کې یو له مهمو لوبغاړیو څخه دی او له همدې کبله افغان چارواکي او سیاسي مشران غواړي په افغانستان کې د سولې د خوندي کولو لپاره ورسره ګډ کار وکړي.

Continue Reading

تازه خبرونه

عبدالله او روحاني د سولې بهیر په اړه خبرې تر سره کړې

Ariana News

خپور شوی

په

توسط

(Last Updated On: October 20, 2020)

د ملي پخلاینې عالي شورا مشر د سیمه ییزو هېوادونو د مشرانو د ملاتړ تر لاسه کولو لپاره د دوشنبې پر ورځ د ایران له ولسمشر حسن روحاني سره د افغانستان د سولې د روان بهیر او دوه اړخیزو همکاریو په اړه بحث او خبرې کړې دي.

عبدالله عبدالله د ایران له ولسمشر حسن روحاني سره له کتنې وروسته څرګنده کړې: مونږ د افغانستان د سولې بهیر، په دوحه کې د روانو خبرو او دوه اړخیزو اړیکو په اړه نظرونه تبادله کړل.

داکتر عبدالله د سولې په اړه د ایران د ولسمشر له ملاتړه مننه کړې او وایي، چې ایران د ګاونډ په توګه کولی شي په افغانستان کې د سولې بهیر په پرمختګ کې ارزښتمن رول ولوبوي.

د ایران ایرنا خبري آژانس سره په خبرو کې  عبدالله عبدالله ویلي؛ د افغانستان خلک د ټولو افغانانو لپاره تل پاتې او د منلو وړ سوله او همدارنګه په تېرو ۱۹ کلونو کې د لاسته راوړنو ساتنه غواړي.

هغه دا هم په ډاګه کړې، چې د سیمې هېوادونو ترمنځ همکاري کولی شي د سولې بهیر او روانو خبرو اترو ته وده ورکړي او بریالۍ پایله ترلاسه شي.

د نوموړي د څرګندونو له مخې؛ د ګاونډ هېوادونو مرسته او ملاتړ زمونږ لپاره په سیمه ییزه او نړیواله کچه د مشورې لپاره ډېر ارزښت لري.

د ملي پخلاینې عالي شورا د رسنیو  دفتر څرګنده کړې؛ داکتر عبدالله عبدالله او ورسره پلاوی یې سهار ایران ته له دوه ورخني سفره کابل ته راستانه شول. نوموړي په دې سفر کې د ایران له ولسمشر، بهرنیو چارو وزیر، د ولسي جرګې له مشر او نورو چارواکو سره د سولې د بهیر، د دوحې د خپلمنځي خبرو او دوه اړخیزو همکاریو په اړه بحث او خبرې کړې دي.

د یادونې ده، چې د سولې بهیر ته د سیمه ییزو هېوادونو د مشرانو د ملاتړ تر لاسه کولو په لړ کې د ملي پخلاینې عالی شورا مشر او ورسره پلاوي یې پاکستان او هند ته هم سفرونه تر سره کړي دي.

Continue Reading
Advertisement

Trending