Connect with us

تازه خبرونه

افغان ځواکونو شاتګ کړی دی- سیګار

Ariana News

خپور شوی

 په

(Last Updated On: February 12, 2020)

د افغانستان په بیا رغاونه کې د امریکا پر مرستو د څار ځانګړي پلټونکي ویلي، افغان ځواکونو شاتګ کړی دی.

د افغانستان په بیا رغاونه کې د امریکا پر مرستو د څار ځانګړي پلټونکي جان سپکو ویلي؛ د دوی ارزونې ښیي، چې امنیتي ځواکونو پرمختګ ندی کړی او د ځانګړیو ځواکونو لخوا د پوځي عملیاتو ګراف هم ټیټ شوی دی.

د نوموړي د څرګندونو له مخې؛ د افغان ځواکونو لخوا د خپلواکو عملیاتو په کچه کې کمی راغلی دی.

هغه زیاته کړې؛ افغان ځواکونو ته وګورئ مونږ پرې ډېرې پیسې ولګولې؛ خو د افغان ځانګړیو ځواکونو چمتووالي ته وګورئ، چې خپلواک عملیات یې کم شوي دي.

جان ساپکو په ملي وحدت حکومت کې د ځوانانو ګمارنه یو مثبت ګام بولي؛ خو پر امریکا د افغانستان اقتصادي تړاو ته هیله من ندی.

یو امریکایي سناتور په افغانستان کې د امریکایي مرستو د ضایع کېدو په تړاو د کنایې په ژبه خبرې کوي او وایي، په افغانستان کې د میلیاردونو دالرو ضایع کېدو نور د  امریکا له خلکو حوصله اخیستې او نور بې صبره شوي دي.

امریکایي سناتور هاولي ویلي: مونږ ته د پنتاګون څو غړي وایي، چې باید زغم ولرو او ډېر وخت او پانګونې ته اړتیا ده؛ خو زما په اند کله، چې مونږ نه شو کولی په یوه برخه کې پرمختګ ولرو، مونږ میلیاردونه دالر پانګونه کړې، ډېره قرباني مو ورکړې، د امریکا خلکو ډېر صبر وکړ.

دا خبرې په داسې حال کې کیږي، چې مخکې ملي دفاع وزارت ویلي وه، چې افغان ځواکونه پیاوړي شوي او خپلواکه او پراخ عملیات هم لري.

تازه خبرونه

Deputy leader of Taliban faction sustains ‘serious’ injuries in skirmish

Ariana News

خپور شوی

په

توسط

(Last Updated On: May 12, 2021)

Mullah Abdul Manan Niazi, deputy head of the Taliban splinter group in the western part of the country, was badly injured in a skirmish in Herat province, sources said.

Provincial officials told Ariana News that Niazi was wounded in a skirmish with Taliban militants in the Guzara district of the province.

The sources stated that Niazi, who reportedly is a pro-Taliban commander, is currently hospitalized in Herat’s public hospital.

According to the sources, three of Niazi’s bodyguards were killed in the skirmish.

The Taliban has not commented in this regard.

Niazi was believed to have been Mullah Mohammad Rasool’s deputy – the head of the faction that split from the Taliban in November 2015, following the announcement in July that year that the Taliban’s longtime leader Mullah Omar was dead.

The dissident faction’s announcement was at the time believed to be the first public and official split of the Afghan Taliban since the group formed in the 1990s.

Omar’s deputy at the time was Mullah Akhtar Mohammad Mansoor, who claimed power — sparking a battle over the group’s leadership.

Rasool and Niazi were among several Taliban commanders who challenged Mansoor’s appointment as leader. Mansoor was leader of the group from 29 July 2015 to 21 May 2016 but was killed in a drone strike by the United States in Pakistan.

Niazi was born 1968 in Pashtoon Zarghoon district, in Herat province and served as governor of Kabul Province under the Taliban regime.

Continue Reading

تازه خبرونه

طالبانو د افغانستان پلازمېنې ته د نږدې ولایت ولسوالي ونیوله

Ariana News

خپور شوی

په

توسط

(Last Updated On: May 12, 2021)

سیمه ییزو چارواکو او امنیتي ځواکونو منلې، چې وسلوالو طالبانو د سې شنبې پر ورځ پلازمېنې کابل ته نږدې په میدان وردګ ولایت کې د نرخ ولسوالي ونیوله او حکومتي ځواکونو ترې شاتګ کړی دی.

د نرخ ولسوالۍ نیول او د تاوتریخوالي ډېرېدل په داسې حال کې رامنځته کیږي، چې حکومت د طالبانو لخوا د کوچني اختر په درې ورځو کې د اوربند له اعلانه هرکلی کړی دی.

د کورنیو چارو وزارت ویاند طارق آرین رویټرز ته څرګنده کړې، چې حکومتي سرتېرو له طالبانو سره له سختې نښتې وروسته د نرخ ولسوالۍ له مرکزه تکتیکي شاتګ کړی، چې د کابل دروازه ګڼل کیږي.

طالب ویاند ذبیح الله مجاهد په یوه ټویټ کې څرګنده کړې، چې طالبانو د نرخ ولسوالۍ د نیولو په بهیر کې  د افغان امنیتي ځواکونو یو شمېر سرتېري وژلي او نیولي دي.

هغه زیاته کړې، چې دوی د وسلو او مهماتو یوه زیرمه هم کشف او تر لاسه کړې ده.

افغان حکومت په دې جګړه کې د امنیتي ځواکونو د ځاني زیانونو په اړه څه ندي ویلي.

طالبان د کابل په لودیځ میدان وردګ او جنوب لوګرولایتونو کې پراخ شتون لري.

د رویټرز د څرګندونو له مخې؛ افغان چارواکي ويلي، چې طالبان دغه ولایتونه په پلازمېنه کابل کې د برید او چاودنو لپاره کاروي.

د میدان وردګ والي عبدالرحمن طارق آریانا نیوز ته د ولسوالۍ سقوط تائید کړی او څرګندوي؛ له بده مرغه پرون د یو جوړ جاړي په پایله کې طالبانو دغه ولسوالي ونیوله او امنیتي ځواکونو ترې تاکتیکي شاتګ وکړ.

د ملي دفاع وزارت مرستیال ویاند فواد امان د چارشنبې پر ورځ په خپل ټویټ کې په ډاګه کړې، چې افغان کومانډو ځواکونه میدان وردګ ولایت ته رسیدلي  او له نرخ ولسوالي به د طالبانو ادیره جوړه شي.

Continue Reading

تازه خبرونه

چین په افغانستان کې ټولګډونه او منځلاری اسلامي حکومت غواړي

Ariana News

خپور شوی

په

توسط

(Last Updated On: May 12, 2021)

د چین بهرنیو چارو وزیر یي وانګ پرون ( سې شنبه د غویی ۲۱) ویلي؛ احساس کوم، چې د تاجکستان او ازبکستان په ګډون د افغانستان ټول ګاونډیان د افغانستان د سولې له بهیره ملاتړ کوي.

یي وانګ زیاته کړې، چې افغانستان باید د سولې په خبرو کې د ټولو قشرونو او توکمیزو ډلو برخه اخیستنه ډاډمنه کړي.

د چین او منځنۍ آسیا د بهرنیو چارو وزیرانو د غونډې په څنډه کې د چین د بهرنیو چارو وزارت په یوه اعلامیه کې څرګنده کړې؛ چین هیله من دی، چې نوی افغان حکومت منځلاري اسلامي پلیسۍ غوره کړي.

هغه ویلي: بیجینګ هیله من دی، چې بهرني سرتېري باید په منظم ډول او مسوولانه له افغانستان څخه ووځي، چې د سولې په پروسه کې یې له بیړنیو کړنو، لاسوهنو او ناوړه پایلو مخه ونیول شي.

د چین د بهرنیو چارو وزیر وايي: د ازبکستان او تاجکستان لپاره هم مهمه ده، چې د افغانستان د سولې له بهیر سره همغږي او ملاتړي شي.

په افغانستان کې د سولې او حکومتدارۍ لپاره د چین وړاندیزونه:

۱- د افغانستان د سولې بهیر باید د افغانانو په مشرۍ او مالکیت وي.

۲- افغانستان باید ټولګډونه پالیسۍ او سیاسي جوړښتونه ولري، چې ټول قشرونه او توکمونه په کې خپله برخه ولري او له سیاسي حقونو مساوي برخمن شي.

۳- د افغانستان د حکومتدارۍ راتلونکي سیستم باید د دغه هېواد له ځانګړیو شرایطو سره سم چمتو شي او د نورو سیستمونو د تپلو مخه دې ونیول شي.

د چین د بهرنیو چارو وزیر ویلي؛ د سیمې هېوادونه او نړیواله ټولنه د افغانستان له راتلونکي حکومت څخه غواړي، چې منځلاری اسلامي پالیسۍ وکاروي او ترهګرو ته اجازه ورنکړي، چې په افغانستان کې هڅې ترسره کړي.

د چین او مرکزي آسیا د بهرنیو چارو وزیرانو غونډه به نن د دغه هېواد د شانشي ولایت په مرکز کې جوړه او تر سره شي.

په دې غونډه کې به د قزاقستان، قرغزستان، تاجکستان، ترکمنستان او ازبکستان د بهرنیو چارو وزیران ګډون وکړي.

Continue Reading

Trending

آریانا نیوز: ټول حقونه خوندي دي