Connect with us

سوداگري

افغانستان په ۱۳۹۹ لمریز کال کې له دوه میلیون لیتره ډېرې شیدې تولید کړي

Ariana News

خپور شوی

 په

(Last Updated On: April 11, 2021)

د کرنې، مالدارۍ او اوبو لګولو وزارت ویلي، چې په ۱۳۹۹ لمریز کال کې د ټول هېواد په کچه له دوه میلیون لیترو ډېرې شیدې تولید شوې دي.

دغه وزارت زیاته کړې چې: د ۱۳۹۹ لمریز هجري کال په بهیر کې  دوه میلیون و یو سلو اویا زره ۹۷۳ لیټره شیدې تولید شوې دي.

د کرنې وزارت د څرګندونو له مخې؛ د دې شيدو ډېره برخه په فاریاب، بغلان، تخار، میدان وردګ، هرات ، بلخ، کندهار، کندوز او سمنګان ولایتونو کې تولیدیږي.

د کرنې وزارت زیاته کړې، چې په ټول هېواد کې د غواګانو د شیدو  یو زر و ۸۱۹  فارمونه جوړ شوي دي.

دغه وزارت په ډاګه کړې، چې په کندهار ولایت کې د فارمونو شمېر ډېر دی او له کندهار وروسته هرات، کابل، ننګرهار، پکتیا، غزني او لغمان ډېر فارمونه لري.

د افغانستان د کرنې وزارت ویلي؛ مونږ په کال کې  ۲.۹ میلیون لیټره شیدو ته اړتیا لرو او نږدې یو میلیون لیټره واردوو.

د دغه وزارت د څرګندونو له مخې؛ افغانستان د غواګانو د روزلو ښه وړتیا لري، چې دا مهال شاوخوا څلور میلیون غواوې او شاوخوا ۲۰ میلیونه وزې او پسونه لري.

تازه خبرونه

په زابل کې به د اوبو څلور لوی بندونه جوړ شي

Ariana News

خپور شوی

په

توسط

(Last Updated On: May 14, 2021)

د زابل چارواکو ویلي، چې په دې ولایت کې به د اوبو څلور لوی بندونه جوړ شي.

د  سیمه ییزو چارواکو د څرګندونو له مخې؛  د کرني د ودې او اوبو د راګرزولو لپاره یې د څلور لویو بندونه د جوړیدو لپاره لومړنۍ سروې ترسره کړې، چې له جوړیدو سره به یې په دې ولایت کې کابو ۴۰ میلیون متره معکبه اوبه مهار او ۳۶ زره جریبه ځمکه خړوبه شي.

د زابل والي احمد ګل رسولي ويلي، چې د دغو بندونو له جوړیدو سره به ۷۷ میګاواټه برښنا تولید شي.

د زابل ولایت د اوبولګولو مشر ويلي، چې دغه بندونه د کلات ښار او د زابل په یو شمېر نورو ولسوالیو کې د ۱۳۲ میلیون افغانیو پر لګښت جوړېږي.

د دې ولایت یو شمېر اوسیدونکيو او کروندګرو ويلي؛ زابل ته په تېرو شل کلونو کي د بندونو د جوړیدو کارندي شوي، چې د وچکالیو له کبله یې اوس کروندې او باغونه وچ شوي دي.

دوی غواړي، چې دولت دې د اوبو بندونو په اړه دې ولایت ته ځانګړې پاملرنه وکړي.

ولسمشر ژمنه کړې، چې د هېواد د اووه کنټرولو هڅې روانې دي او بندونه جوړول به  ډېر شي.

د اوبو د تنظیم ادارې چارواکو تېره میاشت ویلي وه، چې په ټول هېواد کې به د ۴۴ بندونو د جوړولو کار ژر پیل شي.

د دې دفتر د چارواکو د څرګندونو له مخې، د دې بندونو د سروې کارونه او پلانونه وروستي شوي او د افغانستان په لاندې ۲۱ ولایتونو کې به جوړ شي:

په روزګان ولایت کې د آغا جان بند،

په زابل کې د میزان، مارکوک، آجا او علاوالدین کلي،

په غزني کې د زردآب، چارد او ملا چراغ،

په میدان وردګ کې  درنه جوی، ګرومبي، ګربات، جلریز

په پکتیکا کې ګومل ، دوه یم ګومل، زمه، میرزا کلی،

په خوست کې دومنده،

په لوګر کې د خروار،

په پکتيا کې سورۍ خولۍ،

په سرپل کې د سلطان ابراهیم او سوځېدلې کلا،

په فاریاب کې د المار او خشت پُل،

په سمنګان کې د روستای آب،

 په نورستان کې کانتیوا او کله ګوش،

په کندهار کې د لواري د اوبو بند،

په بادغیس کې د شورې بند،

په تخار کې د ورسج  او سوچه ماغ ،

په بامیان کې د دهنه محمد ګیچه،

په دایکندي کې دره بمسیر،

په کونړ کې شینه، زردګ بام، خیر میډانک، نورګل او قطا قلا،

په ننګرهار کې د پینګ زیان،  شرسته دره او سور بند،

په غور کېبزبان،

په پروان کې تلخک بند او په لغمان کې د وطن ګیټ بندونه دي.

د اوبو د تنظیم ادارې ویلي، چې دا بندونه به د ۱۲۰۰ مټرمکعب اوبو د زیرمه کولو وړتیا ولري.

د دې ادارې په وینا، د دې بندونو د اوبو له کارولو سره به ۳۲۰۰۰۰ هکتاره کرنیزه ځمکه خړوبه شي.

 

Continue Reading

سوداگري

په ننګرهار ولایت کې د تالک ډبرو صادرات بیا پیل شول

Ariana News

خپور شوی

په

توسط

(Last Updated On: May 10, 2021)

د سوداګرۍ او صنایعو وزارت پرون (یکشنبه د غویی ۱۹) څرګنده کړې، چې په ننګرهار ولایت کې د تالک ډبرو له لوی کان څخه د دې ډبرو د صادارتو لړۍ بیا پیل شوې ده.

دغه وزارت زیاته کړې، چې له ننګرهار ولایت څخه تېره میاشت په زرګونه ټنه تالک ډبره صادره شوې، چې ترې سل میلیون افغانۍ عواید ترلاسه شوی دی.

تالک په فابریکو کې د کاغذ، پلاستیک، رنګ، کیبل او نورو توکو په جوړولو کې کارول کیږي؛ خو تېر کال یې بهرنی صادرات ودرول شول.

دې وزارت ویلي، چې په ننګرهار ولایت کې د تالک ډبرو ۳۷ کارخونې شته، چې له ۵۰۰۰ څخه ډېرو کسانو ته یې د کارزمینه برابره کړې ده.

د صنعت او سوداګرۍ وزارت د څرګندونو له مخې؛ دا ډبرې پاکستان، هندوستان، تاجکستان، قزاقستان، ازبکستان او جرمني ته صادریږي.

د یادونې ده، چې د تاک ډبرو کانونه په کندهار، کابل ، وردګ، لوګر، کونړ، خوست، کاپیسا او پروان ولایتونو کې هم شته.

Continue Reading

سوداگري

په افغانستان کې د زعفرانو د پروسس ۳۸ مرکزونه جوړیږي

Ariana News

خپور شوی

په

توسط

(Last Updated On: April 27, 2021)

د کرنې مالدارۍ او اوبو لګولو وزارت څرګنده کړې، چې په روان لمریز کال کې به د هېواد په اووه ولایتونو کې د زعفرانو د پروسس ۳۸ مرکزونه جوړ شي.

دغه وزارت په ډاګه کړې؛ دغه مرکزونه به په هرات، غزنی، سرپل، کندوز، بلخ، فاریاب او دایکندي ولایتونو کې جوړ شي.

د کرنې وزارت ویلي، چې د دې مرکزونو جوړول به د زعفرانو په حاصل، کیفیت او ارزښت لوړولو کې مرسته وکړي. زعفران د افغانستان یو له خورا غوره صادراتي محصولاتو څخه شمېرل شوی دی.

د نړۍ په بازتارونو کې یو کیلو زعفران تر ۱۰۰۰ امریکایي ډالرو پورې پلورل کیږي.

د کارپوهانو د څرګندونو له مخې؛ زعفران د کوکنارو کښت لپاره غوره بدیل ګڼل کیږي ، چې په دې وروستیو کې یې په افغانستان کې پراخه وده کړې ده.

Continue Reading

Trending

آریانا نیوز: ټول حقونه خوندي دي