Connect with us

تازه خبرونه

افغان خاوره باید د سیمې هېوادونو ته ګواښ نشي – د سیمې بهرنیو چارو وزیران

خپور شوی

 په

(Last Updated On: لړم ۵, ۱۴۰۰)

 په تهران کې د افغانستان په اړه د ایران، پاکستان، تاجکستان، ازبکستان، ترکمنستان، چین او روسیې بهرنیو چارو وزیرانو په ګده ناسته کې ویلي؛ افغان خاوره باید د سیمې هېوادونو ته ګواښ نشي.

د ایران د بهرنیو چارو وزیر امیر عبداللهیان په تهران کې د افغانستان په اړه د بهرنیو چارو وزیرانو  غونډې ته ویلي؛ له تېرو څو میاشتو راپدیخوا په افغانستان کې د داعش فعالیتونه زیات شوي او د افغانستان بې ثباتۍ او ناامنۍ ګاونډیان اغېزمن کړي دي.

د ایران د بهرنیو چارو وزیر د افغانستان په اړه د تهران له ګډو خبرو وروسته یوې خبري غونډې ته ویلي؛ له افغانستان سره باید بشري او اقتصادي مرستې وشي، چې د افغانستان ځوانان تروریستي ډلو ته له پاملرنې بې برخې شي.

عبداللهیان وایي؛ طالبان (اسلامي امارت) یو حقیقت دی او دوی اوس په افغانستان کې واکمن حکومت چلوي. هغوی (اسلامي امارت) باید وهڅول شي، چې د یوه ټولګدونه حکومت پر لوري داډمن ګامونه پړرته کړي.

د روسیې د بهرنیو چارو وزیر په دې ناسته کې د افغانستان له ګاونډ هېوادونو غواړي، چې امریکا او ناټو ته د پوځي اډو اجازه ورنکړي.

د روسیې د بهرنیو چارو وزیر سرګي لاوروف د افغانستان د بهرنیو چارو وزیرانو په دوه یمه غونډه کې د انلاین وینا پر مهال د افغانستان له ګاونډ هېوادونو وغوښتل، چې د امریکایي او ناټو ځواکونو کوربتوب ونګړي.

د چین او پاکستان بهرنیوچارو وزیرانو ویلي، چې طالبان ( اسلامي امارت) له نړۍ  سره د تعامل غوښتنه لري او د بشري ناورین مخنیوي لپاره باید له افغانستان سره مرسته وشي.

د چین د بهرنیو چارو وزیر وانګ يي ویلي، اسلامي امارت له نړیوالې ټولنې سره خبرو ته لېواله دی

هغه د افغانستان په اړه د ​​تهران سرمشریزې ته په یوه ثبت شوې وینا کې ویلي؛ چین به په مناسب وخت کې د افغانستان د ګاونډ هېوادونو د بهرنیو چارو وزیرانو د درېیمې غونډې کوربه وي.د پاکستان د بهرنیو چارو وزیر شاه محمود قریشي په تهران کې د افغانستان په اړه غونډې ته څرګنده کړې، پاکستان یو باثباته افغانستان غواړي.

د ملګرو ملتونو سرمنشي آنټونیو ګوترش دې ناستې ته په یوه پیغام کې ویلي، چې افغانستان له ستر اقتصادي کړکېچ سره مخ دی او اړتیا ده، چې بیړنی اقدام وشي.

هغه وایي: مونږ باید د افغان اقتصاد ژغورنې لپاره لارې ګودرې وګورو. مونږ باید ګډ کار وکړو، چې حالت بدل شي او باید په افغانستان کې اقتصادي برابري را منځته شي.

په دې ناسته کې د افغان حکومت استازی نشته؛ خو اسلامي امارت دا راز ناستې افغانستان ته مهمې بولي.

د اطلاعاتو او فرهنګ وزارت سرپرست خیرالله خیر خواه وایي: د تهران ناسته د ګاونډ هېوادونو ناسته ده. مونږ دې ناستې ته ببل شوي نه یوو. یوازې ګاونډ هېوادونه په کې ونډه لري.

د تهران ناسته د مسکو له ناستې یوه اوونۍ وروسته جوړیږي.

دا په داسې حال کې ده، چې د چین بهرنیو چارو وزیر هم په بیجنګ کې د افغانستان د ګاونډ هېوادونو درېیمې ناستې جوړولو ته چمتووالی څرګند کړی دی.

تازه خبرونه

سوله په افغانستان کې د ټرانزیټي سوداګرۍ لپاره اړینه ده – قریشي

خپور شوی

په

توسط

(Last Updated On: ليندۍ ۷, ۱۴۰۰)

د پاکستان د بهرنیو چارو وزیر شاه محمود قریشي د پاکستان دولتي راډیو ته په ډاګه کړې؛ سوله او ثبات په افغانستان کې د اقتصادي همکاریو سازمان د غړیو هېوادونو تر منځ د سوداګریز دهلیز د بشپړ فعالولو لپاره اړین دي.

د ترکمنستان پلازمېنه عشق آباد د اقتصادي همکاریو سازمان د بهرنیو چارو وزیرانو د پېنځه ویشتمې او د یاد سازمان د مشرانو د پېنځلسمې ناستې کوربه دی.

هغه د سې شنبې پر ورځ د اکو د وزیرانو شورا پېنځویشتمې غونډې ته په وینا کې ویلي، چې د اکو هېوادونو ترمنځ د سوداګرۍ د پېژندلو او پراختیا لپاره نور ډېرو موخه ییزو هڅو ته اړتیا ده.

قریشي وویل چې د افغانستان له لارې د ټرانزیټي دهلیز بشپړ فعالول به د اکو د ټولو غړو په ځانګړې توګه د پنځو وچو هیوادونو د ټرانزیټي سوداګرۍ لپاره مهم وي.

د پاکستان راډیو هم راپور ورکړ چې قریشي ویلي، چې د اکو سوداګریز تړون څو اړخیزه پانګوونې، د اکمالاتو ګډ زنځیرونه، د تولید وده او سیالي هڅوي.

په دغه ناسته کې د پاکستان د بهرنیو چارو وزیر د ټاپي، د کاسا زر او د ترمز، مزار، کندهار او پیښور ریل پټلۍ په ګډون په افغانستان کې د ژمنه شویو پروژو د ژر پلي کیدو غوښتنه کوي. 

ده ويلي پاكستان باور لري، چې اي سي او د يو طاقتور سيمه یيز وجود په توګه د راڅرګندېدو وړتيا لري.

د ترکمنستان د بهرنیو چارو وزیر د سیمه ییزو اقتصادي همکاریو په برخه کې د ایکو سازمان فعالیتونه ګټور بولي او وايي.  

د ترکمنستان د بهرنیو چارو وزیر رشید مردوف وایي: د آزادو اقتصادي او سوداګریزو سیمو رامنځته کول، د نویو اقتصادي دهلیزونو جوړول، د انرژۍ په برخه کې د ګډو اړیکو رامنځته کیدل په ایکو ټولنه کې د بحث او څېړنې اړوند موضوعات او مسایل دي.

د یادې ناستې ګډونوالو د اکو سازمان د عمومي سرمنشي راپور او د ۲۰۲۱-۲۰۲۲ کلونو لپاره د یاد سازمان د سیمه ییزو پروژو په تړاو سپارښتنې واوریدې، چې د اقتصادي پرمختګ او ودې په برخه کې د یاد سازمان اصلي لاسته راوړنې بلل کیږي.

په دې ناسته کې د ترکیې د بهرنیو چارو وزیر مولود چاووش اوغلو ویلي: آسیا نه یوازې دا، چې د تولید د یوه مرکز، بلکې د لګښت د یوه لوی مرکز بڼه ځان ته غوره کړې. دا ټولو لپاره یو فرصت برابروي. اکو باید د اروپا او آسیا ترمنځ د اقتصادي او سوداګریزو همکاریو د یوه پله په توګه عمل وکړي. یوازې په هغه صورت کې کولی شو، چې له نړیوالې سوداګرۍ څخه زیاته ګټه پورته کړو، چې په سیمه کې د سوداګرۍ او اړیکې برخه پیاوړې کړو.

سره له دې، چې د غړي په توګه له افغانستان څخه هیڅ کوم استازی په دغه ناسته کې ګډون نلري؛ خو بیا هم افغانستان د یادې ناستې د پام وړ او خبرو مهمه موضوع جوړوي.

له دغې ناستې سره همهاله د اسلامي امارت د لومړي وزیر دوه یم مرستیال عبدالسلام حنفی له افغان سوداګرو سره په ګډه ناسته کې هم د ټاپي پروژې په ګډون په هېواد کې د لویو پروژه پر پلي کولو ټینګار څرګند کړ

د اقتصادي همکاریو ټولنه یا ایکو په ۱۹۸۵ زېږدیز کال کې د ایران، پاکستان او ترکیې هېوادونو لخوا د اقتصادي، سوداګریزو او فرهنګې اړیکو د پراختیا په موخه رامنځته شو. دغه ټولنه په ۱۹۹۲ کال کې پراختیا ومونده او د افغانستان، آذربایجان، قزاقستان، قرغیزستان، تاجکستان، ترکمنستان او اوزبکستان په ګډون ۷ نوي هېوادونه له یاد سازمان سره یوځای شول. 

Continue Reading

تازه خبرونه

مولوي متقي د قطر د بهرنیو چارو له وزیر سره وکتل

خپور شوی

په

توسط

(Last Updated On: ليندۍ ۷, ۱۴۰۰)

د افغانستان اسلامي امارت د بهرنیو چارو وزارت د چارسمبالي مولوي امیرخان متقي په مشرۍ یو لوړ پوړي پلاوي د شنبې پر ماښام ناوخته د قطر هېواد د بهرنیو چارو له وزیر سره وکتل.

د بهرنیو چارو وزارت ویاند عبدالقهار بلخي وايي، په دې کتنه کې دواړو لوریو د دوه اړخیزو اړیکو، امنیت، پوهنې، د افغانستان پر بشري وضعیت او د دوه اړخیزو ګټو پر مسایلو خبرې وکړې.

د افغانستان اسلامي امارت پلاوي ویلي، چې په افغانستان کې امنیت ښه شوی او د ښې حکومتولۍ او پوهنې په برخه کې د پام وړ پرمختګ شوی دی.

دوی همدارنګه د قطر له دولت څخه د بشري مرستو له کبله مننه وکړه او د همکاریو د دوام غوښتنه یې وکړه.

امیرخان متقي په دوحه کې د افغانستان سفارت ته ولاړ او د سفارت له کارکوونکیو سره یې ګډه ناسته وکړه.

د بلخي د څرګندونو له مخې؛ په دې کتنه کې متقي، د پوهنې وزير شيخ نورالله منير او د افغانستان سفارت چارسمبالي ملکزي ويناوې وکړې او د افغانستان سفارت کارکوونکي يې وهڅول، چې لا ډېر کار وکړي.

د یادونې ده، چې د اسلامي امارت د استازیو د شنبې بحثونه له امریکایي پلاوي سره له خبرو مخکې ترسره کیږي، چې د قطر پر کوربتوب ترسره کیږي.

Continue Reading

تازه خبرونه

د افغانستان خلک دې له حکومت ملاتړ وکړي ـ لومړی وزیر

خپور شوی

په

توسط

(Last Updated On: ليندۍ ۷, ۱۴۰۰)

د اسلامی امارت لومړی وزیر په خپل لومړي پیغام کې د افغانستان له خلکو وغوښتل، چې له حکومت ملاتړ وکړي.

د اسلامي امارت لومړي وزیر ملا محمد حسن اخند د شنبې پر ورځ (د لیندۍ ۶) د افغانستان خلکو او اسلامي امارت ته خپل لومړنی یو نیم ساعته غږیز پیغام وړاندې کړ.

هغه افغان ولس ته وویل: په افغانستان کې اسلامي امارت د بېکارۍ او ناوړه اقتصادي وضعیت لامل نه دی، دا ټولې ستونزې له تېر حکومته پاتې دي.

په دې پیغام کې د اسلامی امارت لومړي وزیر د افغانستان له خلکو وغوښتل، چې د اسلامی امارت له حکومت سره مرسته وکړی، چې خپلې ژمنې ترسره کړي.

اومړي وزیر ومنله، چې په هېواد کې اقتصادي ستونزې شته؛ خو وايي، چې د اسلامي امارت د حکومت لخوا د خلکو د رزق ژمنه نده شوې، دا رزق د الله پاک له لوري دى او خپل بندګان امتحانوي.

هغه زیاتوي: پخوا به خلکو د شپې او ورځې تېرولو ځاى نه و؛ خو اوس داسې فضا ده، چې په هر ځاى کې امنيت دى.

ښاغلي حسن اخوند د اسلامي امارت افرادو او ځواکونو ته په خطاب کې وویل: زه په ټولو خلکو او مجاهدینو غږ کوم، چې د دې اسلامي نظام په جوړولو او ثبات کې سره څنګ تر څنګ ودریږي او د ښې راتلونکې لپاره کار وکړي. مونږ شپه او ورځ کار کوو، چې د خلکو ستونزې له خپلې انساني ډېره هڅه کوو. مونږ د چارو د انسجام لپاره بېلابېل کمیسیونونه او کمېټې جوړې کړي، چې ټول کار کوي.

هغه ټینګار کړی: هغه خلک، چې د خلکو کورونو ته ننوځي؛ مجاهدین نه دي، وسله وال غله دي، چې د مجاهدینو جامې یې اغوستې او ناوړه کارونه کوي.

ملا حسن اخوند څرګنده کړې: ټولو واليانو، قومندانانو او مسوولینو ته په کلکه لارښوونه کیږي، چې خپلې دروازې د خلکو پر مخ خلاصې کړي، که نه نو د خدای د رحمت دروازې به مو پر مخ وتړل شي.

هغه د اسلامي امارت د حکومت پر هراړخیزوالي هم ټینګار وکړ.

د اسلامی امارت لومړی وزیر د حکومت پر جوړښت نیوکې رد کړې او وایي، چې د اسلامي امارت حکومت “ټولشموله” دی او د ټولو طبقو حقوق په کې تضمین شوي دي.

هغه وویل، «د نظام د ادغام پرېکړه باید د خلکو له خوا وشي.

هغه وپوښتل: آیا تېر حکومت یو ټولشموله سیسټم رامنځته کړی و، چې په کې دوه څانګې په یوه ځای کې کار کاوه او هر یو یې خپل ملاتړي لرل؟ چې په ښکاره د اشرف غني او عبدالله عبدالله ترمنځ د واک د وېش بهیر ته نغوته ده.

هغه دا هم ویلي، چې په اوسني نظام کې، هر ملت او طبقه خپل ځان لیدلی شي.

د اسلامي امارت لومړی وزیر وایي، چې «اسلامی امارت د ښځو حقوق تضمین کړی دی» تعلیم د نرینه وو او ښځینه وو دواړو لپاره اجباري دی. مونږ هیله لرو، چې ټولې ښځې زدکړو ته لاسرسی ولري.

ملا حسن اخند ټینګار کړی، چې اسلامي امارت ښځو ته حقوق، کرامت او عفت ورکړی دی.

هغه ګاونډ هېوادونو ته په وینا کې وويل: مونږ پخوا هم خپلو ګاونډيانو ته ويلي او اوس هم ورته وايو، چې مونږ به تاسې ته زيان ونه رسوو.

هغه زیاته کړه، چې مونږ د خپل هېواد د بیارغونې په اړه فکر کوو؛ مونږ د نورو هېوادونو په کورنيو چارو کې د لاسوهنې سياست نلرو.

Continue Reading

Trending

آریانا نیوز: ټول حقونه خوندي دي