Connect with us

تازه خبرونه

افغان ژباړونکي دې د تېښتې پر ځای هېواد ته د خدمت هڅې وکړي ـ طالبان

خپور شوی

 په

(Last Updated On: غبرګولى ۱۷, ۱۴۰۰)

په داسې حال کې، چې بهرنيو ځواکونو له افغانستان څخه د وتلو پرېکړه کړې؛ نو  ورسره زرګونه افغان ژباړونکیو او کارمندانو هم له ورپېښو ګواښونو اندېښنه څرګنده کړې؛ خو طالبانو نن (دوشنبه د غبرګولي ۱۷) په یوه خبرپاڼه کې افغان ژباړونکیو او کارمندانو ته ډاډ ښکاره کړی، چې د بهرنیو له وتلو وروسته دوی عادي ژوند او کار کولی شي او طالبان به ورته هیڅ هم ونه وایي.

د طالبانو د څرګندونو له مخې؛ په تېرو ۲۰ کلونو کې يو شمېر افغانان غولیدلي او د بهرني ځواکونو ترڅنګ  یې یو لړ کارونه کړي او اوس، چې بهرني ځواکونه وځي؛ دوی د خپل ژوند په اړه اندېښمن دي او غواړي، چې له هېواده وتښتي.

په اعلامیه کې راغلي: دې ټولو  کسانو ته د اسلامي امارت لخوا خبر ووکول کیږي، چې دوی باید د خپل تېر په اړه پښیماني څرګنده کړي او په راتلونکي کې داسې لار غوره نکړي، چې د اسلام او هېواد پر وړاندې خیانت ګڼل کیږي.

طالبانو ژباړونکیو ته ډاډ ورکړی، چې اوس دوی ته کوم ګواښ نشته.

د طالبانو په خبرپاڼه کې راغلي: هیڅوک دې له هېواده  نه تښتي؛ اسلامي امارت له دوی سره هیڅ کار نلري، خو دوی ته بلنه ورکوي، چې خپل عادي ژوند ته راوګرزي او خپل هېواد ته خدمت وکړي. زمونږ لخوا دوی ته کوم کواښ نشته.

طالبانو ویلي، چې دغه کسان هغه وخت دښمنان ګڼل کېدل، چې له بهرنیو ځواکونو سره یې همکاري لرله. اوس، چې له هغو بېل شوي؛ د عادي افغانانو په توګه ژوند کولی شي او هیڅ راز ستونزه به ونلري.

طالبانو ویلي: که څوک ځانته ګواښ پلمه  او بهر ته د وتلو جعلي دوسیه جوړوي؛ دا د هغو خپله ستونزه ده، نه د طالبانو.

تیره اوونۍ انګلستان خپلو زرګونه سیمه ییزو همکارانو ته اعلان وکړ، چې خپلو ​​زرګونه افغان کارمندانو ته، چې د دوی له سرتېرو سره یې مرسته کړې؛ د استوګنې آسانتیاوې برابروي او ویزې هم ورکوي.

ویل کیږي، چې د یوې ځانګړي پروګرام له مخې؛ نږدې ۱۸۰۰۰ افغانانو امریکا ته د کډوالۍ غوښتنلیکونه ورکړی؛ خو دا بهیر پیل شوی ندی او غوښتونکي یې د ویزې لپاره کلونه په تمه پاتې دي.

تازه خبرونه

د اسلامي امارت مشرانو په دوحه کې له اروپايي او بریټانیاوي چارواکو سره وکتل

خپور شوی

په

توسط

(Last Updated On: ليندۍ ۸, ۱۴۰۰)

د افغانستان اسلامي امارت د بهرنیو چارو وزارت د چارسمبالي مولوي امیرخان متقي په مشرۍ د یکشنبې پر ورځ ( د لیندۍ ۷ ) په قطر کې له اروپايي ټولنې او بریتانیاوي چارواکو سره وکتل.

نوموړی د یوه پلاوي په مشرۍ له امریکايي او اروپايي چارواکو سره د خبرو لپاره دوحې ته تللی، له تېرو دوه ورځو راپدیخوا د اروپايي ټولنې له یوه پلاوي سره یې کتلي دي.

د بهرنیو چارو وزارت ویاند عبدالقهار بلخي ټویټ کړی، چې د متقي په مشرۍ د اسلامي امارت پلاوي د افغانستان لپاره د اروپايي ټولنې له ځانګړي استازي ټوماس نیکولسون او مل پلاوي سره دوه ورځنۍ هراړخیزې لیدنې وکړې.

عبدالقهار بلخي ویلي؛ دواړو لوریو د افغانستان د بشري وضعیت، روغتیا، امنیت، د سفرونو د خوندیتوب او د مرستو د رسولو په اړه خبرې وکړې.

هغه زیاته کړې: د اروپايي ټولنې پلاوي له افغانستان سره د خپلو مرستو د دوام لپاره چمتووالی څرګند کړ او په کابل کې یې د اروپايي ټولنې د دفتر د شتوالی په اړه د بشري مرستو له برابرولو ډاډ ورکړ.

نوموړي دا هم ویلي، چې افغان پلاوي دوی ته د امنیت ډاډ ورکړ او په ورته وخت کې یې د سیاسي او بشري ملحوظاتو د جلا کولو غوښتنه کړې او ټینګار کوي، چې د همکارۍ له لارې پرمختګ ته اړتیا ده، نه د فشار له لارې.

مولوي متقي همدا راز په دوحه کې د بریټانیا له سفیر سره هم وکتل او دواړو لوریو د افغانستان پر بشري، اقتصادي او امنیتي وضعیت خبرې وکړې.

د عبدالقار بلخي د څرګندونو له مخې؛ افغان پلاوي دوى ته په افغانستان کې د امنيت د ټينګښت ډاډ ورکړ او له نړۍ سره يې د مثبتو اړيکو د ټينګښت لپاره د افغانستان پر هڅو ټينګار وکړ.

اروپايي ټولنې هم د یکشنبې پر ورځ ناوخته په یوه خپره شوې خبرپاڼه کې دغه ناسته تائید کړې او ویلي یې دي، چې اسلامي امارت د افغانستان د بشري وضعیت او “جدي اندېښنو” ترڅنګ د خبرو پر مهال د افغانستان د هوايي حریم پر فعال ساتلو د مرستې غوښتنه کړې ده.

په خبرپاڼه کې راغلي: د خبرو اترو موخه د اروپايي ټولنې لخوا د اسلامي امارت د موقت حکومت په رسمیت پېژندنه نده، بلکې د اروپايي ټولنې د عملیاتي ښکېلتیا یوه برخه د اروپايي ټولنې او د افغانستان د خلکو په ګټه ده.

اروپايي اتحادیې څرګنده کړې؛ اروپايي ټولنې ژمنه کړې، چې د اګست په میاشت کې له افغانستان څخه د امریکا او متحدینو تر وتلو پورې به هغه افغانان بخښي، چې له تېرو دوه لسیزو راپدیخوا د افغانانو او د هغوی د متحدینو پر ضد جنګېدلي دي.

اسلامي امارت هم پخپلې ژمنې یو ځل بیا ټینګار کړی، چې که وغواړي افغانان او بهرنیو اتباعو ته اجازه ورکړي، چې له افغانستان ووځي او په بدل کې یې د کابل په هوايي ډګر کې د عملیاتو د دوام لپاره د مرستې غوښتنه وکړه.

دواړو لوریو د ژمي له رارسېدو سره په افغانستان کې د خرابېدونکي بشري وضعیت په اړه ژوره اندېښنه څرګنده کړې او د اروپايي ټولنې پلاوي له اسلامي امارت وغوښتل، چې د ټولګډونه حکومت د جوړولو، د نجونو د تعلیم دودولو لپاره خپلې هڅې ګړندۍ کړي او د هغو ډلو مخه ونیسي، چې د نورو امنیت له خطر سره مخ کوي.

د اعلامیې له مخې؛ اسلامي امارت له “اسلامي اصولو سره سم” د بشري حقونو څخه خپل ملاتړ یو ځل بیا تکرار کړ او څرګندوي، چې په افغانستان کې د تړلیو ډیپلوماټیکو ماموریتونو د بیا پرانستلو هرکلی کوي.

دا په داسې حال کې ده، چې د اسلامي امارت د پلاوي او امریکایي استازیو ترمنځ د دوشنبې پر ورځ  د قطر په پلازمېنه دوحه کې د نوي پړاو خبرې پیلیږي او اسلامي امارت تمه لري، چې په دغو خبرو کې به له امریکا سره د افغانستان د شتمنیو د خلاصون په اړه هوکړه وشي.

Continue Reading

تازه خبرونه

آسیایي مشرانو په سیمه ییزه غونډه کې افغانستان ته د مرستې ژمنه وکړه

خپور شوی

په

توسط

(Last Updated On: ليندۍ ۸, ۱۴۰۰)

د آسیایي هېوادونو مشرانو د یکشنبې پر ورځ د ترکمنستان پر کوربتوب په جوړه شوې سرمشریزه کې له افغانستان سره د مرستو ژمنه وکړه.

د امریکا غږ د راپور له مخې؛ هغه ۱۰ هېوادونه (ترکیه، ایران، پاکستان، افغانستان او د پخوانی شوروي شپږ هېوادونه ) چې د اقتصادی همکارۍ ټولنې غړي دي؛ ټولو په سیمه کې د سوداګریزو خنډونو د لرې کولو او د نويو ټرانسپورټي سوداګریزو دهلیزونو د پراختیا غوښتنه وکړه.

دغو آسیايي هېوادونو ژمنه کړې، چې د افغانستان په ثبات کې به هم مرسته کوي.

غونډې ته د وینا پر مهال د پاکستان ولسمشر عارف علوي ویلي؛ اسلامي نړۍ باید د هغه ناورین په مخنیوي کې د مرستې لپاره خپلې هڅې ګړندۍ کړي، چې ګډوډي او جګړې ترې رامنځته کیږي.

نوموړي زیاته کړې، چې د سیمې هېوادونه باید د افغانستان د اقتصاد په بیارغونه کې د مرستې لپاره د دغه هېواد د روغتیایي خدمتونو او ښوونیز نظام د ښه کولو او د بشري مرستو د وړاندې کولو لپاره چټک ګامونه پورته کړي.

علوي دا هم ویلي، چې یو باثباته افغانستان به د اوږدمهاله ځنډېدلیو بېخبنایي پروژو پلي کولو ترڅنګ د ګازو نللیکې، رېلګاډي پټلۍ او  برښنایي شبکې غزولو ته، چې د سیمې هېوادونه سره نښلوي هم اجازه ورکړي.

د ترکمنستان ولسمشر قربانقلي بردي محمدوف ویلي؛ د همکارۍ دا سترې پروژې به نه یوازې د بهرنۍ پانګونې په راجلبولو کې مرسته وکړي، بلکې افغانستان او ګاونډ هېوادونو ته هم ډېره ګټه رسوي.

د ترکیې ولسمشر رجب طیب اردوغان خبرداری ورکړی، چې د افغانستان اقتصادي کړکېچ ښايي د کډوالۍ د پراخو ستونزو لامل شي، چې ټوله سیمه به اغېزمنه کړي.

د ایران ولسمشر ابراهیم رییسي هم د مرستې وړاندیز وکړ او څرګنده کړې یې ده، چې افغانستان د ژمي له را رسېدو سره نه یوازې مالي مرستو ته ااړ دی، بلکې خوراکي توکو او سون توکو ته هم سخته اړتیا لري.

 د یادونې ده که څه هم د افغانستان اسلامي امارت په دې ناسته کې ونډه نه درلوده؛ خو مشرتابه همهاله د سوداګرو او صنعتکارانو یوه ناسته راوغوښته او د سیمې پر سوداګریزو اړیکو او د سترو پروژو پر پلي کېدو یې هر اړخیز ټینګار څرګند کړ.

Continue Reading

تازه خبرونه

عباس ستانکزي له پخوانیو سیاستوالو افغانستان ته راستنېدل وغوښتل

خپور شوی

په

توسط

(Last Updated On: ليندۍ ۷, ۱۴۰۰)

د بهرنیو چارو وزارت سیاسي معین شېر محمد عباس ستانکزي د اسلامي امارت پر ټولو مخالفانو غږ کړی، چې افغانستان ته رې راستانه شي.

عباس ستانکزي د بهرنیو چارو وزارت د سیاسي مرستیال په توګه په خپله لومړۍ وینا کې وویل، چې له پخوانیو حکومتي چارواکو سره په تماس کې دی او له هغوی یې غوښتي، چې هېواد ته راستانه شي؛ خو د بیا وزیر کېدو تمه دې نلري.

نوموړي زیاته کړې: زه له ټولو مخالفانو سره په تماس کې یم، له هغوی مې وغوښتل، چې د افغانانو په توګه دې هېواد ته راستانه شي؛ خو بیا وزیر کیدی نشئ.

عباس ستانکزی د امریکا له پخواني حکومت سره د عربي متحده اماراتو پر کوربتوب یو له لوړ پوړیو مذاکره کوونکیو څخه و.

نوموړي پر بهرنيو هېوادونو غږ وکړ، چې په کابل کې سفارتونه پرانيزي او له حکومت سره ښه همکاري وکړي.

دا په داسې حال کې ده، چې د امیرخان متقي پر مشرۍ د اسلامي امارت یو پلاوی په دوحه کې د اروپايي ټولنې سره دوه ورخنۍ ناسته ترسره کړې او خبرې ګټورې بولي او وايي، چې له امریکا سره به د دوشنبې پر ورځ خبرې پیل کړي.

Continue Reading

Trending

آریانا نیوز: ټول حقونه خوندي دي