Connect with us

تازه خبرونه

افغان حکومت دې زمونږ د هېوادوالو وژونکي نه خوشې کوي- فرانسه

Ariana News

خپور شوی

 په

Reuters
(Last Updated On: August 16, 2020)

فرانسې له افغانستان څخه غوښتي؛ هغو طالبانو، چې زمونږ هېوادوال وژلي باید له بنده خوشې نشي.

دا په داسې حال کې ده، چې د افغانستان حکومت د خپلمنځي خبرو د پیلیدو لپاره د طالبانو د ۴۰۰ ناندریزو بندیانو د خوشې کولو پرېکړه کړې ده.

حکومت د پنجشنبې پر ورځ د څرځي پله له زندانه ۸۰ ناندریز بندیان خوشې کړي دي.

د فرانسې د بهرنیو چارو وزارت په ډاګه کړې؛ فرانسه د طالب بندیانو په خوشې کولو کې د یو شمېر ترهګرو له شتون اندېښمنه ده، چې د فرانسوي اتباعو په وژلو کې لاس لري.

تېره اوونۍ د آسترالیا لومړي وزیر سکات موریسن د امریکا ولسمشر دونالد ترمپ ته یو لیک لیکلی و، چې د استرالیايي سرتېرو په وژنه کې د طالب بندیانو له خوشې کیدو مخنیوی وکړي.

د دې هېواد دفاع وزارت چارواکو د درې وژل شويو سرتېرو له کورنیو سره اړیکه نیولې او هغو یې خبرکړي؛ حکمت الله نومي افغان سرتېري، چې پر آسترالیایي سرتېرو ډزې کړې وې، له طالبانو سره د یوې موافقې له مخې به خوشې شي.

د راپورونو له مخې؛ حکمت الله نومي افغان سرتېري د ۲۰۱۲ کال په اګست کې د عملي زدکړو پر مهال د لنس ستورپان میاسویچ، ساپر جیمز مارتین او پرایویت رابرت پوات له وژلو وروسته اووه کاله په بند کې تېر کړي دي.

د آسترالیا د بهرنیو چارو وزیر ماریس پاین او د دفاع وزیر لیندا رینالدز په واشنګتن کې له خپل سیال سره  دا ستونزه یاده کړې ده.

د آسترالیا لومړي وزیر ترمپ ته یو لیک لیکلی او له هغه څخه یې د حکمت الله د نه خوشې کولو غوښتنه کړې ده.

دا په داسې حال کې ده، چې تطره اوونۍ په افغانستان کې د سولې مشورتي لویې جرګې مشروطه پرېکړه وکړه، چې ۴۰۰ طالب بندیان دې د خپلمنځی خبرو د پیلیدو لپاره خوشې شي، چې یوه ورځ وروسته ولسمشر اشرف غني د دوی د خوشې کولو فرمان لاسلیک کړ او تېره ورځ ترې ۸۰ بندیان خوشې شول.

تازه خبرونه

آلمان په افغانستان کې د پوځي ماموریت غزولو په لټه کې دی

Ariana News

خپور شوی

په

توسط

(Last Updated On: February 24, 2021)

رویټرز په ډاګه کړې؛ د سې شنبې پر ورځ د آلمان دفاع وزیرې آنګرټ کرامپ کارنباوئر څرګنده کړې، چې د چارشنبې پر ورځ به د آلمان کابینه تر ۲۰۲۲ کاله پورې په افغانستان کې د آلمان د پوځي ماموریت د تمدید لپاره شین څراغ ولګوي.

د جرمني په پارلمان کې د ۱۳۰۰ سرتېرو عملیاتو واک د مارچ په پای کې پای ته رسیږي.

دا په داسې حال کې ده، چې د ۲۰۲۰ زېږدیز کال د فبرورۍ پر ۲۹ امریکا او طالبانو یو داسې تړون لاسلیک کړی، چې د د روان کال تر می میاشتې باید ټول بهرني سرتېري له افغانستان ووځي؛ خو د امریکا نوي حکومت د جوبایډن تر مشرتابه لاندې پر دغه تړون بیاکتنه غواړي.

د آلمان دفاع وزیرې کرامپ کارنباويرئر خبرداری ورکړ، چې د ناټو سرتېرو له وخت مخکې وتل به د افغان حکومت او طالبانو ترمنځ د سولې خبرې له خطر سره مخ کړي.

رویټرز ته هغې ویلي؛ د ناټو سرتېري غواړي په افغانستان کې پاتې شي، نو د طالبانو تاوتریخوالي دې چمتووالی ونیسي.

دا څرګندونې؛ ځکه راپورته شوي، چې د ناټو عمومي منشي ینس سټولټنبرګ تېره اونۍ د دې ټولنې د دفاع وزیرانو له ناستې وروسته وویل؛ ناټو به هغه وخت له افغانستان څخه ووځي، چې امنیتي شرایط ورته برابر شي.

ناټو دمګړۍ په افغانستان کې لږ تر لږه ۱۰۰۰۰سرتېري لري، چې ډېر یې امریکایي دي.

د رویټرز د څرګندونو له مخې؛ د ناټو له ۳۰ غړیو یو هم په عام ډول څه نه وایي، چې امنیتي شرایط د وتلو لپاره سم دي ؛ خو که امریکا وغواړي ډېري متحدین شاید د اوږدې مودې لپاره خپل ملاتړ وغزوي.

Continue Reading

تازه خبرونه

د دوحې د هوکړې د بیا کتنې په اړه له افغان چاواکو سره اړیکې لرو- امریکا

Ariana News

خپور شوی

په

توسط

(Last Updated On: February 24, 2021)

د پنټاګون د رسنیو مسوول د چارشنبې پر شپه څرګنده کړې، چې دوی د امریکا او طالبانو ترمنځ د لاسلیک شوي تړون د بیاکتنې په اړه له افغان چارواکو سره خبرې روانې ساتلي دي.

د پنټاګون د رسنیو مسوول جان کربي ویلي، چې ټاکلې نېټې ته په پاملرنه پنټاګون او ټول ګډ احساس لري… خو مونږ غواړو دا کار ډاډمن او بریالی تر سره کړو او غواړو، چې په دې کې زمونږ، متحدینو او افغانانو امنیتي ګټې خوندي شي.

جان کربي په دې اړه، چې آیا د امریکا دفاع وزیر لویډ آسټین پدې اړه له ولسمشر اشرف غني سره مستقیمې خبرې کړي؛ وویل: زه نور څه نلرم، چې تاسې ته یې وړاندې کړم؛ خو زه به تاسې ته د هغه( لویډ آسټین) له مشورو، چې له متحدینو او همکارانو سره شوې څرګندونې ولرم.

جان کربې دغه راز ویليو چې د دوحې د هوکړې بیاکتنه یو طبیعي کار دی.

هغه په دې اړه ویلي؛ خلک باید باور ولري، چې مونږ دې ته پوره پاملرنه لرو. مونږ غواړو، چې له خپلو افغان همکارانو سره پر جزئیاتو ښه پوه شو.

دا څرګندونې د بهرنیو چارو وزیر انټوني بلینکن له هغو څرګندونو یوازې درې ورځې وروسته راپورته کیږي، چې امریکا په افغانستان کې د سیاسي جوړجاړي او هر اړخیز اوربند ملاتړ کوي.

د شنبې پر ورځ د ملي پخلاینې عالي شورا د مشر او د امریکا د بهرنیو چارو وزیر بلینکن تر منځ  ټیلیفوني خبرې شوي دي.

د امریکا بهرنیو چارو وزیر ویلي: امریکا د یو ښه او تلپاتي سیاسي جوړجاړي او دایمي  پرمختګه ملاتړ کوي.

عبدالله ویلي، چې په دې خبرو کې د افغانستان وضعیت او د افغانستان د سولې د بهیر پر ګړندي کولو خبرې شوې وې.

Continue Reading

تازه خبرونه

طالبانو په خپلو پوځي لیکو کې پر بهرنیو جنګیالیو بندیز لګولی

Ariana News

خپور شوی

په

توسط

(Last Updated On: February 24, 2021)

د طالبانو پوځي کمیسیون خپلو ټولو جنګیالیو ته سپارښتنه کړې، چې په خپلو پوځي لیکو کې د بهرنیو جنګیالیو د تګ او راتګ او د هغو له ساتلو ډډه وکړي.

د طالبانو په اعلامیه کې، چې آریانا نیوز ته رارسېدلې راغلي؛ هیڅوک نشي کولی، چې بهرني جنګیالي په خپلو لیکو کې پټ وساتي او یا پناه ورکړي.

د طالبانو د پوځي کمیسیون د څرګندونو له مخې؛ که هر چا دا کار وکړ او ولایتي مسوولین ترې خبر شول؛ نو له دندې به لرې، ګروپ او ډلګی به یې لغو او د وروستۍ جزا لپاره به پوځي کمیسیون ته وروپېژندل شي.

دا څرګندونې له هغې وروسته راپورته شوې، چې د سې شنبه پر ورځ د افغانستان پوځي چارواکو ادعا وکړه، چې د کندهار د ارغنداب ولسوالۍ په پوځي ډګرونو کې له دولتي ځواکونو سره د طالبانو تر څنګ القاعده، پاکستاني او چیچنیايي وسلوال هم جنګیږي.

پوځي چارواکو ویلي وه: هغه نښې نښاني، چې د دې ولایت د ارغنداب ولسوالۍ په څلور میاشتنۍ جګړه کې په لاس ورغلي؛ ښيي، چې له طالبانو سره د القاعده تر څنګ پاکستاني او چیچنايي وسلوالو هم په جګړه کې عملي برخه اخیستې ده.

دغه راز د دفاع وزارت د څرګندونو له مخې؛ د روانې اوونۍ د یکشنبې پر شپه د دې ولایت په ارغستان ولسوالۍ کې د عملیاتو پرمهال د ۴ پاکستانیو اتباعو په ګډون لس طالب جنګیالي وژل شوي دي.

طالب ویاند ذبیح الله مجاهد دا راپور رد کړی او څرګندوي، چې د دوی تر څنګ په پوځي ډګرونو کې هیڅ پاکستاني اتباع جګړه نکوي.

د امریکا او طالبانو د تړون له مخې؛ طالبان اړ دي، چې له القاعده او داعش ته د ورته ډلو سره خپلې اړیکي پای ته ورسوي.

Continue Reading

Trending

آریانا نیوز: ټول حقونه خوندي دي