Connect with us

تازه خبرونه

افغان کرکت ملي لوبډله نن له زیمبابوې سره د سیالۍ ډګر ته ننوځي

Ariana News

خپور شوی

 په

(Last Updated On: March 12, 2016)

2د هندوستان په ناګپور ښار کې د کرکت د نړیوال جام په شل آوریزوسیالیو کې افغان کرکتملي لوبډله په درېیمه لوبه کې له زیمبابوې سره دسیالۍ ډګر ته ورځي.

دغه لوبه له دې امله دواړو تيمونو ته ارزښت لري، چې کولی شي د لوبې په ګټلو د دغو سیالیو دوه یم پړاو ته ورشي او د لس غوره لوبډلو په منځ کې ولوبیږي .

له وړاندې دواړو تيمونو خپلې سيالۍ گټلي او څلور- څلور پواينتونه لري؛ خو د زياتو منډو له امله افغان لوبډله مخکې ده.

د افغانستان کرکټ ملي لوبډلې مشر اصغر ستانکزي رسنیوته ویلي، له زېمبابوې سره د لوبې له پاره کړې تیارۍ یې د ډاډ وړ دي.

ستانکزی زیاتوي، زېمبابوې هم د افغانستان سیالۍ ته خواري کړې ده.

که افغانستان نن دغه لوبه وگتې په دوه یم پړاو کې به له سریلانکا سره د لوبې ډګر ته ځې.

Continue Reading
Advertisement

تازه خبرونه

د انډونیزیا په زلزله کې درې کسان مړه او ۲۴ نور ټپیان دي

Ariana News

خپور شوی

په

توسط

(Last Updated On: January 15, 2021)

په انډونیزیا کې سهار ( د مرغومي ۲۶) د رښتر ۶ اعشاریه ۲ درجې زورورې زلزلې لږ ترلږه درې کسان مړه کړي او ۲۴ نور ټپیان دي.

د دغې زلزلې مرکز د انډونیزیا د سولاویسي ټاپو له مرکزه ۳۶ کیلومټره لرې د ماموجو د اړوند سیمې په لس کیلو متره ژوروالي کې رامنځته شوې ده.

دې زلزلې یو څو نور ټکانونه هم لرل. د ځایي رسنیو د راپور له مخې د ماموجو په ښار کې لږ تر لږه ۶۲ کورونه او یو روغتیایي مرکز ویجاړ شوی.

د راپورونو له مخې، زلزلې د ځمکې ښویېدو درې پېښې هم رامنځته کړې دي.

د اندونیزیا ځینې برخې په دوامداره توګه د زلزلو سره مخ کیږي. دا؛ ځکه، چې دا هېواد د غلي اوقیانوس په اورنۍ کړۍ کې پروت دی، چې د اورغورزېدنې او زلزلو له پرلپسې پېښو شونتیا لري.

Continue Reading

تازه خبرونه

د روغتیا نړیواله ډله پر کرونا ویروس د څېړنې لپاره د چین ووهان ته رسېدلې

Ariana News

خپور شوی

په

توسط

(Last Updated On: January 15, 2021)

د روغتیا نړیواله ډله د کرونا ویروس د سرچینې او خپرېدو د پلټلو او څېړلو لپاره د چین ووهان ښار ته رسېدلې ده.

د روغتیا نړیوالې ټولنې د یوه ټویټ له مخې د دوی یو ۱۳  کسیز څېړنیز پلاوی تېره ورځ د چین هېواد  ووهان ښار ته رسیدلی دی.

د روغتیا نړیوالې ټولنې څرګنده کړې: د روغتیا پوهانو نړیواله ډله، چې د کوویډ – ۱۹ ویروس د سرچینې په اړه څېړنې کوي؛ نن د چین ووهان ته رسیدلې.

دې ټولنې زیاته کړې؛ چین ته له روانېدو مخکې د دوه روغتیا پوهانو د کرونا آزموینه په سینګاپور کې مثبت وښودل شوه او دمګړۍ په دې هېواد کې قرنطین شوي دي.

د ۲۰۲۰ کال په پیل کې کرونا ویروس د چین هېواد د هوبي ولایت په مرکز ووهان کې وپېژندل شو او ډېر ژر ټولې نړۍ خپور شو.

چین هڅه وکړه، چې د دغه ویروس د خپریدو په اړه معلومات پټ وساتي. دې هېواد له میاشتوـ میاشتو ډیپلوماټیکو هڅو وروسته د روغتیا نړیوالې ډلې ​​ته اجازه ورکړه، چې د دغه ویروس سرچینه وپلټي.

دې هېواد ان هغوکسانو ته هم سزا ورکړې، چې د ویروس په اړه یې راپور خپور کړی. د تېر کال د ډسمبر په وروستیو کې یوه چینایي ژورنالیسته ژانګ ژان له ووهان څخه د اړوند راپور د خپرولو پر تور پر څلور کلونو بند محکومه شوه.

په ټوله نړۍ کې اوس پر کرونا ویروس له ۹۰ میلیون ډېر خلک اخته شوي  او ۱۹۹۳۱۶۴ خلک یې مړه کړي دي.

Continue Reading

تازه خبرونه

حکومت باید له طالبانو سره روغه جوړه وکړي – زاخېلوال

Ariana News

خپور شوی

په

توسط

(Last Updated On: January 15, 2021)

په اسلام آباد کې د افغانستان پخواني سفیر عمر زاخېلوال ویلي؛ ولسمشر اشرف غني ۸۰ سلنه اساسي قانون نقض کړی دی.

حضرت عمر زاخیلوال له آریانا نیوز سره په یوه ځانګړې مرکه کې څرګنده کړې، چې حکومت د سولې په بهیر کې ډېري فرصتونه له لاسه ورکړل او اوس باید د سولې د رامنځته کېدو لپاره له طالبانو سره روغه جوړه وکړي.

هغه دا هم ویلي، چې یو شمېر شخصیتونه د لنډمهاله حکومت د رامنځته کولو لپاره د سیاستوالو د هڅو تر څنګ د خپلو شخصي ګټو د خوندي کولو په فکر کې دي.

عمر زاخېلوال د افغانستان د سولې بهیر د امریکا نوښت وباله او څرګندوي، چې د ۲۰۱۸ کال څو ورځنی اوربند د ولسمشر غني د هڅو زېږنده نه، بلکې د امریکا او طالبانو د هوکړې پایله وه.

هغه دا هم ویلي؛ ولسمشر د دې مسلې په اړه اندېښمن دی او وېریږي، چې د لنډمهالي حکومت مشرۍ ته بل څوک راوړاندې نشي.

په اسلام آباد کې د افغانستان پخواني سفیر زاخېلوال په ډاګه کړې، چې اوسنی تاوتریخوالی او وینې توېیدنې باید ودریږي او د خبرو ډلې دې ژر تر ژره یوې هوکړې ته ورسیږي.

که څه هم هغه د سولې هڅې یو مثبت ګام ګڼي؛ خو وايي، چې پر دقت سربېره باید په دې بهیر کې چتکتیا هم په پام کې ونیول شي.

Continue Reading

Trending

آریانا نیوز. کلیه حقوق محفوظ است