Connect with us

تازه خبرونه

افغانستان له چین څخه د افغان زدکړیالانو د رالیږدولو پرېکړه وکړه

Ariana News

خپور شوی

 په

(Last Updated On: January 26, 2020)

په داسې حال کې، چې د چین په څو ښارونو کې د کرونا ناروغۍ لسګونه کسان مړه کړي؛ د افغانستان د بهرنیو چارو وزارت د یکشنبې پر ورځ/ د سلواغې پر ۶ د چین له ووهان ښار څخه د ۶۲ افغان زدکړیالانو د رالیږدولو لپاره بېړنۍ ناسته تر سره کړې ده.

له تېرو دوه میاشتو راپدیخوا په دې هېواد کې کرونا نومي ویروس ۵۶ کسان مړه کړي او د نړۍ نږدې دوه زره نور کسان پرې اخته شوي دي.

د افغانستان د بهرنیو چارو وزارت چارسمبالي هارون چخانسوري سپارښتنه کړې، چې د افغانستان ۶۲ کدکړیالان، چې د کرونا ویروس د خپریدو له کبله بند پاتې دي؛ ژر تر ژره دې د ځمکې او هوا له لارې وژغورل شي.

د یکشنبې پر ورځ د چین ولسمشر شي جینپینګ ویلي، چې د مرګ خطر شته؛ ځکه، چې د مړو شمېر ۵۶ ته رسیدلی او په شانګهای کې هم یوکس مړ شوی دی.

دغه راز نوموړي تېره ورځ ویلي وه، چې روغتیایي سرچینو پر دې ناروغۍ د اخته کسانو ۱۹۷۵ قضیې تائید کړې دي.

د دولتي رسنۍ د څرګندونو له مخې؛ په نړۍ کې اوس له ۲۰۰۰ ډېر کسان پر دې ناروغۍ اخته شوي دي.

چین د دغې ناروغۍ د مخنیوي لپاره د میلیونونو خلکو پر تګ راتګ  هم څارنه پیل کړې ده.   

کرونا ویروس تېرکال د چین په مرکزي ښار ووهان کې د سمندري غذا د ځناورو له تور بازاره سر راپورته کړ. اوس د بیجینګ او شانګهای په ګډون چینایي ښارونو، سینګاپور، تایلیند، جاپان، فرانسې او نورو هېوادونو ته هم خپور شوی دی.

چین د هوبي او ووهان ښارونه وتړل، چې په میلیونونه خلک یې اغېزمن شوي او اوس د هېواد نورو برخو ته محدودیتونه پراخوي.

چین د دغې ناروغۍ له کبله د قمري نوي کال دودیزې نمانځغونډې هم وځنډولې او د سیلانیانو سترې سیمې یې وتړلې.

په بیجینګ کې روغتیایي چارواکو له خلکو غوښتي، چې پر لاس او خوله له سلام تر سره کولو ډډه وکړي او پر ځای یې نغوته او اشاره وکاروي.

چین د تیانجین په شمالي ښار کې د تګ راتګ مخه ونیوله او د جنوري له ۲۷ به ټول ولایتي بسونه او ډله ییز سفرونه وځنډول شي.

د شنبې پر ورځ د کانادا په یوه اوسیدونکي کې، چې د چین له ووهان ښار څخه راستون شوی و؛ د کرونا ویروس لومړۍ پېښه تائید او په روغتون کې بستر شو.

هانګ کانګ د ویروس په اړه بېړنی حالت اعلان کړ، آسترالیا د دې ناروغې په اړه خپلې لومړۍ څلور قضیې تائید کړې، مالیزیا هم څلور پېښې منلي او فرانسې د جمعې پر ورځ د اروپا له لومړۍ پېښې راپور وړاندې کړې.

دغه راز د چین د اړوند سیمو او هانګ کانګ ښوونځي، چې دا مهال د نوي کال په رخصتۍ کې دي د فبرورۍ تر ۱۷ پورې به تړلي وي.

د وال ستریت ژورنال د راپور له مخې؛ امریکا هم د یکشنبې پر ورځ د چین له مرکزي ښار ووهان څخه د خپلو اتباعو او دیپلوماتانو د بیرته راویستو سپارښتنه کړې ده.

د روغتیا نړیوال سازمان پدې اوونۍ کې د دې ویروس خپریدل د نړیوال روغتیا بیړني حالت وګاڼه؛ خو ځینې روغتیا پوهان پوښتي، چې آیا چین کولی شي د دې ناروغۍ مخه ونیسي.

داکترانو ویلي، چې دغه ویروس له ناروغانو او حیواناتو سره له اړیکو لیږدول کیږي، چې نښې یې ټوخی، سینه بغل، ولګی او زکام دی.

دا په داسې حال کې ده، چې د افغانستان د عامې روغتیا وزارت تېره ورځ ویلي وه، چې د کرونا ویروس د مخنیوي لپاره یې د هېواد په هوایي ډګرونو او مهمو بندرونو کې سیاری روغتیایي ډلې ګمارلي او د دغې ناروغۍ د مخنیوي لپاره  یو روغتون هم ځانګړی کړی، چې د نښو نښانو له لیدو سره سم اړوند ناروغان په کې بستر شي.

 

تازه خبرونه

Two former US defense secretaries advise against pulling out all troops

Ariana News

خپور شوی

په

توسط

(Last Updated On: March 2, 2021)

Two former US defense secretaries have both said they would advise President Joe Biden against withdrawing all US troops from Afghanistan.

This comes amid the Biden administration’s ongoing review of the US-Taliban agreement signed a year ago in Doha, which stipulates the withdrawal of all foreign troops from the country by May 1.

However, in an interview with Michael O’Hanlon from the Brookings Institution, former defense secretary Mark Esper said the withdrawal deal negotiated with the Taliban was always contingent on conditions to be met by the Taliban.

“We implemented our side of it in good faith, but it’s fair to say the Taliban have not,” Esper said, noting the Taliban have not delivered on any of their key promises, namely a reduction in violence, good faith negotiations with the Afghan government, and a full break with al-Qaeda.

Esper said he would have opposed Trump’s post-election order to reduce U.S. troop strength in Afghanistan to 2,500, which he says has effectively undercut any leverage the U.S. had over the Taliban.

“I made this clear when I was in the administration at the end, I thought we should hold it 4,500 until the conditions on the ground were met.”

Esper said Trump has put Biden in a tough situation and said: “We have to make sure that again, Afghanistan doesn’t become a safe haven for terrorism. And I say that as somebody who wants to get out of there as badly as anyone else.”

Meanwhile, speaking to the Washington Post, Robert Gates, who served under former president Barak Obama, said the “least bad option’ is for the U.S. to stay until the Taliban get the message that the U.S. won’t leave until they get serious about peace.

“My view is that I think the steps the president has taken in terms of hinting that we might not pull the rest of our troops out on the first of May is exactly right. I think that we do need to take into consideration the possibility of having a presence in Afghanistan at roughly the current level, or maybe even slightly more, along with our NATO allies.”

“We have about 2,500 troops there now,” Gates says, and they need to stay, he argues, “for an indefinite period of time, at a minimum until that presence forces the Taliban to realize that they can’t just take all the marbles once we leave.”

Continue Reading

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

Trending

آریانا نیوز: ټول حقونه خوندي دي