Connect with us

تازه خبرونه

افغان رهبران دی سولې ته د رسېدو لپاره له لانجو تېر شي – ناټو

Ariana News

خپور شوی

 په

(Last Updated On: وری ۲۸, ۱۳۹۹)

ینس سټولټنبرګ د ناټو د دفاع وزیرانو له ناستې وروسته په یوه خبري غونډه کې له طالبانو وغوښتل، چې د سولې هوکړې ته درناوی وکړي او له تاوتریخوالي لاس واخلي.

دغه راز کابل ښاریان هم له سیاسي ناندریو او لانجو ستړي شوي او څرګندوي، چې وضعیت د دې جوګه ندی، چې سیاستوال د واک پرسر ښکېل پاتې وي.

د ناټو ټولنې عمومي منشي ینس سټولټنبرګ د چهارشنبې پر ورځ د ناټو د دفاع وزیرانو له ناستې وروسته، یوځل بیا د افغانستان سیاستوالو پر روانو لانجو اندیښنه وښوده او له دوی یې وغوښتل، چې سولې ته د رسېدو لپاره د یو او بل تر څنګ ودریږي.

ینس سټولټنبرګ، د ناټو عمومي منشي، وایي: هغه سیاسي لانجې، چې د افغانستان په دولت کې موجودې دي اړتیا ده، چې متحد شو او یوه سیاسي بهیر ته اړتیا لرو چې وکولي شو په بشپړه توګه د سولې په بهیر کې ښکیل شو.

د امریکا او طالبانو ترمنځ د سولې د هوکړې له مخې، که طالبان دا هوکړه په ښه ډول پلي کړي؛ نړیوال ځواکونه به له ۱۴ میاشتو وروسته ووځي، خو د افغان ځواکونو مالي ملاتړ او روزنه به تر کال ۲۰۲۴ پورې روانه وي.

ینس زیاته کړې: مونږ باید وپوهیږو، چې آن د ۱۲ زره ځواکونو په شتون کې هم، لکه د تېر په شان، عملیاتي ماموریتونه روان وساتو.

د ناټو روښانه پیغام دادی، چې مونږ افغانستان ته یوځای تللي یو او په سم وخت کې به له افغانستان څخه یوځای وځو.

د اشرف غني او عبدالله تر منځ سیاسي لانجه د دې لامل شوه، چې امریکا له افغانستان سره په خپلو مرستو کې یو میلیارد ډالر کموالی راولي او د امریکا د بهرنیو چارو وزارت خبرداری ورکړ، چې که دا لانجي دوام ومومي؛ د یو میلیارد ډالرو نورې مرستې پر کمولو به هم غور وکړي.

تازه خبرونه

په ۹ ولایتونو کې د اورښتونو او سیلابونو وړاندوینه شوې

Ariana News

خپور شوی

په

توسط

(Last Updated On: تله ۸, ۱۳۹۹)

د افغانستان د هوا پېژندنې ادارې د سې شنبې پر ورځ د کابل او پروان په ګډون په ۹ ولایتونو کې د اورښت او سیلابونو وړاندوینه کړې ده.

د افغانستان د هوا پېژندنې ادارې په ډاګه کړې، چې په راتلونکیو څلیریش ګړیو کې به په کابل، کونړ، نورستان، لغمان، کاپیسا، پنجشیر، پروان، ننګرهار او بدخشان ولایتونو کې اورښتونه او احتمالي سیلابونه رامنځته شي.

د دغې ادارې د څرګندونو له مخې؛ په دغو سیمو کې له ۱۰ څخه تر ۲۰ ملي مترو د اورښت وړاندوینه شوې ده.

دا خبرداری په ۱۳ولایتونو کې د تېرې میاشتې له سخت اورښت وروسته ورکړ شوی، چې په کې نږدې ۲۰۰ مړه او په زرګونه خلک بې کوره شول.

ترټولو زیانمن شوی ولایت پروان و، چې د ولایت په مرکز چاریکار ښار کې یې سلګونه کورونه ویجاړ کړي دي.

Continue Reading

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading

تازه خبرونه

مونږ سولې ته د ګډو هڅو په هیله یو – عبدالله عبدالله

Ariana News

خپور شوی

په

توسط

(Last Updated On: تله ۸, ۱۳۹۹)

نن سې شنبه د تلې اتمه د ملي پخلاینې عالی شورا مشر عبدالله عبدالله د اسلام آباد په ستراتیژیکو مطالعاتو انستیتیوت کې د وینا پر مهال څرګنده کړه، چې افغانستان او پاکستان د افراطیت، تروریزم او کرونا ویروس له ګډ ګواښ سره مخ دي.

د ملي پخلاینې عالي شورا د خبرپاڼې له مخې؛ عبدالله عبدالله د افغان حکومت او طالبانو تر منځ د خبرو پیل یو تاریخي او ارزښتمنه شېبه بولي او زیاتوي، چې له دې شېبې څخه باید د جګړې د پای ته رسولو او په افغانستان کې دننه او بهر د تلپاتې او له درناوي ډکې سولې د خوندي کولو لپار ګټه واخلو.

ښاغلي عبدالله ټینګار کړی، چې افغانستان به په هېواد کې یوې ترهګرې ډلې ته هم اجازه ورنکړي، چې نورو هېوادونو ته ګواښ پېښ کړي.

عبدالله عبدالله وایي: اوس هغه وخت رارسیدلی، چې ملتونه مو پخپلو ستراتیژیکو غوراویو له سره کتنه وکړي؛ نوي لیدلوري وپېژني، د ګډو ستونزو او ګټو په اړه بحث وکړي او پوه شي، چې سوله په افغانستان ، سویلي او مرکزي آسیا د اړیکو لپاره مثبتې پایلې لرلی شي.

هغه دا هم ویلي: مونږ مسوولیت لرو، چې د یوې اجماع جوړولو لپاره ګډ کار وکړو او د سولې د پیاوړي کولو لپاره ګډې هڅې تنظیم کړو او په افغانستان کې جګړه د یوې عادلانه، جامع او له درناوي ډک سیاسي حل له لارې پای ته ورسوو. مونږ باید دا اصل هیر نکړو، چې نننی افغانستان د ۱۹۹۶ یا ۲۰۰۱ هېواد نه دی؛ افغانستان نن ځوان او ټولګډونه دی.

دغه راز په دې ناسته کې د پاکستان د بهرنیو چارو وزیر شاه محمود قریشي د سولې خبرو لپاره د خپل هېواد پر ملاتړ ټینګار څرګند کړ او څرګندوي، چې هیڅ راز  پوځي حل نشته، بلکې په افغانستان کې د اوسني وضعیت د پای ته رسولو یوازنۍ لار او غوره لار سیاسي هوکړې ته رسیدل دي.

ښاغلي قریشي ویلي اسلام آباد د افغانستان خپلواکي، ملي حاکمیت او ځمکنۍ بشپړتیا ته درناوی لري او یوازې افغانان کولی شي د خپل هېواد پر راتلونکې پرېکړه وکړي.

د پاکستان د بهرنیو چارو وزیر ټینګار کړی، چې د سوداګرۍ او ټرانزیټ، مرکزي آسیا سره د سویلي آسیا د اړیکو او د سیمې د هېوادونو د پراختیا او اقتصادي ودې لپاره په افغانستان کې سوله د سیمې یوه اړتیا ده.

د پاکستان بهرنیو چارو وزیر ویلي، چې اسلام آباد ته د پخلاینې عالي شورا د مشر سفر د دواړو هېوادونو په اړیکو کې مهم پرمختګ دی او باید د اسلام آباد او کابل ترمنځ په اړیکو کې نوی فصل پرانيزي.

نوموړي دغه راز ویلي، چې لوی اکثریت په افغانستان کې سوله غواړي.

 نوموړي دا هم ویلي، چې افغان ولسمشر محمد اشرف غني به هم ډېر ژر پاکستان ته سفر وکړي.

Continue Reading
Advertisement

Trending