Connect with us

لوبی

افغانستان د ۲۰۲۳ آسیا جام غوراوي سیالیو وروستي پړاو ته لار وموندله

Ariana News

خپور شوی

 په

(Last Updated On: June 16, 2021)

له هغې وروسته، چې بحرین هانک کانګ ته څلور پر صفر ماته ورکړه؛ افغانستان د آسیا جام پای لوبې ته لار وموندله.

د هېواد فوټبال ملي لوبډلې هیله درلوده، چې نړیوال جام او آسیا جام د غوراوي سیالیو پایلوبې ته پر هند له بري وروسته نېغه لارومومي؛ خو د سې شنبې پر شپه یې لوبه یو پر یو له هند سره مساوي پای ته ورسېده.

لومړی هندوستان د اویس عزیزي پر ګول وهنه مخکې شو؛ خو بیا ملي لوبډلې په ۸۱ دقیقه کې د حسین زماني پر ګول وهنه لوبه مساوي کړه.

له دې پایلې سره ملي لوبډله د بحرین او هانګ کانګ پایلو ته په تمه شوه.

بحرین هانک کانګ ته د څلور پر صفر ماته ورکړه او افغانستان د غوره څلور لوبدلو په نوملړ کې راغلو او له هندوستان سره یوځای یې د آسیا جام سیالیو وروستي پړاو ته لاره وموندله.

د آسیا جام د وړتیاوو په درېیم او وروستي پړاو کې د دوه یمو ګروپونو لوړ امتیاز لرونکې څلور لوبډلې، د درېیمو ګروپونو اته لوبډلې، د څلورمو ګروپونو څلور لوبډلې، چې لوړ امتیازونه لري؛ د پایلوبو اته ګتونکې لوبډلې به یو له بل سره مخامخ ولوبیږي، چې پدې توګه د آسیا جام پایلوبې ته ۱۲ غوره لوبډلې لار ومومي.

د لوبډلو تر منځ پچه به د اکتوبر په میاشت کې اچول کیږي او تمه ده، چې د دې پړاو لوبې د ۲۰۲۱ کال د نومبر پر ۱۱پیل شي.

د ټوکیو ۲۰۲۰ المپیک لوبې

په توکیو ۲۰۲۰ سیالیو کې افغان نښه ویشتونکی له بل پړاوسیالۍ بې برخې شو

Ariana News

خپور شوی

په

توسط

(Last Updated On: July 25, 2021)

د افغانستان ملي نښه ویشتونکي مهدي یاوري نن سهار یکشنبه د کابل پر وخت اته نیمې بجې له خپلو سیالانو سره د سیالۍ ډګر ته ورودانګل او د ۶۰۱.۴ امتیازونو پر تر لاسه کولو د لوبې له نورو پړاوونو ووت.

هغه، چې د اتم کس په توګه سیالي پیل کړې وه؛ له ۴۶ سیالانو سره په سیالۍ کې بریالی نشو، چې د ۱۰ مټریزه واټن پر ویشتلو ټاکل شوی امتیاز تر لاسه کړي.

د سیالۍ په پای کې له چین څخه یانګ، د امریکا کوزینیسکي او شانیر، له سلواکیا څخه جاني پاتریک، له ترکیې څخه آګکان، له روسیې څخه ماسلینیکوف، له هنګري پینی او له چین څخه شینګ لیهائو بریالي شول، چې د سیالۍ بل پړاو ته وردننه شي.

د نن ورځې د سیالۍ په پای کې د چین یانګ د ۶۳۲.۷  امتیازونو پر تر لاسه کولو د اړوند المپیک سیالیو د دې پړاو ریکارډ مات کړ. دغه ریکارډ د ۲۰۱۶ زېږدیز کال د اګست پر ۸ ایټالیاوي کامپریاني د ۶۳۰.۲ امتیازونو پر لرلو خپل کړی و.

دا لومړی ځل دی، چې افغانستان د نښه ویشتو په سیالیو کې برخه واخیسته.

د ټوکیو ۲۰۲۰ المپیک لوبې نړیوال مراسم د جمعې پر ماسپښین پیل شوي او د اګست تر اتمې به روانې وي.

په دې مراسمو کې د آریانا او آریانا نیوز راډیو او ټلویزیوني شبکو، بیات پاور او د افغان بېسیم مخابراتي شبکې لوی مشر احسان الله بیات د ځانګړي میلمه په توګه د هېواد له المپیک کاروان سره مل و.

دغه لوبې به د توکیو د ملي لوبغالي د ۴۲ ځایونو پر کوربتوب په ۵۰ څانګو کې  د ۲۰۴ هېوادونو د ۱۱ زره  ۹۰ لوبغاړیو په ګډون ۳۳  لوبې د ۱۷ ورځو لپاره تر سره شي.

په المپیک لوبو کې د افغانستان د تکواندو، اتلتیکونو، لامبو او نښه ویشتنې د څلور څانګو پېنځه استازيو ګډون کړی دی.

د یادونې وړ ده، چې دا سیالۍ په افغانستان کې د آریانا نړیوال ټلویزیون لخوا په قانوني او ژوندۍ بڼه خپریږي.

Continue Reading

د ټوکیو ۲۰۲۰ المپیک لوبې

د کرونا تر چتر لاندې د ټوکیو ۲۰۲۰ المپیک لوبې پیل شوې

Ariana News

خپور شوی

په

توسط

(Last Updated On: July 24, 2021)

نن جمعه د زمري لومړې له غرمې وروسته د ټوکیو په ملي لوبغالي کې د ۲۰۲۰ المپیک لوبې، چې د کرونا ویروس د خپریدو له کبله سږکال ته ځنډول شوې وې؛ پیل شوې.

د المپیک لوبو د ۳۲ ننداریزو مراسمو په شپږم کاروان کې د تکواندو ملي فډراسیون لوبغاړي فرزاد منصوري او د اتلتیک څانګې لوبغاړې کیمیا یوسفي د افغانستان رپی ورپولو.

په دې مراسمو کې د آریانا او آریانا نیوز راډیو او ټلویزیوني شبکو، بیات پاور او د افغان بېسیم مخابراتي شبکې لوی مشر احسان الله بیات د ځانګړي میلمه په توګه د هېواد له المپیک کاروان سره مل و.

دغه لوبې به د توکیو د ملي لوبغالي د ۴۲ ځایونو پر کوربتوب په ۵۰ څانګو کې  د ۲۰۴ هېوادونو د ۱۱ زره  ۹۰ لوبغاړیو په ګډون ۳۳  لوبې د ۱۷ ورځو لپاره تر سره شي.

په المپیک لوبو کې د افغانستان د تکواندو، اتلتیکونو، لامبو او نښه ویشتنې د څلور څانګو پېنځه استازيو ګډون کړی دی.

د یادونې وړ ده، چې دا سیالۍ په افغانستان کې د آریانا نړیوال ټلویزیون لخوا په قانوني او ژوندۍ بڼه خپریږي.

Continue Reading

لوبی

آریانا ټلویزیون د توکیو ۲۰۲۰ المپیک لوبو د خپراوي حق ترلاسه کړ

Ariana News

خپور شوی

په

توسط

(Last Updated On: July 21, 2021)

آریانا ټلویزیون په افغانستان کې د توکیو ۲۰۲۰ المپیک سیالیو د خپرووي حق ترلاسه کړی دی.

نوی لاسلیک شوی تړون به په میلیونونه افغانان د آریانا ټلویزیون او آریانا راډیو (۹۳.۵) سره مل کړي، چې په راتلونکیو درې اوونیو کې د نړۍ د لوبو ترټولو سترې پېښې وګوري.

دا لوبې که څه هم لوبی د کرونا ناروغۍ له کبله یو کال وځنډیدې؛ خو د توکیو ۲۰۲۰ المپیک د رسنیو لپاره تر ټولو اغېزمنه پېښه اعلان شوه. د سپورت مینه وال به وکړای شي، چې د لوبو له پراخې لړۍ څخه درې اوونیز خوند واخلي.

آریانا ټلویزیون به د جمعې پر ورځ (د چنګاښ پر ۳۱) د ماسپښین له درې بجو څخه د مازیګر تر شپږنیمو بجو او په راتلونکې اوونۍ کې به د سهار له نهه څخه د مازیګر تر څلورنیمو بجو په ژوندۍ بڼه د تکوانډو، سوک وهنې او بسکیټبال لوبې تر پوښښ لاندې ونیول شي.

همدارنګه د یکشنې پر ورځ به د مصر او ارجنټاین ترمنځ د فوټبال لوبه د غرمې پر ۱۲ خپره شي او دغه راز به درې نیمې بجې د آلمان او عربستان تر منځ لوبې په ژوندۍ بڼه خپرې شي.

د توکیو ۲۰۲۰ المپیک لوبو ژوندی پوښښ به د اګست تر ۸ \ د زمري تر  ۱۷ \ روان وي او د پای مراسم به د مازیګر پر دوه بجو او پېنځه څلوېښت دقیقو پیل شي.

د لوبو مهالوېش به د ټوکیو ۲۰۲۰ المپیک سیالیو له پیل مخکې په اوبپاڼه کې خپورې شي او د نورو تازه معلوماتو لپاره زمونږ اوبپاڼه وګورئ.

دا په داسې حال کې ده، چې سږکال به په ملي لوبډله کې پېنځه لوبغاړي؛ څلور نرینه، یوه ښځه او د کډوالۍ له لوبدلې درې نور افغانان د افغانستان پر استازیتوب ولوبیږي.

Continue Reading

Trending

آریانا نیوز: ټول حقونه خوندي دي