Connect with us

تازه خبرونه

افغان پلاوي په اسلام آباد کې له پاکستاني لوري سره خبرې پیل کړي

Ariana News

خپور شوی

 په

(Last Updated On: February 10, 2018)

د افغانستان بهرنیو چارو وزارت وايي؛ د افغان پلاوي مشري د بهرنیو چارو وزارت د سیاسي مرستیال حکمت خلیل په غاړه ده او په اسلام آباد کې یې له پاکستاني لوري سره خبرې پیل کړي، چې د خبرو په دوه یمه ورځ دواړه لوري په څو برخو کې یوې نتیجې ته هم رسیدلي دي.

د دې خبرو ځینې برخې بشپړې روښانه شوې نه دي؛ خو بیا هم کابل او اسلام آباد په ځینو برخو کې یوې نتیجې ته رسیدلي دي. تر اوسه د افغانستان د بهرنیو چارو وزارت له پاکستاني لوري سره د افغان پلاوي د خبرو په اړه ډېر څه نه وایي؛ خو زیاتوي، چې د ترهګرو په ځانګړي توګه طالبانو او حقاني شبکې په وړاندې پر ګډو عملیاتو خبرې شوې دي. دغه راز دواړو خواوو د اقتصادي همکاریو په اړه هم بحث کړی دی.

د بهرنیو چارو وزارت د ویاند مرستیال صبغت الله احمدي وایي، پرونۍ او نننۍ ناستې دواړه ښې او د همکارۍ روحیه په کې پیاوړې وه. د ناستې په پای ته رسیدو به یې جزئیات خلکو ته وړاندې او رسنیز شي.            

مخکې له دې یو پاکستانی پلاوی کابل ته راغلی و؛ خو د دواړو لوریو تر منځ په خبرو کې  پرمختګ ونه شو. اوس هم د سیاسي شنونکیو باور دا دی، چې اړوند خبرې اترې پایله نه لري؛ ځکه پلاوی په هغه کچه کې نه دي، چې خبرې یې نتیجه ورکړي.

سیاسي شنونکي داوود ناجي څرګنده کړې، چې د پلاوي کچه ډېره ټیټه ده؛ مونږ د ولسمشر، امریکا او هند په کچه خبرې لرلې. زه په دې خبرو باور نلرم.       

باورونه دا دي، چې پاکستان له دې کار سره له یوې خوا غواړي وخت ضایع او بل خوا د امریکا پر فشارونو سړې اوبه تویې کړي.

د مشرانو جرګې دوه یم مرستیال آصف صدیقي وایي، دا ناستې ډېرې وشوې؛ خو بې پایلې دي. باید پر پاکستان فشارونه ډېر شي، چې دا هېواد له طالبانو سره مبارزې ته چمتوالی وښیي.            

د دواړو لوریو له راشه درشې سره سم پاکستانيو پوځیانو پر کونړ توغندیز بریدونه پیل کړي او د افغانستان پر سرحدي سیمو دغو توغندیزو بریدونو د دې خبرو اترو راتلونکی له پوښتنو سره مخ کړی دی.

خبریال:  مصطفی محب

Continue Reading
Advertisement

تازه خبرونه

آلمان په افغانستان کې د پوځي ماموریت غزولو په لټه کې دی

Ariana News

خپور شوی

په

توسط

(Last Updated On: February 24, 2021)

رویټرز په ډاګه کړې؛ د سې شنبې پر ورځ د آلمان دفاع وزیرې آنګرټ کرامپ کارنباوئر څرګنده کړې، چې د چارشنبې پر ورځ به د آلمان کابینه تر ۲۰۲۲ کاله پورې په افغانستان کې د آلمان د پوځي ماموریت د تمدید لپاره شین څراغ ولګوي.

د جرمني په پارلمان کې د ۱۳۰۰ سرتېرو عملیاتو واک د مارچ په پای کې پای ته رسیږي.

دا په داسې حال کې ده، چې د ۲۰۲۰ زېږدیز کال د فبرورۍ پر ۲۹ امریکا او طالبانو یو داسې تړون لاسلیک کړی، چې د د روان کال تر می میاشتې باید ټول بهرني سرتېري له افغانستان ووځي؛ خو د امریکا نوي حکومت د جوبایډن تر مشرتابه لاندې پر دغه تړون بیاکتنه غواړي.

د آلمان دفاع وزیرې کرامپ کارنباويرئر خبرداری ورکړ، چې د ناټو سرتېرو له وخت مخکې وتل به د افغان حکومت او طالبانو ترمنځ د سولې خبرې له خطر سره مخ کړي.

رویټرز ته هغې ویلي؛ د ناټو سرتېري غواړي په افغانستان کې پاتې شي، نو د طالبانو تاوتریخوالي دې چمتووالی ونیسي.

دا څرګندونې؛ ځکه راپورته شوي، چې د ناټو عمومي منشي ینس سټولټنبرګ تېره اونۍ د دې ټولنې د دفاع وزیرانو له ناستې وروسته وویل؛ ناټو به هغه وخت له افغانستان څخه ووځي، چې امنیتي شرایط ورته برابر شي.

ناټو دمګړۍ په افغانستان کې لږ تر لږه ۱۰۰۰۰سرتېري لري، چې ډېر یې امریکایي دي.

د رویټرز د څرګندونو له مخې؛ د ناټو له ۳۰ غړیو یو هم په عام ډول څه نه وایي، چې امنیتي شرایط د وتلو لپاره سم دي ؛ خو که امریکا وغواړي ډېري متحدین شاید د اوږدې مودې لپاره خپل ملاتړ وغزوي.

Continue Reading

تازه خبرونه

د دوحې د هوکړې د بیا کتنې په اړه له افغان چاواکو سره اړیکې لرو- امریکا

Ariana News

خپور شوی

په

توسط

(Last Updated On: February 24, 2021)

د پنټاګون د رسنیو مسوول د چارشنبې پر شپه څرګنده کړې، چې دوی د امریکا او طالبانو ترمنځ د لاسلیک شوي تړون د بیاکتنې په اړه له افغان چارواکو سره خبرې روانې ساتلي دي.

د پنټاګون د رسنیو مسوول جان کربي ویلي، چې ټاکلې نېټې ته په پاملرنه پنټاګون او ټول ګډ احساس لري… خو مونږ غواړو دا کار ډاډمن او بریالی تر سره کړو او غواړو، چې په دې کې زمونږ، متحدینو او افغانانو امنیتي ګټې خوندي شي.

جان کربي په دې اړه، چې آیا د امریکا دفاع وزیر لویډ آسټین پدې اړه له ولسمشر اشرف غني سره مستقیمې خبرې کړي؛ وویل: زه نور څه نلرم، چې تاسې ته یې وړاندې کړم؛ خو زه به تاسې ته د هغه( لویډ آسټین) له مشورو، چې له متحدینو او همکارانو سره شوې څرګندونې ولرم.

جان کربې دغه راز ویليو چې د دوحې د هوکړې بیاکتنه یو طبیعي کار دی.

هغه په دې اړه ویلي؛ خلک باید باور ولري، چې مونږ دې ته پوره پاملرنه لرو. مونږ غواړو، چې له خپلو افغان همکارانو سره پر جزئیاتو ښه پوه شو.

دا څرګندونې د بهرنیو چارو وزیر انټوني بلینکن له هغو څرګندونو یوازې درې ورځې وروسته راپورته کیږي، چې امریکا په افغانستان کې د سیاسي جوړجاړي او هر اړخیز اوربند ملاتړ کوي.

د شنبې پر ورځ د ملي پخلاینې عالي شورا د مشر او د امریکا د بهرنیو چارو وزیر بلینکن تر منځ  ټیلیفوني خبرې شوي دي.

د امریکا بهرنیو چارو وزیر ویلي: امریکا د یو ښه او تلپاتي سیاسي جوړجاړي او دایمي  پرمختګه ملاتړ کوي.

عبدالله ویلي، چې په دې خبرو کې د افغانستان وضعیت او د افغانستان د سولې د بهیر پر ګړندي کولو خبرې شوې وې.

Continue Reading

تازه خبرونه

طالبانو په خپلو پوځي لیکو کې پر بهرنیو جنګیالیو بندیز لګولی

Ariana News

خپور شوی

په

توسط

(Last Updated On: February 24, 2021)

د طالبانو پوځي کمیسیون خپلو ټولو جنګیالیو ته سپارښتنه کړې، چې په خپلو پوځي لیکو کې د بهرنیو جنګیالیو د تګ او راتګ او د هغو له ساتلو ډډه وکړي.

د طالبانو په اعلامیه کې، چې آریانا نیوز ته رارسېدلې راغلي؛ هیڅوک نشي کولی، چې بهرني جنګیالي په خپلو لیکو کې پټ وساتي او یا پناه ورکړي.

د طالبانو د پوځي کمیسیون د څرګندونو له مخې؛ که هر چا دا کار وکړ او ولایتي مسوولین ترې خبر شول؛ نو له دندې به لرې، ګروپ او ډلګی به یې لغو او د وروستۍ جزا لپاره به پوځي کمیسیون ته وروپېژندل شي.

دا څرګندونې له هغې وروسته راپورته شوې، چې د سې شنبه پر ورځ د افغانستان پوځي چارواکو ادعا وکړه، چې د کندهار د ارغنداب ولسوالۍ په پوځي ډګرونو کې له دولتي ځواکونو سره د طالبانو تر څنګ القاعده، پاکستاني او چیچنیايي وسلوال هم جنګیږي.

پوځي چارواکو ویلي وه: هغه نښې نښاني، چې د دې ولایت د ارغنداب ولسوالۍ په څلور میاشتنۍ جګړه کې په لاس ورغلي؛ ښيي، چې له طالبانو سره د القاعده تر څنګ پاکستاني او چیچنايي وسلوالو هم په جګړه کې عملي برخه اخیستې ده.

دغه راز د دفاع وزارت د څرګندونو له مخې؛ د روانې اوونۍ د یکشنبې پر شپه د دې ولایت په ارغستان ولسوالۍ کې د عملیاتو پرمهال د ۴ پاکستانیو اتباعو په ګډون لس طالب جنګیالي وژل شوي دي.

طالب ویاند ذبیح الله مجاهد دا راپور رد کړی او څرګندوي، چې د دوی تر څنګ په پوځي ډګرونو کې هیڅ پاکستاني اتباع جګړه نکوي.

د امریکا او طالبانو د تړون له مخې؛ طالبان اړ دي، چې له القاعده او داعش ته د ورته ډلو سره خپلې اړیکي پای ته ورسوي.

Continue Reading

Trending

آریانا نیوز: ټول حقونه خوندي دي