Connect with us

تازه خبرونه

افغانستان د کرونا ۳۴۱۹۴ پېښې او ۹۷۱ مړي لري

Ariana News

خپور شوی

 په

(Last Updated On: July 10, 2020)

عامې روغتیا وزارت ویلي، چې په افغانستان کې پر کرونا ویروس د اخته کسانو شمېر ۳۴۱۹۴ رسیدلی او له همې ناروغئ ۹۷۱ ناروغان مړه شوي دي.

د دغه وزا رت د څرګندونو له مخې؛ په تېرو څلیریشت ګړیو کې د دې ویرړس ۲۸۶ مثبتې پېښې ثبت شوي، چې۸۳ يې د کابل، ۸۱ د هرات، ۹ د بلخ،  ۳ د ننګرهار، ۳۰ د بامیان، ۵ د تخا، ۳ د بغلان، ۳۰ د بادغیس، ۲ د لوګر، ۵ د کندوز، ۲ د پروان، ۱۶ د دایکندي، ۳ د میدان وردګ،  ۱ د لغمان، ۲ د پنجشېر او ۱۳ د غور ولایتونو دي.

دغه راز په تېرو ۲۴ ګړیو کې پر کرونا اخته ۱۲ ناروغان مړه شوي، چې ۱۰ په کابل او یو، یو په میدان وردګ او تخار ولایتونو کې دي.

یاد وزارت دا هم ویلي، چې په تېره یوه شپه او ورځ کې له کرونا ۴۱ کسان رغیدلي او له روغتونونو څخه کورونو ته رخصت شوی او په ټول هېواد کې ۲۰۸۸۲ زوغ شوي دي.

، چې د نړیوال بانک مدیره پلاوي نن په افغانستان کې د کوويد-۱۹ وبا د اقتصادي او ټولنیزو اغېزو سره د مقابلې، زیانمنونکیو خلکو ته د آسانتیاوو برابرولو او له خصوصي تشبثاتو څخه د ملاتړ په موخه د ۲۰۰ میلیون امريکايي دالرو پر ارزښت د وړیا مالي مرستې یوه بسته تصویب کړه.

په اعلامیه کې راغلي؛ دغه وړیا مالي مرسته، چې ( په افغانستان کې د کوويد-۱۹ ناورين ته د ځواب وینې لپاره د پاليسيو د پراختيا پروګرام ) په چوکاټ کې لګول کیږي ۱۰۰ میلیون امريکايي دالر يې د نړیوالې پراختيا ادارې، چې تر ټولو بېوزله هېوادونو ته د نړیوال بانک د مالي مرستو برابروونکی اداره ده او ۱۰۰ میلیون نور يې د افغانستان د بیارغونې صندوق ته، چې مدیریت یې د ۳۴ هېوادونو او نړيوالو مرستندویو ټولنو په استازولۍ نړیوال بانک پر غاړه لري؛ لخوا ورکول کېږي.

تازه خبرونه

طالبانو د ” افغان شموله اسلامي نظام ” پر جوړولو ټینګار څرګند کړ

Ariana News

خپور شوی

په

توسط

(Last Updated On: May 9, 2021)

طالب مشر شیخ هبة الله اخندزاده د کوچني اختر په مناسبت په خپل  پیغام کې له هېواده د بهرنیو ځواکونو له وتلو وروسته د “افغان شموله اسلامي نظام” پر جوړولو ټینګار کړی دی.

هغه څرګنده کړې؛ مونږ خپل ټول ولس ته ډاډ ورکوو، چې د بهرنیو ځواکونو له وتلو وروسته یو داسې افغان شموله اسلامي نظام رامنځته کیږي، چې ټولې پرګنې به په کې د خپل اهلیت او استعداد په بنا ځان ویني، د هیچا پر حقه حقوقو به تېری نکیږي.

هغه دغه راز له افغانانو غوښتي، چې د یو سوکاله، پرمختللي هېواد او افغان شموله اسلامي دولت د لرلو لپاره دې د هېواد په بیا جوړونه کې برخه واخلي.

نوموړي له افغان حکومتي مشرانو غوښتي، چې د جګړې د دوام لپاره هیڅ ډول هڅې ونکړي.

 هغه ویلي؛ طالبان او مخالفین باید د اسلامي احکامو پر بنسټ راټول شي او له توپیرونو او تعصبونو ډډه وکړي.

په دې پیغام کې دا هم راغلي: د اسلامي امارت غېږه د ټولو افغانانو لپاره خلاصه ده.

طالب مشر څرګنده کړې: مونږ باید شخصي ګټې او ارمانونه پریږدو، اسلامي ارزښتونه او ملي ګټې د معیار په توګه وټاکو او یو بل ته د بخښنې او شفقت له لارې یو قوي او متحد ملت شو.

نوموړی وایي: مونږ ته مذاکرات او تفاهم اولویت لري؛ له همدې کبله مو د مذکراتو لپاره قوي مذاکراتي ټیم موظف کړی، چې له مقابلو جهتونو سره بین الافغاني مذاکرات پرمخ یوسي؛ خو بالمقابل د کابل ادارې بار بار له مختلفو لارو څخه هڅې کړې او کوي یې، چې روان سیاسي جریان سبوتاژ کړي.

هغه دا هم ویلي: اسلامي امارت د ټولو عام المنفعه پروژو، تأسیساتو او اماکنو ساتنه او حمایت کوي، د لاقوت، پراختیا او پرمختګ لپاره يې هڅه او کوښښ کوي، ټولو مجاهدینو او په عموم کې ټولو هیوادوالوته هم سپارښتنه کوي چې د عام المنفعه ځایونو کلکه څارنه، ساتنه او پالنه وکړي، چاته اجازه ورنه کړي، چې کوم ځای زیانمن یا تخریب کړي.

هغه وايي، چې طالبان له ښوونیز بهیر ملاتړ کوي او له همدې کبله یې یو کمیسیون هم ټاکلی دی.

هغه پر ملکي تلفاتو هم اندېښنه څرګنده کړې او وایي: په جنګونو کې ملکي خلکوته زیان رسیدل او هغوی تلف کیدل د ډېرې خواشینۍ او تأسف وړ دي. اسلامي امارت د ملکي تلفاتو د مخنیوي لپاره ځانګړی او باصلاحیت کمیسیون لري، مجاهدین او هېوادوال باید له یاد کمیسیون سره هر اړخیزه مرسته وکړي، چې خدای مه کړه په جهادي جریان کې ملکي خلک متضرر نشي. که چاته ضرر رسیدلی وي، تر ممکنه حده جبران شي او په راتلونکې کې د ورته پېښو مخنیوی وشي.

طالب مشر ويلي، چې امریکایانو څو ځلې د دوحې له تړونه سرغړونه کړې؛ طالب بندیان په بشپړ ډول خوشې شوي ندي او د دوی د مشرانو نومونه په تور نوملړ کې پاتې دي.

په دې پیغام کې نوموړی خبرداری ورکوي، چې که واشنګټن خپل مسوولیتونه سرته ونه رسوي؛ نو بیا به د هر ډول ناوړه پایلو مسوول وي.

همدارنګه د افغانستان حکومت او نړیوالو ملګرو یې له جمهوري نظام او ډیموکراټیکو اصولو ملاتړ کړی؛ خو د مالي مرستو دوام یې هم د شرایطو له ډاډمنه کېدو سره نښلولی دی.

حکومت تر دې دمه د طالبانو پیغام ته ځواب ندی ویلی؛ خو حکومتي چارواکو مخکې ویلي وه، چې طالبان په ټولو خونړیو بریدونو کې لاس لري.

Continue Reading

تازه خبرونه

پاکستان د کابل پر سید الشهدا ښوونځي برید وحشیانه وګاڼه

Ariana News

خپور شوی

په

توسط

(Last Updated On: May 9, 2021)

د پاکستان د بهرنیو چارو وزیر شاه محمود قریشي د یکشنبې پر ورځ د کابل ښار پر یوه ښوونځي چاودنې وحشیانه بولي او هغه غندنه او وایي، چې په کې یو شمېر بې ګناه ماشومانو ته مرګ و ژوبله اوښتې ده.

هغه د پرونۍ ورځې د خونړي برید په غبرګون کې، چې لږ تر لږه یې ۵۸ زدکوونکي وژلي او له ۱۵۰ ډېر یې ټپیان کړي ویلي: مونږ د ترهګرۍ پروړاندې په مبارزه کې د افغانستان له خلکو او حکومت سره ودریږو او د افغانستان د سولې، پرمختګ او هوساینې په لار کې ترې خپل ملاتړ روان ساتو.

تر دې دمه کومې هیچا د برید مسوولیت پر غاړه ندی اخیستی؛ حکومت د برید پړه پر طالبانو اچوي؛ خو طالبانو په دې بریدونو کې لاس لرل رد کړي دي.

دغې چاودنو د نړیوالې ټولنې غبرګونونه هم راپارولی دی.

د ملګرو ملتونو عمومي منشي آنټونیو ګوټرس هم دغه برید “وحشیانه ” بولي او کلکه غندنه یې کوي.

هغه څرګنده کړې؛ هغه کسان، چې په دغه “جنایت” کې ښکېل دي باید حساب ورسره وشي.

ګوټرس په افغانستان کې د تاوتریخوالي د پای ته رسولو او د سوله ییزې حل لارې پر ترلاسه کولو هم ټینګار څرګند کړ.

Continue Reading

تازه خبرونه

په کابل کې ښوونځي ته نږدې چاودنو بېلابېل نړیوال غبرګونونه راوپارول

Ariana News

خپور شوی

په

توسط

(Last Updated On: May 9, 2021)

د کابل ښار په برچې کې د سیدالشهدا د نجونو ښوونځي ته نږدې پرونیو درې چاودنو د امریکا، انګلستان، جرمني او ملګرو ملتونو په ګډون د نړیوالې ټولنې غصه راپورته کړې او پر کلکو ټکو یې غندنه کوي.

د امریکا د بهرنیو چارو وزارت څرګنده کوې؛ واشنګټن دا برید “وحشي” بللی او د تاوتریخوالي د سمدستي پای ته رسیدو غوښتنه یې کړې ده.

د یکشنبې د سهارنیو راپورونو له مخې؛ په دې چاودنو کې د مړو شمېر ۵۸ ته لوړ شوی او له ۱۵۰ ډېر ډېر نور ټپیان دي.

دغه پېښه د شنبې د ورځې پر مازیګر هغه مهال رامنځته شوه، چې یو موټر د ښوونځي مخې ته وچاودید او د ښوونځي د نجونو په ګډون یې ډېرو خلکو ته مرګ و ژوبله رامنځته کړه.

د امریکایي بهرنیو چارو وزارت په ډاګه کړې: امریکا په کابل کې د نجونو ښوونځي ته څیرمه دغه وحشیانه برید غندي.

دغه راز ویل شوي، چې امریکا به د افغانستان له خلکو سره مرستې او همکارۍ روانې ساتي.

د افغانستان د کورنیو چارو وزارت د څرګندونو له مخې؛ درې چاودنې له ښوونځي سره نږدې رامنځته شوي؛ لومړی موټر بم برید و، چې ورپسې د دوه چاودیدونکیو توکو چاودنې رامنځتهشوې.

تر دې دمه هیچا د دې چاودنو مسوولیت پر غاړه ندی اخیستی او طالبانو په دغو بریدونو کې خپل لاس لرل ردوي.

د افغانستان ولسمشر محمد اشرف غني طالبان په دې برید کې پړه بولي.

د ملګرو ملتونو عمومي منشي آنټونیو ګوټرس هم دغه برید “وحشیانه ” بولي او کلکه غندنه یې کوي.

هغه څرګنده کړې؛ هغه کسان، چې د دغه “جنایت” مرتکب دي باید حساب ورسره وشي.

ګوټرس په افغانستان کې د تاوتریخوالي د پای ته رسولو او د سوله ییزې حل لارې پر ترلاسه کولو هم ټینګار وکړ.

په کابل کې د انګلستان سفیر الیسن بلیک هم دغه برید غندلی او وایي: ماشومان باید هیڅکله هم د تاوتریخوالي موخه نه وي.

نوموړي دا برید وحشیانه بولي او غندنه یې کوي او وایي هغه کسان، چې مسوول دي؛ باید عدالت ته راکاږل شي او حساب ورسره وشي.

په کابل کې د آلمان سفارت هم څرګنده کړې:  مونږ د سید الشهدا د نجونو پر ښوونځي د پروني تروریستي برید غندنه کوو. د ماشومانو وژنه د افغانستان پر راتلونکي برید دی.

د یونیسف اجرائیوي مشر هنریټا فایرهم  څرګنده کړې، چې د ښوونځیو شاوخوا تاوتریخوالی د منلو وړ ندی.

هغې زیاته کړې: ښوونځي باید د امن ځای وي او داسې ځای وي، چې ماشومان وکولی شي د امنیت او خوندیتوب له احساس سره لوبې وکړي، زده کړې وکړي او ټولنیز شي.

د نوموړې د څرګندونو له مخې، ماشومان باید هیڅکله او په هیڅ ډول شرایطو کې د تاوتریخوالي موخه ونه ګرځي.

یونیسف د جګړې له ښکېلو غاړیو غوښتي، چې د نړیوالو بشري حقونو او بشردوستانه قانون اطاعت وکړي او د ټولو ماشومانو خوندیتوب او امنیت تامین کړي.

دا په داسې حال کې ده، چې یوه لوړپوړي امنیتي چارواکي د نوم د نه ښودلو پر شرط رویټرز ته ویلي، چې ډېري تلفات د سید الشهدا له ښوونځي څخه راوتليو زدکوونکيو ته اوښتي او په روغتونونو کې تر درملنو لاندې دي.

Continue Reading

Trending

آریانا نیوز: ټول حقونه خوندي دي