Connect with us

تازه خبرونه

افغانستان د معاملو نه، بلکې د پرېکړو کور دی

Ariana News

خپور شوی

 په

(Last Updated On: ليندۍ ۵, ۱۳۹۸)

ولسمشر غني خبرداری ورکوي، چې هیچا ته به د قانون له واکمنۍ د ناوړه ګټې اخیستو اجازه ورنکړي او په خبره یې هیڅوک نشي کولی د قانون واکمني اغېزمنه کړي.

د سولې او امنیت لپاره د پوځي ښځو په لومړنۍ ناسته کې، چې د سې شنبې پر ورځ( د لیندۍ ۵) د ولسمشر غني د افغان پوځ دغو سرتېرو ته نه یوازې په وینا کې وسلوالو مخالفانو ته خبرداری ورکړ، بلکې سیاسي مخالفانو ته یې هم یو لړ سپارښتنې وکړې.

ولسمشر اشرف غني ویلي، افغانستان د معاملې ځای ندی، بلکې د پرېکړې ځای دی او هیچا ته اجازه نه ورکوي، چې د قانون له  واکمني ناوړه ګټه واخلي. مونږ قانون ته تابع یو او د خپل اساسي قانون پر بنسټ روان یو.

ولسمشر طالبانو ته په خپل خبرداري کې ویلي؛ پوه شئ، چې د کمروزي ملت او دولت په وړاندې ولاړ نه یاست؛ ډېر ژر به(اسلامي او افغاني) سوله، چې د خلکو غوښتنه ده؛ رامنځته شي.

ولسمشر غني دا راز؛ د ښځو پوځي شورا جوړیدل، هغو هېوادونو ته، چې د دفاع وزیران یې ښځې دي؛ خورلنډي د افغان فکر اصلي محور ګڼي.

د هغه د څرګندونو له مخې؛ د سلا او مشورو کومه لړۍ، چې تاسې روانه کړې باید روانه وساتل شي. هغه موخه، چې تاسې ټاکلې د یوې یا دوه ورځو نده، بلکې یو بنسټیز بدلون دی.

د سولې لپاره د ولسمشر خبرې په داسې حال کې بیانیږي، چې د افغانانو تر منځ د مخامخ خبرو د پیل لپاره هیلې مخ په زیاتیدو دي.

خبریال: وارث حسرت

تازه خبرونه

اشرف غني د پکتیا د ولایتي شورا پر مرستیال د وژونکي برید غندنه وکړه

Ariana News

خپور شوی

په

توسط

(Last Updated On: وږی ۲۹, ۱۳۹۹)

د ولسمشرۍ ماڼۍ د پکتیا د ولایتي شورا پر مرستیال ایوب غروال هغه وژونکی برید، چې نن سهار د دې ولایت په مرکز ګردېز ښار کې ترسره شوی؛ په کلکه غندلی دی.

د ارګ په اعلامیه کې راغلي: ولسمشر غني یو ځل بیا پر طالبانو د پراخ، بشري او تلپاتې اوربند غږ کړی ، چې نه یوازې د خلکو، بلکې د حکومت او نړیوالې ټولنې غوښتنه هم ده؛ ومني.

هغه دغه راز اړوندو چارواکو ته سپارښتنه کړې، چې د پېښې کلکه څېړنه وکړي؛ عاملین یې وپیژني او سزا ورکړي.

ولسمشر غني په بشپړ ټینګار دا ډاډ هم څرګند کړی، چې د تروریستانو او مجرمینو پر وړاندې به زمونږ د امنیتي او دفاعي ځواکونو مبارزه روانه وي.

د پکتیا ولایت چارواکو ویلي، چې د پکتیا د ولایتي شورا مرستیال ایوب غروال نن سهار شاوخوا ۵:۳۰ ګردېز پوهنتون ته روان و، چې په ښار کې تر برید لاندې راغی.

هغه په ​​پېښه کې سخت ټپي شو او وروسته په روغتون کې ومړ.

ویل کیږي، چې ایوب غروال هم  پر سیاسي څېرو او حکومتي چارواکو د هدفي بریدونو د لړ یوه برخه شو.

د روانې میاشتې په پیل کې مدني هڅانده فوزیه کوفي او د ولسمشر لومړی مرستیال امرالله صالح له ورته بریدونو روغ وتلي دي.

Continue Reading

تازه خبرونه

د ملګرو ملتونو امنیت شورا د افغانانو له خپلمنځي خبرو هرکلی څرګند کړ

Ariana News

خپور شوی

په

توسط

(Last Updated On: وږی ۲۸, ۱۳۹۹)

د ملګرو ملتونو امنیت شورا د افغانانو د خپلمنځي خبرو له پیل کیدو هرکلی کړی دی،

امنیت شورا په یوه اعلامیه کې د افغانستان حاکمیت، خپلواکي، ځمکنی بشپړتیا او ملي یووالي ته خپله پوره  ژمنتیا بیا ډاډمنه کړه.

په خبرپاڼه کې راغلي: تلپاتې سوله یوازې د افغانانو په مشرۍ د یو هراړخیز بهیر له لارې ترلاسه کیدلی شي، چې موخه ترې د دوامداره او هر اړخیز اوربند ترلاسه کول او په افغانستان کې د جګړې پای ته رسولو لپاره یوه هراړخیزه سیاسي هوکړه ده.

د امنیت شورا غړیو هم په مذاکره کوونکیو غږ وکړ، چې نه یوازې د باور رامنځته کولو لپاره ګامونه واخلي، بلکې تاوتریخوالی کم او په ښه نیت هڅې تر سره کړي.

د امنیت شورا غړیو په افغانستان کې د سولې او ثبات په وده کې د ملګرو ملتونو د رول پر اهمیت ټینګار وکړ او د افغانانو تر منځ د خبرو اترو د آسانه کولو او د سولې له بهیر سره د مرستې لپاره د افغانستان د ټولو سیمه ییزو او نړیوالو همکارانو له هڅو هرکلی وکړ.

Continue Reading

تازه خبرونه

پاکستان له افغانستان سره ۱۲ سرحدي بازارونه جوړوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

پاکستان له افغانستان او ایران سره د خپلو پولو په اوږدو کې ۱۸ بازارونه جوړوي.

د پاکستان حکومت ویلي، چې د بازارونو له جوړولو موخه د درې واړو هېوادونو ترمنځ د سوداګرۍ وده او د قاچاقي توکو مخنیوی دی.

دا پرېکړه تېره ورځ د پاکستان د لومړي وزیر عمران خان په مشرۍ په یوه ناسته کې رامنځته شوې ده.

د عمران خان د دفتر په یوه څرګندونه کې راغلي: په دې ناسته کې ویل شوي، چې له افغانستان سره د پولې په اوږدو کې ۱۲ او له ایران سره پولې ته نږدې به شپږ بازارونه جوړ شي.

د یاد دفتر د څرګندونو له مخې؛ لومړي وزیرعمران خان په بلوچستان کې د دوه سرحدي بازارونو او په خیبر پښتونخوا کې د یوه سرحدي هغه جوړول د یوې ازمایښتي پروژې په توګه منظور کړي، چې د فبرورۍ په میاشت کې به بشپړ او فعال شي.

د عمران خان دفتر زیاته کړې، چې د قاچاقي توکو د مخنیوي لپاره به نورې هڅې هم تر سره شي.

د سرحدي بازارونو رامنځته کولو په اړه د پاکستان لومړي وزیر ویلي، چې دا بازارونه باید په داسې یو ځای کې جوړ شي، چې د سرحدي سیمو اوسیدونکي په ځانګړي توګه ځوانان د سرحدونو له دیوال جوړولو وروسته غوره سوداګریز فرصتونه ولري.

ویل کیږي، چې پاکستان خپلو ځانګړیو موخو ته د رسیدو لپاره له دې مخکې د دیورند د فرضي کرښې په اوږدو کې د خپلې خوښې اغزن تار زغلولی دی.

Continue Reading

Trending