Connect with us

لوبی

افغانستان له آيرلیند سره په لوبه کې ۷ نړيوال ريکاردونه جوړل کړل

Avatar

خپور شوی

 په

(Last Updated On: کب ۵, ۱۳۹۷)

افغانستان پرون د فبرورۍ په ۲۳ مه نېټه د هندوستان په هرادون لوبغالي کې له آيرلیند سره د افغانستان اسلامي بانک په سيريزه کې ريکارد جوړوونکې شل اوريزه لوبه ترسره کړه.

په دغه لوبه کې افغان لوبډلې اووه نړيوال ريکاردونه جوړ کړل.

لومړی ريکارد: په شل اوريزه لوبه کې تر ټولو لوړ هدف پر ۲۷۸ منډو جوړول، چې لدې وړاندې دغه ريکارد پر ۲۶۳ منډو د نړۍ له پياوړې لوبډلې استراليا سره و، چې په ۲۰۱۶ کال کې يې د سريلنکا پر وړاندې جوړ کړی و.

دوه يم ريکارد: په شل اوريزه لوبه کې په يوه پاڼۍ (ایننګز) کې د يو لوبغاړي لخوا تر ټولو ډېرې ۱۶ شپيږيزې، چې حضرت الله ځاځي ترسره کړې. لدې وړاندې دغه ريکارد له آرون فينچ سره و، چې په يوه لوبه کې يې ۱۶ شپږيزې وهلې وې.

درېیم ریکارد: په شل اوريزه نړيواله لوبه کې په اوپنينګ ويکتو تر ټولو لوړه ملګرتيا ۲۳۶ منډې، چې په کې عثمان غني په ۴۸ توپونو ۷۳ منډې وکړې او بيا وسوځيد. لدې وړاندې دا ريکارد په ۲۰۱۶ کال کې د هندوستان په غوره ليګ سياليو يا آی پي ايل کې د ويرات کوهلي او ای بي ديويلر سره و، چې په ګډه يې ۲۲۹ منډې جوړې کړې وې.

څلورم ريکارد: په شل اوريزه لوبه کې په اوپنينګ ويکتو تر ټولو ډېرې ۲۳۶ منډې حضرت ځاځي او عثمان غني جوړې کړې لدې وړاندې آرون فينچ او ډي جي ايم ۲۲۳ جوړې کړې وې.

پېنځم ريکارد: حضرت الله ځاځي په يوازې ځان ۱۶۲ ناسوځېدلې منډې جوړې کړې، چې لدې وړاندې په لومړي مقام کې آرون فينچ ځای لري، چې تېر کال يې د زيمبابوې پر وړاندې ۱۷۲ منډې جوړې کړې وې.

شپږم ريکارد: د نړۍ لومړۍ درجه توپ اچوونکي راشد خان په دې لوبه کې د آيرليند څلور لوبغاړي وسوځول، چې دا لوبه له آيرليند سره د افغانستان په ټولو ترسره شويو لوبو کې د راشد خان لخوا تر دې دمه په ۹ شل اوريزو لوبو کې ټولې ۲۴ ويکتې شوې. دا هم په ۹ شل اوريزو لوبو کې د يو بالر لخوا تر ټولو ډېرې ويکتې ترلاسه کول دي.

اووم ريکارد: په دغه لوبه کې د افغانستان لخوا ۲۷۸ منډې او د آيرليند لخوا ۱۹۴ منډې جوړې شوې، چې په ګډه ۴۷۲ منډې کيږي. دا د نړۍ په شل اوريزو لوبو کې درېيمې تر ټولو ډېرې منډې دي، چې له دې وړاندې په لومړي مقام کې انديا او ویست انديز ځای لري، چې په ګډه يې ۴۸۹ منډې جوړې کړې وې.

افغانستانه له آیرلينده په لوی توپير دغه لوبه وګټله او ټاکل شوې نن شپه يو ځل بيا له آیرليند سره مخ شي.

افغان لوبډلې له وړاندې له ايرلينده شل اوريزه لوبلړۍ يا سيريز ګټلی دی.

خبريال: اجمل درمان

لوبی

لوبې: په کابل کې د بریا لوبغالي د جوړولو د طرحې څرنګوالی

Avatar

خپور شوی

په

توسط

(Last Updated On: غبرګولى ۱۸, ۱۳۹۹)

Continue Reading

تازه خبرونه

د افغانستان فوټبال ملي لوبډلې د لوبو وخت ښکاره شو

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د ۲۰۲۲ کال د قطر نړیوال جام په لومړنیو سیالیو او د ۲۰۲۳ کال د چین آسیایي جام په فوتبال سیالیو کې، چې د افغانستان  د ملي لوبدلې د لوبو وخت ځنډول شوی و؛ اوس ښکاره او مشخص شو.

د آسیا فوټبال کنفدراسیون د څرګندونو له مخې؛ ټاکل شوې، چې د افغانستان فوټبال ملي لوبډله به د روان کال د تلې پر ۱۷ له بنګله دیش او پر ۳۳ له عمان سره ولوبیږي.

پتېیل شوې وه، چې د افغانستان فوټبال ملي لوبډله به د روان کال د وري په میاشت کې دا دوه ملي سیالۍ تر سره کړي؛ خو د کورونا ویروس د خپریدو له وېرې ځنډول شوې وې.

له دې سره همهاله د افغانستان فوټبال فدراسیون ملي لوبدلې د امیر محمد له وردانګلو خبرورکړی دی.

د افغانستان فوټبال فدراسیون په ډاګه کړې، چې په روسیې لومړي لیګ کې د لجیون ډینامو لوبډلې ۲۴  کلن منډه وهونکی امیر محمد به د نړیوال جام سیالیو او آسیا جام سیالیو کې د راتلونکیو دوه لوبو لپاره د افغانستان له ملي لوبډلې سره مل شي.

د یادونې ده، چې امیر محمد تېر کال د افغانستان فوټبال ملي لوبډلې رابللی و؛ خو د روسیې په لومړي لیګ کې د ټاکل شويو مقرراتو له مخې؛ هغه لوبغاړي، چې د روسیې تابعیت لري د بل هېواد لپاره د لوبې کولو اجازه نلري، ونشو کولی، چې د افغانستان فوټبال ملي لوبډلې جامې واغوندي.

په دې توګه، امیر محمد اوس پرېکړه کړې، چې د روسیې لیګ پریږدي او د افغانستان لپاره د لوبې ویاړ تر لاسه کړي.

Continue Reading

تازه خبرونه

د ټینس نومیالی لوبغاړی خپلې پخوانۍ میرمنې پر زور زیاتي تورن کړ

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

سي این این په ډاګه کړې، چې  د نړۍ د نومیالي ټینس لوبغاړي نیکولوز باسیلاشویلي پخوانۍ میرمنې له محکمې غوښتي، چې د هغه لخوا پرې زورزیاتي شوی دی.

د جورجیا لویې څارنوالۍ څرګنده کړې؛ نیکولوز باسیلاشویلي، چې د نړۍ په ټینس لوبغاړیو کې ۲۷ ځای لري د خپلې پخوانۍ میرمنې نیلي دوروکاشویلي لخوا پرې د زورزیاتي تور پورې شوی دی.

که څه هم د قضیې په اړه څېړنې اوس هم روانې دي؛ خو باسیلاشویلي د ۳۱۳۰۰ ډالرو په ضمانت خوشې شوې او ټاکل شوې، چې د جولای پر ۱۶ بیا محکمې ته حاضر شي.

 د نوموړي وکیلانو او استازیو د باسیلاشویلي په فیسبوک پاڼه کې، چې له تضمین وروسته خوشې شوې شوی؛ څرګندوي، چې دغه تورونه “دروغ او بشپړ بې بنسټه دي.”

د هغه وکیلانو ویلي: مونږ د نیکولاس باسیلاشویلي پلویانو ته ډاډ ورګوو، چې له دې مخکې محکمې ته سپارل شوې ویډیوګانې زمونږ د مؤکل دریځ ښیې او هغه د پورته ذکر شويو ناقانونه تورونو څخه پاکوي.

له بلې خوا، د دوروکاشکا وکیل هم ویلي؛ داسې اسناد او شواهد شته، چې د دې ښځې ادعاګانې ثابتولی شي.

د هغې وکیل ویلي داسې خلک شته، چې د دوی د اړیکو شاهدان دي او وايي، چې د قضیې په اړه ویډیوګانې او آډیو ریکارډونه شته او دغه رازد ټیلیفون غږیز پیغامونه هم ثبته شوي دي.

د یادونې ده، چې د دې جوړې د واده پایله پېنځه کلن زوی دی او تېرکال سره بېل شوي دي.

Continue Reading

Trending