Connect with us

تازه خبرونه

افغانستان د ټولو توکمي ډلو او ښځو د حقونو ساتنې ته ژمن دی –  مولوي متقي

خپور شوی

 په

(Last Updated On: لړم ۳۰, ۱۴۰۰)

د افغانستان د بهرنیو چارو وزارت چارسمبالي مولوي امیر خان متقي د چارشنبې پر ورځ رویټرز خبري آژانس ته څرګنده کړې؛ د افغانستان لنډمهالی حکومت د ټولو توکمونو او همدارنګه د ښځو او ماشومانو د حقونو په ساتنه کې له لاسته راوړنو برخمن دی.

متقي د چین میډیا ګروپ ته په خبرو کې ویلي، چې لنډمهالی حکومت لا دمخه په دواړو حالاتو کې دا کار کړی دی.

مولوي متقي په ډاګه کړې؛ که د ټولګډونه حکومت معنا د ټولو توکمیزو ډلو شتون وي، نو د افغانستان لنډمهاله حکومت دا کار کړی او هیڅ یو قوم په کې له ګډون پاتې ندی. زمونږ په کابینه کې تاجک، ازبک، پښتانه او نور ډېر قومي استازي شته. که ټولګډونه حکومت د ټولو سیمو د پوښښ معنی ولري، نو مونږ د هېواد له هر ولایت څخه د پنجشېر، بدخشان، فاریاب، کندهار او ننګرهار ولایت استازي لرو.

د رویټرز د څرګندونو له مخې؛ په افغانستان کې د اسلامي امارت د واک د لومړي پړاو پرمهال له ۱۹۹۶ څخه تر ۲۰۰۱ پورې ښځې او نجونې له زدکړې او کار منع شوې وې.

په ۲۰۰۱ زېږدیز کال کې د امریکا تر مشرۍ لاندې له یرغل وروسته میرمنو او نجونو په ښوونځیو او پوهنتونونو کې زدکړې پیل کړې.

د یونسکو په راپور کې راغلي؛ د اسلامي امارت له سقوط سره سم تر ۲۰۱۸ زېږدیز کال پورې ډېر ښوونځي پرانیستل شول او د ښځو د سواد کچه ۳۰ سلنې ته ورسېده.

د اسلامي امارت د دوه یمې واکنۍ د بهرنیو چارو وزارت چارسمبالي شرایطو ته په نغوته کې ویلي؛ لنډمهالی حکومت اوس د ښځینه زدکړو د پرمختګ لپاره هڅې پیل کړې دي.

مولوي متقي وایي: لکه څنګه، چې مونږ ټول پوهیږو په کابل کې د اسلامي امارت له بیا واکمنېدو مخکې ښوونځي د کرونا ویروس له کبله تړل شوي وه. په داسې حال کې، چې مونږ هرڅه له سره پیل کړل. اوس مهال د لومړنيو او منځنيو ښوونځيو ټول نرينه زدکوونکيو زدکړې بيا پيل کړي دي. په ټولو ولایتونو کې له شپږم ټولګي څخه کښته ښځینه زدکوونکیو خپلې زدکړې پیل کړي او په ځینو سیمو کې له شپږم ټولګي پورته زدکوونکیو هم په تدریجي ډول خپل درسونه پیل کړل. دا پدې معنا ده، چې مونږ په دې برخه کې یو څه پرمختګ کړی او زدکړې درول شوې ندي.

د ټولګډونه حکومت جوړول او د توکمیزو ډلو او همدارنګه د ښځو او ماشومانو د حقونو ساتنه د نړیوالې ټولنې لپاره د سترې اندېښنې وړ دي. که څه هم د افغانستان اسلامي امارت د سپټمبر په میاشت کې د افغانستان د لنډمهالي حکومت د جوړولو اعلان په داسې حال کې وکړ، چې له تېر حکومت سره یې اوږده جګړه تازه پای ته رسولې او نوې چارې یې ډاډمنې روانې ساتلې دي

تازه خبرونه

پاکستان بیا هم افغانستان ته له نړیوالې ټولنې د مرستو غوښتنه وکړه

خپور شوی

په

توسط

(Last Updated On: سلواغه ۳, ۱۴۰۰)

د پاکستان لومړي وزیر عمران خان د شنبې پر ورځ یو ځل بیا له نړیوالې ټولنې وغوښتل، چې له افغانستان سره بېړنۍ بشري مرستې وکړي.

عمران خان ټویټ کړی، چې نړلواله ټولنه د ملګرو ملتونو د مسوولیت او ساتنې د اصولو له مخې مکلفه ده، چې د اوږدې جګړې په پایله کې له ستر بشري ناورین څخه د خلکو د ژغورنې لپاره مرسته وکړي.

نوموړی څرګندوي، چې اوسمهال په میلیونونو افغانان د لوږې له خطر سره مخ دي او دا د نړیوالې ټولنې دنده ده، چې بشري مرستې ورته برابرې کړي.

د ملګرو ملتونو ادارو هم خبرداری ورکړی، چې که مرستې ور نکړ شي؛ له ۲۳ میلیون ډېر خلک د لوږې له خطر سره مخ کیږي.

د روانې میاشتې په پیل کې د ملګرو ملتونو ادارو د ۲۰۲۲ زېږدیز کال لپاره د ۴ اعشاریه ۵ میلیارډ ډالرو مرستې غوښتنه وکړه، چې دا د هېوادونو لپاه ترټولو لویه نړیواله غوښتنه ده، چې امریکا ورته د بشري ټولنو له لارې د  ۳۰۸ میلیون ډالرو مرستې ژمنه وکړه.

Continue Reading

تازه خبرونه

د ا.ا.ا پلاوی د بشردوستانه خبرو اترو لپاره په درې ورځني سفر ناروې ته رسېدلی

خپور شوی

په

توسط

(Last Updated On: سلواغه ۳, ۱۴۰۰)

د افغانستان اسلامي امارت استازي د یکشنبې پر ورځ (د سلواغې ۳ ) د بشري ناورین د کمولو په اړه د ناروې په کوربتوب په جوړېدونکې ناسته کې د ګډون لپاره دې هېواد ته ورسیدل.

د تېر کال په زمري میاشت کې د اسلامي امارت له بیا واکمنېدو وروسته د افغانستان میلیونونه خلک نور هم په ژور فقر کې ډوب او ورسره د مرستو نړیوال پروګرامونه نه یوازې په ټپه ودرېدل، بلکې د خواړو خوندیتوب یې هم اغېزمن شو.

د افغانستان اسلامي امارت پلاوی به د مولوي امیر خان متقي پر مشرۍ د سلواغې له درېیمې تر پېنځمې /  د جنورۍ له ۲۳ تر ۲۵ پورې د ناروې د چارواکو په ګډون، د یو شمېر نورو هېوادونو له ډیپلوماټانو او بهر میشتو افغانانو سره وګوري.

د ناروې د بهرنیو چارو وزیر انیکن هویټفیلډ څرګنده کړې؛ دا غونډه د طالبانو ( اسلامي امارت) د مشروعیت یا رسمیت پېژندلو په معنا نده، بلکې د افغانستان د بشري وضعیت د ښه کېدو لپاره یوه هڅه ده؛ خو اړینه ده، چې مونږ د افغانستان له چارواکو سره خبرې وکړو.

د ناروې د بهرنیو چارو وزارت ويلي؛ په دې غونډه کې به د ښځو د حقونو فعالان، ژورنالیستان او هغه کسان، چې د بشري حقونو د خوندیتوب او انساني، اقتصادي، ټولنیزو او سیاسي مسایلو په برخه کې کار کوي هم ګډون وکړي.

د اسلامي امارت د ویاند مرستیال بلال کریمي هم ويلي، دا سفر د ناروې په رسمي بلنه شوی او پر امریکايي او اروپايي چارواکو سربېره به د افغانستان د مدني ټولنې له بېلابېلو برخو سره هم لیده کاته وکړي.

د نړیوالو اړیکو شنونکی عبدالواحد فقیري د دغه سفر په اړه ویلي؛ واک ته له رسېدو وروسته دا اروپا ته د اسلامي امارت د پلاوي لومړی سفر دی، چې د نړۍ له هېوادونو، په ځانګړي توګه اروپا سره د افغانستان د نوې دولت د ډيپلوماټیکو اړیکو په اړه یو مثبت ګام دی.

اروپا ته د اسلامي امارت د استازیو سفر په داسې حال کې ترسره کیږي، چې له دې یوه ورځ مخکې اروپايي ټولنې له پېنځه میاشتني ځنډ وروسته په کابل کې خپل سفارت بېرته پرانیست او څرګندوي، چې د خپلو لږ شمېر کارکوونکیو پر مټ به بشردوستانه چارې بېرته پیل کړي.

Continue Reading

تازه خبرونه

اسلامي امارت که رسمیت پېژندنه غواړي؛ د بشري حقونو درناوی دې وکړي

خپور شوی

په

توسط

(Last Updated On: سلواغه ۳, ۱۴۰۰)

د ملګرو ملتونو سرمنشي انټونیو ګوترش ویلي که اسلامي امارت غواړي، چې د نړیوالې ټولنې لخوا پر رسمیت وپېژندل شي؛ د بشري حقونو درناوي دې وکړي.

انټونیو ګوترش پرون د ملګرو ملتونو عمومي اسامبلې ته په وینا کې ویلي؛ اسلامي امارت باید نه یوازې د ښځو او نجونو حقونو ته پوره درناوی وکړي، بلکې د بشري حقونو په اړه دې مثبت نظر هم رامنځته کړي، چې د نړیوالې ټولنې لخوا پر رسمیت وپېژندل شي او خلک نړیوالې مرستې تر لاسه کړي.

د ملګرو ملتونو سرمنشي په سږني کال کې نړۍ ته د کرونا ویروس د خپرېدا په ګډون له نړیوالې نابرابرۍ، نړیوال مالي بحران، اقلیمي بحران، سایبري بې قانوني او نړیوالې سولې او امنیت ته د پېښېدونکيو ۵ ګواښونو خبر ورکړ، چې پر وړاندې یې د ټولو هېوادونو یووالي ته اړتیا ده.

انټونیو ګوټرش ویلي، چې اوس یوازې د ننګونو لپاره د نوملړ جوړولو وخت ندی؛ مونږ یې باید مخنیوي ته مټې راونغاړو. دا ټولې ننګونې د نړیوالې حکومتدارۍ پر ناکامۍ راڅرخي.

Continue Reading

Trending

Copyright © 2022 Ariana News. All rights reserved!