Connect with us

تازه خبرونه

افغان ژورنالیست ذکي دریابي او اطلاعات روز د فساد پر وړندې د مبارزې جایزه وګټله

خپور شوی

 په

(Last Updated On: ليندۍ ۱۳, ۱۳۹۹)

د رڼښت نړیواله ټولنه په ډاګه کړې، چې په ۲۰۲۰ کال کې د اطلاعات روز مسوول مدیر ذکي دریابي او اطلاعات روز دواړو د اداري فساد پروړاندې د مبارزې جایزه ګټلې ده.

د جایزې د ګټونکیو په نوملړ کې د قزاقستان د لیکوالې او ژورنالیستې بوتاکوز کوپبایوا نوم هم راغلی دی.

د شفافیت نړیوال سازمان زیاته کړې: ذکي دریابي او اطلاعات روز د اداري فساد پر وړاندې د مبارزې په لاره کې  نه ستړې کېدونکې هڅې کړي او د هیڅ راز خنډونو او ګواښونو پروا یې نده کړې او له همدې کبله د ۲۰۲۰ کال د جیرزې لپاره غوره شوي دي.

یادې ټولنې زیاته کړې؛ دوی د نړۍ په ګوټ ګوټ کې ژورنالیستانو او ځوانو فعالینو ته د زغم او پرلپسې هڅو د ستاینې وړ بېلګه ګرزېدلې ده.

دغه جایزې تېره شپه ( د لیندۍ ۱۲) د فساد پر وړاندې د مبارزې ټولنې د یو انلاین کنفرانس له لارې ذکي دریابي ته ورکړ شوې.

په دې اړه ذکي دریابي په خپل یوه تویت کې څرګنده کړې: زه ویاړم، چې د شفافیت نړیوالې ټولنې د ۲۰۲۰ کال د اداري فساد پر وړاندې د مبارزې زمونږ پر خه کړه. زه د هغې ورځې په هیله یم، چې افغانستان نور په نړۍ کې مفسد او د خبریالانو وژونکی ځای نه وي.

د رڼښت نړیواله ټولنه یوه نړیواله ټولنه ده، چې د اداري فساد پر وړاندې د مبارزې لپاره کارکوي.

دغه جایزه په ۲۰۰۰  کال کې د ړنښت د جایزې په توګه ونومول شوه او په ۲۰۱۶ کال کې یې د فساد پر وړاندې د مبارزې د جایزې نوم خپل کړ.

د یادونې ده، چې د رڼښت نړیوالې ټولنې د لړم پر ۲۹ دغې جایزې ته د ۴ کسانو نوملړ په ډاګه کړ، چې د اطلاعات روز او ذکي دریابي نومونه هم په کې ول.

تازه خبرونه

افغانستان د درملو له کمښت سره مخ دی

خپور شوی

په

توسط

(Last Updated On: تله ۱, ۱۴۰۰)

رویټرز راپور ورکوي چې افغانستان او د هیواد د تګ راتګ د ګډوډۍ له امله د درملو له کمښت سره مخ دی.

د روغتیا نړیوال سازان ویلي، چې په افغانستان  کې روغتیایي سیستم دړې وړې کېدونکی دی او انساني ناورین به ښایي ژر را منځته شي.

دا ټولنه وایي، چې که په دې برخه کې پام ونشي؛ افغانستان به له انساني ناورین سره ژر مخ شی.

د روغتیا نړیوال سازمان مشر کابل ته په سفر کې څرګنده کړې، چې د ناپېیلتیا د اصولو او د ملګرو ملتونو خپلواکۍ ته په کتو به د میلیونونو افغانانو د ژغورنې لپاره خپلې هڅې روانې وساتي.

د روغتیا نړیوال سازمان وایي، چې د افغانستان روغتیایي سکتور پر بانکونو د بندیزونو د لګېدو له کبله د دړې وړې کېدو له ګواښ سره مخ دی او د یو انساني ناورین شونتیا یې را منځته کړې ده.

د روغتیا نړیوالې ټولنې مشر ټډروس آډهانوم ویلي: د مالي مرستندویانو د ملاتړ کمی په افغانستان کې د روغتیایي پروژو پر وړاندې لویه ستونزه ده. زرګونه روغتیایي مرکزونه بودجه نلري او دا مهال طبي تجهیزاتو ته اړتیا ده او کارکوونکیو ته یې معاش ندی ورکړ شوی، ځینې مرکزونه بند شوي او دا مهال اوولس سلنه روغتیایي مرکزونه فعاله دي.

د کابل بازارونو کې د درملو عمده پلورونکي وایي، چې د پولو تړل کېدو له کبله څلویښت سلنه درمل کم شوي او ناروغانو ته نه رسیږي.

درمل پلورونکی زاهد الله وایي، چې له یوې میاشتې را پدیخوا یې درمل ندي وارد کړي او لامل یې د پولو تړل کېدا ده.

درمل پلورونکی مسیح وایي: ځمکنۍ او هوایي پولې د درملو د واردولو لپاره تړل شوي دي؛ مونږ د درملو له کمښت سره مخ یوو؛ د زړه، فشار او سرطاني ناروغیو درمل نلرو او اوس نه راځي.

د روغتیایي نظام د پاشل کېدو خبرداری په داسې حال کې ورکول کیږي، چې د روغتیا نړیوال سازمان مشر د یوه پلاوي په مشرۍ کابل ته راغلی و.

Continue Reading

تازه خبرونه

پر افغانستان لګول شوي اقتصادي بندیزونه دې پای ته ورسیږي – چین

خپور شوی

په

توسط

(Last Updated On: تله ۱, ۱۴۰۰)

د چین دولتي سلاکار او د بهرنیو چارو وزیر وانګ یي څرګنده کړې، چې پر افغانستان لګول شوي یو اړخیز بندیزونه یا  بېلابېل محدودیتونه باید ژر تر ژره لرې شي.

د چین د بهرنیو چارو وزارت څرګنده کړې، چې وانګ د چارشنبې پر ورځ د افغانستان په اړه د جي ـ۲۰ هېوادونو د بهرنیو چارو وزیرانو په ویډیوي ناسته کې پر افغانستان د لګول شويو اقتصادي بندیزونو د لرې کولوغوښتنه کړې ده.

نوموړي ویلي: د افغانستان د اسعارو او پیسو زیرمه د دې هېواد ملي شتمنۍ ده، چې د همدغه خلک باید باید ورته لاسرسی ولري او باید پر افغانستان او افغانانو د سیاسي فشار د رامنځته کولو لپاره ونکارول شي.

دا په داسې حال کې ده، چې د افغانستان اسلامي امارت یوه ویاند ویلي؛ د چین، روسیې او پاکستان استازیو کابل ته په یوځایي سفر کې له چارواکو سره لیدلي؛ د حکومت پر رسمیت پېژندل او د افغانستان اقتصادي بحران مخنیوی یې د بحث او خبرو سرټکي وه.

Continue Reading

تازه خبرونه

“اسلامي امارت” دې ترهګرو ته د امن ځالو جوړولو اجازه نه ورکوي – بریټانیا

خپور شوی

په

توسط

(Last Updated On: تله ۱, ۱۴۰۰)

بریټانې د افغانستان له اسلامي امارت غوښتي، چې په افغانستان کې دې ترهګرو ته د امن ځالو جوړولو اجازه نه ورکوي.

د افغانستان پر روانو حالاتو د ملګرو ملتونو د غونډې په درشل کې د بریتانیا لومړي وزیر بوریس جانسن ویلي، چې له افغانستان سره د دې هېواد مرستې له دې سره تړلي، چې دا هېواد له ترهګرۍ سره څه ډول مبارزه کوي. 

نوموړي زیاته کړې: په کابل کې نویو چارواکو ته ووايئ، چې تاسې پيسې غواړئ او مونږ له تاسو سره همکاري کوو؛ خو، چې افغانستان بیا د ترهګرو د روزنې پر مرکز بدل نشي.

دغه راز د پاکستان لومړي وزیر عمران خان هم ویلي، چې د نړۍ له نورو هېوادونو سره یو ځای به د افغانستان د نوي حکومت د رسمیت پېژندلو په اړه پرېکړه وکړي.

نوموړي زیاته کړې: آیا طالبان به ټولګډونه حکومت جوړ کړي، بشري حقونه به رعایت کړي او یا دا، چې دا هېواد بیا د تروریزم پر مرکز بدل نشي. دا هغه څه دي، چې ټول ګاونډيان یې په اړه اندېښنه لري.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په دې اړه ويلي؛ دولت له نړیوالې ټولنې سره د اړیکو پراخولو ته لیواله دی او له نړۍ سره داسې اړیکې غواړي، چې د افغانستان ملي ګټې په خطر کې ونه لویږي.

د اسلامي امارت ویاند ذبیح الله مجاهد وایي: تر هغه ځایه، چې د اسلامي امارت سره تړاو لري؛ مونږ پرمختللې بهرنیو اړیکو ته ژمن یو، مونږ غواړو، چې ښې او مثبتې اړیکې ولرو. مونږ غواړو، چې ښې   ډیپلوماټیکې او بې پرې اقتصادي رامنځته کړو.

د یادونې ده، چې د خلکو او هېواد کمزوری اقتصاد، حکومتداري او له نړیوالو سره د اړیکو جوړول هغه ستونزې دي، چې اوس ور سره اسلامي امارت مخ دی او د حل لپاره یې هڅې کوي.

Continue Reading

Trending

آریانا نیوز: ټول حقونه خوندي دي