Connect with us

تازه خبرونه

افغانستان له ایرلینده کرکت تست لوبه وګټله

Ariana News

خپور شوی

 په

(Last Updated On: کب ۲۷, ۱۳۹۷)

د افغانستان کرکت ملي لوبډلې له ایرلیند ملي لوبډلې سره په تیست لوبه کې تاریخي بریا خپله کړه.

د افغانستان او ایرلیند لوبډلو ترمنځ یوازنۍ تست سیالي پر څلورمه ورځ پای ته ورسیده، چې په کې  رحمت شاه، حشمت شهیدي، اصغر افغان، احسان جنت او راشد په زړه پورې ولوبیدل.

د یادې لوبې پچه ایرلینډ وګټله او ۱۷۷ منډې یې جوړې کړې، چې په ځواب کې یې رحمت شاه ۹۸، حشمت شهیدي او اصغر افغان په نیمه سلیزو ۳۱۴ منډې جوړې کړې.

ایرلینډ په دوه یمه پاڼۍ کې ۲۸۸ منډې جوړې کړې او افغانستان ته یې د ۱۴۷ منډو هدف وټاکه، افغانستان ټاکلی هدف د رحمت شاه او احسان جنت په غوره توپوهنه او نیمه سلیزو بشپړ او خپله لومړۍ تاریخي بریا یې ثبت کړه.

له ایرلنډ سره په دې تست لوبه کې راشد خان ارمان، رحمت شاه زرمتي، احسان الله جنت، یمن احمدزي ښه لوبه وکړه او د لوبې غوره لوبغاړی هم رحمت شاه وټاکل شو.

د ایرلیند پر وړاندې د افغانستان په تست لوبډله کې اصغرافغان(لوبډلمشر) محمد شهزاد(ویکت ساتونکی) احسان الله جنت، جاوید احمدي، رحمت شاه، ناصر جمال، حشمت الله شهیدي، اکرام علي خېل(ویکت ساتونکي) محمد نبي، راشدخان، وفادار مومند، یمین احمدزی، شرف الدین اشرف، وقار سلامخېل، ظاهرخان او سید شېرزاد شامل ول.

افغانستان خپله لومړۍ تست لوبه له هند سره کړې؛ خو هغه یې بایللې وه.

د یادونې ده، چې دغه لوبه نن(دوشنبه د کب ۲۷) د هند دهرادون ښار  په راجیو ګاندي کرکت لوبغالي کې د افغانستان په کوربتوب ترسره شوه.

تازه خبرونه

په افغانستان کې د کرونا له ۸۵ نویو پېښو سره ټول شمېر ۳۴۴۵۱ ته ورسید

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په افغانستان کې د تېرو دوه میاشتو له څلیریشت ګړیو راپدیخوا د کرونا ویروس له ټولو ورځنیو تازه مثبتو پېښو څخه ټیټ شمېر، چې ۸۵ دی؛ ثبت شوی، چې ورسره د دې ناروغۍ ټول شمېر ۲۴۴۵۱ ته رسیدلی دی.

د عامې روغتیا وزارت د څرګندونو له مخې؛ له تېرې یوې شپې او ورځې په کابل کې د ۱۴، په هرات کې د ۱۸، په کندهار کې د ۵، په بامیان کې د ۲۰، په ننګرهار کې د ۴، په تخار کې د۱۰، په کندوز کې د ۳، په بدخشان کې د ۸، په میدان وردګ، لغمان او کونړ ولایتونو کې د یو – یو ناروغانو د کتنو پایلې مثبتې ثبت شوي، چې ورسره پر کرونا د اخته کسانو شمېر ۳۴۴۵۱ ته رسیدلی دی.

دغه راز په تېرو ۲۴ ګړیو کې ۱۶ کرونایي ناروغان مړه شوي، چې ۱۲ یې په کابل، ۲ په هرات او ۲ نور په کندهار ولایتونو کې دي.

تر دې دمه ۱۰۱۰ کرونایي ناروغان په ټول هېواد کې له خواږه ژوندانه بې برخې شوی دي.

دغه راز په همدومره وخت کې ۸۱ ناروغان له روغتونونو کورونو ته رخصت شوي، ورسره د رغیدلیو کسانو شمېر  ته ۲۱۲۱۶ ورسیده.

د یادونې ده، چې په ټوله نړۍ کې پر کرونا د اخته کسانو شمېر ۱۲۶۸۴۴۰۹،  مړینه ۵۶۴۵۰۶ او رغیدلي ۶۹۸۱۱۷۰ دي.

Continue Reading

تازه خبرونه

په غزني کې له ماین چاودنې ۱۴ عامو وګړيو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په غزني ولایت کې د سړک غاړې له ماین چاودنې د ښځو او ماشومانو په ګډون ۱۴ عامو وګړیو ته مرګ و ژوبله اوښتې ده.

د غزني والي ویاند واحدالله جمعهزاده رسنیو ته ویلي؛ پرون مازیګر د جغتو ولسوالۍ په قیاق دره سیمه کې هغه مهال د سړک غاړې ماین چادونه رامنځته شوه، چې د ملګي وګړیو د سپرلۍ موتر د وسلوالو مخالفانو لخوا پر ایښودل شوي ماین وربرابر شو.

د نوموړي د څرګندونو له مخې؛ د ملکي وګړیو پر یوه فلاینګ کوچ ډوله موتر د وسلوالو مخالفانو له لوري د سړک غاړه ځای پر ځای شوی ماین چاودېدلی، چې د ښځو او ماشومانو په ګډون یې شپږ ملکي وګړي وژلي او اته نور ټپیان دي.

جمعهزاده زیاته کړې؛ ټپیان د غزني ولایت ملکي روغتون ته رسول شوي دي.

طالبانو تر اوسه په دې اړه څه ندي ویلي.

دا په داسې حال کې ده، چې د افغانستان دفاع وزارت د فاریاب ولایت د دولت آباد ولسوالۍ په اړوند سیمو کې د ملي امنیتي او د فاعي ځواکونو په ځمکني او هوایي بریدونو کې د طالبانو د سرې قطعې د یوه قومندان په ګدون د ۲۵ وسلوالو طالب جنګیالو له مرګ و ژوبلې خبر ورکړی دی

Continue Reading

تازه خبرونه

په فاریاب کې د سرې قطعې د قومندان په ګډون ۲۵ وسلوالو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په فاریاب کۍ د د طالبانو د سرې قطعې د یوه قومندان په ګدون ۲۵ وسلوالو طالب جنګیالو ته هغه مهال مرګ و زوبله واوښته، چې پر ملی امنیتي او دفاعي ځواکونو یې بریدونه وکړل.

دفاع وزارت په ډاګه کړې، چې پرون مازیګر وسلوال طالبانو د فاریاب ولایت د دولت آباد ولسوالۍ په اړوند سیمو کې د ملي امنیتي او د فاعي ځواکونو پر پوستو بريد وکړ، چې د هوایي ځواکونو پر ملتیا له بشپړې ماتې سره مخ او پر شاه وتمبول شول.

په دغه نښته کې حاجی ناصر د شیرین تګاب ولسوالۍ لپاره د طالبانو د نومول شوي ولسوال د پلار په ګډون ۱۴ وسلوال طالبان وژل شوی او د طالبانو د دولت آباد ولسوالۍ د سرې قطعې د قومندان په ګډون ۱۱ نور مرګونی ټپیان شوي دي.

دا په داسې حال کې ده، چې د غزني والي ویاند واحدالله جمعهزاده رسنیو ته ویلي؛ پرون مازیګر د جغتو ولسوالۍ په قیاق دره سیمه کې د ملګي وګړیو د سپرلۍ پر موتر د وسلوالو مخالفانو پر ایښودل شوي ماین وربرابر شو، چې په کې ۱۴ کسانو ته مرګ و زوبله اوښتې.

Continue Reading

Trending