Connect with us

تازه خبرونه

افغان ترک ښوونځي له سیاسي فشارونو وساتئ- اروپایي ټولنه

خپور شوی

 په

(Last Updated On: وری ۱۲, ۱۳۹۸)

اروپايي ټولنې له افغان ولسمشر اشرف غني څخه د یوه لیک په ترڅ کې غوښتي، چې افغان ترک ښوونځي له سیاسي فشارونو وساتي.

په ترکیه کې له ناکامې کودتا وروسته په افغانستان کې د افغان ترک ښوونځيو پر مدیریت لانجه راپورته شوه.

ترکي چارواکي وايي؛ افغان ترک ښوونځي د فتح الله ګولن لخوا رهبري کیدل، چې په ترکیه کې د ناکامې کودتا هڅه هم هغه کړې او په افغانستان کې د دې ښوونځي ښوونکي او زدکوونکي د امنیتي ځواکونو لخوا له تاوتریخوالي سره هم مخ شوي دي.

حکومت هم غواړي، چې د دغو ښوونځيو مدیریت د ترکیې دولتي بنسټ ته وسپاري.

اروپايي ټولنې ویلي، چې له افغان ترک ښوونځيو سره روان چلند سیاسي دی او حکومت باید د زده کوونکیو له برخلیک سره لوبې ونکړي.

 د اروپايي ټولنې په لیک کې راغلي، چې د افغان ترک ښوونځیو د لغوه کیدو پرېکړه سیاسي ده او افغان حکومت باید د دغو ښوونځيو د زدکوونکیو له برخلیک سره لوبې ونکړي.

د افغان ترک ښوونځیو د زدکوونکیو د والدینو شورا غړی صدیق الله توحیدي وایي؛ په خواشینۍ خبر شوي یو، چې پر افغان ترک ښوونځیو بریدونه د سیاسي پرېکړې زېږنده دي او د ترکیې حکومت د دې موسسې د لغو کولوهڅه کوي.   

د افغان ترک لیسې سرپرست احمد فواد حیدري ویلي، چې که حکومت د دوی غږ نه اوري؛ نو نړیوالې محکمې ته به خپل غوښتنلیک وړاندې کړي.

د افغان ترک ښوونځيو د زدکوونکیو والدین هم د خپلو ماشومانو راتلونکي ته اندېښمن دي. دوی وايي، چې حکومت باید له دغو ښوونځیو سره سیاسي چلند ونکړي.

د افغان ترک ښوونځيو د زدکوونکیو د والدینو شورا منشي عبدالشکور دادرس وایي، چې حکومت باید د هېواد د بچو په اړه بې پروا نه وي او له علمي نعمتونو یې هم بې برخې نه کړي.

د افغان ترک ښوونځيو د زدکوونکیو د والدینو شورا ريیس یوسف پښتون وایي؛ مونږ له حکومته غواړو، چې د هېواد د بچو پر راتلونکي لوبې ونکړي.  

د افغانستان د پوهنې وزارت مسوولینو څرګنده کړې؛ دوی د ترکیې د غوښتنې له مخې زمینه برابره کړې، چې د دغو ښوونځیو اداره د ترکيې دولتي بنسټ ته وسپارل شي.

د پوهنې وزارت وايي، چې له دغو ښوونځیو سره سیاسي چلند نه کیږي.

دمګړۍ په کابل او یو شمېر ولایتونو کې د افغان ترک ښوونځيو د زدکوونکیو شمېر شاوخوا اته زره ته رسیږي.

د افغان ترک لومړني ښوونځي درویشت کاله پخوا په افغانستان کې رامنځته شول. د دغو ښوونځیو زدکوونکیو په ۲۰۱۲ کال کې نه یوازې سلګونه نړیوال مډالونه ګټلي، بلکې په هېواد کې د سولې د رامنځته کولو په هڅو کې یې د برخې اخیستنې له کبله د ویاړ مدال هم تر لاسه کړی او په کانکور آزموینه کې لوړې نمرې تر لاسه کوي.

تازه خبرونه

پر رسمیت نه پېژندلو د افغانستان خلک له اقتصادي ستونزو سره مخ کړي

خپور شوی

په

توسط

(Last Updated On: مرغومی ۲۹, ۱۴۰۰)

د ا.ا.ا لومړي وزیر نن د افغانستان اقتصاد تر سرلیک لاندې په یوه ورځني جوړ شوي کنفرانس کې وویل، چې اسلامي هېوادونه دې خپله خپلواکي ثابته کړي او د افغانستان نوی حکومت دې په رسمیت وپېژني.

د ا.ا.ا لومړي وزیر ملا محمد حسن اخوند ویلي، چې په رسمیت نه پېژندلو او اقتصادي بندیزونو د افغانستان خلک له ستونزو سره مخ کړي دي.

د افغانستان د اسلامي امارت لومړي وزیر ملا محمد حسن اخوند څرګنده کړې؛ اسلامي امارت ټول هغه معیارونه پوره کړي، چې د رسمیت پېژندلو لپاره اړین وي.

نوموړي زیاته کړې؛ تمه لري، چې اسلامي هېوادونه به یې ژر پر رسمیت وپېژني او د امریکا خولې ته به نګوري.

د هغه په خبره؛ اسلامي هېوادونو ته په کار ده، چې خپله خپلوا کي ثابته او د افغانستان نوی حکومت پر رسمیت وپېژني.

ملا حسن اخوند په ډاګه کړې؛ نړیوالې ټولنې له هغه نظامه شل کاله ملاتړ وکړ، چې د مسوولینو نومونه يي د نړۍ د مفسدو مشرانو په نوملړ کې دوه یم ځای لري.

ملا محمد حسن اخوند پوښتي، چې نړیوال مونږ ولي پر رسمیت نه پېژني؟ دوی د اشرف غني اداره پر رسمیت پېژندله، چي هغه د فساد په نړیوال نوملړ کې دوه یم نوم درلود؛ خو مونږ نه پېژني، چې فساد مو ختم کړی او امنیت امنیت خوندي کړی دی.

لومړي وزیر ویلي، چې د نړۍ لخوا د اسلامي امارت پر رسمیت نه پېژندلو او نړیوالو بندیزونو افغان ولس له کړاو سره مخ کړی دی. دوی دې په افغانستان کې پانګونه وکړي؛ له افغانستان سره دې اقتصادي مرستې وکړي او په اوسنیو ستونزمنو شرایطو کې دې د افغانانو لاسنیوی وکړي.

هغه وایي؛ اوس په افغانستان کې د پانګونې لپاره ټول شرایط برابر دي؛ خو د رسمیت نه پېژندلو له کبله په افغانستان کې د پانګونې بهیر کمزوری شوی دی.

هغه یو ځل بیا ټینګار وکړ، چې دوی له هیچا څخه د خپل ځان لپاره مرستې نه غواړي، بلکې تمه لري، چې له افغانانو سره په مستقیمه توګه بشردوستانه مرستې وشي.

د افغانستان د لومړي وزیر دوه یم مرستیال ملا عبدالسلام حنفي هم په دې یوه ورځني کنفرانس کې د نړۍ له بشري مرستو هرکلی څرګند کړ او زیاتوي؛ مرستندویه بنسټونه او نړیوال باید په افغانستان کې انکشافي پروګرامو نه پيل کړي، چې د افغانستان اقتصاد رښتینی حرکت وکړي.

ملا عبدالسلام حنفي زیاتوي؛ اسلامي امارت د افغانستان د صنعتي کیدو پر طرحه تمرکز کوي؛ کانونه به استخراج شي، کرنې ته به وده ورکړ شي او غښتلی بانکي سیستم به رامنځته کړي.

هغه دغه راز څرګنده کړې؛ مونږ غواړو، چې په افغانستان کې د پانګونې بهیر لپاره قوانین ساده کړو؛ ځکه، چې زمینه برابره ده، فساد ختم دی، بروکراسي ورکه شوه، غصب نشته او امنیت خوندي دی. مونږ غواړو، چې یو رښتیني اقتصادي حرکت رامنځته کړو، چې پر نړیوالو مرستیو متکي نوي.

د بهرنیو چارو وزارت چارسمبالي مولوي امیر خان متقي د افغانستان اقتصاد تر سرلیک لاندې یو ورځني کنفرانس استازیو ته وویل، چې ا.ا په کمه موده کې له نړۍ سره ښې اړیکې جوړې کړې دي. د مهمو متوازنو پالیسیو له لارې یې وښودله، چې افغانستان اوس یو مسوول او رښتینی استازی حکومت لري.

مولوي متقي وایي، په وروستیو پېنځه میاشتو کې اسلامي امارت له خپلو ګاونډیانو، سیمې او نړۍ سره د افغانستان په اړیکو کې د یوه نوي فصل پر پرانیستلو تمرکز کړی دی.

دغه راز ا.ا د مالیې وزارت چارسمبالي هدایت الله بدري ویلي: مالي سیسټم د پخوا په پرتله په بشپړ ډول فعال شوی؛ د مالیاتو په راټولولو کې د فساد مخه نیول شوې او په ګمرکونو کې د عوایدو د راټولولو بهیر پوره روڼ روان دی.

د ملګرو ملتونو د مرستندویه دفتر مشرې ډیبرا لاینز دغه یوه ورځني کنفرانس ته د خبرو پر مهال د افغانستان اقتصاد له خورا ناوړه حالت سره مخ وباله او وایي؛ دوی هڅه کوي، چې د افغانستان اقتصادي او بانکي نظام وژغورل شي.

ډیبرا لاینز ویلي، چې افغانستان په هغه دریځ کې ندی، چې یوازې پر کورنیو عوایدو ملي پروګرامونه پر مخ یوسي او ولس ته خدمتونه وړاندې کړي.

ډیبرا لاینز خبرداری ورکړ، چې په روان کال کې به د افغانستان اقتصادي وضعیت شل په سلو کې نور هم ولویږي؛ خو د افغانستان د اقتصادي او بشري وضعیت د ښه والي لپاره یې د اته میلیارډ ډالرو د مرستې راټولو غوښتنه کړې ده.

ډیبرا لاینز وایي: د عامو افغانانو لاسنیوي د یوه پراخ بشري ناورین مخنیوی کړی دی. مونږ د راتلونکي کال لپاره له افغانستان سره د بشري مرستو لپاره د ۸ میلیارد ډالرو د راټولو لو طرحه نړۍ ته وړاندي کړې، چې په افغانستان کې بشري ناورین پرې مدیریت شي.

په یاد کنفرانس کې د ملګرو ملتونو د مرستندویه دفتر مشرې د افغانستان په اقتصادي او ټولنیزه وده کې د ښځو د کار پر اړتیا هم ټينګار وکړ.

دې کنفرانس ته د ملګرو ملتونو پر استازیو سربېره د یو شمېر هېوادونو سفیرانو او د مرستندویه بنسټونو استازي هم راغلي وه.

د افغانستان اسلامي امارت دا کنفرانس په داسې حال کې جوړ کړ، چې د افغانستان اقتصادي وضعیت له جدي ستونزو سره مخ دی. د افغانستان څه کم لس میلیارډ ډالره ملي پانګه امریکا کنګل کړې، بانکي سیسټم نیمه فعال دی، سلګونه زره کسانو میاشتنۍ تنخواګانې ندي اخیستي او فقر تر ټولو لوړې کچې ته رسیدلی دی.

Continue Reading

تازه خبرونه

په تاجکستان او ازبکستان کې درول شوې چورلکې افغانستان ته ستنېدلی نشي – امریکا

خپور شوی

په

توسط

(Last Updated On: مرغومی ۲۹, ۱۴۰۰)

د پنټاګون ویاند جان کربي د سې شنبې پر ورځ څرګنده کړې، چې د امریکا حکومت اوس هم په تاجکستان او ازبکستان کې د درول شویو افغان چورلکو پر مسله کار کوي؛ خو افغانستان ته ستنېدلی نشي.

جان کربي یوې رسنیزې ناستې ته ویلي: مونږ اوس هم د دغو درول شویو چورلکو په اړه کار کوو. زما پر اند دا چورلکې به افغانستان ته د دې لپاره وانستول شي، چې طالبان (د افغانستان اسلامي امارت) یې وکاروي.

تېره اوونۍ د افغانستان اسلامي امارت د دفاع وزارت چارسمبالي ملا محمد یعقوب له ازبکستان او تاجکستان څخه وغوښتل؛ د افغان هوايي ځواک هغه الوتکې او چورلکې بېرته ورکړي، چې د تېر کال په اګست میاشت کې افغان پیلوټانو دغو ګاونډ هېوادونو ته وتښتولې.

ملا محمد یعقوب ویلي وه، چې د دوی حکومت به هیڅکله دغو دواړو هېوادونو ته د الوتکې او چورلکو د خپلولو یا کارولو اجازه ورنکړي.

ملا محمد یعقوب په ډاګه کړې وه، چې: زه په درنښت له ازبکستان او تاجکستان څخه غواړم، چې زمونږ د صبر له امتحانولو دې ډډه وکړي او مونږ دې ته اړ نکړي، چې [د الوتکو د بېرته ستنولو لپاره] شوني غچ اخیستونکي ګامونه واخلو.

د امریکا لخوا د افغان هوايي ځواک روزل شويو پیلوټانو د اګست پر ۱۵ د اسلامي امارت لخوا د کابل له بیا نیولو وروسته د ای ـ ۲۹ الوتکو او بلک هاک چورلکو په ګډون له ۴۰ څخه په ډېرو الوتکو او چورلکو کې ځانونه او خپلې کورنۍ ازبکستان او تاجکستان ته بریالي ورسول.

ازبک چارواکو د سپټمبر په لومړیو کې راپور ورکړ، چې دوی سلګونه افغان پیلوټان ​​او د دوی کورنۍ، چې په غیرقانوني توګه په پوځي الوتکو کې راغلي وه؛ شړلي دي.

د راپورونو له مخې؛ دغه افغان وګړي د عربي متحده اماراتو یوې امریکایي پوځي اډې ته د یوې داسې هوکړې له مخې، چې واشنګټن له ازبکستان سره د ۴۵۰ څخه د زیاتو افغانانو د لیږدولو په اړه کړې وه؛ ولیږدول شول.

د یادونې ده، چې د دغو الوتکې او چورلکو برخلیک اوس هم ناڅرګند پاتی دی. د اګست په میاشت کې د حکومت له نسکورېدو مخکې افغانستان له ۱۶۴ ډېرې فعالې الوتکې درلودې، چې ډېر شمېر یې له هېواده وتښتول شوې؛ خو د افغان رسنیو د راپورونو له مخې یوازې ۸۱ یې پاتې دي.

Continue Reading

تازه خبرونه

بريټانيا په ايران کې له افغان کډوالو سره يو ميليون ډالره مرسته وکړه

خپور شوی

په

توسط

(Last Updated On: مرغومی ۲۹, ۱۴۰۰)

په ایران کې د ملګرو ملتونو د خواړو نړیوال پروګرام څرګنده ګړې، چې بریټانیا په ایران کې له زیانمنو افغان کډوالو سره یو میلیون ډالر مرسته کړې ده.

د خواړو نړیوال پروګرام د بریټانیا له یو میلیون ډالرو مرستې هرکلی کړی او څرګندوي، چې دا به له نویو افغان کډوالو سره د مرستې زمینه برابره کړي.

د خبرپاڼې له مخې؛ دغه پیسې به په ایران کې د ۳۱ زره افغان کډوالو د ملاتړ لپاره ولګول شي.

په ایران کښې د خواړو نړیوال پروګرام استازې او مشره نیګار ګرامی ویلي: مونږ په ایران کې د خپلو پروژو د سخاوتمندانه مرستو او ملاتړ لپاره د ګډو ګټو د بهرنیو چارو ادارې او پراختیا له دفتره منندوی یوو. د ژمي ستونزمنې میاشتې، بې روزګاري، د نغدو پیسو نشتوالي او د بیو لوړېدو په افغانستان کې بشري ناورین نور هم پراخ کړی، چې نږدې ۲۴ میلیون وګړي یې د خواړو د نه خوندیتوب له ګواښ سره مخ کړي دي. دا ډیره مهمه ده، چې د خواړو نړیوال پروګرام د کډوالو له ناڅاپي راتګ وروسته هر ډول بېړني حالت ته د ځواب ویلو چمتووالی ولري.

په تهران کې د بریټانیا سفیر سایمن شیرکلیف ویلي، هېواد یې له ایران سره د هغو افغان کډوالو په ملاتړ کې مرسته کوي، چې غواړي له هېواده ووځي.

هغه زیاته کړې، بریټانیا د افغانستان د خلکو او سیمه ییزو شریکانو تر څنګ د دغه هېواد د باثباته او سوله ییز راتلونکي د ترلاسه کولو لپاره ولاړه ده.

خو پر افغانستان د اسلامي امارت له واکمنۍ وروسته ګڼ شمېر افغانانو بهرنیو هېوادونو ته سفرونه کړي دي.

Continue Reading

Trending

Copyright © 2022 Ariana News. All rights reserved!